Trommuleikari

Skildi hann fá að berja"bumbur"í nótt?

Tommy Lee kominn suður

"Á lausu"

 

 

 

 

Sigmund er góður í dag (25/1´08)sem og vanalega."Gamli góði"Villi  nú II og nv borgarstjóri að hreinsa út úr Ráðhúsinu í Rvík.En inni er enn kona sem kemur út í glugga og heldur á spjaldi sem á stendur"á lausu"Já hún er á lausu blessuninn.Ekki efa ég að faðir þeirrar persónu sem ég held að Sigmund sé að túlka þarna,hefði einhvern tíma viðhaft kjarnyrta íslensku ef hann hefði verið að lýsa öðru eins"lauslæti"í stjórnmálum eins og umrædd persóna er búin að sýna.

 

Ég efast um að orð úr Íslendingasögum hefði nægt.Þvílíkur rælll sem dansaður er.Er virkilega til fólk í henni Reykjavík sem trúir á þessa manneskju til starfa fyrir sig í borginni.Hún er kosinn í Borgarstjórn af ákveðnum lista sem borin var fram undir ákveðnum listabókstaf"og óháðir"var bætt við flokksnafnið.Flokkurinn nær inn 1 manni í Borgarstjórn.1sti vara maður var svo umrædd persóna.Hún tapa svo varaformannsslag í fv flokk sínum.

 

Hún og 1sti maður á lista flokksins í Borgarstjórn ganga bæði úr flokknum,í framhaldi af því.Margumrædd persóna stofnaði síðan annan flokk.Og fer í framboð fyrir þann flokk til Alþingiskosninga fyrir kosningar sl vor.Hvort aðalmaðurinn af fyrrgr. lista gekk í þann flokk veit ég ekki.Hún varð varaformaður í þeim flokki.Síðan veikist fyrrgr. aðalmaður í Borgarstjórn og persónan tekur við.Persónan spilar svo furðulega rullu í "kuppi"vinstri manna í Borgarstjórn í nóv.

 

Skoðanakönnun var gerð daginn eftir.Þá kemur í ljós að fyrrgreindur listabókstafur tapar um 7%.Þá lætur þessi persóna hafa eftir sér í Fréttablaðinu þ 15 nóv.síðastliðinn þar sem m.a.segir ""Það er mjög jákvætt að kjörfylgi flokkana hafi ekki minnkað.Hún segist ekki samsama sig sig fylgi Frjálslynda flokksins,en rúm þrjú prósent styðja Frjálslynda og óháða.Enda er ég farin úr þeim flokki.""Maður hlýtur að spyrja sig:"er þetta ekki valdagræðgi af 1stu gráðu?".Þarna var hún að svara blaðamanni vegna skoðunnarkönnunar sem sýndi að fv flokkur,sem fyrgreind persóna bauð sig svo sannarlega fram fyrir hrapaði úr 10% við kosningar niður í 3,1% í skoðanakönnun.

 

Hverskonar stjórnmálamaður lætur svona vitleysu út úr sér.Ég skil ekki Svandísi Svavarsdóttir,sem ég held að sé upprennandi,átreystandi stjórnmálakona,skuli styðja sig við þessa hækju,sem hafði engan stuðning(eftir ummælum hennar sjálfar eftir umrædda skoðanakönnuna)Svo kemur hinn raunverulegi borgarfulltrúi til starfa.Þá er hann krafinn um læknisvottorð.Það mun vera einsdæmi í öllum samskiptum manna í opinberum störfum.Í mínum huga er það með einsdæmum  hvernig  hvernig fólk hefur"velt"sér uppúr veikindum þessa manns.Þetta minnir mig á árásir á Gudrun Schyman f.v formann Vänstre Partiet í Svíþjóð á sínum tíma.Þegar átti að"bola" henni úr formannssætinu efir hún kom til starfa eftir áfengismeðferð.

 

Ég er ekki að bera veikindin saman.Ólafur er ekki alki En alkaholismi eru viðurkenndur sjúkdómur hér á landi.Svo dæmin eru sambærileg að því leiti.Og hugmyndin að baki sú sama,finnst mér.Forðast rökræðuna með því draga veikindi inn í umræðuna.Nota veikleika persónunar(ef hann er þá fyrir hendi í þessu tilfelli)til að skjóta hana niður.Sjórnmálamenn sem svona hugsa og gera ,skammist ykkar.Nú væri gaman að vita í sambandi við fyrrgreint læknisvottorð sem borgarstjórnarfulltrúinn sem var veikur,var beðinn um þegar hann mætti til starfa.

Hver var það sem krafðist þess?Þarna finnst mér vanta skýringar frá fv meirihluta.Við samanburð á stefnuskrá þess lista sem þessar 2 manneskjur buðu sig fram fyrir og þeirri skrá sem nv meirihluti leggur leggur fram kemur í ljós að yfir 90% af því sem á þessu 2 plöggum stendur er samhljóma.Manneskjan þ.e.a.s að þessi ummrædda persóna"á lausu"er sem sagt að svíkja að minnsta kosti 90% af því sem hún þóttist berjast fyrir á sínum tíma við Borgarstjórnar kosningarnar, síðustu.þetta er umhugsunarvert fyrir flokksfólk hins nýja flokks hennar. 

 

Og hvaða steinar voru það sem nv Borgarstjóri lætur skína í að hafi verið lagðir í götu sína við endurkomuna af varamanni sínum.Borgarstjórinn nv var mikið spurður út í hvenær hann skýrði umsemendum sínum um meirihluta um að títt nefnd varapersóna styddi hann ekki.Ég tók skýringu hans gilda.En það væri líka fróðlegt að vita hvert"loforð"varapersónunar til fv borgarmeirihluta var þegar fyrra"kuppið"var gert..Ætlaði hún að sjá um hann,að hann yrði ekki til vandræða þegar að kæmi,ef þá hann kæmi til baka.Skildu vopnin hafa snúist í höndum hennar.Ég endurtek að ég skil ekki Svandísi Svavarsdótir sem ég met mikils sem stjórnmálamanns að hún skildi láta fé og valdagráðuga persónu leika svona rækilega á sig.

 

Og til að bíta höfuðið af skömminni krefur þessi persóna nú sinn gamla flokk sem hún reyndi að kljúfa,um kaup á meðan hún háði harða kosningabaráttu fyrir sinn nýja flokk. gegn honum.Ja nú finnst mér skítal..... vera farinn að reka við.Og ég get ekki annað séð en að títtnefnd persóna sé búinn að kljúfa þann flokk líka.Formaðurinn þess flokks talaði um hægrisinnaðan umhverfisflokk.

Ég get hreinlega ekki séð neina"hægri sveiflu"í rælnun sem daman dansar í dag.Það er fróðlegt að hugleiða orð sem títtnefnd persóna læt hafa eftir sér 2005 eftir brotthlaup Gunnars Örlygssonar úr fv flokki þeirra begga.""Símalínur hafa verið glóandi hjá mér frá því að ákvörðun hans varð opinber"segir hún,"Flestir tala um að þeim finnist ósanngjarnt að hann skuli hafa haft þingsæti af flokknum með þessum hætti""(frétt úr mbl 13 maí 2005) Nú er þessi auminga manneskja eiginlega flokkslaus."Á lausu"lætur Sigmund standa á spjaldi hennar.

 

Ég held satt að segja að þar hafi hann enn og aftur hitt naglan beint á höfuðið.Svo urðu ummæli ástsællar leikonu sem sem fylgdi títtnefndri persónu að málum og fór mikinn yfir"útlendingahatri"fv flokks þessara vinkenna á Borgarstjórnarfundi undarleg í meira lagi en þar mun hún hafa kvartaði yfir ágengni útlendinga á kaffihúsum borgarinar.Ég vil taka fram að ég styð ekki þennan nv meirihluta.En það skiftir engu máli ég bý hvort sem er ekki í Borginni

 

En mér finnst aðförin að nv borgarstjóra til skammar.Og að maðurinn eigi að fá frið við að vinna sitt verk.Ég sé satt að segja lítinn mun á þessum 2 aðgerðum.Þessu sem gárungarnir eru farnir að kalla"Vestmannaeyjamódelið"!!!!!!!.En mér finnst lúalegar aðferðir ógeðfeldar hvar sem þeim er beitt.Og ég er farinn að efast um þetta"rassvasalýðræði"sem tíðkast hér nú um stundir sé fólki til góðs.

Og sem dæmi um ólýðræðislega pólitík tek ég ásakanir prestssonarins úr Saurbæ sem sem vinur og flokksbróðir á að hafa kastaði öllum eldhúshnífum sínum í bakið á.Mér finnst nú ekki könnun þar sem hringt er í 600 manns og 72.7% af þeim tóku afstöðu þ.e.a.s um 430 manns.74,1 % af þeim studdu ekki þennan nýja meirihluta eða um 320 manns af um  um 87000 þ manns eða 0.3 %eitthvað  svoleiðis.Viss er ég um að Degi B og & co hefði þótt það lélegt ef það hefði á þann veginn.

Hvernig væri fyrir títtnefnda persónu sem nú er "á lausu"að taka sér vísu Páls J Árdal sér sem fyrirmynd

Ó,hve margur yrði sæll/og elska myndi landið heitt/mætti hann vera í mánuð þræll/og moka skít fyrir ekki neitt.

En það dytti henni aldrei í hug,þeirri góðu persónu.Við skulum minnast orða sem Steinbeck leggur í munn"Dock"í skáldsögunni"Ægisgötu""Það sem við dáumst að í fari manna góðvild,örlæti,hreinskilni,heiðarleiki,skilningur og samúð eru fylgifiskar mislukkunnar í þjóðfélagsskipulagi okkar.Og eiginleikar sem við fyrirlýtum:harðýðgi,græðgi,ágirn,níska,sjálfselska,og eigingirni afla mönnum veraldargengis.Og enda þótt menn dáist að kostum hinna fyrrnefndu eiginleika,eru þeir sólgnir í afrakstur hinna  síðarnefndu.""Tilvitnun líkur.

 

Þessi skrif eru enginn stórisannleikur heldur hugleðingar gamalls sjóara sem lætur sumt fara í sínar fínustu taugar.Sem sjálfur hefur oft staðið frammi fyrir óskemmtilegum sannleika,en alllavega ekki síðustu rúm 27 ár reynt að ljúga sig frá honum eða kenna öðrum um ófaris sínar.Séuð þau(ef einhver eru) sm hingað hafa lesið kært kvödd

1959

 

Á þessari vertíðinni 1959 skeði margt sem átti eftir að hafa mikil áhrif á líf mitt í framhaldinu.Ég talaði um að ég hefði  kynnst"sætustu"stelpunni á böllunum.Nokkrum árum seinna átti ég eftir að giftast henni og vera það til allmargra ára.Þarna í Eyjum eignaðist ég góðra vini og að þeim vinskap bý ég enn þann dag í dag.Vesmannaeyingar tóku á móti mér með útbreiddum armi sem ég einnig bý að enn í dag.Góðvild og hjálpsemi sem er þeirra aðalsmerki.

 

 Til v Léttir báturinn sem fleytti mér síðasta spölinn í land í jan 1959,Og svo hinar fallegu Vestmannaeyjum

En þessi vetrarvertíð 1959 var mikil ógæftavertíð allavega jan og febrúar.Örfáir róðrar farnir þessa mánuði.Og mannskaðar urðu miklir.Stax 2 jan tekur mann úf af togaranum Sólborg.

 

 Hið nýja og glæsilega Grænlandsfar sem fórst í jómfrúarferðinni í jan 1959

 

30 janúar ferst danska Grænlandsfarið Hans Hedtoft í ofviðri í sinni fyrstu ferð.Það var sagt fyrir Jómfrúarferðina að skipið gæti ekki sokkið.Það sama og var sagt um Titanic 1912 þegar það skip fórst einnig í jómfrúarferð og með því 1500 manns.Með Hans Hedtoft fórust 95 manns.Snemma í febrúar fær skip Eimskipafélagsins Tungufoss á sig brotsjó milli Færeyja og kastaðist á hliðina.Áhöfninni tókst með þrautseigju að færa farminnn til í skipinu og með því og dælingum mili balasttanka tókst að rétta skipið.Og komst það klakklaust til hafnar

 

 Tungufoss skip Eimskip sem fékk á sig brot.En komst hjálparlaust til hafnar.

Síðan koma fréttir af þeirri hættu sem b/v Þorkell Máni lenti í á heimleið af Nýfundnalandsmiðum.En með ótrúlegu atgerfi og sjómennskuhæfileikum tókst skipstjórnendum að vinna baráttuna við storm og ísingu.Hæst bar þó að það slys þegar togarinn Júlí frá Hafnatfirði fórst við Nýfundnaland með 30 manna áhöfn  9 febrúar.Sá yngsti 16 ára en elsti 48 ára.

       

Lengst til v hinn harðduglegi skipstjóri á Þorkeli Mána Marteinn Jónasson í brúarglugganum á skipi sínu.En Marteinn ásamt skipshöfn sinni bjargaði skipinu þar sem m.a. yfirvélstjórinn brenndi af davíður bjargbátanna svo þeir yfirísaðir losnuðu frá skipinu.Það m.a. átti sinn þátt í að þeir sluppu lifandi frá hildarleiknum.Í miðju Þorkell Máni í höfn"rúinn"bjargbátanna,Lengst til h skipið sjálft

 

 

Togarinn Austfirðingur kom aðeins við í Reykjavík eftir viðkomuna í Eyjum þar sem ég fór af og hélt síðan á Nýfundnalandsmið og lenti í sama veðri.Menn sem um borð voru hafa sagt í mín eyru að afburða sjómannshæfileikar Guðmundar skipstjóra hefði bjargað lífi þeirra.

 T.v b/v Júlí sem fórst við Nýfundnaland og b/v Austfirðingur sem slapp úr hildarleiknum

En ég slapp sem betur fer við þennan hildarleik.15 febr ferst sjómaður af slysförum um borð í b/v Þorsteini Ingólfssyni.

  Til v v/s Hermóður sem fórst út af Stafnesi í febr.1959.T.h Ísaður togari kemur í höfn

 

Aðfara nótt 18 febrúar Vitaskipið Hermóður ferst við Stafnnes og með því 12 menn.Út af þessum sjóslysum (Júlí og Hermóðs) sagði Jón Pálmason þv forseti Sameinaðs Alþingi m.a:""Helfregnir berast nú dag eftir dag/dauðans er mikilsvirk hönd,/úthafið syngur sitt útfararlag/öldurnar grenja við strönd/Íslenska þjóðin er harminum háð,/hrópar í neyðinni á guðlega náð/.

 

  T.v Langanes NK30 t.h Goðaborg NK1 sem undir stjórn Hauks Ólafssonar bjargaði áhöfn Langaness

21 febrúar sekkur vélbáturinn Langanes NK30 18 sjm NV af Eyjum.m/b Goðaborg NK skipstjóri Haukur Ólafsson bjargar áhöfninni 6 mönnum.28 febrúar drukknar sjómaður í Reykjavíkurhöfn.15 mars er farið að leita lítils báts frá Eyjum með 3 Ungverjum.Þeir bjargast með ólíkindum í land undan bænum Fornusöndum í V-Eyjafjallahreppi.

 

    

Til v Gulltoppur VE177 á leið til hafnar í Eyjum og svo á Þykkvabæjarfjöru 

 

16 mars strandar vélbáturinn Gulltoppur Ve 177 í Þykkvabænum.Báturinn hafði fengið í skrúfuna og rak í átt til lands.M/b Sindri undir stjórn Júlíusar Sigurðssonar(kenndur við Skjaldbreið)tókst að koma vír í bátinn 4 sinnum en hann slitnaði alltaf Skutu svo Gulltoppsmenn út gúmmibát og komust allir í hann nema stýrimaðurinn,Gúmmíbáturinn var svo dreginn að Sindra og mönnunum bjargað um borð í hann.Júlli renndi svo Sindra upp að Gulltoppi og gat stýrimaðurinn sem,ef mig misminnir ekki þess meir var hinn,seinna fengsæli og nú,látni skipstjóri á Gullbergi,Guðjón Pálsson,stokkið um borð í Sindra..Ég vona að ég verði leiðréttur,ef ég fer hér með rangt mál.

Sindri VE203 sem hinn ötulli sjósóknari Júlli á Skjaldbreið var með er hann bjargaði áhöfn Gulltopps

Af Gulltoppi er það að segja að hann náðist út.11 árum seinna var ég stm á þessum bát þegar hann 5 maí 1970 sökk undan Portlandi og Einir SU bjargaði okkur.Skipstjóri á Einir var Ríkharður Sighvatsson(Rikki í Ási)Báturinn hét þá Norðri.Svo var það 8 apríl(1959) að skáldið og aðalskakarinn Ási í Bæ fellur fyrir borð á bát sínum Hersteini.En Óskar Þórarinsson(frekar þekktur sem Skari á Háeyri nú kunnur skipstj og útgerðarmaður í Eyjum)kastar sér eftir honum og bjargar

 Hersteinn bátur Ása í Bæ 

 

Sjómenn spila á fína strengi fiðlu dauðans stundum slitnar strengurinn og sjómaðurinn gistir hina votu gröf.Þó að þessir 2 mánuðir jan og febr.1959 hafi kostað 45 íslenska sjómenn og kannske ekki sambærilegir vegna 2ja stórslysa gefur þetta samt svolitla innsýn í sjómannslífið á þessum tíma.Og munið það ungu menn að hætturnar eru allstaðar þó þið séuð komnir á stærri og fulkomnari skip.Ein er sú hætta sem bæst hefur við þær sem sjómenn þess tíma bjuggu kannske alveg eins mikið við.En það er eldurinn.Hann hefur alltaf verið fyrir hendi en gerfiefni nútímans gera hann ennþá hættulegri.

 Sjómenn berjast við einn versta óvininn ísinguna

 

Menn geta ekki rifjað upp eina vetrarvertíð hér á árum áður en að komast út í slysahornið.Þetta er bara sagan.Þegar maður gamall maður rifjar þetta upp þá minnist maður þessara manna sem hlutu hina votu gröf.Þetta voru kannske góðkunningar manns fv skipsfélagar og kammeratar.Og þið sjáið það af þessum endurminningum að það er sama hvaða tegund sjómennsku menn stunda.Hvort það heitir far eða fiskimennska þá eru menn að fást við sömu hætturnar.Og munið að Sjómannadagurinn er til að minnast þessara manna enginn annar dagur tekur yfir hans verksvið.Munið það ráðherrar og forustumenn sjómanna að minningardagur um baráttu sjómanna við storm eld og ís  heitir "Sjómannadagur"og hann á að halda fyrsta sunnudag í júní, annað er lögbrot.Og þið sem skammist ykkar fyrir að taka þátt í hátíðarhöldum sjómanna í tilefni þess dags.Hundskist bara til að vera heima hjá ykkur.Lesið ykkar atómljóð afturábak og áfram og skammist ykkar fyrir lítillæti gangvart þessum degi.Degi þar sem sigrum er fagnað og ósigrar eru harmaðir.Hingað lesnir séu kært kvaddir

 

 

 

 

Á vetravertíð fyrir 49 árum.

 

Svona gamlir kallar eins og ég ættu ekki að liggja mikið í að vera að rífast út í allt og alla og vera alltaf með eitthvað fjandans röfl um allt sem honum finnst fara afvega í þjóðfélaginu.Þetta getur orðið til að menn lifa bara á neikvæðum nótum.Vera þar af leiðandi alltaf í fýlu.Mér leiðist faktíst að vera í fýlu.Og fýlipokar fara í taugarnar á mér.Svo að ég ætla nú ekki að vera að agnúast út í neitt allavega ekki í byrjun.Hvort ég espa mig upp í lokin veit ég ekki enn

 

.En mig langar til að segja ykkur frá fyrstu vertíð í Vestmannaeyjum.Árið er 1959.Ég var netamaður(gilsari flest störf á dekki síðitogaranna höfðu nöfn og var gilsarastarfið eitt af æðri störfunum)á b/v Austfirðing SU 3.Skipstjóri var hinn ágæti skipstjóri Guðmundur Guðlaugsson frá Vestmannaeyjum(ávallt kallaður Gvendur Eyja).Sem í mínum huga er sá alklárasti togaramaður hvað verklægni snertir sem ég hef siglt með.Við höfðum selt aflann í Bremenhaven þ 20 jan.Seldum 118 ts fyrir 110,300 DM.Komum svo við í Færeyjum til að ná í sjómenn þaðan til starfa á skipum útgerðarinnar sem einnig gerði út togarann Vött SU 103

 

Stutt stans var haft á Eskifirði sem var heimahöfn.skipsins Var svo ferðinni heitið til Reykjavíkur með viðkomu í Vestmannaeyjum.En frændi Guðmundar skipstjóra Ólafur Sveinbjörnsson(Ávallt kallaður"Óli múrari".Vel þekktur Eyjamaður sem látinn er  langt um aldur fram fyrir nokkrum árum) var með okkur og hafði hann gert samkomulag við Guðmund frænda sinn um að honum(Óla)yrði skutlað í land í Eyjum.Svo vorum við 2 eða 3 aðrir sem ætluðum á"vertíð"og fórum um borð í Léttir hinn fræga hafnsögubát á "Víkinni".

 

Mikið var maður nú vígalegur og til í allt.Í hvítum lokubuxum og svartri Viktoríupeysu með"sixpensarann"á hausnum.Sem sagt búinn algerum einkennisbúningi togarasjómanna þess tíma.Og sem"gilsari"var maður ekki alveg búinn að þvo af sér smursvertuna sem fylgdi starfinu.Það er ekki meining mín að gera lítið úr einum eða neinum í þessu minnigarbroti mínu og mun ég þess vegna breyta nöfnum á sumum mönnum sem við sögu koma.Svo að ekki sé neinni rýrð kastað á minningu eins eða neins.Fyrsti maður sem ég hitti eftir að hafa "tjékkað"inn hjá Inga hótelstjóra á hóteli H.Ben. var kunningi minn nú til margra ára Svenni Dalla.

 

Svenni var í þeim hóp semog Guðmundur skipstjóri og fl sem ég leit ofboðslega upp til sem togaramanna.En Svenni hafði verið með okkur 1 eða 2 túra um sumarið.En var nú kominn á vertíð á Víði Su 175.Þarna var ég sem sagt komin í land í Eyjum.Vopnaður 2 eða 3 kössum af Lövenbrau bjór 4-5 flöskum af"gaddavír"(Vodka 75% )og einhverju pökkum af Camel.Það er enginn ber sem hafði Svenna Dalla að baki.Maður gat rifið kjaft við alla ef svo bar undir,Svenni sá um restina.Nú svo kom að því Lövenbrauin og gaddavírinn komst í þrot.

 

Og hvítbuxninn í svörtu peysunni þurfti að fara líta eftir einhverju öðru en að spóka sig í trollaragallanum innan um saklausar vertíðarstúlkur.Óli Sveinbjörns reyndist vinur í raun og kom mér í pláss á einum af alminnstu bátunum á vertíðinni.Þetta var svona tæplega 700 tonna fall hvað skipsstærð varðaði fyrir hinn hvítbuxnaklædda gilsara.Skipstjórinn var ættaður frá Verstmannaeyjum.En hafði lítið nálægt línu eða netaveiðum komið.Eigandi bátsins var einn af stæstu útgerðarmönnum Eyjanna.Ég var strax munstraður og komst strax á"tryggingu".

 

Og nú tóku við dagar"víns og rósa".Maður fékk alltaf útborgað trygginguna vikulega að mig minnir.Þá varð maður nú heldur betur maður með mönnum.Búin að kynnast einni af sætustu stelpunni á böllunum.Alltaf með aura um helgar og lífið blasti við hinum fv gilsara sem nú titlaði sig sem stýrimann.Þó engin prófin hefði hann og báturinn það lítill að engan stýrimann þurfti.En þetta fór vel í þá sem ekki vissu betur:Þegar ég "munstraði"á bátinn var hann uppí slipp.Þegar slippvinnunni var lokið neitaði slippeigandinn að hleypa honum niður fyrr en útgerðarmaðurinn gerði upp sínar skuldir við hann.Í þessu "þrasi"stóð svo í um það bil mánuð.

 

En maður var alltaf á vegum Bakkusar um helgar,búinn að koma sé upp "kröfukerfi"En í því kerfi botna sennilega fáir sem ekki upplifðu það í Vestmannaeyjum og á öðrum stöðum sem ÁTVR hafði ekki útsölu.En svo kom að alvörunni í málinu.Útgerðarmaðurin gat borgað skuldir sínar og alvaran tók við,Fyrst var haldið til línuveiða.Við vorum 4 á sjónum .Við getum kallað skipstjórann Björn,1sta vélstjóra Magga 2nnan vélstjóra Gunnar og ég.Lítið var nú að hafa og ef línan slitnaði fannst ekki mikið af henni aftur.En nokkra róða fórum við á línu en  svo var skift yfir á net.Steinaðar voru niður 3 trossur.

 

Og nú var áhöfnin fullskipuð.Björn skipstjóri Maggi 1sti vélstj.Gunni 2nnar vélstjóri og hásetarnir Óli "Borgarn.."Siggi"Smokkur"og Addi"Andskoti"Þetta held ég að hafi verið sú skrautlegasta áhöfn hvað viðurnefni varða sem ég hef siglt með.Í þessari upptalningu breiti ég öllum nöfnum nema mínu en viðurnefnin eru látin halda sér.Netin voru svo lögð en aldrei dregin af okkur.Við fundum aldrei neina af baujunum.Magnús Grímsson( sem ég held að sé ávallt kallaður Mangi á Felli)var skipstjóri á Andvara VE 101 þessa vertíð hann fann svo seinna 1 trossuna alla í flækju og"snörlaði"hana inn og fengum við að greiða hana á Nautshamrinum.Svokallaðir"útfarar"höfðu verið setti á öfugan enda.

 

Jæja nú var haldið á handfæri skipshöfnin eiginlega hin sama nema nú höfðum við fengið danskan"förste mester"Hann hafði verið vélstjóri á dönsku flutningaskipi sem hafði komið til eyjanna með salt en hafði legið í þar einhvern tíma vegna bilunar.En vélstjóranum hafði litist svo vel á sig í Eyjunni að hann kom fljótlega til baka.Og ég veit ekki annað en að hann hafi sest að um nokkuð langan tíma í Eyjum.Þegar þetta var var Ási í Bæ á Hersteini(en Hersteinn var svipaður að stærð og sá bátur sem ég var á)aðalaflamaðurinn á færunum.Nú tók Björn skipstjóri upp á því að elta Ása út um allan sjó.Hersteinn var búinn 60 ha Tuxham vél en í bátnum sem ég var á var 150 ha GM vél.Báturinn var því miklu gang meiri en Hersteinn.

 

Björn skipstjóri hafði þann háttinn á að koma keyrandi að Hersteini alveg á fullri ferð og bakka svo á fullu er komið var að honum.Ekki líkaði hinni öldnu einfættu sjóhetju og skáldi Ása í Bæ þessi vinnubrögð og kom hann einu sinni ábúðarfullur um borð til okkar í landi eftir mikinn"svingdag"og hellti sig yfir Björn.Sagði að maður ætti helst að sigla löturhægt um sjávarins öldur og hafa helst ekki augun af dýptarmælinum og ef hann sýndi lóðningar ætti maður helst að vera á flókaskóm er maður væri búinn að stoppa fleyið og læðast um dekkið að færunum.Eftir það laumuðumst við eftir sjónum í leit að lóðningum.En lítill var árangurinn.Þetta endaði svo með því að"Gemsinn"sagði stopp og neitaði að taka þátt í svona laumuspili.Mér skildis seinna að það hefði jafnvel verið höfuðorsök vélarbilunarinnar hve hægt við fórum með ströndum.

 

En ég var svo spurður hvort ég gæti tekið að mér kokksstarf á einum af Austfjarðarbátunum sem réru þessa vertíð frá Eyjum.Þessu játti ég og endaði"gilsarinn"ungi sem kokkur og segir ekkert af þeirri eldamennsku en skal skýrt tekið fram að enginn dó af matareitrun.Og eins og segir í vísunni:"allir komu þeir aftur og enginn þeirra dó"Ég vil að lokum endurtaka það,að það er á engan hátt ætlun mín að gera lítið úr neinum eða neinum.Mér ferst það ekki og alls ekki frá þessum tíma og seinna þar sem ég varð mér sjálfur til skammar vegna mikils samneitis við Bakkus.En ég get nú ekki annað en brosað að þessum bernskubrekum sjómennsku minnar.Og vona að einhver sé sama sinnis.Þeim sem hingað hafa haft nennu til að lesa kveð ég kært að sinni.

Áar

 

 

Föðurafi minn var mikill Sjálfstæðismaður.Ég kynntist honum ekki fyrr en ég var 7 ára gamall.Móðurafa mínum kynntist ég aldrei vegna atvika sem leiddu til aðskilnaðar míns við móður mína þegar ég var 2ja ára,En ég eignaðist(7ára) "stjúpafa"sem líka var harður Sjálfstæðismaður.Kynni mín af föðurafanum eru ekki mikil enda stóðu þau kannske stutt vegna hve gamall ég var er ég kom í hans heimabyggð og hve snemma ég tileinkaði mér lífshætti sem honum voru ekki að skapi.

 

En tengsl við stjúpafann voru nánari.En báðir þessir menn voru eiturharðir"Íhaldsmenn"Óli Thors var þeirra maður.Og ég átti meira að segja heima í því húsi sem sá sómamaður var fæddur í,í nokkur ár.Ég leit upp til föðurafa míns og bar óttablandna virðingu fyrir honum.Hann var t.d.í hreppsnefndinni.Stjúpafi minn var allt öðruvísi,þótti gott að fá sér neðan í því og setti kíkirinn fyrir blinda augað hvað varðaði lífsmáta minn.

 

En af þessum mönnum tamdist mér að líta á Sjálfstæðisflokkinn sem minn flokk.Mitt fyrsta launaða starf fyrir utan að hræra í blóðinu í sláturhúsinu sem föðurafi minn stjórnaði var að bera út"Moggan"í heimabænum.Í mínu fyrsta skipsrúmmi voru flestir ef ekki allir Sjálfstæðismenn.Ég var sem sagt alinn upp sem púra"Íhald"Og ef ég hefði verið  nokkuð mörgum stigum hærri í greind og  gengið menntaveginn hefði ég kannske orðið of menntaður Íhaldsmaður til að sjá hvernig forusta þess flokks "valtrar"nú yfir almenning í þessu landi.

Og það ögurvald sem þeir virðast taka sér í dag.Og hvernig þeim tekst að"mylja"undir sig samstarfsflokka.Allavega eftir yfirlýsingum samstarfsráðherrana í ríkisstjórn undanfarið.Þvert á kosningaloforð þess flokks.Og ég hefði þóttst trúa öllu sem út úr kjöf... þeirra kemur Fyrrgreindir"áar"mínir trúðu á flokk sem hafði fyrir kjörorð"Gjör rétt-þol ei órétt"Flokks sem,hvers formaður sagði á áramótum 1945 m.a:

 

""Við Íslendingar erum minnsta sjálfstæða þjóð heimsins.Því minni sem þjóðin er því meira á hún undir að haga svo búskap sínum, en einkum þó viðskiptunum út á við að hún með því ávinni sér virðingu annarra þjóða.""

 

Og svo:"" Að minnsta þjóð heimsins getur vel teflt velferð sinni og sjálfstæði í voða ef hún temur sér siðleysi í þeim efnum sem beinast blasa við sjónum annarra þjóða, og jafnvel snerta beinlínis hagsmuni þeirra, þ.e.a.s. meðferð utanríkismála sinna.""

 

Seinna:"" Við Íslendingar þurfum einnig að láta okkur skiljast, að við megum ekki fremur en aðrar þjóðir ætla, að við getum til lengdar vænst mikils góðs af nokkurri þjóð, umfram það, sem er í réttu hlutfalli við þá þýðingu, sem við höfum fyrir hagsmuni hennar sjálfrar. Þetta er lögmál lífsins. Eftir því skulum við hegða okkur, m.a. vegna þess, að það er frumskilyrðið til að eignast þá vináttu og virðingu annarra þjóða, sem getur, þegar mest á ríður, verið verðmætari en nokkrir fjársjóðir."""

 

Svona talaði formaður Sjálfsstæðisflokksins til þjóðarinnar 1945.Þetta virðist sá arftaki sem nú situr í hans stól aldrei hafa lesið.Nú á ekki að fara eftir alþjóðasamningum af því að það passar okkur ekki.Mér liggur satt að segja við að líkja rökum ráðherra Íhaldsins og þeirra LÍÚ manna við rök verjanda"Vasamannsins"í hinu ógeðfelda barnaníðingsmáli í Noregi þegar hann sagði "" «Dette er ganske beskjedne handlinger. Det er ikke all verden. Disse vil ikke ha tatt skade av dette""

 

Mínar fínustu taugar eru eiginlega horfnar eftir allan þann lygaþvætting sem ég  lítilfjöllegur ellilífeyrisþegi verð að hlusta á koma út úr kjöf..þessara svokölluðu"ráðamanna"Hvernig ég er,ásamt mínum líkum er lítillækkaður nær því á hverjum einasta degi með því að bera slíkar lygar á borð fyrir mann sem gert er í dag.Ég hef oft sagt að það fari í mínar"fínustu taugar"hvernig menn ætlast til (hugsa ég) að fólk trúi djöfu..... lygaþvælunnu sem vellur út um kjö...... á þessum mönnum.Nú eru þessar"fínu tauga"ofurliði bornar.Og ég læt þessa lygaþvælu koma inn um annað eyrað og út um hinn.Ég hreinlega lít á þessa menn sem trúða.

 

.Hvaða heilvita manni með greind yfir 10 ára barn trúa því innst inni að flokksbönd hafi engu ráðið um veitingu eftirfarandi embætta:Skipun Ólafs Barkar í starf Hæstaréttardómara 1 sept 2003.Jóns Steinars í samskonar embætti 29 sept 2004.Og svo núna Þorstein Davíðsson í embætti dómara við Héraðsdóm fyrir norðan og austan.Það væri ábyggilega áhugavert að vita hve margir virkilega trúa því að engin póllitísk tengsl séu í spilinu.

 

Virkilega inn við beinið.Menn eiga ekki að verða fórnarlamb ættartengsla og heldur ekki að geta notað þau sér til framdráttar.Ég verð að viðurkenna að ég hef sennilega notið afa míns er ég 9 ára gamall fékk vinnu við að hræra í blóðinu í sláturhúsinu sem hann stjórnaði.Svo að mér ferst kannske ekki að tala um ættartengsl við vinnuútvegun.Kært kvödd.

 

Munstringar stjórnarherrana

 

Það er margt að gerast í þjóðfélaginu um þessar mundir.Margt sem fær mann til að hrista sinn gamla haus yfir.Ráðningar í ýmsar stöður.t.d.Ég satt að segja vorkenni þessum syni fv forsætisráðherra.Maðurinn sóttu um embætti og fékk það.

 

Það á á engan hátt að hafa áhrif á frama manns,hverra manna hann er.Hvorki til framdráttar eða útilokunnar.En hvernig staðið var að veitingu stöðunnar finnst mér vera fyrir neðan allar hellur.Það virðist í fljótu bragði ekki þurfa að fara eftir lögum og eða reglum í þessu þjóðfélagi nema þegar það hentar viðkomandi ráðherra.Mér fannst satt að segja réttarfarið á Íslandi ekki þola svona meðferð.Minnugur skipan 2ja hæstaréttardómara fyrir örfáum árum.

 

Og rökstuðningurinn finnst mér falla um sjáft sig.Hvað með umsækjanda um hæstaréttadómarastöðu,sem var um árabil aðstoðarmaður dómsráðherra?Aðstoðarmanns starfið var léttvægt fundið þá.Ég held satt að segja að hinn almenni borgari sé ekki trúaður á "fair"málsmeðferð í réttarkerfinu hér lengur.Þetta var ekki til að bæta það.

 

Um aðrar stöðuveitingar vil ég ekki tjáð mig þar sem ég held ekki,að í þeim málum hafi verið algerlega gengið í mót áliti neinnar ráðgefandi nefndar,En eitt er athyglisvert í málfluttningi setts ráðherra þegar hann sagði í kvöldfréttum Stövar 2 að stundum sé maður neyddur til að taka ekki mark á ráðgjöfum.Ég held að ég hafi heyrt rétt "neyddur"til að gera svo.Þá er það spurningin sem brennur á vörum:"Hver neyddi ráðherrann?"

 

Ég vona svo sannarlega að ég hafi misheyrt hvað hann sagði enda var hann á hraðferð á undan fréttakonunni.En ef það er rétt heyrt:Eru þá svo voldugir menn til í þessu þjóðfélagi bak við tjöldin að þeir geti"neytt"ráðherra til að gera eins og þeim(þessum mönnum) lystir?þá erum við illa stödd ég segi ekki annað.Þá vitum við líka hvernig verður um athugasemd frá mannréttindanefndar SÞ.Er boðskapur Friðriks J Arngrímssonar í því máli kannske skipun frá"þessum mönnum"til ráðherra sjávarútvegs um að hundsa tilmæli nefndarinnar.Það væri þá til að toppa þessa andsk..... vitleysu sem nú tröllríður allri utanríkisþjónustunni og farið er með út um allan heim með ærnum kostnaði.Að við fáum sæti í Öryggisráði SÞ.Ekki vantar pilsaþyt ráðfrúar utanríkismála í hlýrri golunni í Palestínu þegar hún kvakar þar um mannréttindi og nauðsyn á að fólkið þar fái sín mannréttindi.

 

Eða þegar sendir eru með dýrum dómum einhverskonar eftirlitsmenn  til að fylgast með kosningum t.d.í Rússlandi þar sem hámenntaður lögfræðingur er að reyna að koma skikki á dómskerfið.Og það í mikilli andstöðu hagfræðinga sem ekkert sjá annað en peninga og meiri peninga."Ja fussu svei mannaþefur í helli mínum".Er nú ekki komið nóg af hrokanum í okkur íslendingum hvað varðar að vera undanskildir ýmsum alþjóðareglum vegna smægðar okkar en ætlum svo allt að gleypa þegar út í það er farið.

 

Ef svo reynist rétt vera þá leggst þetta"hefðarfólk" í ríkisstjórn lágt.Þá verðum við neydd til að hætta að reyna að koma alvöru lýðræði á í öðrum löndum.Við með okkar"rassvasalýðræði"verðum neydd til að steinhalda kjaf...Yfir öllum öðrum sem fótumtroða hið sanna lýðræði.Og verðum neydd til að halda kjaf.. þar til að tekið verður upp virkilegt lýðræði hér.Þar sem menn fara eftir þeim lögum og reglum sem þeir hafa sjálfir verið með í að setja með lýðræðislegum hætti.Til hvers andsk.... er að setja á stofn nefndir til ráðgjafar ef ekkert er svo farið eftir þeim.

 

Ráðherra fjármála,settum ráðherra í dómsmálum í fyrrgreindri ráðningu hefur kannske talið sig brenndan af ráðleggingu ráðgafa í Grímseyjarferju málinu.Þá skilur maður kannske mannræfilinn.Mikið fjandi er maður heppinn að vera sonur ósköp venjulegum verkamannni af ósköp venjulegri ætt(að vísu íhaldsætt).Ég man eftir,þegar ég,rétt eftir að mér hlotnaðis kosninga og kjörgengi fór rallhálfur á kjördag og hitti einn framsóknarframbjóðandan í heimabyggðinni og lofaði að kjósa hann ef hann útvegaði mér pláss á"Sambandsskipi".Plássið gegn um hann fékk ég aldrei enda stóð ég ekki við orð mín og kaus"'ihaldið"ens og öll ættin.Enda höfðum við Bakkus lítið að gera saman á"Sambandsskipi"á þeim tíma.Verið ávallt kært kvödd

Meinlausari drykkja.

Ég næ ekki alveg upp í þetta með að drykkja íslendina sé orðin meinlausari en hún var.Er það meinlausari drykkja að eftir hverja helgi má hreinlega segja,liggja menn stórslasaðir á sjúkrahúsum eftir ölóða ofbeldisseggi.Ég segi bara eins og vera ber sem gamall kall.þetta var ekki svona er ég var ungur.Ég er sammála um að drykkjusiðir íslendinga hafi breyst með tilkomu bjórssins.En að menn lægju rotaðir og útsparkaðir í hrönnum út um allan bæ,Það þekktist ekki, hér í "den"það fullyrði ég.En það getur verið að menn hafi látið reiði sína bitna meir á dauðum hlutum,húsgögnum.og svoleiðis í þá daga.En hvort er betra.Kært kvödd

Drykkjusiðir Íslendinga orðnir meinlausari

Björgun Bjargarmanna

 

Við skulum athuga forsíðu Morgunblaðsins laugardaginn 3ja janúar 1948.Stæðsta fyrirsögnin er svo hljóðandi:""Söluskattur hækkar ekki vöruverð""Undir fyrirsögn:""Ýmsar vörur lækka í veðri og einnig margsskonar þjónustu""Fyrir ofan mynd af Albert Guðmundsson knattspyrnumann stendur:"6 milljónir franka boðnar í Albert Guðmundsson.Í greininni stendur að knattspyrnklúbburinn Nancy í Frakklandi hafi verið boðnar 6 milljónir franka í Albert en þeir hafi hafnað því.Fárviðri og flóð víða um lönd er önnur fyrirsögn

 

En neðst til hægri á síðunni er lítil grein með fyrirsögninni."4 menn voru á m.b.Björg"Og svo segir:"Menn eru nú ornir vondaufir um að m.b.Björg frá Djúpavogi sje enn ofarsjávar.Eins og skýrt hefur verið frá hafa skip og flugvélar leitað bátsins á stóru svæði,en án árangus.Á bátnum voru fjórir menn:Sigurður Jónsson skipstjóri,Ásgeir Guðmundsson,Arnór Karlsson,og Sveinn Þórðarsson""Hér lýkur tilvitnun.m.b Björg sem var 20 tonn að stærð var í eigu Sigurðar skipstjóra og Ingólfs Kristjánssonar,hafði farið í róður að kvöldi annars dags jóla.Engin talstöð var í bátnum því hún hafði bilað og var ekki komin úr viðgerð.

  m/b Björg SU 77

Síðan líða nokkrir dagar og svo kemur"Mogginn"út á þrettándan,6 jan.Fyrirsögn yfir alla blaðsíðuna:""Skipverjar af Björgu heimtir úr helju""og undirfyrirsögn""Hittu þýskan togara skammt frá Dyrhólaey eftir mikla hrakninga og mannraunir""og næsta undirfyrirsögn:"Forspá á jóladag:"Við lendum í Reykjavík í þessum róðri""Síðan kemur lýsing á ótrúlegum hrakningum þeirra manna sem á bátnum voru:"Sigurðar Jónssonar 22 ára skipstjóra bátsins.Ásgeirs Guðmundssonar 27 ára,Arnórs Karlssonar 34 ára og Sveins Þórðarsonar 30 ára.Svo segir "Mogginn"m.a."Þýski togarinn Lappland kom hingað á ytrihöfnina í Reykjavík kl 3 aðfaranótt sunnudags.en skipverjar höfðu ekki samband við land fyrr en nokkru eftir hádegi á sunnudag að hafnsögumenn komu út í togarann.Svo var það ekki fyrr en kl hálf þrjú að það vitnaðist um hina óvæntu og gleðilega heimsókn hingað til bæjarins""

 

Í viðtali við Valtýr Stefánsson í "Mogganum"segir Sigurður skipstjóri m.a:""Við lögðum af stað í róður kl 11 að kvöldi annan jóladag,Við lögðum línuna útaf svokölluðum Hvítingum við Eystrahorn.Þangað er um tveggja klukkutíma ferð frá Djúpavogi.N-stormur var með frosti.En þó ekki svo hvass að veður hamlaði okkur við veiðarnar.Við höfðum lokið við að draga línuna kl 2,30 um daginn.Fengum 4 tonn af fiski.Snúum síðan til lands.Veður fór nú harðnandi.Og er við áttum eftir klukkutíma ferð heim,stöðvaðist gangvélin.Hafði þá komist sjór í olíugeyminn,sennilega þannig að leki hefir komið í þilfarið,og sjór vætlað niður í geyminn.Við höfðum með okkur olíufat.en gátum nú ekki náð til þess einsog kringumstæður voru ornar,vegna þess hve kominn var mikill sjór..Þegar komið var fram á kvöld komum við vélinni aftur í gang.En það var bara í stundarfjórðung."""Síðan hefjast hin eiginlega lýsing á hrakningunum.

 

Hvernig skipverjar bjarga sér með snarræði en naumlega frá strandi í Selskeri.Hvernig skipstjórinn frýs fastur við kaðalinn sem notaður var við að heysa upp seglin.Varð að rífa sig lausan og skyldi eftir skinnflysur á kaðlinum.Og hvernig með frábærum sjómannshæfileikum skipverjar sleppa úr klóm þeirra Ægis og Ránar sem allan tíman að heita má reyndi að næla í þá.Svo aftur að frásögninni:""kl eitt aðfaranótt  29 des lögðumst við á 35 fm dýpi.Lágum við þar við stjóra.Höfðum við með okkur í bátnum 4 steina 40-50 kg að þyngd og bundum þá við legufærin.Þarna liggjum við um nóttina og næsta dag fram til kl 4 síðdegis.Þá var komið fárviðri af NA.Þá slitnaði báturinn upp og rak nú til hafs..Þannig gekk í 2 daga þ.29 og 30.Við kyntum bál á þilfarinu á nokkra klukkutíma fresti.Síðan segir frá er þeir sjá ljós á skipum kynda bál en enginn virðist taka eftir þeim:Þeir töldu sig komna 35 sjm útaf Vestrahorni er þeim tekst að snúa til lands.

 

Reyndu að ná til Hornafjarðar en það tókst ekki.Vindur alltaf af NA.Þeir komast svo upp undir Ingólfshöfða á nýársdagskvöld.Þar sjá þeir 4 togara en enginn sinnti þeim þó þeir kæmust það nálægt að þeir sæu sjómennina á dekki togarana.Nú var kominn leki að bátnum og urðu þeir að hafa sig allan við til að ausa..Þeir ná svo að leggast aftur við akkeri á 18 fm við Ingólfshöfðan um kvöldið á nýársdag.En undir morgun slitnar sú akkerisfesti líka.Nú var komið ofsaveður af NA.og datt þeim nú í hug að hleypa í land,Víkjum að viðtalinu""Strákarnir vildu það.Og jeg gat þá ekki  verið á móti því(yngstur um borð ath.mín)En áður en við sæjum til lands,voru svo ægileg brotin allt í kring um okkur.Svo við snjerum við.Og ég skil ekki hvernig við sluppum aftur lifandi út úr þeim brimgarði."""Og áfram halda hrakningarnar.Ausa kynda bál

 Hrakningar m/b Bjargar um áramót 1948

Tvisvar um nóttina fá þeir á sig brot sem færir bátinn í kaf en hann klárar sig af þeim.Blaðamaðurinn spyr:"voru þið ekki orðnir hræddir um að komin væri ykkar síðasta"""Við höfðum engan tíma til að hugsa um það" svarað hinn ungi skipstjóri með hægð.Síðan segir áfram""um sex um morguninn vorum við ornir lúnir.Sjórinn fór hækkandi í bátnum.Þá sáum við skip skammt frá okkur.Þá kynndum við enn bál.Þá notuðum við dýnu til að brenna auk spýtnabraks og lóðabelgi(þá voru notaðir tjörubelgir sem nú finnast bara á sjóminjasöfnum ef þeir finnast þá þar:ath.mín),sem bundnir voru á þilfarinu.En allt sem var ekki rígbundið tók út þegar við fengum brotin á okkur um nóttina.Vættum við dýnuna og belgina í olíu.Og nú kom bál sem dugði.Það var mikið að þið skylduð geta haft eldspýtur alltaf þurrar til að kveikja með?Í þetta sinn fór líka síðasti eldspýtustokkurinn.Þá höfðum við ekki annað logandi en eina fjóslugt..

Skipshöfnin á Björgu heimtir úr Helju.Fr v Ásgeir Guðmundsson,Sveinn Þórðarson,Sigurður Jónsson skipstj.og Arnór Karlsson

 

 

Skipið var komið spölkorn frá okkur,þegar við loks höfðum komið bálinu upp.en snjeri nú strax við til okkar(Þjóðverjarnir með útkikkið í lagi ath.mín)Þá varð mjer litið niður í vjelarrúmið.Þá var kominn sjór upp á miðja vjel.""Sem sagt báturinn kominn að því að sökkva og á síðustu eldspýtunum er þeim bjargað.Og þetta var fyrir tíma gúmíbjargbáta.Þeir höfðu getað eldað sér fisk og brætt lifur sem þeir drukku og vatn hafði enst en þeir orðið að fara sparlega með það.Þegar fréttin af giftusamlegri björgun þeirra barst um byggðir landsins fagnaði öll þjóðin.Fagnaði að landikomnum hetjum sem í 7 daga börðust fyrir lífi sínu í hremmilegum átökum við óbíð náttúruöflin.Skipshöfninni á Lapplandi var launuð björgunin á margvíslegan hátt.

 

Og við brottför togarans sendi skipstjórinn Theodor Henning svohljóðandi tilkynningu til birtingar í íslensku dagblöðunum""Fyrir mína hönd og skipverja minna þakka ég af hrærðum huga þær miklu og ómetanlegu gjafir,sem oss hafa borist frá íslensku ríkisstjórninni og öllum almenningi víðsvegar að af landinu í peningum,fatnaði og matvælu.Svo mikið hefur oss borizt að ég mun afhenda Rauðakrossinum í Bremen til úthlutunnar það sem vér höfum fengið fram yfir vorar eigin þarfir.Ég mun þegar heim kemur,segja opinberlega frá þeirri miklu rausn og gestrisni sem við höfum mætt á Íslandi og vér erum forsjóninni þakklátir fyrir að oss skildi auðnast að bjarga hinum sjóhröktu Íslendingum.Hjartans þakkir og hugheilar óskir til Íslensku þjóðarinnar""Undir skrifað Theodor Henning Kaptain b/v Lappland.Hvort einhver af þeim 4menningum er á lífi í dag þá,háaldraðir menn veit ég ekki en gaman væri að fá uppýsingar um það í athugasemdum og eða upplýsingar um örlög þeirra.

 

Íslenskir sjómenn það er til að fagna svona sigrum sem unnust á þeim Ægi Rán og Nirði sem Sjómannadaginn er haldinn hátíðlegur og til að minnast þeirra sem ekki hittu sitt Lappland.Látið ekki gráðuga eiginhagsmunaseggi með gýju í augum af peningagræðgi eyðilegga þennan dag fyrir ykkur.Og þá um leið brjóta á ykkur lög.Og forustumenn í samtökum sjómanna sem látið hafa deigan síga í baráttu fyrir að lög um þennan dag séu haldin í heiðri.Hugsið ykkar gang.Skellið ekki skuldinni á peningaleysi,Forverar ykkar notuðu sennilega ekki svo mikla peninga í þetta.Stakkasund reiptog og ýmsar heimatilbúinn atriði. til hátíðarbrigða.Og svo það fólk sem heldur að þau lífsgæði sem við búum við í dag hafi komið af sjálfu sér.staldriðið við.Það voru menn eins og Bjargar menn sem ruddu brautina fyrir þau.Og þeir sem skammast sín fyrir að koma á hátíðarhöld haldin til minningar um baráttu sjómanna sigra þeirra og tap,svo að það þurfi að skíra þau eitthvað annað,skammist ykkar.Já hreint og beint skammist ykkar!!!.

Og núverandi ráðherra sjávarútvegs á Íslandi,ef þú skildi halda velli fram yfir Sjómannadaginn 1sta júni 2008 mundu að dagurinn heitir Sjómannadagur og það á ekki að koma mönnum uppá annað nafn á þessum minningardegi um starf Sjómannsins(skrifað með stórum staf),við Ísland.Hvort þeir heita far eða fiskimenn.Starf sem þú hefur sennilega aldrei snert fingri við nema á skrifstofu.

 

Og við unga sjómenn vil ég segja þetta.Farið eftir því sem Hilmar Snorrason og hans menn kenna ykkur en það dugar skammt ef þið tryggið ekki eigin öryggi með sjálfsathugun á hvort bjargbúnaður ykkar skips sé í lagi.Því ef svo er ekki getur farið fyrir ykkur eins og vofði yfir þeim Bjargarmönnum,þegar þeim var bjargað á síðustu eldspýtunun og andartökunum.Og þá er ekki víst að ykkar Lappland birtist.Það er ekki nóg að hafa frábæran Slysavarnarskóla,frábæra Landhelgisgæslu,frábærar björgunnarsveitir ef þið sjáið ekki sjálfir um að allt sé rétt tengt og að allur búnaður sé 100 % um borð.Því það virðist því miður ekki hægt að treysta á að svo sé, þótt 4 eða 5 aðilar eigi að sjá um slíka hluti

 

Sjómenn standið saman um öryggi ykkar og dag.Og sjómannskonur fylkið ykkur við hlið manna ykkar og gangið við hlið þeirra á þessum hátíðisdegi.Við skulum minnast björgunnar þeirra Bjargarmanna á Sjómannadaginn kemur.Hvers konur fögnuðu sínum mönnum.Þeirrar baráttu sem þeir háðu fyrir 60 árum.Um leið og við minnumst þeirra sem ekki komu aftur og þeirra kvenna og barna sem syrgðu.Munið líka að Samtök sjómanna eru þið sjálfir sem í þeim eru og ekkert annað,styrkið þau og eflið og takið höndum saman um kjör ykkar öryggi og daginn ykkar.Kært kvödd þið sem hingað hafið lesið

Kær vinur sjómanna fellur frá

 

Ég var að ná mér á skrið eftir flensuóvætt,ofát og annan óáran sem fylgir venjulegu jólahaldi hér á landi.Þegar kunningi minn vakti athygli mína á dánartilkynningu í Fréttablaðinu í fyrradag 10-01.Þar var tilkynnt fráfall þess mæta manns Bjarna Jónssonar listmálara.Ég fékk hálfgert bakslag verð ég að viðurkenna.Ég vona að ég halli ekki á neinn þegar ég fullyrði að Bjarni Jónsson sé einn af þeim listamönnum sem gerði sjómenn og sjósókn að yrkisefni í list sinni fremur öðru.

 

Ég hefði nú aldrei haldið að ég ætti eftir að skrifa minningarorð um látinn listamann og því síður um mann sem ég hafði að eins talað við í örfáa klukkutíma.Við hittumst fyrir tilviljun á sjúkrahóteli Rauðakrossins í Reykjavík í byrjun nóvember á síðasta ári.En þar dvaldi hann til að ná sér eftir fótbrot.Þegar hann heyrði að ég væri sjómaður og byggi í Vestmannaeyjum virtist ísinn brotna og við spjölluðum mikið saman eins og við værum búnir að þekkjast í mörg ár.Við bundumst einskonar baráttuböndum,ef ég get komist svo að orði um kunningsskapinn sem tókst með okkur.Hann var mikill  áhugamaður um varðveislu gamalla skipa og fannst satt að segja lágt risið á Sjóminjasafni Reykjavíkur.Mikið vorum við sammála um örlög b/v Ingólfs Arnarssonar.Því miður er skammtíma minni mitt stundum eins og gatasikti og man ég aðeins hluta af því sem fram kom í samtali okkar.Hann var óhress með meðferð á málverkum sem hann hafði gefið(að mig minnir Sjóminjasafninu).Þau lægju undir skemmdum út um allan bæ,Að skilnaði gaf hann mér lítinn pésa með myndum af spilum sem sýndu málverk hans af sjávarháttum fyrri tíma.

 

 

Þessar myndir mætti ég"skanna"og nota í blogg eins og ég vildi.Við bundumst fastmælum um að ég bloggaði um málverkin sem honum fundust komin á"hrakhóla"Hann ætlaði að hafa samband við mig með hækkandi sól.Kannske koma til Eyja leigja sér eitthvert"viðverelsi",mála og gefa mér punta í væntanlegt blogg..Honum var sjómannadagurinn hugleikinn,og vildi veg hans sem mestan. Og yfirleitt allt sem viðkom sjómennsku lét hann sig varða.Samtök sjómanna náðu að heiðra hinn aldna velgerðarmann íslenskrar sjómennsku á Sjómanadeginum 2007 og er það mikið vel,og mátti vart tæpara standa.Megi minningu þessa merkismanns vera haldið hátt á lofti af samtökum sjómanna.

 

Og megi minning hans lýsa vel á sjötugasta afmæli Sjómannadagsins þ 1sta júni 2008.Þá skulum við líka muna að þessi dagur heitir Sjómannadagur og ekkert annað.Hvaða ónefni eins og t.d Dagur hafsins,Bryggjudagar eða hvað sem menn vilja nefna einhverjar aðrar samkomur.Ég skil satt að segja ekki orð ráðherra sjávarútvegsmála þegar henn heldur eftir farandi fram""Vel hefur tekist til við endursköpun Sjómannadagsins í Reykjavík með Hátíð hafsins. Við sjáum að þátttaka í dagskráratriðum er ótrúlega góð, þrátt fyrir að slæmt veður hafi sett sinn svip á hátíðarhöldin, síðustu tvö árin, en það eru einu skiptin sem ég hef verið í Reykjavík á Sjómannadaginn og það vegna ljúfra skyldustarfa minna sem sjávarútvegsráðherra""

Skammast fólk sín fyrir að koma á hátíðarhöld Sjómannadagsins.Þarf að skíra minningardag um störf sjómanna eitthvað annað til að fólk sæki hátíðarhöld dagsins.Ja svei segi ég bara ef svo er.En árið 1987 voru sett sérstök lög um þennan dag.Þar sem nafn hans,tímasetning hans var lögfest og settar voru reglur til að tryggja sem flestum sjómönnum frí á Sjómannadaginn.Dagurinn heitir Sjómannadagur og ekkert annað.Er það ekki lögbrot að halda hann ekki hátíðlegan.Á  öðrum stað segir f.gr ráðherra:

"""Hlutverk ykkar og þýðing sjómannsstarfsins fyrir íslenskt þjóðarbú verður aldrei ofmetið. Þakklæti okkar, annarra Íslendinga, til sjómanna er því mikið. Á þessari hátíðarstundu ber okkur líka að hafa í huga hlut fjölskyldna ykkar, maka og barna sem á margan hátt er sérstakt, ekki hvað síst vegna fjarvistanna. Því miður hefur það ár sem liðið er frá síðasta sjómannadegi ekki liðið án sjóslysa. Enn höfum við því verið minnt á hættur hafsins. Þess vegna þarf öryggi sjómanna ætíð að vera forgangsmál. Um það er örugglega mikil sátt í samfélaginu."""

 

Íslenskir sjómenn hvort sem þið eruð farmenn eða fiskimenn látið list Bjarna Jónssonar verða ykkur að leiðarljósi í baráttu ykkar fyrir að halda lög um daginn ykkar í heiðri.Munið að"En þótt tækjum sé breytt/þá er eðlið samt eitt/eins og ætlunarverkið er sjómannsins beið/(brot úr kvæði Arnar Arnarsonar,Íslands Hrafnistumenn)Bjarni minn kæri kunningi ég hef aldrei saknað kunninga sem ég hef þekkt eins lítið eins mikið,Blessuð sé minning þín.Nafn þitt mun letrað með stórum stórum stöfum í sögu sjómennsku meðan sjór verður stundaður á Íslandi.Þín er sárt saknað af þeim sem  þekktu þig.Þið sem lásuð þetta séu kært kvödd,en á annan hátt en Bjarni

 

 

 

Andlát: Bjarni Jónsson

Eftir jól og nýár

 

Ég hef ekki verið á miklum"talefod"undanfarið.Þegar gamlingar eins og ég sem ofkeyrt hafa þessum búningi sem maður fékk að láni í upphafi eigin vega og kallast líkami"lasnast"þá.er oft lítið um varnir.Ofkeyrt hann t.d í með áti allslags meðala sem fundin voru upp og  tilætluð allt öðru en að háma þau í sig með vínanda sem oft var líka ætlaður til annars"brúks"t.d.bökunmar eða bæta lykt sem líkamdvessarnir gáfu frá sér.

 

Svo þegar ofan á þetta heimatilbúna kropp í líkaman bætast svo  tvö stór læknisfræðileg inngrip þá fer nú að fjúka í flest skjól þegar"pestir"eru að ganga.Ég hef orðið fórnardýr allslags"flensu"afbrigða um hátíðirnar og hélt satt að segja um tíma að ég væri hreint og beint að"geyspa"golunni.Mér fannst satt að segja,lítið leggast fyrir kappan sem hefur verið að rífa kja.. út í allt og alla undanfarið að vera að veslast upp í alíslenskri flensu og gefast upp og taka síðustu"goludrættina"í logninu sem alltaf er hérna í Eyjahrauninu.

 

Svo var það í morgun að það litla sem ég hef látið niður í mig undanfarið ákvað að halda sér"inni"en reyna ekki að komast út með ógnarhraða annaðhvort  uppi eða niðri.Hausverkur sem ég var farinn að halda að væru afturgengnir  timburmennum hvarf.Og það var eins og vitrun:"rífðu þig  á  rassg..... upp úr þessu andskot... drullusleni hundskastu í bað.Skrúbbaðu af þér andsk..... sjálfsvorkunina finndu þér eitthað til að rífa kja.. yfir.""Og sjá hér er ég kominn.Það er af mörgu að taka í"kjafrífelsinsmálum".Tengadadóttir Páls frá Höllustað óánægð yfir sinni"stöðu"Ég skil hana að nokkru leiti.Einu sinni móðgaðist ég ógurlega þegar maður í stöðunni fyrir ofan mig og sem ég hafði alltaf leyst af fór í ársfrí þá var annar settur í stöðu hans en mér fannst"freklega"framhjá mér gengið.En þetta fékk allt farsælan endi,Nú veit ég ekkert um tilurð þessarara fyrrgreindar konu í þetta sérstaka embætti.

 

En einhvernveginn læðist að mér sá grunur að umrædd tengd við fv ráðherra hafi ekki spillt fyrir henni á sínum tíma.En hvað um það.Það eru fleiri svona ráðningarmál í brennideplinu.Ég er ekki kominn til nógrar heilsu til að rífast yfir þeim.En maður þarf satt að segja sérstaklega mikla geðprýði og gott andlegt jafnvægi til að geta haldið sér í eðlilegum"límingum"yfir öllu þessu helv.... kjaftæði sem vellur út úr kjöf.....  á ráðherrum og fl ráðamönnum nú um stundir.Maður verður að vera búinn að jafna sig vel á öllum"flensu"afbrigðum,grunuðu ofáti og allrí óáran sem fylgir þessari hátíð ljóss og friðar.Mér finnst ekki skína mikið ljós út úr haus eins ónefnds ráðherra þegar hann útskýrir ráðningu sína á ónefndum manni í ónefnt embætti.Og ekki mikinn friðarvilja við hinn almenna borgara hvað varðar trúnað á þessu bulli sem fram er fært.En tíminn líður fljótt það eru bara rúm 3 ár í næstu kosningar.Og svo núna.bæði Gvendur og Gunna ektert XD þá.

 

En á einu verð ég að lýsa furðu minni á og það er hin hræðilega uppgötvun Sigmars Þórs Sveinbjörnssonar um sleppibúnað gúmíbjörgunarbáta.Hvernig getur svonlagað skeð?.Er þetta reglugerða og nefndarfargan með tilheyrandi einkavæðingu orðið svo yfirþyrmandi að svona hlutir geti virkilega skeð hér á landi.Svarið virðist vera já.Halda menn virkilega að það sé nóg að stofna Slysavarnarskóla þá sé málið komið í höfn.Hafa vel rekið björgunarkerfi.Hvar eru nú allar reglur og reglugerðir IMO?Halda menn virkilega að það sé gott ráð að dreifa þessum málum á sem flestar hendur að það dugi að stofna sem flesta"starfshópa"og nefndir til að fjalla um öryggismál.

 

Þetta er grafalvarlegt mál sem þarna er á ferðinni.Það alvarlegt að ónefndur umboðsmaður myndi kalla það"lögreglumál"Og mér finnst það hreinlega vera tilefni lögreglurannsóknar hvernig svonalagað getur skeð.Rannsaka hvað virkilega brást og taka ekki orð eins af forráðamönnum þeirra fyrirtækja sem að skoðun á þessum útbúnaði koma,gild"þetta hefur batnað"Svo kemur formaður"Sjóslysanefndar"og segir nefndina vita allavega um 2 nýleg dæmi um að sleppibúnaðurinn hafi ekki virkað.

 

Það hlýtur að vera krafa almennings  í þessu landi á hendur siglingayfirvalda sama hvaða nafni þau nefna sig í dag að þetta verði rannsakað niður í kjölinn.Og það ekki seinna en í dag.Ekkert helv.... til nefndar eða starfshópa stofnunar kjaft....Það á engin"Grímseyjarferjumálsbarsmíð" í ræðupúlt Alþingis að líðast.Engar ferjukaupa/sölu eða Keflavíkurflugvallaryfirhilmingar eiga að fá að líðast í þessu máli.Kristján Möller láttu nú hendur standa fram úr ermum finndu hin(a)seka/ku í þessu máli og sjáðu til að svona geti ekki endurtekið sig.Og ef ermarnar eru að þvælast fyrir má ábyggilega fá lánaðan jakka í"Góða Hirðinum"En mikið voðalega er ég hræddur um að einhvert"nefndar til að athuga málið"eða"að stofnaður verði starfshópur til að rannsaka málið"batterí fari í gang.

 

Ég held satt að segja að megi varla hundur míga upp við staur úti á landi öðruvísi en að forsætisráðherra skipi nefnd um málið.Og yfirleitt veljast einhverji flokksgæðingar í allar þessar nefndir.Það þurfti ekki minna en 2 nefndir til að fjalla um erfiðleika á N-landi vestra að mig minnir.Það steðja miklir örðuleikar að afkomu fólks þarna.Ég hugsa að hið duglega fólk sem þar býr hefði sætt sig við eina nefnd en að sú hin sama væri skipuð af fólkinu á staðnum og þeim mönnum sem það treysti til starfans.Ekki einhverjum  mönnum sem ekkert þekkja til staðanna.

 

En ég tek þetta bara sem dæmi um hvernig það virðist vera leið ráðandi manna um"nærgöngul"mál en svo er ekki meira gert í því máli.Svo er barið á brjóst sér og talað um að nefnd sé að störfum í málinu.Hvað skyldu margar þannig nefndir hafa geispað golunni í starfi.Hvað skildu vera margir algerlega ónauðsynlegir starfshópa og/eða nefndir á fullum launum frá hinu opinbera að störfum í dag.Starfshópar/nefndir sem skipaðar hafa verið út af hinum ýmsu málum sem svo hefur fennt í sporin á.Ég hugsa það væri athyglisvert viðfangsefni fyrir (starfshóp!!!!)sagnfæðinga að athuga hvað margar nefndir og starfshópar séu á launum hjá hinu opinbera í dag.Og hvert verkefni þeirra sé,Nú er rísandi sól en ekki finnst mér sól stjórnmála fara rísandi hér í þessu svokallaða lýðveldi.Hverjir stjórna,eru það ráðherrar?

 

Ekki er það,svo að skilja oft þegar þeir tala um vanmátt sinn hvað varða kjör þeirra sem minna mega sín í þjóðfálaginu. Eru það peningamennirnir,stóreignamennirnir? Ekki er það að skilja eftir umtali þeirra og skrifum um Seðlabankann.Í kvöldfréttum(RUV) í kvöld var talið að ónefnd fjármálafyrirtæki stæði mjög höllum fæti.Einn af aðaleigendum þessa fyrirtækis er þekktur athafnamaður héðan úr Eyjunni,Ég þekki þennan man ekki neitt hef 1 sinni eða 2svar.séð hann.Hann hefur aldrei stolið einseyring af mér hvað þá meir og mér findist það miður ef skúta hans færi að hallast of mikið.Það verð ég að segja fyrir mig.Menn mega mín,vegna hafa hin ýmsu sjónarmið um þennan mann það er lýðræði.En viðskiftafélagi umrædds manns er maður sem mér finnst að allt megi fara fjan.... til,hjá.Ekki myndi ég gráta það.

 

Fyritæki sem sá maður stjórnaði er grunað um stórþjófnað af almenningi og þar á meðal mér.Ég tel mig allavega  tilheyra þessum  hóp enn.Skúta þess manna mæti sökkva með rá og reiða mín vegna..Ég myndi ekki einusinni greiða mér á eftir.En það er víst enginn hætta að það skeði.Að lokum kæri lesandi mig langar aðeins að tala um ábyrgð og burð hennar.Hvernig ábyrgð á peningum er langt um meira metinn en ábyrgð á mannslífum.Ég talaði um hina hræðilegu uppgötvun Sigmars Þórs Sveinbjörnssonar um sleppibúnað gúmíbjörgunarbáta.Nú segja kannske margir "hvaða fjandans röfl er þetta í þessum gamla kalli sem er  kalkaður hænuhaus og það hálfpartinn kominn inn á Elliheimili"Þetta hefur ekki komið að sök enn sem komið er allavega.

 

Og nú kemur að ábyrgðinni.Hún liggur alveg rétt hjá skipstjóranum.Já hann getur jafnvel misst sín réttindi(sumir hafa hreinlega misst þau í "beinni"hjá Stöð 2)Ábyrgðin er engin,annarstaðar nema hjá honum.Allir skoðunaraðilar fríir ábyrgð.Hvernig er háttað launamálum manna sem mikla ábyrgð bera á mannslífum.Hver eru laun t.d skipstjórnarmanna á Herjólfi í samanburði við laun"stjóra"stórra fjármálafyrirtækis miðað við ábyrgð.Mér er minnistætt eitt atvik úr mínum starfsferli.Ég var þá skipstjóri M/S"Esju"4.í afleysningu.Við höfðum lesta 3 kör fyrir Álverið í Straumsvík á Seyðisfirði(smíði á þessum körum hafði verið boðin út og Vélsmiðja Seyðisfjarðar hlotið"hnossið"En kör þessi voru að mig minnir um 18 ts hvert að þyngd)Vorum svo að komnir fyrir SA hornið og það spáði frekar lla.

 M/S Caterina ex Esja(IV)Myndin sem er tekin í Sierra Leone í fyrrasumar (2007)er fengin að"láni" Netinu

Hornafjörður ófær og áfram hélt ferðin og veðrið að aukas.Þegar að Vestmannaeyjar kom var komið foráttuveður.A fárviðri og særok eftir því.Það sá ekki út úr augum vegna særoks.Báðir radarar óstarfhæfir vegna þess sama.

 

Eina staðsetningartæki sem við höfðum fyrir utan radarana var svokallað"Satellite"tæki undanfari GPS tækjana:En þessi tæki fengu"fix"frá gerfihnöttum,mismunandi eftir hvar maður var staddur.Tækið fixaði stað gaf staðsetningu og tíma upp reiknaði svo stað skipsins eftir þeim gildum sem inní tækið hafði verið sett"manuallt"Þ.e.a.s.reiknaði með áætluðum hraða og stefnu að næsta fixi leiðrétti sig svo allfaf með þeim.Þessi fix gátu verið stopul og oft þurfti að notast við áætlaðan stað lengi..Þegar að"Eyjum"kom höfðu"völdin"hreinlega verið tekin af mér

 

Einu sjómennskuhæfileikar sem ég gat sýnt var bara að láta skipið halda stýrisferð undan veðrinu fylgast vel með þessu eina tæki sem að notum kom og rýna út í sortan.Núna ca 20 árum seinna minnist ég þessa kvölds og nætur með hryllingi.Í hreinskilni sagt var ég þarna,að mér fannst aleinn með 9 önnur mannslíf í höndunum.Stýrimenirnir vissu vel hvað klukkan sló og virtu stuttaraleg svör mín.En ég vildi í fremstu lög leyna áhyggjum mínum af ferðalaginu.Ég minnist þess ekki að hafa verið jafn stuttur í spuna og óskrafhreifinn í annan tíma.Allan tíman þegar við vorum að"skrönglast"þarna fyrir ofan Eyjarnar á lúshægri ferð hugsaði ég um mennina sem með mér voru.Einu áhyggurnar af fjandans körunum voru þær,að ef við þyrftum að breyta stefnu og fá sjólagið á afturhornið eða á hliðina og festingarnar á þeim biluðu þá gat voðinn verið vís.Því það var veikasti hlekkurinn á skipinu hvað veltu varðaði.Ég man að ég hugsaði til ástvina þeirrra manna sem með mér voru auk minna eigin. ef illa færi.En ég þekkti þá mjög vel.Margir af mönnunum höfðu siglt með okkur lengi.

 

Ég er að rifja þett upp í sambandi við ábyrgð á mönnum og verðmætum.Í mínu tilfelli byrjuðu áhyggurnar af farminum sem síðan ef staðan versnaði í áhyggjur af mannskapnum og man ég aldrei eftir þeim verri en þarna.Þetta endaði svo allt með því að þegar við vorum vel fríir af Eyjunum ,en þar var veðrið verst.snérum við skipinu áfallalaust"upp í" og héldum sjó uns veðrinu slotaði.

 Sjálfur"kjaftbrúkarinn"á Esjuárunum 

 

Margir spyrja ábyggilega margra spurninga í sambandi við þetta"glæfraferðalag"ofan við Eyjar fyrir ca 20 árum síðan.Menn mega hafa sitt álit á hlutunum hvurn fja.... ég hafi verið að álpast þarna.í svona veðri.En ég man að lægðin sem olli þessu tók upp á einhverjum"æfingum"svo að veðrið varð miklu verra en ráð var fyrir gert.Svo má rökræða þetta fram og til baka.fram og aftur en svona var þetta og engsnveginn öðruvísi.Hvað ég hefði ekki átt eða hefði átt að gera skiftir ekki máli nú og er ekki til umræðu hér og nú.

 

Svo er þetta ekki skrifað til annars en tala um ábyrgð á mönnum og peningum.Læt þetta duga í þessari atrennu til að ná í"kjaftbrúkskraftanna"aftur Þakka þeim sem nennt að lesa þetta og kveð þá kært

Nágranna umhyggja

 

Mér fannst þetta góð nokkuð hugmynd hjá Jóni frá Eyri þeim mikla sæmdar manni um einhverskonar eftirlitskerfi með einstæðingum.En leiðari Morgunblaðsins fjallar fyrir nokkrum dögum um viðtal við Jón um daginn.Þar segir m.a:"" Í viðtali í Morgunblaðinu í gær segir Jón að sér sé afar hugleikið að koma á fót tilkynningaskyldu fyrir gamalmenni og einyrkja með svipuðum hætti og tilkynningaskyldu skipa er háttað.""

 

Svo segir Mogginn:""Þessi hugmynd er vel þess virði að athuga hvort þess er kostur að koma á slíku eftirliti.Mörgum gæti reynst vel að eiga hjálp vísa í neyð.""Að svona eins og hefur núna skeð tvívegis í Reykjavík hélt ég satt að segja gæti ekki skeð hér á Íslandi.Hélt að Íslendingar væri forvitnari um náungan en svo að þetta gæti skeð hér á landi.Hélt að hér væru"allir með nefið niður í hvers manns koppi"!!!!

 

Nei að alvöru málsins.Ég bjó í Svíþjóð um tíma og þá var svona lagða alltaf að ske.Í stórum borgum og í stórum fjölbýlishúsum.Svo var það kannske "lykt"úr íbúðinni sem kom upp um ástandið.Þetta voru einstæðingar sem enga ættinga áttu.Örorkubæturnar/eftirlaunin lögð inn á reikning viðkomandi eftir að húsaleiga og þvílíkt hafði verið greitt.Enginn fylgdist með viðkomandi og svíar eru lítið fyrir að vera með nefið niður í hvers manns koppi.Einu tilfelli man ég eftir þegar varla var hægt að opna hurðina hjá viðkomandi vegna blaða og ruslpósts sem safnast hafði fyrir innan hurðina.Maðurinn hafði verið látinn í uppundir eitt ár.

 

Það er hreinlega hræðilegt til þess að hugsa að svona mikill einstæðingsskapur skuli vera til í svona litlu samfélagi eins og t.d.Reykjavík er í raun og veru.Og mér finnst það til vansa fyrir viðkomandi yfirvöld.Mér finnst satt að segja óskiljanlegt að ekki séu húsverðir í stórum "blokkum" sem fjöldi eldri borgara býr.Þeir ættu að geta fylgst með hvort viðkomandi(ef viðkomandi býr einn)hirðir póstinn sinn.Ég held að sama"system"og er víða í sænskum húsum að það séu bréflúgur á ingangsdyr íbúðanna sé ekki til að dreifa í blokkum hér á landi.(án þess þó að ég viti það)

 

Hvar er"nágrannaforvitnin"þegar svona skeður.Mér kemur í hug mál sem kom upp fyrir nokkrum tugum ára þegar maður var kærður fyrir"ósæmilega"hegðun.Maðurinn var einheypur og bjó í blokk og gekk um íbúð sína á "adamsklæðunum"einum fata.Í annari blokk rétt hjá bjuggu að mig minnir 2 konur komnar á efri ár.Þær kærðu fyrrgreindan mann fyrir ósæmilega hegðun.Við rannsókn málsins kom í ljós að konurnar gátu enganveginn séð manninn nema með kíki!!!!

 

En aftur að alvörunni.Ég bý núna í svokallaðri"þjónustuíbúð"við Dvalarheimili aldraða hér í Eyjum.Flutti hingað í sumar.Ég hafði búið hér um skamma hríð þegar ég þurfti"suður"til lækninga.Ég hafði ekkert látið nágranna mína vita um þessa ferð.Þegar ég kom til baka hitti ég nágrannakonu mína Margréti Karlsdóttir.Margrét tjáði mér að nágrannarnir hefðu verið komnir með áhyggjur af mér því"Mogginn"og pósturinn hefði verið farinn að hlaðast upp.En sonur annarar nábýliskonu minnar Nönnu Guðjónsdóttir hafi einhvern"pata"af ferðum mínum.Svo að áhyggjum þeirra var eytt.Ég lofaði Margréti að ég skyldi láta vita ef svona kæmi upp aftur.Ég vona að ég sé ekki að brjóta neinn trúnað fólks þó ég nafngreini þessar konur.

 

En að vita af svona nágrönnum veitir manni mikla öryggistilfinningu.Svo var það í desember að ég var eitthvað slappur og hafði ekki nennt að sækja blaðið og póstinn í 2 daga.Hringir þá ekki hjá mér dyrabjallan.Það  er þá fyrrgreind Margrét og önnur grannkona mín sem ég hreinlega man ekki nafnið á.Í mínum huga eru þessar konur dæmi um það sem maður getur kallað "hversdagshetjur" sem vinna sín góðverk í hljóði.Konur sem lifað hafa hér í Eyjunni fætt og alið upp börn sín í návígi við stórbrotna náttúru og veðráttu.

 

Sonur Margrétar sýni af sér ótrúlegt þrekvirki er hann synti um að mig minnir 6 km leið og náði landi eftir sjóslys hér A af Eyjunni.Maður Nönnu sótti sjóinn í mörg ár einn á lítilli trillu sem ekki þætti til"stórræðanna"í dag.Hún hefur örugglega oft óttast um mann sinn í vondum veðrum einum á sínu litla fleyi.Þær þekkja það að hafa áhyggjur af "sínu" og "náunganum" eins og oft vildi verða í sjávarplássum ef bátar skiluðu sér ekki á réttum tíma.Á svona hetjur er sjaldan minnst,hvað þá að þær fái á sig nokkra"krossa".Enda segir mér svo hugur að þær myndu lítið kæra sig um það.Ég vil þakka þeim stöllum fyrir það öryggi sem ég hef af þeim í nágrenninu.

 

En svo að allt öðru.Þessi svokallaða"list"og fólk sem kallar sig"lista menn/konur"hefur vafist svolítið fyrir í mínu gamla haus.Það virðist margt vera leyfilegt ef það er í nafni einhverskonar "listar".Fyrir mörgum árum sat nakinn maður á tröppum"Útvegsbankans"og vafði á sér það"tól"sem yfirleitt er notað þegar flölga skal mannkyninu og til að karlmenn losni við úrgangsefni sem líkami þeirra hefur ekki þörf fyrir.Yfirleitt er þessu tóli ekki flaggað á almannafæri enda geta legið við því stórsektir ef það er gert.En ef það er gert í þágu listarinnar þá virðist allt vera OK.Annar listamaður skilur eftir sig hlut sem álíta mætti sem sprengu á almannafæri og það nú á dögum"stórsóknar"Bush og co á hendur hryðjuverkamönnum.(einhverja eftirmála mun það víst hafa)

 

Svo á einn listamaðurinn að hafa látið flækingahundsræfil svelta í hel í einhverskonar"gjörning"Á sama tíma fékk kokkur í Noregi bágt fyrir að sjóða lifandi krabbadýr.Það er sem sagt OK að kvelja dýr sé það gert í nafni listarinnar.Svo er fólk krossað í bak og fyrir fyrir"listsköpun"Mér var á sínum tíma hent í tugtshús fyrir að"halda kja..."en í dag fá sumir listamenn jafnvel milljónir fyrir að opna hann í  nokkrar sekúndur í  sjónvarpsauglýsingum.Ekki það að ég hafi nokkurn tíma talið mig listamann.Ég læt þetta nægja í bili.Ég veit að margur hristir höfuðið yfir þessu,að þeirra mati bulli í mér.og löngu hættir að lesa þetta.Og það hefur kannske heldur aldrei neinn nennt að byrja lestur á þessu.En ef einhver hefur haft nennu til að lesa þetta allt þá kveð ég þann hinn sama kært

Enginn úr sjómannastétt

Ég var satt að segja undrandi á þessari orðuveitingu sem ég held satt að segja ætti fyrir löngu að vera búið að leggja niður.Nú var ekki einn einasti maður úr sjómannastétt heiðraður.Þegar ég tala um sjómanna stétt þá á ég við menn t.d bæði fiski og farmenn.Menn frá  Landhelgisgæslu, Slysavarnarskóla íslands og jafnvel úr hinum ýmsu björgunarsveitum.Menn sem hafa  látið mál sjómanna og öryggi þeirra sig varða og verið óþreytandi t.d. skrifum um þau mál eins og t..d,Guðjón Arnar sem var til margra ára fengsæll togaraskipstjóri og síðan farsæll forustumaður í samtökum sjómana og nú alþingismaður.Jóhann Páll Símonarson sem um árabil hefur barist fyrir kjara og öryggismálum sjómanna og verið óþreytandi í skrifum sínum um þau mál.Kristinn Pétursson vélstjóri,útgerðar og alþingismaður um árabil sem hefur verið óþreytandi í að skrifa um óréttlætið í kvótamálum og fleiri mætti kalla til sögunnar.Fólk á Íslandi virðist vera búið að gleyma hvað það var sem kom þessum menningarvitum á lappirnar.Það voru menn með íslenska lund og karlmennskuþor.Þ.e.a.s íslenskir sjómenn.Kært kvödd.

Ellefu sæmdir heiðursmerkjum

Um áramót

 

Ég missti af fyrstu mínútum af ræðu forsætisráðherra,Svo að til að fullvissa mig um að ég hafi ekki misst af því sem ég batt mestar vonir við að heyra varð ég mér úti um  ræðuna í heild.

 

Ég varð fyrir miklum vonbrigðum.Ekki eitt einasta orð um öryrkja ellilífeyrisþega eða þá sem minna mega sín.Hann talaði fálega um 1sta sæti á"lífskjaralisti"SÞ.Þessi listi er samsettur m.a.af meðallaldri,menntun,og landsframleiðslu á mann.Ég held satt að segja að lyf,ekki velsæld (þó velsæld spili þar kannske einhverja"rullu")nái upp meðalaldrinum.Íslendingar hafa alltaf verið námfúsir svo að menntun hefur alltaf í dágóðu lagi þrátt fyrir kreppu.Margar sögur til af hvernig menn unnu baki brotnu til að mennta sig og eða sína á kreppuárunum.

 

Ekkert nýmæli.Íslendingar hafa alltaf vegna lágra launa þurft að leggja á sig mikla vinnu og hafa alltaf þótt duglegir og lá laun hjá þeim lægst launuðu sem skilja mikilli vinnu miðað við launin,hífa upp landsframleiðslu á mann.Ekkert nýtt þar,Og mér finnst hann ekki geta hælt sér af menntuninni það segir svokölluð PISA-rannsókn okkur.Hann nefndi þetta að vísu en sagði m.a. að menn myndu leggja mikla áherslu á að efla vísindi,rannsóknir.og tækniþróun.En þarf ekki fólk að vera sæmilega læst til að af þessu verði.Hverju er þetta ástand í menntamál um að kenna?

 

Er það ekki lág laun í þessum geira.Það er gömul sannindi að þangað sæki fólkið sem launin eru best.Forsætisráðherra nefndi ekki einu orði á hið slæma ástand sem er á vinnumarkaðinum hvað varðar erfiðleika með að ráða fólk í hin lægst launuðu ummönnunarstörf..Hann talaði að vísu um komandi kjarasamninga og um "hóflega"kjarasamninga sem gera þyrfti.Enn og aftur"hóflega"samninga sem þýðir á góðri íslensku óhóflegar kjaraskerðingar.Ég hef ekkert á móti erlendu vinnu afli og nýbúum.En það er ýmislegt að gerast í sambandi við það sem sæmir ekki okkur íslendingum.

 

Mér er andsk..... sama þótt ég sé kallaður "rassisti"fyrir að hafa þá skoðun á þessum málum sem ég hef,En hún er sú að við þurfum að taka miklu betur á móti nýbúum en við höfum gert.Við höfum satt að segja hlunnfarið stóran hóp af þeim.Boðið þeim upp á svik í launamálum og boðið þeim upp á húsnæði sem góður íslenskur hundaeigandi myndi aldrei bjóða hundinum sínum uppá.

 

Við þurfum líka einhvern veginn að koma í veg fyrir að vistfólk heimilinum fyrir aldraða þurfi ekki að fara að læra pólsku.tælensku,eða hvaða mál það er,sem meirihluti af starfsfólki stofnuninnar sem það dvelur á talar til að geta gert sig skiljanlega við það.Ég er með þessum orðum ekki að gera lítið úr fólki sem tala þessi mál síður en svo.En ef fólk ætlar virkilega að setjast að hér á landi á að leggja áherslu á að kenna því sem lýtalausasta íslensku.Ég tala af reynslu því ég vann meðal dana í tæp15 ár og komst upp með að nota mína "skandínavísku"og tala því enga eða litla virkilega dönsku.

 

Einnig bjó ég á sama tíma í Svíþjóð og notaði mína "skandínavísku"þar.Einu sinni rétt eftir að að ég búsetti mig þar ætlaði ég að senda pakka sem innihélt brothætta muni og hafði skrifað"Glass"á pakkan.Þá sagði stúlkan á póstkontornum"du kan inte sända glass med posten"Af þessu hlutust nokkrar orðahnipingar.En glass á sænsku þýðir ís t.d rjómaís en glas þýðir gler.Svona geta smámisskilingur í tungumálum orðið að nokkuð stóru máli í hinu daglega lífi.

 

Svo er það ekki gott að stórir hópar af einni þjóð vinni á sama stað og komist upp með að tala sitt eigið mál sín á milli og án virðingar við samstarfsfólkið og vistmenn.Það verður að vera nærgætni í nærveru þessa gamla fólks.Ég veit að nú segir einhver"fjan.... bull"er þetta í kallinum en þetta er bara hinn heilagi sannleikur.Slíkt skapar bara tortryggni milli starfsfólks innbyrðist og svo vistmanna.Ég átti samtal við góða vinkonu mína um daginn sem er útlærð sem sjúkraliði og er nýflutt til borgarinnar og fékk vinnu á einu af dvalarheimili aldraða þar.

 

En hún hafði unnið sem slík í sinni heimabyggð.Hún sagðist bara hafa gefist upp að vinna þarna aðallega út af því að stæðsti hluti starfsfólks þarna hefði verið af ónefndu þjóðerni og að gamla fólkið gat ekki skilið það"hrognamál"sem talað var á stofnunni.Ég hef fulla virðingu fyrir fólki af erlendu bergi brotnu og finnst það bara af hinu góða að við blöndum blóði við aðrar þjóðir en við verðum að gera betur við móttöku þess.

 

Og að aðlögun þess bitni ekki á gömlum,kannske einstæðingum sem dvelja á stofnunum fyrir aldraða.Fólk sem er jafnvel farið,eins talað var um í gamla daga að"kalka"og heldur jafnvel að það sé statt í öðru landi og langar heim til Ísland.Mér er andsk..... sama hvað allir fræðingar,mannvinir og hvað þeir kalla sig sem halda þessari "rassista"umræðu hátt á lofti þegar rætt er um þessi mál segja um þetta en þetta er bara hinn beinharði sannleikur.Hitt er bara "bullshit"

 

Svo aftur að ræðu forsætisráðherra.Hann minntis ekki einu orði á kjör öryrkja og eldri borgara,Ekki frekar en þessir hópar fyrirfinnist ekki hér á landi.Eins og allar fjand.... skýrslur SÞ haldi því fram að þessir hópar velti sér upp úr peningum og munaði.Hann hefði í framhaldi af skýrslu SÞ geta nefnd grein eftir hinn virta viðskiftafræðing Helga K Hjálmsson formann Landsambands eldri borgara um daginn.Þar sem hann gerir að umræðuefni fyrirhugaðar hækkanir á launum æðstu embættismanna.

 

Forsætisráðherra talaði um marga tugi milljarða afgang á ríkissjóði ár eftir ár.En Helgi segir í grein sinni""Það er staðreynd að þau kjör sem við búum við og skifta okkur mál, eru þau kjör sem við búum við á hverjum tíma.Við lifum ekki á tekjum eða á bótum,sem við fáum hugsanlega í framtíðinni.Það er núið sem skiftir okkur öllu máli.Það er líka með öllu óþolandi að þeir sem sem eru að fá greiðslur frá TR skuli stöðugt búa við ótta um að nokkrum mánuðum síðar komi krafa um endurgreiðslu á því sem kallað er ofgreiðsla bóta""

 

Síðan endar Helgi grein sína á þessum orðum"Það er okkar krafa að allir eldriborgarar megi njóta elliáranna í fjárhagslegu og ummönnunarlegu öryggi""Svo á Pétur Blöndal að fara að endurskoða bótagreiðslur TR.Guð hjálpi mér segi ég bara.Ég vona bara fyrir mitt viðkomandi að ég verði dauður er sú endurskoðun tekur gildi. Ég heyrði ávæning af svokölluðu"Silfri Egils"í gær.

 

Sem ég myndi kalla"Brotajárn Egils"út af hlutdrægni og lítilli stjórn sem stjórnandi virðist oft hafa á sínum viðmælendum.Orðhákar taka oft þáttinn í sínar hendur og fá að bulla að vild.En ég heyrði sem sagt ávæning af síðasta"Silfri"Þar fór ung kona úr Sjálfstæðisflokknum mikinn  og sagði eitthvað á þá leið að Sjálfstæðisflokkurinn vildi ekki standa að því að afhenda nokkrum"auðjörfum"eigur almennings og myndi standa vörð um að slíkt kæmi ekki fyrir.Nú verður gaman að sjá varðstöðu þessa flokks í Keflavíkurflugvallarmálinu.Þar sem margt,vægast sagt í mínum huga minnir á þetta svokallaðu"REY"mál.Og það brenna fleiri spurningar um stjórn þessa flokks á eigum/peningum þess opinbera á vörum fólks.Verður öllum spurningum í "flugvallarmálinu"svarað?

 

Hvenær á að svara spurningunni hvað virkilega skeði í Grímseyjarferjumálinu(hverjum var hyglað þar?)Hvað skeði þegar flóabáturinn Baldur var seldur?(hverjum var hyglað þar og af hverju?) og af hverju mátti ekki athuga með að nota hann í Grímseyjarferðir.Forsætisráðherra lýkur á að vitna í þjóðsönginn okkar og segir"Íslands þúsund ár/voru morgunsins húmköldu,hrynjandi tár/sem hitna við skínandi sól/Og hann endar ávarp sitt á þessum orðum""Megi öll tár hitna við skínandi sól að morgni nýs dags"".Ég held að ég geti frætt forsætisráðherra þessa lands um nokkuð sem hann virðist ekki vita.Að tár fólksins sem vegna bágra kjara í þessu velferðarríki hans,sem geta hvorki hafa veitt sér eða börnum sínum gleðileg jól þurfa ekki sólina til að hitna.

 

Þau eru brennheit þegar þau hrynja niður kinnar þess.Vonandi verða öryrkjar og eldri borgarar og aðrir sem minna mega sín svo gæfusamir á næsta ári að eitthvað af þessum milljarðaágóða af ríkissjóði sem hann hældi sér svo mikið af verði"spanderað"á það.Ég veit að margir telja þetta helv.... þvætting úr mér en mér er andsk..... sama.Þetta eru mínar skoðanir og mér er heimilt að birta þær ef mér býður svo við.Það er jú ennþá allavega,málfrelsi í þessu svokallaða velferðraríki.Ég vil óska öllum,bæði þeim sem eru mér sammála, ef einhverjir eru,og þeim sem eru mér ósamála farsældar í lífi sínu og störfum hver sem þau eru,á komandi árum.Verið ávallt kært kvödd öllsömul og gleðilegt nýtt ár