Dýrt ævintýri

Hræddur er ég um að þarna hafi verið of dýrt að spara. Gerði enginn sér grein fyrir hæðinni á stórstreymsflóðinu???  Laxfoss Hvar eru nú allir fræðingarnir sem yfirleitt er ekki hægt að þverfóta fyrir. Það kæmi mér ekki á óvart að hinir virkilegu sérfræðingar þ.e.a.s. mennirnir um borð hefðu aldrei verðið spurðir út í þetta.  Herðubreið.Hef persónulega reynslu af hvernig gengið var framhjá slíkum sérfræðingum en hinir hámenntuðu látnir ráða með miklum kosnaði.  Herjólfur Ef þetta með hæðina hefði verið athugað hefði verið leikur einn að laða áætlun skipsins að aðstæðum Og komist hefði verið hjá að baka einhver vandræði sem skráð eru sem tafir. Herðubreið  Það er stundum ódýrara að leita ráða hjá mönnum sem hafa reynsluna úr sjálfu lífinu heldur en til þeirra sem hafa vit sitt úr  bókum. Hæfileg blanda af hvorutveggja er góð. Ég læt fylgja með myndir af skipum sem fluttu farþega til og frá Vestmannaeyjum.

Í auglýsingu um Laxfoss frá 1943 segir m.a:"M.S Laxfoss sem er hraðskreiðasti flóabáturinn, kemur yður í samband við fjölþættasta vegakerfi landsins" Ekki er mér fyllilega kunnugt um hvernig Vestmannaeyja ferðir Laxfoss voru uppbyggðar. En ég man að hann kom ekki í Borgarnes á mánudögum og fimmtudögum Skaldbreið.Laxfoss átti sér skrautlega sögu sem ég segi kannske seinna.Breiðarnar svokölluðu voru lítil og nett farþega og flutningaskip byggð í Skotlandi 1947-48.

Herðubreið var smíðuð í George Brown & Co Ltd í  Greenock 1947, Yard nr 242.366 ts. 45.26 loa. 7.42 brd. Farþegafj: 12. Skipið var selt 1971 Norðurskipum (Bjössi Haralds og fl.) Sem svo selur skipið strax sama ár til Panama  Það fær nafnið Elenore I. Það var rifið í Arzew(Alsír) 13.5.78 Skaldbreið sem Viking Blazer Skjaldbreið var eins og Herðubreið að öllu leiti. Skipið var selt 1966 til Englands og fækk nafnið VIKING BLAZER,1969 MARIANTHI - 1970 ALEXANDROS V - 1980 FROSINI.Skipið var rifið í Grikklandi 1984. Skipin fóru yfirleitt 1/2 hring kring um landið Herðubreið A um og Skjaldbreið V-um .

 

Herjólfur I var byggður hjá Bodewes, G.& H. í Martenshoek Hollandi 1959. 490 ts Loa 49.25 m. Brd 9.02. m. Farþegafj: 64, Skipið var selt til Honduras.Það fékk nafnið Little Lill. Það var svo í flutningum í Caribbean Sea þar til það strandaði 1983 og ónýttist. Læt þetta duga í bili

Ferjuferð seinkar frá Eyjum

Athugasemdir

[Jón Snæbjörnsson, 25.9.2009 kl. 14:08]

takk fyrir þétta gamle ven - ég var á Herjólfi síðustu mánuðina áður en hann var seldur úr landi