Er það nokkur furða ?

Ógæfumaður stelur merðmætum fyrir ja kannske nokkrum tugum þúsunda tl að fjármagna ógæfu sína. Oft settur í gæsluvarðhald áður en hann  fær fangelsisdóm eftir lögum . Nú er ég ekki að meina fíkniefnasmygl. Þúsundir manna sjá ekki til sólar vegna skulda sem lög leyfa að séu innheimtar með hörku. En engi lög virðast vera til til að hefta för manna sem eru grunaðir um milljarða króna misferli. Er nokkur furða þó fólkið í landinu sé að missa þolinmæðina. Hvað með siðgæðið.

 

 

Er það bara hinn sauðsvarti almúgi sem á að halda í það. Er hreinlega andsk..... sama hvað skeður. Enginn telur sig vanhæfan. Sóru þessir andsk.... sem sitja í þessari fíflafabrikku við Austuvöll ekki eiða að hafa stjórnarskrána í hávegum  Og af hverju í andsk...... eru ekki STRAX  sett lög til að koma ónothæfum ráðamönnum úr embætti . Af hverju fá sumir ónytungar æviráðningu á meðan röggsamir menn eru með ráðherravaldi hraktir úr starfi. þá er ég ekki að meina Davíð

 

 

Hverjir stjórna þessu aðrir en þessir 63 ruglukollar við Austurvöll Þið voruð kosnir til þess að gera eitthvað  Og hvað hefur skeð.  Akkúrrat ekkert .STÓRT 0 NÚLL SÍRÓ  Hvar er nú Bertilson & co. Af hverju heyrist ekkert í þessum  mönnum nú, um svona lagað. Þessir menn notuðu fólk með ónýtar kastarolur til að koma sér inn fyrir dyrnar.

 

 

Búsáhaldabyltingin hét það víst. Og það sannast það fornkveðna"byltingin étur börnin sín. þau voru étin með húð og hári. Og líkt og kona Jóns skaut sjóðunni með sálinni framhjá Pétri forðum komust þeir í himnaríki  Og nú eru allir vinir þar inni og það lokaðist kjaf...... á þessum andsk.... um leið og dyrnar á fíflafabrikkunni. Þeir seldu sínar sálarskjóður Svo maður telji nú upp að 10 og rói sig aðeins. Þá hefur ekkert skeð nema að milljörðum hefur verið" dælt" í andvana fyrirtæki þessara stór- já ég segi ekki meir.

 

Og ef almenning sem aðeins hefur fengið lengt í hengingarólinni á að horfa upp á að auðmönnum verði gefir upp milljarða á meðan ja þá er ég hræddur um að til átaka komi á hinu svokallaða HÁA ALÞINGI  Það er þá nafnbót  Hið háa hvað ????. Ja svei Og þá verði ekkert háttvirtur eð hæstvirtur notað heldur fífl no þetta og hitt  En nú held ég að sé mál að linni Ég ætla að ljúka nöldrinu í dag með að vitna í stórskáldið frá Skáholti:

 

“Ef boðorðum,sem biblían þér vísar,/þú berð þig eftir slíkt og skrifað er / þá færðu sæti í sölum paradísar / og sjálfan guð við hliðina á þér / En sértu vondur,viljirðu ekki trúa/ á vísan guð og kirkju þessa lands/þá færð þú ekki í fögrum heimi að búa / þá ferður vinur,beint til andskotans

 

Ég er ansi hræddur um að þangað þurfi að fjölga ferðum á næstu árum ef rétt er kveðið. Kært kvödd

Bankastjóra Kaupþings hótað

Sjávarútvegssetur í Vestmannaeyjum

Mér líst vel á hugmyndir sem eldhugarnir Sigmund Jóhannsson og Stefán Runólfsson hafa síðustu vikur viðrað hugmyndir um að koma upp einu allsherjar menningar- og safnahúsi í Vestmannaeyjum.  Eyjatorg kalla Sigmund og Stefán miðstöðina, sem þeir sjá fyrir sér í gömlum húsum Fiskiðjunnar og Ísfélagsins við höfnina í Eyjum. Hugmyndina hefur Stefán kynnt bæjaryfirvöldum, einstaklingum og félagasamtökum í Eyjum og á fastalandinu. Þegar ég var að leysa af sem skipstjóri á Esju 4 komu oft farþegar með okkur.

 Skemmtiferðaskip í Eyjum 

 

Þeir komu oft upp í brú og spurðu út í hvar væri hægt að  sjá eitthvað um  sjósókn og atvinnuvegi fortíðarinnar. Það var oftast fátt um svör. Hingað til Vestmannaeyja koma ja allavega 1 tugur skemmtiferðaskipa á hverju ári. Flestir farþegana er svona gamlingar eins og ég. Sem kannske voru  sjómenn eða fiskverkafólk  Og þannig myndi örugglega frekar vilja sjá hvernig þetta  var framkvæmt hér í gamla daga heldur enn að skoða einhverjar óskiljanlega innrammaðar fíkúrur á vegg. Og ég ætla ekki að gera lítið úr"Gossafninu" ef af verður

 Héldu að Óli á Gæfunni hefði stækkað við sig.

 

Hér í Vestmanna Eyjum hefur hinn ötuli útgerðamaður Þórður Rafn  Sigurðsson fv skipstjóri kenndur við Dalarafn komið sér upp miklu og merkilegu safni af tækjum og tólum sem notuð hafa verið í gegn um tíðina. Fyrir þetta framtak á Rabbi eins og hann er alltaf kallaður miklar þakkir skyldar fyrir . Þótt ungliðarnir í sjómannastéttinni nú segjast sumir ekki skilja svona draslsöfnun skilja þeir það kannske eftir 50 ár þegar tækin sem nú eru hvað nýust í skipunum teljast til drasls. Og vonandi bera menn gæfu til að viðhalda safni Rabba.

 Seldur til niðurrifs..

Hann hét upphaflega Guðbjartur Kristján. En var frægastur undir nafninu Víkingur III. Þetta var síðasta óbreytta eintakið af vertíðar/síldarbátunum sm voru byggðir fyrir okkur í Noregi eftir 1960  Ég hefði viljað sjá brúna og "keysinn" varðveittan á Sjávarútvegssetrinu hér og þá með þess tíma tækjum í brúnni.

Ég talaðu um skemmtiferðaskip sem hingað koma. Um daginn héldu árrisulir að"Óli á Gæfunni"væri búinn að stækka við sig en þeir voru búnir að nudda vel stírurnar úr augunum kom í ljós að þetta var skemmtiferðaskið málað eiginlega sömu litum og Gæfan. Svo er það "bjargvætturinn"Gulli,flökin og snjómoksturinn sem ég mimnntist á í gær.

 

Gulli er kokkur á Smáey og,jæja vegna kvótamálsins vil ég ekki nefna hvað hann gerir fyrir mig. En í vetur eða var það í fyrravetur (þanna sjáið þið Merrildin er ekki alvega að virka enda komnir bara 3 bollar í dag) snjóaði eina nóttina allhressilega. Ég hafði rifið mig upp fyrir allar aldir (um 11 leitið) um morguninn. Þegar ég leit út var eiginlega iðulaus stórhríð. Mig var farið að langa í Merrild 103

 

. Eins og nýkarað folald  

Svo ég hringdi til Torfa á vigtinni og spurðu um veðurfar þarna á lálendinu nær sjónum. Torfi hvað kominn dúr í hríðna og búið að ryðja helstu aðgönguleiðrnar til að nálgast kaffið. Ég druslaðist í leppana miklandi fyrir mér skaferí og snjóruðning af bílnum. Allslag hugsanir um hjartaveilu veikt bak og og veit ekki hvað flaug um hugann.,meðan ég lufsaðist í leppana. Ég var óvanalega lengi að troða mér í sokkana. Svo var hugurinn hertur upp og skundað á vit snjóhreinsunarörlaganna. En viti menn stendur ekki billinn sem ég hélt þakinn 20-30 cm snjólagi með tilheyrandi þarna svo eldrauður að það hreinlega skar í augunn. Og mér flaug í hug folald sem merin er búinn að kara.

 Vinir á Vigtinni.

Ég held á ég hafi ekki verið með lúsugt hár undanfarin ár en hafi ein lumast einhverstaðar hefur hún orðið bráðkvödd á stundinn. Vinur minn Gulli hafði þá verið staddur á viktinni er Merrldistinn hringdi. Skaust á jeppanum heim til mín,hreinsaði af bílnum og mokaði frá honum. En því hafði ég mest kviðið fyrir. Því einusinni festi ég bílinn og ætlaði að hringa í lögguna hér í Eyjum en lenti 112 og þurfti endilega að álpa því út úr mér að ég væri hjartasjúklingur. Þeir á 112 báðu mig um að helst ekki taka fleiri spor og  bíða hjálpar. En ég átti tíma hjá Hirti  hjartalækni hér og var að verða of seinn. En slíkir tímar vaxa ekki á trjánum og ég var búinn að bíða nokkuð lengi eftir honum. Þetta endaði með að annar hjartasjúklingur og nágranni Guðjón Már mokaði þannig til að ég slapp. Guðjón spurði mig svo þegar ég kom heim:"Hvern andskotan hringdurðu maður"?

 Huginn eitt af öflugustu skipunum í eyjaflotanum.

 

Ég hafði óvart sett heilmikið batterí af stað. En hvað um það. Með fyrirhuguðu setri þeirra félaga Simundar og Stefáns og safni Rabba sé ég hreinlega fyrir mér Vestmannaeyjar í fararbroddi í varðveislu á munum tengdum sjávarútvegi. Sem eiga eftir að skapa hinn mikilvæga gjaldeyri meðfram þeim miklu gjaldeyris sem Eyjamenn afla"to day Svo er bara að drekka meira kaffi til að hausinn virki . En hvaða tegund ?

 Til að hausinn virki.

Kært kvödd

Aukin aðsókn að Selasetri

Vestmannaeyjar líka

Mér finnst satt að segja Vestmannaeyjar blómstra líka þrátt fyrir kreppuna. Sjómennirnir eru aftur komnir á blað sem aflendur gjaldeyris og þá hlýtur 101 elítan að fara að líta til þeirra. Allavega gefa þeim auga. Og hér í Eyjum verða verðmætin til svo að það fáist allavega eitthvað uppí listamannalaunin.

 GREEN ATLAntic  ex Jökulfell að lesta sjávarafurðir.

Það er allavega tvennt sem ég hrósa happi yfir í lífinu. Það er þegar ég sagði upp hjá Bakkusi og þegar ég fluttist hingað til Eyja þegar minni útrás lauk.

 Framnes að lesta sjávarafurðir 

Eftir krabbaaðgerð og með hjartaveilu.Það er hreint með ólíkindum hvernig Eyjamenn hafa tekið á móti mér. Eftir að hafa farið algeran kollhnís og með lappirnar til himna hvað fjármál varðar. Og stundum þakka ég þeim"þarna uppi" milliliðalaust fyrir stöðu mína. Um daginn stíflaðist hjá mér eldhúsvaskurinn.

 Ég hringdi í drullusokk no 1 

Nú þá var ekkert annað en að hringja í "Drullusokk no 1" Og kom hann um leið. Enda vel til "reiðar" hafður. Og ekki lengi losa stífluna enda vanur allslags "rörbútum" Í sannleikanum er hér um að ræða Tryggva Sigurðsson yfirvélstjóra á m/b Frá VE. En Tryggvi er félagi no 1 í mótorhjólaklúbb sem kalla sig "Drullusokka"

 Drullusokkur no 1 Alias Tryggvi Sigurðsson

Tryggva er margt til lista lagt en hæst bera frábær skipslíkön eftir hann. Ég tek mér bessaleifi til að birta hér nokkur:

Þarna eru m.a m/b Helgi Helgason. m/b Blátindur b/v Austfirðingur m/b Helgi og  v/b Glófaxi og b/v Surprise. Mér sem gömlum sjóara og áhugamanni um að varðveita eitthvað sem minnir á gamlan tíma til sjós finnst satt að segja að það ætti að setja Tryggva á listamannalun því ef þetta er ekki list þá má andsk..... frjósa í helv.... mín vegna.

 Hafursey nýjasti báturinn í Eyjaflotanum.

 

En þetta fólk sem kennir sig við listir verða að teikna einhverjar óskiljanlegar fígúrur og yrkja eittvað sem svona gamall þverhaus botnar ekkert í. Enda vill þetta lið sennilega vera laust við svona gamla helv.... nöldrara. Það er allavega betur alið en þeir,.

Ég var að lesa einhverstaðar að kaffidrykkja væri góð fyrir heilabúið í okkur gamlingunum. Ég sníki svona 5-6 bolla af Merril 103 af Torfa á viktinni 5 daga vikunnar. En samt man ég aldrei nokkurn skapaðan hlut. Ég lenti stundum í standandi vandræðum kominn fram í eldhús að muna hvern fjandan ég væri að vilja þangað. Skyldi Gevalía kannske passa betur fyrir litla heila ?

Ekki veit ég.Var ekki einusinni sagt:"Kaaberkaffið bætir hressir og kætir Kaffiradarinn minn

Ég segi ykkur seinna af Gulla  fiskflökunum og snjómokstrinum. Læt þetta nægja í bili. Og nú syngur maður bara:"Það á að gefa gömlum gras að o.sv fr".Kært kvödd

Reykhólar blómstra í kreppunni

Hækkun í hafi !!!

Það er fleira sem getur hækkað í hafi en súrál. Sakaði ekki Hjörleifur Guttormsson þv( 1981)iðnaðarráðherra Alusuisse um hækkun á súráli til ÍSAL í hafi á sínum tíma ? Í vetur las ég að 210 milljónir hefðu breytst í 650 milljónir á leiðinni til Kína. Í sambandi við fyrirhugaða heimsýningu 2010

 

Eða þannig í febr 2009 :"Fram kemur í frétt China Daily, að þátttökugjald í sýningunni er 40 milljónir juan, sem er jafnvirði 650 milljóna króna. Fram kom hins vegar í desember, að áætlað er að kostnaður Íslands vegna sýningarinnar verði um 210 milljónir króna og verður kostnaðurinn borinn af ríki, borgarstofnunum og atvinnulífi.

Heimssýningin verður haldin frá 1. maí til 31. október 2010 undir yfirskriftinni „Betri borg - betra líf“. Gert er ráð fyrir að 70 milljón gestir sæki sýninguna að þessu sinni. Alls hafa 185 ríki og 46 alþjóðastofnanir skrifað undir samninga um þátttöku."

 

Og heimurinn gapir af undrun yfir þáttöku hins eiginlega gjaldþrota ríkis Íslands. Já þeir skí.. ekki með því skráþurru í landinu því. Kært kvödd 

Telja dún hafa sexfaldast „í hafi“

Fermingagjöfin fokin!!!

Jæja þarna flaug bankabókin með heilum 100 kr (á þávirði) sem afi minn gaf mér í fermingagjöf 1952. Alltaf er maður að tapa. En sem gamall Borgnesingur sem óst það upp þegar Magnús afi Jóhanns Hjartarsonar stórmeistara í skák var þar sparisjóðsstjóri og með að mig minni Hjört son sinn sem eina starfsmann spyr einfaldlega:"Hvernig í húla helvíti getur svona skeð. Hvernig getur sparisjóður í ekki stærra kauptúni tapað svona fúlgu:"

 

 

"21,2 milljörðum á síðasta ári og var eigið fé sparisjóðsins neikvætt um 15,1 milljarð samkvæmt efnahagsreikningi og eiginfjárhlutfall neikvætt um 32,1% hjá samstæðunni"

1 okt í ár verða 96 ár síðan 5 ára drengur Sigurður Bachmann lagði inn 5 krónur sem 1sti viðskiftamaður SM. Sigurður sem var sonur Guðjóns Bachmann vegavinnu verkstjóra gerðist síðar sjómaður og sigldi um árabil hjá Eimskipafélagi Íslands sem líka er búið að keyra til andsk.....

 

1917 lágu heilar 150.000 inni á bókum í SM. Nú sem fv inneignareigandi hlýt ég að spyrja:"ganga þessir andsk..... menn lausir sem gerðu þetta"   Ég held að sá gamli þarna uppi sé hættur að hlusta á mann. Kannske bölvar maður of mikið . Bölvar þessum andsk.... í öðru orðinu en biður svo guð að hjálpa sér í hinu

 

Og þessvegna verð ég hreinlega að leit á náðir skáldsins frá Skáholti. Og nota hann sem millilið í bænum mínum:"Af synd og fleiru sál mín virðist brunninn./Ó sestu hjá mér,góði Jesús nú,/Því bæði ertu af æðstu ættum runninn/og enginn þekkir Guð betur en þú."

Vonandi gengur þetta hjá mér en 100 kallin er glataður. Kært kvödd

 

Bráðabirgðastjórn skipuð yfir SPM

Miklir menn ?

"Miklir menn erum við Hrólfur minn og fallega pissar Brúnka",var einhverntíma sagt. Mikið eru þessir menn ánægðir með sjálfan sig. Og finnast sjálfir þeir vera algerlega ómissandi. Og sitja í embættum óhagganlegir þrátt fyrir algert vantraust allstaðar frá. Mig minnir að einhverntíman hafi verið talað um "þjóðholla" menn. 

 

 Mér finnst fyrrgreindir menn ekki sýna af sér mikla þjóðhollustu. Það er með ólíkindum þessi andsko.... fyrirlitning á réttu siðferði sem heltekur ráðamenn/konur þessa lands. Fyrir nokkru sagði danskur ráðherra af sér vegna þess vegna þess að eiginmaður hennar borgaði ekki af sófasetti sem hann hafði keypt. Hvað skyldi þurfa mörg sófasett til að íslenskur ráðamaður segti af sér. Íslenskur fv ráherra sat sem fastast á meðan makinn hreinlega stal af þjóðinni og það í ráðuneyti sem stjórnaði þeim málaflokk sem gjörningur makans svo sannarlega heyrði undir.

 

Annar  fv ráðherra núverandi alþingismaður laug vísvitandi og sagði að hún og makinn hefðu tapað ævisparnaðinum í bankahruninu. En nú er annað komið í ljós. Og svo embættismaðurinn sem gleymdi skjölunum á borðinu hjá sér. Alveg óvart. Læt þetta duga í bili. Kært kvödd

Frumvarp um sérstakan ríkissaksóknara fyrir þingið

Hvað með öryggið???

Ég veit ósköp vel um samgönguerfiðleika hvað Vestmannaeyjar varðar. Og ég veit ósköp vel um farþegafjöldan sem bíður hér í Eyjum eftir fari í land.

Og ég veit líka að kannske á maður ekki að nefna þetta til að fólk haldi ró sinni. En er ekki töluverð áhætta tekin að sigla skipinu aðeins á 1 vél ? Einhvernvegin hefur mér fundist vélarnar í skipinu ekki traustvekjandi. Tíðar bilanir undanfarið. En það er kannske bara þessi vél sem núna bilaði sem allaf er að bila. Og er þá ekki  svolítið reynt að"pína"vélina sem í lagi er.

 

Ég er bara að velta fyrir mér hver fær"skellinn"ef illa fer. Ég segi við sjálfan mig hér sitjandi í góðum stól við tölvuna: "Ef ég væri skipstjóri myndi ég neita þessu" En ég veit líka um þrýstinginn á manninn og ef ég væri í hans sporum myndi ég sennilega gera alveg eins. Og hann metur þetta sennilega eftir veðurútliti m.m.

En það þarf líka sterkar taugar til að vera á annari vélinni með fullt skip af farþegum. En svoleiðis er aldrei fullþakkað. Góð er sagan af þegar Jón Reynir fv skipstjóri á skipinu tilkynnti farþegum sínum að því miður væri ófært inn til Þorlákshafnar og yrði skipið að fara til Reykjavíkur. Þá á að hafa komið fólk til hans og spurt:"Hvað með Selfoss er ekki fært þar".  Kært kvödd

Tafir vegna bilunar í Herjólfi

"Fer í fríið"

Það verður spennandi hve margir þingmenn VG . Já og jafnvel Samfylkingarþingmenn taka sér frí og kalla inn varamenn svona rétt fyrir afgreiðsli málsins. Og geta svo kannske sagt síðar:"ég var alltaf á móti þessu." Kært kvödd

Ögmundur ekki ákveðinn

Til hamingu

Það er ekki hægt annað en að óska LHGÍ til hamingu með gripinn

Yfirflugþjónninn var ánægður

Ó-barinn biskup

Það verður enginn óbarinn biskup! Stendur það ekki einhverstaðar. Og líka að mig minnir :"haltu kja... hlýddu og vertu góður

Meirihluti mótfallinn Icesave

Græjur ???

Ekki hefur þurft allar þessar græjur (sem sjást á myndinni ) til að ná skútufja...... af skerinu. Eller hur????

Skútan laus af skerinu

Seattle.m.m

Undanfarið hef ég þóttst vera að taka út ástandið hérlendist nú um stundir. En það er orðið svo flókið og hreinlega svo lygilegt að með ólíkindum er. Íslenska þjóðin eða allavega almennings hluti hennar ætti hreinlega að fara í hungurverkföll þar til einhver verður tekin og látin svara til saka. Reiðin í fólki er hreinlega svo mikil að ég er orðin skíthæddur við að eitthvað alvarlegt komi til að ske. En í svona árferði er gott að láta hugan reika til baka.  Lestunin. Í 15 ár bjó ég  í Svíþjóð og sigldi aðallega á dönskum kaupskipum. Lengst af hjá H.Folmer í Kaupmannahöfn. Það var í septemberlok 1998 að síminn hringdi hjá mér. Í símanum var starfsmannastjóri Folmer Annegrethe Hansen. Erindi hennar var að biðja mig að fara til Ítalíu um borð í m/s "Danica Violet".Farkosturinn. Skipið var komið til Pozzoli smábæjar rétt fyrir V Napólí, En þar átti að lesta 135 km af sæstreng til Seattle. Ég var fljótur að segja já því að ég vissi að um borð var góður vinur minn "Smukke Knud" skipstjóri.En við höfðum lernt í kostulegu ævintýri í Hong Kong árinu áður. Ég segi kannske frá því seinna. Ég flaug svo Kasrtup - Milanó  Og Mílanó Napóli. Lestunin. Á flugvellinum í Mílanó þurfti ég að bíða einhverja tíma. Á Kastrup hafði ég keypt kilju sem heitir The Führer og með mynd af sjálfum"foringanum"á kápunni. Ég var svo að lesa bókina þarna á flugvellinum. Þá uppgötvaði ég að pískrað var í kring um mig og nokkur ekki vinsamleg augnatillit fékk ég. Ég vöðlaði þá bókinni þannig að kápumyndin sást ekki og ró færðist yfir liðið. Þegar til Napóli kom var það leigubíll til Pozzoli.   Lestunin. Þar sem búið var að ganga frá skipin til móttöku á kaplinum.En í Pozzoli er Pirelli með stóra sæstrengsverksmiðju. Svo var byrjað að lesta kapalinn.Unnið var allan sólarhringinn.Lestunin tók alls um 4 sólahinga og svo 1 dag til að afmunstra útbúnaðinn "Smukke Knud"t.h En kaballinn ver dreginn af sérstöku apparati sem staðsett var á forlúgunni en svo voru sérstakir menn í lestinni sem hringuðu kapalinn niður. Þegar við vorum tæplega hálfnaðir hljóp hland fyrir hjartað á "Smukke Knud".  Lestunin Nei þetta er nú ekki vel sagt um minn góða vin. En einhverjar truflanir urðu og varð ég að hafa samband í agentinn sem sendi læknir um borð. Knud var fluttur í hasti á spítala og svo heim til Danmerkur.Dani handera hjartakvilla hjá skipstjórnarmönnum þannig allavega í langfart að menn eru"groundaðir"í 9 mánuði eftir að kvillinn kemur upp. Svona fjandans hjartasvik bundu endi á minn feril í langfart. En nú voru góð ráð dýr. Smukke Knud var bara þarna í afleysningum en átti að fara í land þegar við kæmum i Panamakanalinn.  Tækin afmunstruð  Tom Mortensen góður vinur minn líka átti að koma aftur um borð þar. Var nú Tom rifinn niður af fjöllum og kom til Pozzoli síðasta daginn sem við vorum þar eftir að ég hafði komið skipinu að bryggu. Við Tom áttum eftir að eiga samleið í smáævintýri sem endaði í Reykjavík sem ég segi ykkur kannske frá seinna. Tom kom til sagt til Pozzoli daginn sem við héldum  til Seattle. Kona Toms Kristína sem var sænsk, var fastur kokkur á skipinu og kom með manni sínum úr hinu halaklippta fríi. Hjónakornin Tom og Kristína Frá Pozzoli var svo haldið þ 07-10. Fyrir stafni voru 5300 sjm til Colon í Panama. Veður fengum við gott út úr Miðjarðarhafinu. Og ekki breyttist það á N-Atlantshafinu. Það var svo morgunin þ.12 að ég vaknaði sem oftar um 9 leitið um morguninn. Þá tek ég eftir að fáninn var í hálfa stöng. Ég snéri mér að háseta sem var nærstaddur og spurði hann um ástæðuna fyrir flögguninni. Það er einhver drottning dáinn sagði hann. Þegar ég kom upp í brú sagð Tom mér að forsetafrúin á Íslandi væri dáin.  Colon Panama Þetta ár 1998 var mikið umleikis hjá Þórhildi danadrottningu. Hún var að mig minnir 60 ára og átti einnig að mig minnir einhver önnur tímamót til að halda uppá. Krýningar og eða hjúskaparafmæli. Danska sjónvarpið fylgist vel með öllu svona uppákomum og eru ósparir á beinar útsendingar frá þeim. Tom hafði fylgst vel með þeim og Guðrún Katrín hafði hreinlega heillað hann upp úr skónum með glæsilegri framkomu. Hann hafði svo frétt af BBC þarna um nóttina að hún væri dáinn.  Frá Panamaskurði. Þessi flöggun hafði ekkert með mína veru um borð að gera.. Þarna var verið að vísa glæsilegri konu virðingu. Segir nú ekki af ferðum okkar fyrr en við komom til Colon. Þar tókum við olíu og biðum svo eftir okkar stöðu i skipslestinni gegn um skurðinn.Læt þetta duga í bili og kveð ykkur kært

"Ég ákæri"

J´accuse (I accuse!); Ég ákæri.  Skrifaði frægur rithöfundur fyrir löngu síðan. Ekki ætla ég mér að bera mig saman við þann mikla mann orðsins eins og ég hef upplifað hann.

   Hin fræga blaðagrein  Zola í Jan 1898

En ég ætla að leyfa mér að skjótast í hans ham ef svo má að orði komast. Ég man ekki betur en að  núverandi  ríkisstjórn hafi lofað að ekki yrði hreyft við kjörum þeirra sem lægstu kjörin hefðu þau Émile Édouard Charles Antoine Zola. Ég er ekki rithöfundur því síður frægur (nema kannske af endemum) En ég ætla að leifa mér að gefa hugmyndafluginu lausan tauminn og gefa Emilie Zola orðið um stund. Í Dreyfus málinu ákærði hann að mig minnir í 9 atriðum. Við skulum sjá hvað hann kemst hér í mörg

Emilie Zola hefði sennilega sagt:"

1sta Ég ákæri þá menn sem komu þjóðinni í þessa stöðu. Ég ákæri þá hreinlega fyrir landráð.

 

2nnað Ég ákæri þá stjórnmála/embættismenn sem sofandi létu reka að feigðarósi.Það skagar hátt uppí landráð.

 

3ja. Ég ákæri stjórnmálamenn sem ætla að taka"Versala"útgáfu af svokölluðum Icesave reikningum góða og gilda. Og samþykkja óviðráðanlegar afborganir fyrir komandi kynslóð. Það gengur nærri landráði

 

4ða  Ég ákæri forustumenn lífeyrissjóða sem taka sér milljónalaun á meðan þeir lækka greiðslur til sjóðsfélaga,Í veruleikanum stórfelld fjársvik, En í þeim heimi sem við lifum í heitir"staðið við samninga".

 

5ta Ég ákæri þá embættis og stjórnmálamenn sem reyna að setja stein í götu rannsóknar á hruninu ó- eða meðvitað.

 

6 Ég ákæri þá þá bankamenn sem tældu eldriborgara sem eitthvað höfðu lagt til hliðar til að legga það í þessa stórkostlegu svikamyllu sem afleyðingarnar af, eru  nú að sjá dagsins ljós. Ef réttlætinu væri fullnægt ætti að dæma þá menn til langrar fangavistar.

 

7 Ég ákæri þá ráðherra sem ætla að leggja milljarða í einhvert hávaðahús  sem verið er að  bygga við Reykjavíkurhöfn á meðan öryrkjum. öldruðum og þeim sem minna mega sín er hreinlega sagt að éta það sem úti frýs.

 

 

8 Ég ákæri þann stjórnarflokk sem nú telur sig hreinan af öllum skítnum.Og er eins og óþekktarormur sem veit upp á sig sökina en setur upp þennan líka sakleysissvip .Skammist ykkar

 

 

9.Ég ákæri alla ríkisstjórnina hreinlega fyrir kosningaloforða svik. Það kemst næst kosningasvikum."

 

 

Ég sjálfur hef það eftir ástæðum gott. Ég hef margoft sagt að að foreldrar voru höfundar að mínu lífi. En ég sjálfur höfundur að ferlinum. Og ég hef engar áhggjur á mér. Ég kem til með að lufsast þetta eins og undanfarið.  Gæti verið fundur hjá ríkisstjórninni nú um stundir.En ég hef áhyggur af fólki sem er verra sett en ég er og það af annara völdum. Og þeir serm því ollu virðast ekki kunna að skammast sín . En rífa bara kjaft úti í löndum frjálsir allra ferða með kellingarnar á sólríkum ströndum innan um aðra fjármálaglæframenn. Læt þetta nægja í bili:En það kemur meir.Kært kvödd

Staðan skýrist í næstu viku

Í Loftinu

"Flugmaðurinn dó í loftinu" Svona hljóðar fyrirsögn á DV.is. Var hann örugglega ekki inn í flugvélinni ? Það er alls ekki ekki tilhlýðilegt að gantast með svona atvik. En fyrirsögnin fer einhvernveginn fyrir brjóstið á mér. En þetta er kannske alveg rétt orðað. Kært kvödd

Flugstjóri lést í miðju flugi

Donkeymenn

Gamlir sjómenn kannast ábyggilega við orðið donkeyman. En donkeymen voru eiginlega 1stiu vinsumennirnir (spilmenn á flutningaskipi) og eða 1stu kyndararnir á skipum. En á árdögum siglinga nútímans voru lestunar/losunarútbúnaður harla frumstæður.1stu hafnarkranar voru með gufukötlum kolakyntir Og mennirnir sem sáu um þá voru kallaðir donkeymenn. En fyrir daga gufukranana voru notaðir Asnar.þ.e.a.s dýrategundin til að hífa og slaka. Sérstakur maður(donkeymen) stjórnaði dýrinu. Og nafnið donkeyman fluttist yfir á kranamennina. Svo vóru settir gufukatlar og spil í stæstu seglskipin.Og nafnið fluttist líka á þá sem um það sáu. Hér er t.d mynd af donkeyútbúnaðinum: Af hverju er ég að nefna þetta núna . Jú því mér finnst myndin sýna okkur ástandið í þjóðfélaginu nú um stundir. Skipið samsvara þjóðarbúskapnum. Donkeymaðurinn ríkisstjórnina og asninn þjóðina. Það skal alltaf vera almenningur sem ber stærstu byrgðarnar. Að öðru. Framsóknarmenn eru ekki hrifnir af nýasta tónverki Samfylkingarinnar:Einleikur á bjöllu. Opus eitthvað. Alveg sama þótt formaður þeirra tæki þátt í verkinu    Munu þeir vera með frumvarp í undirbúningi um að taka upp flautu og kortakerfi eins og í fótbolta. 2 gul og svo útvísun úr ræðustól   Framsóknarmenn munu vera búnir að stofna flautugerð. Þar sem úrvalið mun vera mikið af allslags flautum Svo mun vera fundur í bígerð þar sem framsóknarmenn munu flauta fyrir alþingisforsetann En forsetinn mun vilja hefta eða jafnvel loka algerlega fyrir munn framsóknarformannsins   En nú munu beðmálin vera í hámæli hjá frömurunum og sjöllunum og virðast ástir vera að takast Sjallarnir vilja kveikja í ýmsum gögnum í sambandi við hrunið og gera"sumum"lágt undir höfði hvað flótta frá ábyrgð varðar Læt þetta nægja af nöldri í bili og kveð ykkur kært

Þyrlusveitin í Eyjum!!!!

 

Þetta féll úr hjá mér einhverra hluta vegna um daginn 

 

Þetta er vinur minn Ben( smáplat)   Sem ásamt mér hefur hinar ýmsu skoðanir á hlutunum og segir þær í gegn um mig. Eða þannig. Okkur Ben hefur sjaldan líkað líkað við sérfræðingaval hins silfraða Egils. Og svo endaði hann með þann daprasta. Ekki var hann silfri sleginn en hálf var hann fiðraður og ekki var alveg fá því að maður dytti líka í hug tjara,

 Hann á ekki þyrlu útgerðarmaður þessa báts

Eins og gert var við hættulega gasprara hér á öldum áður. Þeim var velt uppúr þessum ósóma ef til þeirra náðist. Ég hlustaði með athygli í fyrra það sem Eiríkur Stefánsson hafði fram að færa og var sammála honum í mörgu.  En svo fór skörin að færast upp á bekkinn og æðubunugangurinn tök öll völd. Eftir hans kenningu ættu við hér í Vestmannaeyjum ekki að sjá til sólar vegna þyrluflugs útgerðarmanna. Þetta þyrlukjaftæði Eiríks er honum til skammar.

 

Gadus morhua, the Atlantic cod.

Margir flokksbræður mínir í Ff hafa haft stór orð um útgerðarmenn og kallað þá jafnvel glæpamenn. En ég held að stærsti hlutinn sf þeim séu menn úr sjómannastétt sem hafa hangið í þessu eiginlega fastir vegna óréttlátra laga. Allavega hafa sumir gefist upp og selt bát og kvóta hreinlega vegna óhagræðis. Nokkrir útgerðarmenn hér í Eyjum gerðu það t.d. fyrir nokkrum árum.

 

 Íslenska fiskveiðistefnan í reynd

Ég heyrði að einn þeirra hefði verið á fullu í símanum að reyna að selja fiskinn sem hann fékk í síðasta hali.  En það voru 15 tonn í pokunum.  En gat ekki fundið kaupenda og varð að sleppa fengnum. Þá á hann að hafa gefist upp á þessari hringavitleysu og seld heila klabbið. Og kvótinn burt. Það væri gaman að heyra í Eiríki hvað yrði um fólkið hér í Vestmannaeyjum ef  einyrkjarnir í greininni seldu nú sína útgerð út frá Eyjunni. Menn sem hafa reynt að hanga í þessu frekar af vilja en mætti vegna kolrangrar stefnu í fiskveiðimálum. Og ekki þessa

En við, ég og vinur minn Ben viljum meina að í útgerðarkörfu Vestmannaeyinga sé ekkert skemmt epli. Og erum við nú að tala um svindl á löndunum bæði til vinnslu hér og til útflutnings. Við vitum ekkert um braskið á kvótanum. og það er ekkert til umræðu hér heldur .Hér finnast engir sægreifar nú um stundir allavega.

 Í verslun erlendis á góðum prís

Vinur minn Ben er svo ungur að hann man ekki hvernig þessu árans var kerfi kom á. En ef minnið er ekki að bregðast mér þess meir þá var þessu komið á til verndar fiskistofnum. Til verndar fiskistofnunum ja háleitt var markmiðið sem þeir Kjartan og Steingrímur settu sér við ásetning þessara laga um kvótakerfi 1980 ef ég man rétt.

 í torfum

Og þau áttu bara að standa í nokkur ár. Bara nokkur ár Ímyndið ykkur 29 ár og Hafróástand fiskistofna í lágmarki. Árið 1990 skrifaði útgerðarmaður bátsins á fyrri myndinni eftirfarandi:"Fiskveiðistefna sem leiðir til að braskari kallast búhöldur en fiskimaður skussi er röng" Tilvitnun líkur

 

 Kannske íslenskir sægreifar í London??? 

Lög voru sett um daginn til að koma ákveðnum mönnum út úr ákveðinni stofnun vegna slæglegs árangurs við verðbólgu. Hvernig væri að stofna til svona lagatilbúnings aftur og nú til að koma máttlausum stjórnendum annarar stofnunar út. Læt þetta duga af röfli í bili. Kært kvödd

Leiði mótun sjávarútvegsstefnu

Eftir sjómannadag

Hátíðarhöld Sjómannadagsins tókust allstaðar veil að ég held. Veðrið hélt sér á lágu nótunum hvað vind og vætu varðaði. Gamlar sjóuglur heiðraðar. Og blómssveigar settir við minnismerki. En mér finnst satt að segja vanta eitt minnismerki. Við hliðina á minnismerki um óþekkta sjómanninn mætti reisa minnismerki um óþekktu sjómannskonuna.

 

 

Á bak við nafnið sjómannskona liggur oft mikil saga. Oftar en ekki mikil harmsaga. Þessu konum hefur að mínu mati alltof lítill gaumur verið gefinn. Mér hefur undanfarið oft hugsað til sjómannskonunnar. Skip hafa týnst og farist. Hér á árum áður hlustuðu konurnar oft á "bátabylguna" sérstaklega þegar ill veður gengu yfir. Og ef ekkert heyrðist í"þeirra"bát komu áhyggurnar.

Oftast var um léleg loftnet eða léglega geyma um að ræða. En oftar en ekki var alvara á ferð. Þá þurtu konur að takast á við stóra hluti. Láta börnin t.d.ekki finna fyrir kvíðanum og sv fr. Þetta átti við dagróðrabátana. Togarnir gátu líka"dottið"út vegna fyrrgreyndra ástæðna. Ef þeir skiluðu sér ekki á "códatímum"

 

 

Þá tóku códafélagarnir sig til og náðu sambandi t.d. á VHF eftir að þau tæki komu í gagnið. Eða menn spurðust fyrir uns skipið kom í leitirnar. Svo fengu skip áföll og það fréttist strax í land. Þegar svona skeði þá var dagurinn langur hjá sjómannskonunni. Í janúar 1960 tæpu ári eftir að b/v Júlí fórst á Nyfundnalandsmiðum skilaði togarinn Úranus sér ekki á códatímanum. Leit var hafinn. 

 

 

 

Forsíða Mbl miðvikudaginn 13 jan þvert yfir með stærsta letri:"Óttast er um togaran"Úranus"á Nýfundnalandsmiðum. Og undirfyrisögn"Síðast heyrðist til hans á sunnudagskvöld "og svo Ofsaveður hamlar leit skipa og flugvéla.Og enn síðar.Tekið er að óttast um Reykjavíkurtogarann Úranus,sem að undanförnu hefur verið að veiðum á Nýfundnalandsmiðum,en þangað fór hann 28 desember..Á Úranusi er 28 manna áhöfn.Skipstjóri er Helgi Kjartansson en eigandi Júpiters hf í Reykjavík.

Ekki hefur heyrst til togarans síðan á sunnudagskvöld.Hafði togarinn Þormóður Goði samband við Úranus síðast kl 10.þegar hætti að heyrast frá togaranum.Á forsíðu er einnig viðtal við Ólaf Björnsson sem var fastur loftskeytamaður á Úranusi en var í fríi,hann segir þar m.a: ":Ég tel enga ástæðu til að óttast um skipið að svo komnu máli.Mjög víðtæk leit var gerð að togaranum.Bæði frá Canada,Nýfundnalandi og Íslandi(Keflavík)

Forsíða Mbl 14 jan 1960 

Ólafur loftskeytamaður hafði rétt fyrir sér því á forsíðu Mbl fimmtudaginn 14 jan.þvert yfir með stærsta letri Úranus fundinn og skipshöfn hans heil á húfi.síðan með smærra letri Fagnaðarbylga fór um Reykjavík er gleðitíðindin bárust og svo Almáttugur hvað maður er búinn að vera hræddur.

Síða er sagt frá að senditæki togarans hafi bilað.Mbl var áheyrandi að eftirfarandi samtali milli skipverja á Þormóði Goða og vandamanns hans í landi. Þ.Goði:"þeir eru búnir að finna hann "Kona" í Rvík:"Eru þeir búnir að finna hann,Guðs sé lof" "Þ.Goði:"Já hann er 200 mílum á eftir okkur" "Konan:"Ó hvað það er dásamlegt. Þ.Goði:"Það var eitthvað biluð hjá honum senditækin og hann getur ekki látið til sín heyra,en það virist allt vera í lagi hjá honum" "Kona": "Almáttugur guð,hvað maður er búinn að vera hræddur"". b/v Þormóður Goði   Ég tek þetta sem dæmi um sálarástand( ef maður má komast svo skáldlega að orði ) hjá sjómannskonunni. Takið eftir þessum orðum hjá konu skipsverjans á Þormóði Goða:"Almáttugur guð,hvað maður er búinn að vera hræddur". Þetta lýsir meir en þúsund orð líðan sjómannskonunnar. Hennar maður var óhulltur en starfsfélagar hans höfðu verið týndir en nú fundnir. Það er ekki að ófyrirsynju að í hópi harðasta baráttufólks fyrir bættu öryggi sjómanna eru sjómannskonur.

 

 

Og margar staði þar framar öðrum. Ná þar nefna t.d. Rannveigu Vigfúsdóttir konu hins affarasæla skipstjóra Sigurjóns Einarssonar kenndan við b/v Garðar frá hafnarfirði og Gróu Pétursdóttir konu hins, einnig affarasæla skipstjóra Nikulása K Jónssonar kendan við b/v Otur. Þessar konur koma bara upp í hugan í fljótu bragði sem framverði í baráttunni hér á árum áður. 

 

 

En það eru tugir ef ekki hundruðir af Rannveigum og Gróum sem við,sem sjómennsku höfum haft og eða höfum að atvinnu  eigum jafnvel allt upp að unna. Mér finnst satt að segja að við ættum að heiðra minningu hinnar óþekktu sjómannskonu með einhverskonar minnismerki sem svo lagður yrði svo blómsveigur að á Sjómannadaginn. Mér finnst sú ágæta kona eiga það skilið af þjóðinni.

 

 

Hve oft hefur hún ekki þurft að bíða kvíðinn milli vonar og ótta af fréttum af fyrirvinnunni . Og í mörgum tilfellum fleiri en 1 úr fjölskyldunni.Syni,föður,bróðir mági. Stundum breittist vonin  í söknuð og öfugt. Ég vil að minningu þessara kvenna verði sómi sýndur og hann verði tekinn inn í hátíðathöld Sjómannadagsins.

 

Sleppð þessu ráðherrabulli í ræðuhöldum Sjómannadagsins og látið sjómannskonuna tala. Látið hana segja ykkur hvernig það er að reka heimili með X börnum X afborgunum af x atriðum. Láta þær segja frá kvíðanum í vondum veðrum. Láta  segja frá hvernig það er að vera öfunduð af einhverjum X launum sem kallinn hefur sem svo kemur drulluþreyttur heim alveg búinn á ´þí.

 

 

Nú skora ég á hagmælt fólk að vera búið,fyrir næsta sjómannadag, að semja ljóð sem einhver góður hljómlistarmaður gæti svo samið, lag við og sungið verði svo á Sjómannadögum framtíðar um leið og Íslands Hrafnistumenn. Einhverstaðar stendur:" að ber er hver að baki nema sér bróður eigi! Ég vil meina :"að ber er hver sjómaður,að baki nema konu eigi. Læt þetta duga í bili. Bið þann sem FLESTU ræður að vísa okkur hinn rétta veg til sjós og lands. Kært kvödd

Sjómannadagur

Á sunnudaginn verður sjómannadagurinn 71 árs. Ég leyfi mér að fullyrða að hann hafi aldrei verið haldin við erfiðari aðstæður í þjóðfélaginu en nú.Þegar sá 1sti var haldinn hátíðlegur hafði skollið á heimskreppa nokkrum árum áður,en menn voru farnir að sjá til lands hvað hana varðaði. Og á árdegi hans var jú önnur vá fyrir dyrum. Styrjöld yfirvofandi í Evrópu. Og hún byrjaði 3ja september 1939. Frá árdögum dagsins.

Þessi styrjöld kostaði mörg líf íslenskra sjómanna. (kring um 300) Einnig skapaði hún erfiðleika á að afla nauðsynja til landsins. En að henni lokinni ( styrjöldinni ) höfðum við Íslendingar heldur betur rétt úr kútnum. Og upphófst mesta blómaskeið sem íslendingar upplifað til þess. Og þarna skeði það sem átti eftir að koma okkur í koll æ síðan að mínu mati. Við eiginlega skutumst út úr moldarkofunum og kömrunum og inni hallir með vatnssalerni og öllum þv þægindum. Sennilega hefur engin þjóð“grætt“eins mikið á stríðinu en við Íslendingar. Og á hverju græddum við jú nokkur % af þjóðinni sem kallast sjómenn voru við að afla fiskjar sem þeir síðan sigldu með til Englands. Brutu hafnbann Þjóðverja og sigldu á einum af hættulegustu svæðunum í Orustunni um Atlantshaf. Bændurnir sáu okkur svo fyrir þeim nauðsynjum sem þeir sköpuðu. Já það lyktaði allt af slori og kúaskít. Og því miður fengu sumir þefinn af púðrinu líka. Grimmdin í styrjaldaraðilar hlýfðu engum. Árásir voru gerðar á óvopnuð íslensk fiski og farskip og þeim sökkt fyrirfaralaust- lítið.Úr blaði í sept.1939:

“ Þjóðin verður því að taka því sem að höndum ber,með skynsemi og stillingu,slaka á kröfum sínum, þótt fyllilega rétmættar séu meðan nýtilkomið styrjaldarástand helst. Þetta síðasta á ekki síst við sjómennina sem eiga óuppgerða reikninga við stjórn og þing í ríkara mæli en önnur stétt.En einmitt því fremur sýna sjómenn þegnskap sinn og drenglund með því að ganga ótrauðir fram fyrir skjöldu um afla og aðdrætti í þjóðarbúið á þrengingartímum. Sjómenn leggja líf og limi í hættu á friðartímum og fá minni þökk en skyldi.

En vera kynni að augum þeirra, sem kaldrifjaðastir eru í garð sjómannastéttarinnar islensku. opnist ekki í annan tíma, betur en nú fyrir því hvar þjóðin væri stödd ef atorku sjómanna nyti ekki við. Enn gæti svo tiltekist, að þeir sem sitja á hjassanum heima í inni sínu, meðan slysa- og lífshætta sjómanna margfaldast, skilji að hér á landi er risin upp stétt manna sem ber á herðum sér íslenska menningu og afkomu, frekar öðrum íslenskum stéttum““

Svo mörg voru þau orð, skrifuð fyrir tæpum 70 árum. Það hefur mikið breyst á þessum 70 árum. En margt á hreinlega við daginn í dag.  Talið er að um 300 íslenskir sjómenn hafi farist á stríðsárunum. Miðað við höfðatöluna frægu mun þetta vera svipað og Bandaríkjamenn misstu af mönnum í stríðinu. Margt og mikið hefur sem betur fer breyst í öryggismálum sjómanna  til hins betra. Þökk sé ýmsum aðilum. Meiri menntun,stærri skip,fullkomnari tæki og fl og fl..

En enn og aftur verða það sjómenn sem að stórum hluta koma til með að koma okkur út úr þeirri kreppu sem nú stendur  og þessari styrjöld sem geysar á alheimsfjármálamarkaðinum. En að núinu. Ég skora á sjómenn að láta heyra í sér á sjómannadaginn. Og hreinlega að banna fulltrúum stjórnvalda og útgerrðarmanna að koma í ræðustóla þennan dag. Þeir hafa hvort sem er ekkert fram að færa annað einhverja loðmollu um  ágæti sjómanna.

Sem aldrei er á öðrum dögum er talað um. Nú eiga sjómenn að nota daginn um leið og þeir minnast fallina félaga og fagna úr greypum Ægis gripna til að krefjast ýmissa réttar bóta. Bera baráttu spjöld í skrúðgöngum. Sjómenn ég skora á ykkur að rísa upp á“afturlappirnar“og sýna þessu listaspýrudóti að það eruð þið sem eruð undirstaðan undir þessu nú hálfgjaldþrota þjóðarbúi. Fólk á listamannalaunum aflar sáralítils gjaldeyris á móts við ykkur. Þó þetta lið láti mynda sig í bak og fyrir við allslags mótmæli Íslenskir sjómenn munið að það voru þið sem komuð svokallaðri menningu á koppinn.

Það voruð þið sem öfluðu peninga svo hægt væri að borga svokölluð listamannalaun. Ég skora enn og aftur á ykkur að láta heyra í ykkur á Sjómannadaginn. Hafnið öllu leirburðsrugi sem vellur út um munnvikin á þessum svokölluðum stjórnendum þesa lands. Og hleypið engum frá  þesum stórútgerðarblokkum í ræðustóla öðruvísi en að þeir lofi að hætta við að braska með kvótan.

Munið að það voru störf sem gáfu af sér slor og fjósalykt sem kom þessari þjóð á lappirnar. Og munið það íslenskir sjómenn að dagurinn ykkar heitir Sjómannadagur og hreint ekkert annað Öll önnur nöfn eru lagleysa. ‚Ég óska ykkur til hamingu með daginn ykkar á sunnudaginn og velfarnaðar , vonandi slysalitlum komandi árum. Verið ávallt kært kvaddir

 

Föðurland óskast !!!

Mér er fjandans sama þótt tönglast sé á að ekki megi leita að einhverjum sökudólgum fyrir ástandinu sem er á þessu eylandi í dag.  Og kjaftæðu eins og“ við tókum öll þátt í þessu“ tek ég lítið mark á. Við,ég og mínir líkir tókum engan þátt í veislunni.  

En aldraðir öryrkjar og aðrir sem minna mega sín verða að axla stærstu byrgðarnar.  Og mér finnst satt að sega nokkrir ónefndir menn ekki eiga það skilið að geta kallað þetta land sem föðurland. Og ég er reyndar steinhissa á að einhver af þessum mönnum sem þrátt fyrir allt virðast eiga næga peninga í hinum mörgu skattaskjólum sem sennilega aldrei finnast, skuli ekki vera búinn að kaupa eina af eyjunum í Carribbean og stofnað þar nýlendu fyrir úrelta fjármálamenn.  Þá gætu þessir herrar“flaggað“sér út og lifað áhyggulausu lífi í hinu nýja föðurlandi án þess að hægt væri að koma yfir þá sök ef hún reynist fyrir hendi. Sem margir segja að sé fyrir hendi. Því að enga framsalsamninga yrði um að ræða í þessu útflöggunarsamfélagi. En nóg af þessum gaurum .

 

 

 

 International Monetary Fund skamstafað IMF sem stjórnar nú um stundir segir að botninum sé ekki náð. Og enn og aftur detta mér í hug orð séra Sigvalda í Manni og Konu er hann sagði eitthvað á þessa leið :“ja nú held ég að maður verði að fara að biðja guð að hjálpa sér“  Hvernig í ósköpunum getur þessi hagfræði verið svona  íllskiljanleg fólki eins og t.d. mér með,að ég held ekki mjög langt undir meðalgreind. Hvernig getur staðið á því að prófessorar  í greininni við Háskóla á Íslandi eru algerlega á öndverðum meið við þennan f.g sjóð sem og maður sem margir hafa í mín eyru talið færastan í greininni hér á landi og að mig minnir vann hjá sjóðnum.

 

 

Hreint ótrúlegt en satt að vísu. Einar sem að mig minni að hefði verið kenndur við Mýnes afgreiddi hagfræðinga með þessum orðum í samtali við Stefán Jónsson fréttamann:“hagfræðingar eru vitlausustu menn á  Íslandi“

 

 

Ég hnaut um eina fyrirsögn í Fréttablaðinu í dag.“Verta hryllir við hærri áfengisskatti“ En þeim virðist ekki hrylla við því að nú þurfa ellilífeyrisþegar,ötyrkjar og fleiri minnimátta sem lítið eða ekkert gætu hreift sig án bíls og eiga einhverja druslu svo að það megi verða,þurfa nú að borga minnst 7000 kr á tankinn. Þessir menn sem að mínu mati fleyttu rjóman ef svo mætti segja af góðærinu.

 

 

Ef það er hægt að tala um góðæri sem allt byggðist upp á lánum. En einu er ég sammála vini mínum og fv skipsfélaga (einu þeim skemmtilegasta sem ég hef siglt með) Geira á Goldfinger að þetta kallar á meira smygl. Þetta vitum við Geiri kannske manna best.  Einnig kallar þetta á eins og hann bendir líka réttilega á meira heimabrugg. Og maður spyr sig hvar endar þetta allt saman? Það er staðeind að afbrot aukast við svona ástand og nú skal skorið niður í löggæslunni.Læt þetta duga af"nuddi"í dag. Verið ávallt kært kvödd 

Bensínlítrinn í 181 krónu

"Gull Ásgerðar"

Hér með er"Gulli Ásgerðar"hleypt af stokkunum. En ólíkt svipuðum málmþáttum eru hér  í"Gullinu" fastir álitsgjafar,sem eru:

  Ben Torn Mattie                     Fritz og  De Niro

 

Munu heitustu málin á líðandi stundu hverju sinni tekin og krufin. Fysta spurning til gullfólksins er:" hvert stefnir í stjórnmálum á Íslandi". Torn sem er spesíallisti í krókaleiðum svarar og bregður upp skýringamynd : Ýmislegt bendir til mikillar vinstrisveiflu sem er góð eins langt og það nær. En það verður að varast miklar Steingrímsbeyjur eins og sést á skýringarmyndinni. Næsta spurning er: Eigum við að sækja um aðild að EBE. Nú svarar Fritz sem er aðalráðgjafi"Gullsins" í utanríkismálum og aðal earwhisper sitjandi  ráðherra þeirra mála. Fritz telur fráleitt að sækja um aðild að EBE og sýndi einnig myndir máli sínu til sönnunnar  Stóru ríkin étu þau smærri Einnig væri erfitt fyrir Samfylkinguna að ryðja ýmislegu úr vegi fyrst  T.d mótstöðu S.J S Svo er það verndunar sjónarmið Hafró. Aðalhafrósérfræðingur Gullsins Ben segir aðalstefnan í verndurmálum sé að friða eins mikið af þorski svo að nóg verði handa EBE ef svo ílla skildi fara að við fætum þar inn. Nú þykjast EBE menn ætla að taka upp íslensk kvótakerfi.Bara til að plata fávísa krata"on Iceland" Það er von að menn séu hræddir við þessa voðaskepnu og forðist hana að fremsta megni.. Kærkomið fyrir atvinnuútrásarmenn í EBE að fá eitthvað til að braska með þegar búið verður að loka"skattaparadísunum"í Evrópu. En vegna tímaleysi verður þátturinn ekki lengri að þessu sinni. En álitsgjafarnir gera eins og í öðrum málmþáttum að reyna eftir megni að:"vita lítið um eitthvað og tala mikið um ekkert". Verið öll kært kvödd