Meiri and....... vitleysan

Hvað á  að ganga langt í þessari endemis vitleysu. Hve lengi á að líða nokkrum mönnum að standa í vegi fyrir að stórkostleg verðmæti séu fyrir borð borinn í orðsins fyllstu merkingu.  

 

Maður hlustar á sjómenn tala um að það sé hvergi hægt að kasta trolli án þess að það hreinlega "fyllist"af vænum þorski. Ég heyrði í dag að "grásleppukallar" viða um land séu í standandi vandræðum út af hinu sama.Og maður hlítur að spyrja sig hvert fer meðafli þeirra???  

 

 

Og ég spyr af hverju ættu sjómenn hringinn í kring um landið að vera að ljúga um þorskgengdina. Það er sagt að hinir menntuðu "fræðingar" viti meir um þetta lokaðir inn á skrifstofu við vissa götu (sem skírð er eftir einum helsta frumkvöðli atvinnuvega á Íslandi) heldur en sumir þessara lítt lærðu manna sem á miðunum eru á bátum/skipum sínum.

 

Líú verður náttúrlega að styðja við bakið á sínum mönnum þó það kosti þá milljarða Það væri gaman að sjá tölur um"Hafróaflan" undanfarið

LÍÚ: Niðurstaða Hafró vonbrigði

Athugasemdir

[Árni Þór Björnsson, 16.4.2010 kl. 18:25]

Eru þetta kannski keyptar eða beygðar skoðanir pólítískt sveigðar hjá Hafró ??

[Búinn að fá nóg (IP-tala skráð) 16.4.2010 kl. 19:19]

Þetta er samsæri, það er fáránlegt að hugsa til þess að menn skuli vera tilbúnir til að fremja slíkt samsæri gegn þjóðinni. Ástæðan er augljós. Það er verið að svíkja þjóðina um gríðarlega aukningu útflutningsverðmæta svo glæpamenn geti haldið einokunarstöðu sinni!

Ég þoli ekki að horfa upp á þetta lengur og ætla að flytja úr landi

[Árni Gunnarsson, 17.4.2010 kl. 07:28]

Gamli vinur. Þetta er jafngildi náttúrurhamfara og hefur staðið yfir um áratuga skeið í boði stjórnvalda. Og þú nefnir grásleppukarla. Ég held að þeim hafi að lokum verið "leyft" að landa - oft mismunandi legnum og skemmdum fiski sem beðið hefur í netunum í viku eða meira og fái þá hluta af aflaverðmætinu!

Dæmi: Maðurinn var búinn að fá brælu og loks þegar hann gat dregið þá fór mestu hluti dagsins í að greiða þorsk úr netunum og eins og gefur að skilja meiri hlutinn skemmt eða ónýtt. Hugsanlega eitthvað af lifandi fiski með. Nú kemur hann að landi eftir að hafa dregið þriðjung af því sem hann hefði komist yfir ef þessi þorskur hefði ekki komið og orðið til bölvunar. Dagurinn er misheppnaður og tjónið óbætanlegt. En nú versnar í því. Hafi hann gerst heiðarlegur þa leggur hann inn á markað þennan fisk. Hann kaupir löndun, vigtun og greiðir öll tengd gjöld. Verðið a þessum fiski á markaði gæti verið svona 30 kr. pr. kg. Þetta eru 300 kg og brúttóverðmætið þá 9000.  Segjum að hann fái nú þriðjung verðsins sjálfur og þá er ekki líklegt að hann tapi endilega svo miklu á heiðarleikanum að það setji hann á hausinn þó hann álpist til að gera þetta einu sinni.

En ef honum dytti í hug að gera þetta aftur þá er ekki annað í boði fyrir fjölskylduna en að svipta hann fjárforræði.

þessi grásleppukarl er greinilega óbótamaður í augum Fiskistofu og ráðherra sjávaútvegs og meðhöndlaður því samkvæmt.

Þetta er auðvitað samfélagslegur glæpur framinn af ráðuneyti. Ráðuneyti sem kemst upp með að gera heiðarlegu fólki ómögulegt að vera heiðarlegt. 

[Árni Gunnarsson, 17.4.2010 kl. 07:36]

Og í viðbót: Það má einfalda allar ályktanir um þetta mál. Sá sem lætur sér koma til hugar að eyða ævinni í að vera sjálfstæður og lifa á útgerð trillunnar sinnar verður að gera sér grein fyrir einu í upphafi. Allt frá fyrsta degi er hann dæmdur maður í augum sjávarútvegsráðherra Íslands. Dæmdur maður- en að vísu á skilorði!

[Ólafur Ragnarsson, 17.4.2010 kl. 14:32]

Sælir og ég þakka innlitið. Já Árni minn "gamle ven" Þeta er góð útfærsla hjá þér og dagsönn. Þetta er með algerum endemum hvernig þessu er stjórnað í dag Verið ávallt kært kvaddir

[Hermann (IP-tala skráð) 19.4.2010 kl. 14:06]

Hvernig er stjórn Hafró skipuð?

getur verið að það sé "óhagkvæmt" fyrir LÍÚ menn að rallið komi vel út? getur verið að tilgangurinn sé að halda kvótaverði háu?