"gleðilegar fréttir"

Þetta eru gleðilegar fréttir fyrir öryggismál sjómanna eða eins og segir í fréttinni:"Björgunarsveitir landsins hafa undanfarið verið að efla sjóbjörgunarþátt sinn enda ekki vanþörf á, samkvæmt upplýsingum frá Slysavarnafélaginu. "

 

Á sunnudag er 72 Sjómannadagurinn haldinn hátíðlegur. Í tæp 2 þúsund ár hafa íslenzkir sjómenn lagt út á djúpið til að sækja þjóð sinni björg og blessun í nægtabúr hafsins. Í meira en þúsund ár hafa íslenzkir farmenn snúið stöfnum tíl annarra landa, til þess að selja varning þjóðarinnar og flytja heim andvirði hans, þjóðinni til viðurværis.

 

Og til að tala hreina íslensku þá segi ég að þeir íslendingar sem ekki telja sig umkomna til að taka þátt í þessum degi nema undir einhverju  öðru nafni, það fólk á bara að skammast sín, Sjómannadagur heitir hann og ekkert annað. Þetta hyski sem tilheyrir þeim hóp ætti t.d. að glugga í sögu landsins á "stríðsárunum" Engin íslensk stétt varð fyrir annari eins blóðtöku og sjómannastéttin. Kjörorð sjómanna  er Hreysti, drengskapur, fórnarlund. Þetta er hægt að sanna á margan hátt.

 

T.d. þegar menn hafa rétt öðrum sem ekki höfðu bjargbelti, sitt  Hvernig sumir sárir létu sinna öðrum fyrr en sjálfan sig. "Meiri elsku hefir enginn en þá, að hann lætur lífið fyrir vini sína". Við þurfum ekki að lesa lengi í frásögnum af voðaatburðum á sjó til að finna þessi dæmi.

 

Svo langminnug  sem söguþjóðin stærir sig af að vera, ætti seint að  fyrnast saga margra sjómanna og ævilok þeirra.Og ég skora á þetta fína fólk sem ekki getur tekið þátt í "Sjómannadeginum" nema undir einhverju menningarnafni að kynna sér þessa sögu. Finna þar þessi dæmi um hreysti drengskap fórnarlund og reyna að læra af því 

 

Og þetta fina fólk sem ekki getur tekið þátt í hinum sanna Sjómannadegi ætti að leita að og læra kvæði skáldsins frá Fagraskógi þar sem hann segir  „Í þúsund ár bjó þjóð við nyrztu voga, mót þrautum sínum gekk hún djörf og sterk"  Þetta hefur því miður gleymst í öllu helv.... menningargasprinu. Með kærri kveðju til þeirra sem það eiga skilið

Bætt í bátaflotann

Athugasemdir

[Sigmar Þór Sveinbjörnsson, 4.6.2010 kl. 21:37]

Heill og sæll kæri bloggvinur, takk fyrir þennan góða pistil og fleiri um sama efni, ég tek undir hvert einasta orð sem þú skrifar hér. Takk fyrir þetta Óli.

Kær kveðja og til hamingju með SJÓMANNADAGINN 2010

[Anna Sigríður Guðmundsdóttir, 5.6.2010 kl. 14:02]

Ólafur. Takk fyrir þennan góða pistil og til hamingju með daginn. M.b.kv.

[Haraldur Haraldsson, 5.6.2010 kl. 16:03]

ÓLi hefði ekki orðað þetta svona vel ein og þú kemst réttilega að orði/við sem erum með sjómannsblóð i æðum skiljum þetta i botn/Kveðja /og til hamingju með daginn/Halli gamli

[Kolbrún Stefánsdóttir, 6.6.2010 kl. 11:48]

Til hamingju með daginn minn kæri bloggvinur. Eruð þið Halli gamli með saltvatn í æðunum :))) kveðja á ykkur alla. Kolla.

[Ólafur Ragnarsson, 7.6.2010 kl. 12:47]

Komiði sæl öllsömul og ég þakka innlitið. Já Kolla það er satvatn í æðum okkar allra ekki síður hjá Sigmari Þór. Ötulum baráttumanni fyrir öryggismálum sjámanna í tugi ára. En Sjómannadagurinn kom vel út á flestum stöðum ef dæma má fréttir Verið öll ávallt kært kvödd