"Ég fagna þessum nýja forstjóra Landspítalans "

Ég fagna þessum nýja forstjóra Landspítalans og tel hann starfi sínu vaxinn. En illa líst mér á það sem ég las eftir helsta ráðgafa ráðherra fjármála Bjarna Ben,Ragnar Árnason, þar sem eftir honum er haft"Stórskaðlegt að ríkið niðurgreiði heilbrigðisþjónustu fyrir almenning".

 

 

Þá fullyrðir hann að niðurgreiðsla heilbrigðisþjónustu á Íslandi sé í raun miklu skaðlegri en niðurgreiðslur í landbúnaðarkerfinu í ljósi þess að í tilviki landbúnaðarins sé um lægri upphæðir að ræða.Ætlar nú Íhaldið að sýna sitt rétta andlit.Þannig að það verði bara þeir sem eiga peninga sem fái læknishjálpina.

 

Hinir megi bara drepast í bælum sínum heima. Gamla niðursetninga kerfið komið aftur í gagnið Þegar íhaldsandlitið snýr sér að Landspítalanum má þessi maður sennilega þurfa að taka á hinum stóra sínum

Páll skipaður forstjóri Landspítalans

"Ímyndið ykkur tvískinnungsháttinn"

Ímyndið ykkur tvískinnungsháttinn Þarna kvelja þeir líftóruna úr (þó að sakamaður sé)  manni  í fimmtán mínútur. Svo vilja þessir andsk.... hegna okkur íslendingum fyrir að drepa hvali, að þeirra sögn á "ómannúðlegan" hátt m.a. þvílíkir andsk..... hræsnarar Ja svei. Verið ávallt kært kvödd

„Ég brenn allur að innan“

"Hugarfarsbreyting hægt og sígandi"

Þetta var nú fyrirsögn á allt annari frétt inn á mbl.is En þessi skelilegi sandkassaleikur sem viðhafður hefur verið á þessu blessaða alþingi fær mig til að hugsa. (sem mjög sjaldan skeður) Af hverju koma bara menn ekki og segja skýrt og skorinort. "Fyrirgefið við gerðum mistök með yfirlýsingum í kosningabaráttunni. En ætlum samt að standa við þær" Og leyfa þessa þjóðaratkæðagreiðslu. Það hlýtur svo að vera  næsta skref að bera áframhald aðildarviðræðna við Evrópusambandið undir þjóðina og fá þannig endanlega lausn í málið.

 

Og það á hreinlega að taka þessi fjand... "umræður um störf forseta" eða hvað þessi vitleysa heitir nú öll sömul sem nú er stunduð á Þjóðþingi fólks sem bíður eftir að eitthvað sé gert að viti í málum hennar. Ég held satt að segja að það sé betra fyrir hana þ.e.a.s íslensku þjóðina að völdin séu í Brussel en hjá þessu sandkassaliði sem nú djöflast með skítkasti hvert á annað á aþingi. þá má senda eitthvað af því liði í tjöld á Þingvelli nokkrar vikur á ári. Og opna almennilegt dýrasafn og skyndibitastað við Austurvöll Verið ávallt kært kvödd

„Ákallið hærra en ég átti von á“

"Það er tregara en tárum taki "

Það er tregara en tárum taki hve lítinn áhuga fólk hefur haft á þessum svokölluðu Lífeyrismálum. Og ég undanskil ekki sjálfan mig. Þetta virðist aðeins koma örfáum launþegum við.En Þ.á.m er Jóhann Símonarsyni hinn ötuli baráttumaður fyrir öryggi og kjörum sjómanna sem, ef mig er ekki að bresta minnið hefur eiginlega verið kafffærður á fundi þessa hér umrædda sjóðs. Mér finnst það ekki góðri lukku að atvinnurekendur sem launþegar eru í eilífu stappi við skulu stjórna þessu. Og talandi um það mætti verkalýðsforustan líka taka sig til í andlitinu. Þeir eru líka á gulu spjaldi. Verið ávallt kært kvödd

Skilaði 5,5% raunávöxtun

"Ég held að það sé kominn tími"

Ég held að það sé kominn tími á forustu skifti hjá Samfó. Það er með hreinum ólíkindum hvernig  formaðurinn getur látið. Hann virðist hvergi sjá skína í sólina. Sem og kannske eldri borgarar og þvílíkir gerðu er hann og sú fylking sælgætissósjalista sem hann tilheyrði stjórnuðu. Það er nákæmlega alveg sama hvað kemur frá meirihlutanu hann er á móti. Og þó að það sé hreint bull fellur hann í þá gryfju að vilja enn þá meira bul

 

Og þessi svart-og bölsýni er farin að smita frá sér. Þannig að fólk er farið að nota vissa takka á tækjum sínum birtist hann á öldum ljósvakamiðlana. Og það mun vera fátítt meðal vesturlanda að flokksmeðlimir treysta öðrum flokksforinga betur til að standa að málium en sínn eigin. Flautaþyrilsháttur formannsins er farinn að hafa áhrif innan flokksins. Það er talað um rauða spjaldið á ríkisstjórnina en þessi flokksforingi sér ekki gula spjaldið sem flokkur hans sjálfs er að sýna honum Verið ávallt kært kvödd

Samfylkingin heldur flokksstjórnarfund

"Verður er seðlamaður seðla sinna"

"Verður er verkamaðir launa sinna"  var einusinni sagt Nú heiti það "verður er seðlamaður seðla sinna" Hvenær eiga þessum kaldavatnsgusum frá því opinbera framan í okkur þessa sauðsvörtu hérna niður á jörðinni að linna. Sú upphæð sem hér um ræðir er að vísu bara "tittlingaskítur" í augum hinna svokölluðu heldri borgara en ekki eldri borgara.

 

Sem ég er viss um að fögnuðu svona afgreiðslu á sínum málum Það er ekki úr vegi að minna á að frá janúar 2009 til janúar 2013 náðu bætur TR ekki að halda við verðlagshækkunum,almenna launaþróun eða hækkun lægstu launa og var munurinn orðin gífurlegur.

Einusinni var kveðið:" Þú félaus maður mátt hér líða nauð / og munt í Víti síðar kenna á hörðu / en takist þér að eiga nógan auð / þig englar geyma bæði á himni og á jörðu

Það er með ólíkindum hvernig þessir andsk.... leyfa sér að lítillækka þá eldri borgara sem komu þessum óaldalýð þó á lappirnar og til valda.Með slíkri og þvílíkri framkomu Kært kvödd

 

 

 

Hefði annars látið málið niður falla

"ég rangan pól"

Því miður tók ég rangan pól í hæðina við síðustu kosningar. Ætla ekki að ræða meir um það. Það er kannske rétt hjá þessum ráðherra að halda sér heima Þ.e.a.s. á Íslandi. Hún ætti að vera með fangið fullt af kosningaloforðum sem hún þarf að efna.Um bætta stöðu þeirra sem minna mega sín í hinu íslenska þjóðfélagi.Þessir hópar finna það ekki á eigin skinni að mikið hafi breyst.  Þrátt fyrir öll kosningaloforðin Núverandi stjórnvöldum Íslands ætlar að ganga illa að standa við loforðin sem gefin voru fyrir kosningar.

 

 

 

Ráðherrar og nefndarformenn fara nú mikinn og gefa yfirlýsingar á báða bóga og tala út og suður í viðtölum.Og hver umælin og yfirlýsingarnar á fætur öðrum rekin öfug ofan í þau af þeim sem þau áttu við. Það virist vera sama tóma innihaldið og í kosningaloforðunum. Tóm steypa Og mér fannst nú steinin taka úr þegar íslenski utanríkisráðherran kallaði rússneska sendiherran á Íslandi á sinn fund og skammaði hann fyrir atferli Rússa í Úkraníu. Kannske svipað og hreppstórinn í Grímsey (með mikilli virðingu fyrir því duglega og harðgerða fólki sem þar býr) kallaði starfsmann í Stjórnarráðinu fyrir sig og skammaði hann fyrir einhverja vinstribeygju á Suðurlandsveginum. Ég heyri hreinlega tístið í sendiherranum er hann gekk af þessum fundi

 

Ég sjálfur er handviss um að ástandi í Úkraníu og á Krímskaga er mjög alvarlegt. En að ráherra utanríkismála á Íslandi hafi þá þekkingu á málinu að hann geti gert sig breiðan við sendimann Rússa hér  það er með ólíkindum Og ímyndið ykkur sjónarmið USA um þessa deilu Pútin er þar líkt við Hitler Ég er farin að halda að hvorki þessi fv ráðherra utanríkis þar, gangi ekki á öllum frekar en okkar Ég er eiginlega viss um að flestir vesturlandabúar eru mataðir eru á þeim fréttum sem henta stórveldum vestursins. En ég segi fyrir mig að þá held ég að V-Evrópa ætti ekki að raska mikið ró rússneska bjarnarins í híði sínu. Ef hann reiddist illilega gæti það haft alvarlegar afleiðingar fyrir þá.Þá er ég að hugsa til olíu og gass sem keypt er af þeim

 

Ég ætla ekki ekki að gefa mig út fyrir að vita eitthvað meir um þessa deilu en svona hinn almenni borgari hérlendis. En sannleikurinn er virkilega sá að lýðræðislega kosinn forseti var hrakinn úr embætti af hópum mismunandi lýðræðislegum öflum. Er það lýðræði í verki??. Það er mörgum spurningum um þessa hópa sem að þessu stóðu, ósvarað.  Og þetta er það flókið mál að það er lítil von til að almenningur hérlendis hafi hundsvit á því og þessvegna megum við ekki kokgleypa allt sem matreitt er fyrir okkur í málinu Kært kvödd

 

Eygló fer ekki til Sotsjí

"Dýrasta skip Íslands sjósett"

Mér finnst það þyngra en tárum taki að sjá glæsileg skip sjósett úti í heimi fyrir íslenska aðila sem eiga svo að fara undir erlendan fána. Þ.e.a.s skipin Hér má sjá það nýjasta hvað það varðar. Og mér finnst einn af mörgum mönnum á einni myndinni ekki eiga að brosa eins gleitt og hann gerir. Sem íslenskur alþingismaður í yfir 20 ár og þar af íslenskur ráðherra í tæpan helming af því þá finndist mér að þessi maður sem slíkur ætti að hafa þann metnað fyrir hinum fallega þjóðfána okkar, að hann hefði haft ítök um að ryðja úr vegi þær tálmanir sem sagðar eru að sé í veginum fyrir að flagga honum á nýju skipum.






Nei hollustu við þjóðfánan ern hvergi að finna innan þeirrar samkundu er alþingi nefnist. Góðir og gegnir íslendingar sem muna meira en 30-40 ár aftur í tíman muna hve stórt hlutverk Íslenski fáninn lék í sjálfstæðisbaráttunni.Og hvað íslenskir sjómenn léku þar einnig stórt hlutverk í að kynna hann framandi þjóðum. Mig langar að vitna í skrif eins af skipstjórunum sem drógu hann að húni 1 des 1918. Péturs Björnssonar skipstjóra á BORG:" Við sjómennirnir hlökkuðnm ekki minna en aðrir til sjálfstæðis landsins, en það, sem vakti mesta hrifningu hjá mér, og svo mun hafa verið um flesta aðra íslenzka sjómenn. var tilhugsunin um það, að eiga að fá okkar eiginn fána að sigla undir." Og seinna:" Ég hlakkaði svo mikið til að mega draga íslenska fánann að hún, því ekki var hann einungis tákn sjálfstæðis föðurlands míns, heldur þótti mér þá, eins og mér hefir einlægt þótt síðan litirnir í fánanum svo undur fallegir, að kalla mætti hann fallegasta fána í heimi."


Ríkisfáninn íslenski





Og Pétur lýkur grein sinni á þessum orðum:"Það verða víst margir sem brosa er ég segi,að það halfi verið eitthvað líkt tilhlökkun ungrar meyjar sem á að fara í fyrsta skipti á dansleik, en þó held ég að samlíkingin sé ekki úr vegi. Þennan fyrsta dag, sem íslenski fáninn blakti yfir mér gat ég staðið stundum saman og horft á hina hreinu fallegu liti blakta í vindinuin, og ég óskaði þess þá, eins og ég veit að allir sannir íslendingar hafa óskað þann dag, að aldrei kæmi blettur á þetta fagra sjálfstæðismerki Íslands. Svo mörg voru þau orð skipstjórans farsæla Leturbreytingarnar voru mínar

Hér  má lesa færslu frá því 1 des sl um sama mál

Fáni Forseta Íslands





Annar farsæll kaupskipaskipstjóri Jón Eiríksson skrifar m.a. um sama mál: "Þjóðfáninn á að vera hverjum þjóðhollum manni heilagt tákn. Hann má ekki óvirða. En það er hægt að óvirða hann bæði með því að sýna hann á röngum stað, og röngum tíma og á rangan hátt. Og með því að sýna hann ekki á réttum stað og réttum tíma og á réttan hátt"  Síðan heldur Jón áfram og segir m.a :Íslenskir sendiherrar eða ræðismenn eða aðrir fulltrúar fyrir íslenska ríkið voru þá engir í öðrum löndum, svo ísl. sjómenn munu að mestu hafa verið einir um þann heiður að kynna fánann út um heiminn fyrst í stað." Tilv lýkur Nú er búið að taka þennan heiður af íslenskum sjómönnum. Bjarni Jónsson frá Vogi orti 1918 ljóð sem heitir Fáninn"
Svona er fyrsta erindið

"Höfin lengi horfðu' og spurðu:
Hvar er, ísland, fáni þinn,
þeim er léttfær áður urðu
úthöfin sem fjörðurinn?
Höfin, fáni, fagna þér!
Far og langþráð svar þeim ber."

Og síðasta erindið:

"Undir loft og löndin taka
landvættanna siguróð,
sól og eldar yfir vaka
íslands heiðri, göfga þjóð.
Víða' um heim til heiðurs þér
hátt þinn fána, ísland, ber!

En nú er Snorrabúð stekkur hvað þetta varðar Enginn. Alls enginn ráðamaður hérlendis er það mikill íslendingur í sér að honum varði eitthvað um þetta mál Og íslenskir alþingismenn láta taka af sér myndir "skælbrosandi" við sjósetningu á glæsilegum skipum í íslenskri eigu en sem eiga af veifa annara landa fána. Þeir ættu hreinlega að skammast sín fyrir að láta þetta mál kyrrt ligga Þó þeir státi af lopapeysum sem jafnvel eru prjónaðar erlendis með íslensku munstri. Þeir ættu að hreinlega að hrista af sér slenið og gefa þjóðinni það í 70 ára þjóðhátíðargjöf að hin glæsilegu íslensku skip hafi hinn fallega fána í skut en ekki sem gestafána í íslenskum höfnum En hér má lesa samþykkt alþingis frá 2007 um íslenska skipaskráningu

Dýrasta skip Íslands sjósett

"Hræðsla, óöryggi og allt óvíst"

Það var nú ekki ástandið í Úkraníu sem varð til að ég skrifa þessa færslu.Og ætla ég að hafa fá orð um það. En eitt er ég sannfærður um í sambandi við það mál. Þú breytir ekki þjóðfélagi sem búið hefur við einræði um aldaraðir í eitthvað sem kallast lýðræði á einni nýársnóttu Það er ég viss um og því eru þarna mikil vandræði að höndla það En ég hjó eftir fyrirsögninni á greininni "Hræðsla, óöryggi og allt óvíst".

 

 

Þurfum við að fara til Úkraníu til að finna samlíkingu við þetta. Nei og aftur nei. Þetta er fyrir hendi hérlendis í ríkum mæli. Síðan 1959 hef ég kosið til Alþingis.Og alltaf kosið "rétt" uhum Og nú síðast kaus ég töluvert öðruvísi og sem að ég taldi ungt og efnilegt fólk sem breitt gæti þessu andsk..... andleysi og sandkassaleik í þessu svokallaða alþingi. En mikil urðu vonbrigðin. Meðan stór hópur fólks býr við hræðslu, óöryggi og óvissu bröltir þetta lið í sandkassanum og eys skít og drullu hvort yfir annað. Og það eru ekki nýliðarnir heldur heldur "þungaviktarmennirnir" sem stjórna skítkastinu

 

Og  vonbrigðin eru þess meiri að það fólk sem ég kaus virðist vera á leiðinni á brjóta sín kosninga loforð. Þá er ég ekki að meina þetta andsk..... EBE mál heldur það að bæta kjör aldraða öryrkja og þeirra sem minna mega sín. Því meiri er skömm þessa liðs í sandkassanum þegar hugsað er til þess að það var þetta, nú aldraða fólk sem kom löppunum undir þessa helv..... hálfvita og gerði þeim kleift að verða að því sem það er í dag. Og þetta hvæs hvort framan í annað er ekki í þágu fyrrgreinds hóps. Það er bara til að slá ryki í augu hans og í þágu þess að halda afturendanum á stólum svokallaðs alþingis Kært kvödd

„Hræðsla, óöryggi og allt óvíst“

"Á meðan fólk sem minna má sín"

Á meðan fólk sem minna má sín í þessu þjóðfélagi og bíða eftir einhverjum úrbótum mála sinna haga þessir svokölluðu "alþingismenn" sér eins og  fífl inn í þessum kofa þarna við Austurvöll. Hver fréttatíminn á fætur öðrum er eyðilagur með fréttum af þessum lýð þarna í húsinu við völlum. Og hlusta svo á suma af þessum lýð sem ekki hafa sagt nema þriðju hverju setningu sanna í ræðustól þarna veinar yfir ósanninda ásökunum annara það er með hreinum ólíkingum.

 

 

Svo tók nú algerlega steinin úr í gær þegar eitt þeirra kallaði annan "helvítis dóna" Þá gleymdist þetta helv.... bull "háttvirtur" og "hæstvirtur". Og til að toppa skrípaleikinn voru svo tveir úr liðinu með "gjörning" sem átti víst að sanna kvenfyrilitninguna hjá "dónanum" sem þá var í ræðustól Ég er sannfærður að leikskólabörn að leik í sandkössum skólanna sýna af sér meiri þroska en liðið í stóra sandkassanum við völlin Enn og aftur er komin tómur skríll í hann Kært kvödd

Kallaði ráðherra „helvítis dóna“

"Hver les skýrsluna með sínu nefi"

Hver les skýrsluna með sínu nefi Þetta er fyrirsögn í víðlesnu íslensku dagblaði. Ætli það sé hægt að fá "kubb" í nefið til lesa með í Nýherja Ímyndið ykkur fátæktina á orðaforða hjá nútóma blaðamönnum. Kært kvödd

Fullkomlega óábyrgt að halda áfram

"Ég hélt nú að þeir væru 63 "

Ég hélt nú að þeir væru 63 slíkir. Ekki vanta allavega hávaðan þar frá þeim þó lítið fari fyrir afköstunum Það ætti að "leka" þeim öllum á Eurovision Og gera þá alla að hælisleitendum í Danmörk

Trommuleikara vantar á Alþingi

"Fiskurinn hefur fögur hljóð"

Fiskurinn hefur fögur hljóð / finnst hann oft á heiðum / Ærnar renna eina slóð / eftir sjónum breiðum Þetta mun Bjarni Jónsson kallaður Borgfirðingaskáld hafa kveðið. Þetta er svona álíka vitlaust og að tala um að "urða" síld á hafi úti

 

Munurinn er bara sá að það sem Bjarni orti voru kallaðar öfumæla vísur en það seinna úr smiðju vel ??? menntaðra blaðamanna.Þótt forseti bæjarstjórnar Grundarfjarðar hafi"misst" þetta út úr sér hefði sæmilega greindur blaðamaður átt að laga þetta í greininni. Það er með hreinum ólíkindum hvernig málfari sumra blaðamanna er háttað Og annað er með hreinum ólíkindum. Var ekki stofnaður hópur "sérfræðinga" í fyrra til að koma í veg fyrið samskonar slys og varð í fyrra?.

 

Datt mönnunum ekkert í hug sem gæti komið fyrir  samskonar slys  Annað en á elleftu stundu og  sennilega með miklum kostnaði að senda einhver óhljóð úr háfyrningum niður í dýpið. Væri kannske ráð að drifa í að  fá þennan fræga "Tilikum" og sleppa honum í Kolgrafarfjörðinn. Það væri svona álíka vitlaust. En hann er kannske meira fyrir mannakjöt en síld Kært kvödd

Vilja urða síldina á hafi úti

"Ja nú reynir illilega á heiðarleika"

Ja nú reynir illilega á heiðarleika frambjóðenda stjórnarflokkan a. Sem náðu völdum í síðustu kosningum. Ef t.d loforð um breitingu á greiðslum til lífeyrisþega og öryrkja verða svikin sem og auknu fé til aðalsjúkrahúss landsins, þá getur þetta fólk sem situr á hinu svokallaða alþingi algerlega gleymt einhverju sem kallað er virðing fyrir já því sem réttilega ætti að vera kallað:"Hið háa Alþingi"

 

 

Þá heldur þetta bara áfram að vera einhver náhirð lygara sem engin tekur mark á Sem svo sannarlega stór hluti undanfara þeirra voru. Eldriborgarar og öryrkja og þeir sem minna mega sín eru að verða fullvissir um að stærsti hlutinn af kosningaloforðunum verði svikinn. Og andsk..... mætti þá lækka rostan  í þeim þingmönnum sem hæst hafa látið um að hinar og þessar upphæðir sem renna ætti til fg sjúkrahúss. Einhvern vegin hef ég ekki trú á að maður sem stjórnað hefur því (að margra mati af snilld) í geng um geigvænlegan niðurskurð fari að yfirgefa hið sökkvandi skip ef björgunin væri í sjónmámi. Sé það rétt að engin björgun sé í sjónmáli þá má segja "svei sé þessum andsk..... lygurum"  Verið samt öll kært kvödd

Óttast enn meiri niðurskurð

"Nú er mælirinn eiginlega"

Nú er mælirinn eiginlega að verða fullur. Ekki það að maður byggist við miklu frá hægri vængnum fyrst sá vinstri brást eins illilega og raun varð á.Enn og aftur og aftur og enn á að ráðast á garðinn þar sem hann lægstur. Nú skorar ráðherra fjármála.(við skulum ekki nefna af hvaða ætt hann er. Því sumt sem maður skrifar er ritskoðað) .á hina staurblönku alþýðu þessa lands að biðja aðeins um vatn í grautinn og sleppa saltinu.

 

Hvernig á maður með greind sem er svona um meðallag kannske rétt undir, eins og ég að skilja hlutina nú til dags Á sama tíma og fg ráðherra biður okkur hérna niður við grasið að hemja okkur í heimtingum þá kvartar einn af þeim sem meira mega sín yfir því að lækka eigi skatta á honum.Meðan fólk hreinlega láti lífið vegna fjárskorts í aðal sjúkrahúss landsins. Forstjóri einnar stærstu útgerðarsamsteypu landsins hafði áhyggur af svefni barna sinna vegna ofurgjalds sem leggja átti á útgerðina. Nú sofa börnin sennilega yfir sig á hverjum morgni, því gjaldið var lækkað svo samsteypan borgaði einhverja milljarða í arð.

 

 

Ég skil vel að menn "fjárfesti" í fyrirtæki til að ávaxsta peninga sína. Og arður sé greiddur þegar vel gengur. En að ekki skuli mega skerða þann arð eitthvað aðeins meira þegar að  fjármagna þarf mannslíf, þ.e.a.s. þegar fjármagn vantar nauðsynlega til að halda opnum lífsnauðsynlegum stofnunum í heilbrigðisgeiranum það tekur yfir allan þjófabálk. Ég var sjómaður í 53 ár í flest þessara ára borgaði ég mína skatta og skyldur.Undanskylin 15 ár sem ég (vegna lítils framboðs af vinnu í þeim geira sem ég starfaði í) starfaði erlendis. Fjárfesti í þjóðfélaginu gæti maður jafnvel sagt. Það eina sem þessir svokallaðir ráherrar virtust þora að gera í hinu mikla fjármála hruni var að marg skera niður þann arð sem mér finnst ég eiga inni eftir mínar slíkar fjárfestingar.

 

 

Nokkrum valinkunnum mönnum leyfðist að setja fjármálakerfið það kyrfilega á hausinn að marga áratugi tekur að rétta það við. Hvað var gert við þá. Ekkert enn. Og verðu öruglega ekkert gert. Þessir valinkunnu menn sem sitja nú glottandi út í löndum með alla vasa fulla fjár hafa færustu lögfræðinga til að velta málum þeirra fram og til baka í kerfinu þar til allt verður fyrnt. Og að svo verði að lækka skatta á þeim  þeir sem jafnvel hafa margar milljónir á mánuði (stundum á viku) fyrir setu í slitastjórnum er með hreinum ólíkindum. Nei það skulu bara vera við "sauðsvartur"almúginn sem skal borga brúsann. Og hinn ættstóri ónefndi ráðherra (sem hefur nóg af salti) biður þann svarta að vera nú ekki að heimta meira salt. Svo að allt fari nú ekki fjand... til aftur og enn.

 

 

Vilhjálmur frá Skáholti kvað einu sinni

Stæli ég glóandi gulli
úr greipum hvers einasta manns
þá væri ég örn minnar ættar
og orka míns föðurlands.

Þannig er Ísland í dag.Það var þannig í gær og verður þannig á morgun og hinn og hinn Maður gerir síg að fífli á fjögurra ára fresti og stundum er styttra á milli þessara fíflaláta sem kallast kosningar. Maður fíflast til að hlusta á fagurgalan og trúir og kýs. Niðiurstaða ávallt sú sama.Ef almúinn á fyrir saltinu í grautinn þá fer eittvað sem heitir verðbólga af stað.Og skerða þarf kjör þeirra Ég taldi mig nú eins og ég hef talið mig hafa gert síðan 1959 hafa kosið rétt.En ég sé nú að það var tóm vitleysa. Eins og í flest skiftin áður þó með örfáum undantekningum. Þó kannske munnurinn á fleiri verkalýðsleiðtogum en þessum eina þarna uppi á Skaga opnist núna vegna hægri slagsíðu trúi ég ekki á þá. Er orði uppgefinn á nöldrinu og kveð ykkur kært

     

Hafa verið að glöggva sig á stöðunni

"Ég hef haldið kjafti"

Þessi færsla er smá tjékk á tjáningafrelsinu hér á þessu landi Ég hef haldið kjafti helv... töluvert lengi En nú finnst mér að mál að linni hvað það varðar. Maður var orðin svo orðlaus yfir hvernig Jóhanna og Steingrímur,"grímulaust" dróu eldriborgara öryrkja og þá sem minna mega sín niður í svaðið. Svo komu kosningar og sjá maður glaptist á loforðum um betri tíð og blóm í haga 1 ágúst var sagður tímamótadagur hvað vænkandi hag varðaði hjá f.g flokkum fólks.

 

Það var talað um að lífeyrissjóður myndi ekki skerða grunnlífeyririnn. Ekki veit ég hvað bilaði en ég fékk nákvæmlega sömu upphæð útborgaða frá TR og mánuðinn áður. Maður er nú orðin svo gamall sem á grönum má sjá og búinn að lifa lífinu stundum út á ystu brún á hinnu breiðu braut en síðustu rúm þrjátíu árin haldið mér á þeim þrengri. En maður er orðinn hugsi yfir hvernig komið er fyrir þeirri þjóð og því landi sem maður á árum árum var svo stoltur af að tilheyra. Og maður spyr sig nokkurra spurninga:

 

Getur þjóð sem ekki getur haldið uppi nægilegri lögæslu fyrir þegna sína talið sig skjálfstæða ? Getur þjóð sem ekki getur haldið uppi nægilegri heilsugæslu fyrir þegna sína talið sig sjálfstæða ? Getur þjóð sem misst hefur stærsta hluta banka kerfisins í hendur erlendra hrægamma ( sem sennilega eru betri en þeir íslensku voru) talið sig sjálfstæða ? Getur þjóð sem ekki getur hlúð að þeim sem minna mega sín vegna fötlunnar og öldrunar talið sig sjálfstæða ?. Væri ekki einstaklingur sem hegðaði sér eins og stjórnvöld þessa lands undanfarin ár komin fyrir löngu inn við sundin blá. Með fullri virðingu fyrir þeim aðilum sem þar verða að dvelja vegna veikinda sinna.

 

 

Stjórnvöld sem heimiluðu eftirgjöf á milljarðaskuldum stóreigna manna meðan margnefndir "minna mega sín flokkar" voru rúðir inn að beini. Þau ætla nú að hækka afturvirkt (sem fjármálaráðherra telur sjálfsagt) um 20-30 % laun hálaunaðra embættismann Mig minnir að sú stjórn sem nú starfar verði 70 daga á morgun Hvað liggur eftir hana: EKKERT Eitt allsherjar 0, síró. Hinn mikli vonar dagur 1 ágúst brást Og ég held að konsningafroðan sé að þynnast út Og þegar sá helblái Ingvi Hrafn á INN er nú farinn að bölva henni fyrir sinnuleysi þá er nú skörin farin að færast upp á bekkin Verið ávallt kært kvödd 

PS Það var tekið afrit af þessari færslu og hún birt annarstaða verði henni hent út hér eins og þeirri síðustu Sömu kveðjur

 

"Það er nú ekki annað"

Það er nú ekki annað hægt en hlæja að svona kosningaglamri. Samfó er búinn að níða skóinn af þeim sem minna mega sín undanfarið þ.á.m. eldri borgurum.

En nú akkúrat nú þykjast þeir vera búnir að finna þá og nú  geta sett þá á fætur fólks aftur Hver trúir virkilega svona helv.... kjaftæði. Ég ætla bara að vona að fólk láti ekki glepast af þessari kosningabrellu Svona fimm mínútum fyrir kosningar. Kært kvödd

Vilja bæta lífeyrisþegum skerðingu

"Þetta er nú að verða "

Þetta er nú að verða meiri skrípaleikurinn hjá XD Svo standa þögulir "herkænskumenn" glottandi bakatil. Og láta sem ekkert sé Og þykjast ekkert koma nálægt vígstöðvunum.

 

Oft fyrir kosningar koma mér í hug þau orð sem J. Steinbeck lætur persónuna Docs segja í skáldsögunni Ægisgötu. ("Cannery Row" sem Karl Ísfeld þýddi og las sem útvarpssögum á áttuna áratugnum) Docs er látinn segja á einum stað

 

 

"Það sem við dáumst að í fari manna,góðvild,örlæti,hreinskilni,heiðarleiki og samúð eru fylkifiskar mislukkunar í þjóðskipulagi okkar.Og þeir eiginleikar sem við.fyrirlítum,harðýðgi,græðgi,ágirn,níska,sjálfelska afla mönnum veraldargengis.Og þótt menn dáist að kostum hinna fyrrnefndu eiginleika,eru þeir sólgnir í afrakstur hinna  síðarnefndu"

Svo mörg voru þau orð Docs. Mér persónulega finnst mikill sannleikur felast í þessum orðum  Verið ávallt kært kvödd

Styðja Bjarna áfram

"Margir eru ornir leiðir"

Margir eru ornir leiðir að þessari þvælu sem eru nefnd sjórnmál. Þetta er að margra mati farið að eyðileggja sjónvarpsdagsskrána sem er nú ekki beysin fyrir.Framsókn hrósar yfir sinni stöðu sinni í skoðanakönnunum undan farið

 

 

En Sjallarnir eru daprir.Og þeir segja lítið sé að marka þessar kannanir. En sögðu ekki margir þetta sama þegar skoðanakannanir spáðu furðufuglinum Jóni Gnarr miklu fylgi í borgarstjórn Rvík ??. Og ég man að margir XD menn sögðu þetta ekki marktæka, vitleysu. Þ.e.a.s spáin.

 

Kannske var það "ekki endirinn. Ekki einusinni byrjunin á endinum. En þetta var kannske endirinn á byrjunni " fyrir þann ágæta flokk sem fjölmargir í öllum stéttum fylgdi að málum Svo maður hugsi til orða frægs erlends flokksleiðtoga af sama væng.

 

Allt lítur út fyrir að maður sjái annan flokk en XD sem stærsta flokk á alþingi á síðustu árum ævinnar. Maður ólst upp og hefur lifað alla tíð með hann sem slíkan En sagt er að enginn viti sína ævi fyrr en öll er Verið kært kvödd

Framsókn ánægð - sjálfstæðismenn brýna vopnin

"Hver sá flokkur"

Hver sá flokkur sem færir hina íslensku þjóð  saman, laðar til samstilltra átaka fyrir góðum og nytsömum málum, skapar samúð og góðvild milli stétta okkar fámenna þjóðfélags, hver sá flokkur  sem þessu fær áorkað er góður flokkur Og þannig flokk vil ég kjósa

 

Það er sagt að í Etýðu fyrir píanó,opus 10 nr 5 eftir Frederic Chopin,sé aðeins einn tónn á hægri hendi,sem er spilaður á hvítu nótunum.Allt annað er spilað á svörtu nótunum.

 

Af hverju er ég að segja þetta. Jú mér dettur þetta í hug er ég hugsa um hvernig stjórnendur þessa lands hafa spilað lög sín undanfarið. Hvað varðar þá sem minna mega sín og standa höllum fæti í lífinu Allt spilað á svörtu nótunum.Og nú hef ég í huga skilgreiningu almennings á hvítu og svörtu

 

Gerir fólk sér grein fyrir  smáninni sem felst í fyrir fólk sem þarf að fara til hjálpasamtaka og standa í biðröðum til fá þar ókeypis mat og kannske einhverjar flíkur.Ekki það að ég þarfnist þess en þann flokk sem kæmi því til leiðar að þetta hverfi, þann flokk  myndi ég vilja kjósa

Verið ávallt kært kvödd

Dugar fyrir skuldaleiðréttingu og meiru til