Fýluna burt

Ég óska Vopnfirðingum til hamingu með mjöltankana. Ég veit að Vopnfirðingar haf meiri skilning á"mjöltönkum"en 101 liðið sem finnur bara fýlu af öllu sem snertir atvinnu.

 

Kaffilykt hvítlaukslykt táfýla fyrir utan eigin skítalykt þykir fín á bænum þeim. En sem betur fer er hjarta landsins aftur farið að slá þar sem það hefur alltaf slegið þ.e.a.s á landsbyggðinni. Ávallt kært kvödd

Mjöltankar fluttir frá Reykjavík til Vopnafjarðar

Athugasemdir

[Sigmar Þór Sveinbjörnsson, 18.5.2009 kl. 22:32]

Heill og sæll Kæri vinur, það er mikið að maður fær smá blogg, velkominn í bloggheima eftir fríið.

kær kveðja

[Jóhann Elíasson, 18.5.2009 kl. 23:13]

Mikið er ég sammála þessum stutta en góða pistli þínum.

[Jóhann Páll Símonarson, 18.5.2009 kl. 23:35]

Heill og sæll  Ólafur Ragnarsson.

Ég vil byrja á því að þakka þér sérstaklega þitt innlegg Ólafur Ragnarsson sem er byggt upp á rökum og velvilja þíns að færa rök fyrir þínu máli. Þú ert einn af þeim yndislegum mönnum, sem færir manni eins og mér upplýsingar um skip sem voru hér og eru farin til annarra eigenda. Þú hefur margt fram að færa og þínar upplýsingar eru ómetanlegar.Og ekki síst Sigmari Þór  sem hefur barist fyrir öryggismáls sjómanna og haft að leiðarljósi bætt öryggi. Sem er ekki öllum gefið að vera máttastolpur sjómanna í öryggismálum að guðs náð. Kærar þakkir Ólafur fyrir þitt innlegg í umræðuna. Ekki veitir af að vita af manni eins og þér, sem hefur þinn fróleik fram að færa. þú sjálfur Ólafur ert komin aftur með bros í hjarta.

Jóhann Páll Símonarson.

[Jón Snæbjörnsson, 19.5.2009 kl. 22:59]

mikið til í þessu Ólafur, hér i henni Reykjavik má ekki finnast fiskilykt svo neinu nemur, held það séu aðeins fjögur fyrirtæki sem vinna fisk út í eyju í dag

 Þorlákshafnarbúar eru þó eitthvað að finna að þessu hjá sér, en það er kanski ekki í líkingu við það sem gýs upp úr mjöltönkunum frá Granda  segi bara sisona

ljúfar stundir félagi

[Ólafur Ragnarsson, 21.5.2009 kl. 01:49]

Sælir félagar og ég þakka innlitið. Sérstaklega þakka ég þér Jóhann Páll hlý orð í minn garð. Fáir hafa látið hin ýmsu baráttumál sjómanna sig eins miklu varða sem þú. Verið annars allir af mér kært kvaddir

[Hafsteinn Viðar Ásgeirsson, 21.5.2009 kl. 19:50]

Það er hvorki mjöl-né fiskilykt sem við erum að amast yfir hér í Þorlákshöfn Jón. Við erum mjög óhressir hér með ýldupest sem "heilsuvörufyrirtækið" Lýsi lætur sig hafa að dæla yfir okkur. Hér amast enginn yfir lykt af fiski eða mjöli.

[Jón Snæbjörnsson, 21.5.2009 kl. 21:42]

sæll Hafsteinn, kom mér reyndar spánskt fyrir "nasir" að þið í Þorlákshöfn væruð að amast út af fiskilyktinni - ýldupest er nokkuð sem ekki nokkur maður vill fá inn um glugga hjá sér eða á þvottinn sem þar er hengdur til þerris, segðu mér er Lýsi ekki að vinna úr fisk ? hvað veldur þessu hjá þeim og því er ekki tekið á því ?

[Hafsteinn Viðar Ásgeirsson, 21.5.2009 kl. 23:22]

Já blessaður Jón. Þeir eru að þurrka hérna fiskibein, aðallega hausa og þetta skeður þegar kemur lélegt hráefni í hús, sem reyndar er allt of oft. Virðist ekki vera umþað hugsað varðandi ísun og/eða orðið of gamalt.

Það er búið að vera slagur um þetta mál við Heilbrigðiseftirlit á svæðinu og Katrín Pétursdóttir virðist eiga þar einhverja að, allavega eru hagsmunir byggðarlagsins illilega fyrir borð bornir, að okkur finnst.

[Jón Snæbjörnsson, 22.5.2009 kl. 08:14]

sæll Hafsteinn, ég skil en skil samt ekki af hverju þetta er látið viðgangast, það er eða var allavegna fyrirtæki í Hafnarfirði sem er að þurka hausa og þh og ég get svarið að lyktin er óbærileg - þeir komu stundum kallarnir sem vinna þarna að kaup vetlinga oþh, ég er vanur ýmsu og kalla ekki allt ömmu mína en lyktin ekki bara frá þessu fyrirtæki heldur af starfmönnum úúúúffffff  - en þeir bara brostu

skil ykkur vel Þorlákshafnarbúar - ekki markaðsvætt að vera með svona "fýlu" yfir sér

[Ólafur Ragnarsson, 22.5.2009 kl. 18:31]

Sælir félagar. Ég þakka ykkur innlitið og  tek undir með ykkur að ýldulykt er hvergi líðandi. Einhvernveginn finnst mér mikill munur á henni og hinni sönnu"peningalykt" Ég"féll"í sömu gryfju og þú Jón,minn gamli félagi að eitthvað væri orðið athugavert við lyktarskyn þeirra Þorlákshafnarbúa. Ef þeir fúlsuðu við peningalyktinni. En Hafsteinn náði að rétta okkar kúrs af hvað þetta varðar. Í sambandi við þetta dettur mér í hug saga af hinum kunna athafnamanni og skipstjóra Tryggva Ófeigssyni. En hann átti að hafa sótt um að byggja fiskimjölsverksmiðu í sambandi við frystihúsið á Kirkjusandi., til Reykjavíkurborgar. Sagan segir að svarið hafi verið jákvætt en þeim skilyrðum háð að engin lykt kæmi frá verksmiðjunni. Tryggi á að hafa eytt töluverðum fjárhæðum í að finna"lyktarlausa"leið.  Einn verkfræðingurinn kom með tillögu sem vísaði til þess að úblásturinn yrði leiddur út á Faxaflóa í rörum.. Tryggvi á að hafa horft þegandi á manninn góða stund en spurt svo:" Hvernig er það með þig hefur þú aldrei rekið við í baðinu.?" Ég sel þessa sögu ekki dýrari en ég keypti hana og kveð ykkur kært

[Jón Snæbjörnsson, 22.5.2009 kl. 21:46]

sagan er góð og í anda sjómannastéttarinnar

ljúfar stundir kæru

[Hafsteinn Viðar Ásgeirsson, 23.5.2009 kl. 09:10]

...Þetta vandamál þekkjum við vel hérna Jón. Það vill verða alveg rosaleg pestin af pólverjunum sem þarna vinna, eðlilega. Það er stundum undarlegur svipurinn á liðinu í bankanum þegar karlarnir rekast þar inn