Sjórán

 

Enn og aftur hafa sjóræningar í Sómalíu rænt skipi í danskri eigu þetta sinn dráttarbátnum"Svitzer Korsakov,með 6 manna áhöfn.Skipið sem er í eigu dótturfyrirtækis Mærsk,nýbygging frá skipasmíðastöð í St Petersburg var á leið til framtíðarbækistöðvar sinnar í Sakhalin Island sem ligga milli  Norðvestur Japan og Rússlands.Áhöfnin samanstendur af enskum skipstj,írskum yfirvélstj.rússneskum yfirstm,og 3 rússneskum undirmönnum.

 Dráttarbáturinn"Svitzer Korsakov

Samningaumleitunum við sjóræningana standa yfir. Fyrir tæpu ári var öðru dönsku skipi rænt á svipuðum slóðum með sama hætti.Þá tók það tæpa 3 mánuði að semja um lausn.Ég hef það eftir áreiðanlegum heimildum að mestu erfiðleikarnir í þeim samningaviðræðum voru að menn vissu oft ekki hvort þeir væru að ræða við réttu mennina.Þ.e.a.s réttan hóp sjóræninga.

Dráttarbáturinn Svitzer Korsakov 

 

Og þegar skipinu var að lokum sleppt inn í landhelgi Sómalíu þá voru menn á nálum um að skipinu yrði aftur rænt og þá af einhverjum öðrum hóp,áður en það næði út fyrir hana.

 

         t.v kort af Sómalíu t.h m/t Nordtramp sem ég sigldi nokkrum sinnum á um Strait of Malacca.Frægt sjóræningasvæði

Ég taldi mig hafa lesið á danir ætluðu að senda herskip á þessar slóðir til varðgæslu en eitthvað hefur það ekki virkað sem skildi ef rétt er munað hjá mér.Svona atburði eigum við íslendingar að taka alvarlega,þó nokkuð mikill breiddarmunur sé.Eru ekki íslenskir togarasjómenn að fiska út um allan heim?.Eru ekki íslenskir sjómenn að sigla seldum skipum út um allt. Sómalíusvæðið er bara eitt af hættulegum svæðum hvað sjóræninga varðar,

 

     T.v "Strait of Malacca.Frægt sjóránasvæði þegar ég var að sigla.t.h.Malasía.Á þessu svæði eru mörg sjóræningabæli

Svæðið kring um Singapoore,út af Nigeríu,Jemen og nokkur svæði í Carrabean,voru fræg þegar ég var að sigla.Það var lítið hægt að gera þegar siglt er um vafasöm svæði.Það helsta að allir væru á vakt og vakandi og ef eitthvað hreyfðist í átt til skipsins voru skipverjar á dekkinu reiðubúnir með öflugan smúl til þess að geta dælt sjó á sjóræningjana af fullum krafti ef þeir nálguðust skipið.

 

     Nokkur þekkt sjóræningasvæði.

Ég var nokkrum sinnum með í svona"æfingum"Yfirleitt gerðu þeir árásir sínar í myrkri þess vegna fylgumst við vel með rödurunum og beindum"smúlnum"að öllum "ekkóum"sem nálguðust okkur innan vissrar fjarlægðar..Við eigum að taka svona alvarlega og siglingaryfirvöld hér á landi eiga að fylgast vel með á þessu sviði.Og ef eitthvað kemur upp sem hægt er að gera betur en nú þekkist þá að láta viðkomandi aðila fylgast vel með því.

 

T.d Slysavarnaskólann/Landhelgisgæslu.Ef menn hafa eitthvað lesið af bloggi mínu síðan í fyrra þá geta þeir séð að ýmsilegt sem ég var að vara við er að koma á daginn.Þá var ég sakaður um"hræðsluáróður"og að ala á andúð á útlendingum.Það er eins og fólk skilji ekki alvöruna í því að við erum komin í"samband"við alheiminn"

Haus hins fræga sjóræninga Svartskeggs hangandi í bugspjóti  HMS Pearl á sínum tíma

Við erum ekki lengur þessi litla saklausa afskekkta þjóð sem allir eiga að vera svo góðir við.Alvaran í heiminum blasir við okkur.Það hefur ekkert að gera með andúð á venjulegu erlendu fólki.Langt frá því.En glæpahyski eigum við að reyna eins og við getum að forðast af hvaða þjóðerni sem er.Og þá eru sjóræningar við strendur annara landa innifaldir.Þeir sem ekki hafa gefist upp á lestrinum eru kært kvaddir.

 

 

 

 

Athugasemdir

[Sigmar Þór Sveinbjörnsson, 8.2.2008 kl. 23:22]

Heill og sæll Óli tek undir þetta hjá þér að við eigum að fylgjast með umræðu um þessi mál. Það hlítur að vera ógeðsleg lífsreynsla að lenda í þessum sjóræningjum.

kær kveðja

[Einar Örn Einarsson, 9.2.2008 kl. 09:36]

Athyglisvert.

Merkilegt að þetta skuli enn viðgangast.

Takk fyrir skrifin þín. Það er ómetanlegt að halda til haga frásögnum af sjónum, líkt og þú gerir.

Kveðja

[Ólafur Ragnarsson, 9.2.2008 kl. 14:30]

Sæll Einar.Já ég varð undrandi þegar ég fór að sigla úti,og fór að upplifa hinn harða heim.Manni fannst stundum maður komin inn í aðra veröld.Ég man ég ljósritaði telex sem okkur barst frá útgerð 1sta skipsins(sem var Nordtramp"80,000 ts tankari sem silgdi aðallega í Asíu)Til að senda kunningum heima.En í því var skipstjórinn varaður við að hafa mikla aðgát í Singaporesundinu.Ástæðan var að skipstjóri á systurskipi sem hafði verið á siglingu í sundinu hafði vaknað við að hnífi var þrýst að hálsi hans,hann látinn opna peningaskápin látin afhenda  alla peninga og öll verðmæti,m.a.giftingarhring sinn.Þegar svo ræsa átti"kallinn"í morgunmat lá hann keflaður í kojunni.Enginn á skipinu hafði orðið var við ræningana svo snyrtilega fóru þeir að þessuÞ.að var talið að þeir hafi laumast á einhverskonar"tuðru aftan að skipinu,Fleygt svo köðlum með krókum á og getað þannig klifrað um borð.Kært kvaddur

[Ólafur Ragnarsson, 9.2.2008 kl. 14:34]

þarna vantaði inní:varaður við og beðin að hafa mikla o,sv fr

[Sævar Helgason, 9.2.2008 kl. 17:09]

Þessa sjóræningja  er víða að finna og  eiga sér  langa sögu.   Ég minnist þess  þegar við komum á Hamrafellinu síðla árs 1956 á ytri höfnina í Palermo á Sikiley og lágum þar frá kvöldi fram á morgun næsta dag. Strax um kvöldið þyrptist fjöldi smá báta að skipinu og bátsverjar húkkuðu krókstjökum í þau kýraugu sem opin voru og voru eldsnöggir að klifra upp og innum kýraugun... þar sem enginn var inni þá var herbergið hreinsað vel út. Og um morguninn þegar hásetaliðið ætlaði að fara í málningarvinnu .. kom í ljós að allar skipsbirgðirnar af málningu , um 1/2 tonn voru horfnar.. þeim hafði verið stolið um nóttina. Við urðum reynslunni ríkari.

[Guðjón H Finnbogason, 9.2.2008 kl. 20:47]

Það getur skeð í höfnum á Íslandi ef þú læsir ekki klefanum að það sé farið í hann og rænt úr honum.