Hver segir hvað hvenær???

Þetta skip lenti í vandræðum fyrir ca 15-16 árum síðan.Skipstjórinn var dauðadrukkinn og sofnaði rétt eftir að skipið lagði af stað frá Frakklandi og vaknaði ekki fyrr en uppí garði hjá tannlækni í Englandi.

  Lenti uppí garði hjá tannlækni

Hann var svo ruglaður þegar náðist samband við skipið að hann taldi sig vera enn í Fraklandi.Skipið hafði siglt á fullri ferð og ekki  ansað neinum viðvörunum.Mér dettur þetta í hug núna með stjórnina sem nú situr.Ráðamenn hennar ætla ekki að taka mark á neinum viðvörunum."Það er ekkert að marka skoðanakannanir","ég tek ekki svonalagað til mín,þetta er ekki fólkið í landinu"segja þau."Þessi má segja hvað hann vill,það var ekki svona"."Við skulum ekki leita að neinum sökudólgum",

  Þeir litlu sleppa ekki

"Ég gef lítið fyrir svona fréttaflutning"(sem á mæltu máli þýðir ég gef skít í skoðanir almennings)Þetta eru orðaleppar sem oft heyrast nú um stundir.Hverju á fólk eiginlega að trúa.Hverskonar andsk..... cirkus forgengur eiginlega í landinu.Ráðamenn ljúga blákallt og án þess að depla augum.Bara svo maður noti mannamál þá opnar ekkert af þessu liði kjaf....  og segir eitthvað öðruvísi en annar úr liðinu segir það lýgi.Maður er að verða svo dolfallin og svoleiðis búinn að missa trúna á þetta fólk að það hálfa væri nóg.

  Landinu virðist stjórnað af óvitum

Mér finnst þetta"lið"ætti bara að skammast sín og hypja sig af stjórnpallinum.Áður en það lendir uppí  næsta garði og tali þar tóma frönsku.Það hefur aldrei stýrt góðri  lukku að áhöfnin verði var við sundurleiti við skipstjórnina.Ég hef verið frekar á móti kosningum á næstunni en nú er mér að snúast hugur.Burt með þennan sundurleita hóp,er kannske best.En því miður stendur maður á hliðarlínunni sem bara bíður eftir einhverjum ráðherrastól.Sama hvaða nafni hann nefnist.Maður sem einusinni kom í Kastljós og varði kvótakerfið.

  Ýmsu"þrælað"gegn um þingið undanfarið

Mér finnst það með ólíkindum hve djúpt við virðumst sokkin í hið pólitíska svað.Ég bara spyr:"hvernig á ungt fólk sem er að byrja lífið að treysta þessu fólki?.Eftir það sem á undan er gengið.Ráðamenn tala opinmynntir um að við verðum að skapa okkur traust á alþjóðavísu,En þurfa ekki þessir herrar og frúr að skapa sér traust meðal þjóðarinnar fyrst.Hætta að láta þetta unga fólk horfa upp á að stórþjófar ganga lausa án þess að hreyfa hvorki legg né lið.

  Gamlir refir virðast ráða bak við tjöldin

Spillingin lifir góðu lífi og ráðamenn láta það viðgangast. Í einhverju landi væru nokkrir hausar foknir og fleiri á leiðinni að fjúka.En ekki á landinu sem einusinni var sagt um góða.Það þyrfti kannske að fá seiðkalla á Ströndum til að vekja Jörund upp.Láta hann tvíelfdan,afturgenginn rusla almennilega til og koma skikki á hlutina

 Þyrfti kannske að vekja´ann upp

Nei það er alveg með endemum hvernig haldið er á málum.Ég hef haldið því fram að kreppunar gæti ekki svo mikið hér í Eyjum vegna þess að"græðgisvæðingin"náði ekki að svo miklum mæli hingað.En nú skellur hér á voði sem er alvarlegur fyrir fólk hér.Síldin er að svíkja okkur í eitt skiftið enn.Að vísu er nóg af henni en hún er eins og svo margt annað hér á þessu landi sýkt.Fólk sem sá fram á góða vinnu út árið er að missa´ana.

 

 Sumir hafa lifað í vellistyngum pragtuglega á kostnað almennings

Og ráðamennirnir horfa máttlausir á.Hvernig væri nú að auka kvóta svo að þessu fólki sé bjargað.Það er nefnilega svo að þegar byggingaræðið og frjálshyggjubrjálæðið geysaði á STÓR-Reykjavíkursvæðinu,þá vann fólkið hér vinnuna sína og aflaði gjaldeyris sem m.a var sóað til gæðingana sem eyddu þeim í fjárhættuspil.Það fór kannske lítið fyrir þessari gjaldeyrisöflun en hún stendur fyrir sínu sem hún hefur altaf gert og mun gera í framtíðinni

 Fundur hjá"liðinu"Stjórnin að störfum

 Hvað skeður ef gengið fellur aftur???

Læt þetta nægja í bili en það verður stutt bil ef fer sem horfir.Stjórnin er óvirk og ósátt biðum því alla guði og ása að hjálpa okkur í dag.Förum öll á þess guðs vegum sem við trúum á.Og verið af mér kært kvödd

Ingibjörg: Aldrei talað um 0% líkur

Athugasemdir

[Jenný Stefanía Jensdóttir, 5.12.2008 kl. 04:00]

Heyr, heyr, ekki að það skipti neinn annan máli, né nokkur taki mark á því, þá er ég innilega sammála þér og þínum hugrenningum á þessu desember kvöldi.

Lifðu heill!

[Sæa (IP-tala skráð) 6.12.2008 kl. 00:41]

Heill og sæll Óli!! Góður pistill eins og flestir frá þér,og ekki skemmir myndaserían sem fylgir með hehe.Vona bara að þessir pósintátar sigli ekki skútunni upp í garð hjá mér.Veit ekki með kosningar,hvort það ætti að fara út í þær strax,,hvað í dauðanum ætti maður líka að kjósa,,hef ekki nokkra trú á neinum af þessum 63.sem á hinu háa alþingi sitja,helst þó kannski Jóhönnu.Mér er aldeilis ómögulegt að skilja blessaðan forsætis ráðherrann okkar,,hefur DAVÍÐ virkilega svona mikil áhrif að hann stjórni þessu öllu??það er mín tilfinning.Það virðis allur sjálfst,fl.vera skíthræddur við hann,nema kannski Þorgerður Katrín.En hvað um það ég er hrifin af Þorvaldi Gylfasyni og vil absalútt fá hann í Seðlabankann,og svo burt með þessa handónýtu KRÓNU og það hefði auðvitað átt að gerast fyrir nokkrum árum.Já ég er soldið reið núna, ætli það séu ekki um það bil 80 manns sem var sagt upp núna um mánaðarmótin fyrir utan einhverja tugi á síðustu mánuðum,það er stór biti í okkar litla bæjarfélagi.En hvað getum við gert??? verðum bara að bíta í þetta súra epli. Látum gott heita af rausi í bili. Lifðu heill, bestu kveðjur. Sæa.

[Einar Örn Einarsson, 6.12.2008 kl. 13:01]

Snilldarpistill hjá þér.

Og myndirnar óborganlegar.

Kveðja á þig.

[Kolbrún Stefánsdóttir, 6.12.2008 kl. 14:31]

Sæll minn kæri Ólafur. Þetta er óvenju skemmtileg myndasería hjá þér því myndirnar eru svo ólíkar. Ég féll fyrir þessari númer tvö og svo er númer sjö"" afar spennandi. Þetta er kannski gömul mynd af þér . En að öllu gamni slepptu, eins og það er nú nauðsynlegt með öðru , þá er maður alveg orðinn gáttaður á Davíð og Ingibjörgu. Hvenær ætla þau að setja niður sinn núning sem er ekkert nema leiðindi fyrir þjóðina. Aumingja Geir með svona nikk í báðar áttir að reyna að búa til eitthvað þolanlegt úr því sem þau eru að þræta. Það er nú ekki þægilegt fyrir hann að taka á ESB umræðunni með SI alveg með en LÍÚ alveg á móti. Þetta er því góð spurning hjá þér. Hver segir hvað næst og hvenær? Bestu kveðjur Kolla.

[Ólafur Ragnarsson, 9.12.2008 kl. 13:22]

Komiðiðsæl.Þakka ykkur innlitið.Alltaf gaman að sjá þig hér Sæa.Mér fyndist þú eiga að starta síðu sjálf.Ég skal vera 1sti bloggvinur þinn.Og þetta með ánægjuna á einnig við þig Einar.Ég fylgist alltaf með þínu bloggi án þess að gera athugasemdir.Og Kolla nú þarft þú athugasemd við þína athugasemd.Maður þarf  nú bara áfallahjálp þegar maður fær svona gusu. Ía að því að mynd no sjö sé gömul mynd af mér.Sástu ekki duldu línurnar þarna í veislunni um daginn.Ég bara næ ekki upp í svona þankagang.En fyrir góða vináttu fyrirgefst þér í þetta sinn.En ég verð nú að viðurkenna að þetta gæti verið nýleg mynd en ekki gömul.Í því liggur munurinn.Kallskrattinn verður að fara að hlýða næringarfræðingnum sem hann heimsótti um daginn svo að hann verði ekki eins og gaurinn á myndinni.En ég hugsa að þú sért farinn að þekkja mig það vel að þú vitir að stundum er ekkert að marka hvað ég segi.Og það á við akkúrat í þessu tilfelli. Séuð þið öll kært kvödd

[Kolbrún Stefánsdóttir, 9.12.2008 kl. 22:52]

hahaha ég vissi að þú tækir þetta til þín hahaha ég sem var að meina vínberin.  Hélt kannski að þetta hafi verið tekið í siglingu einhvertíma meðan menn voru enn að falla fyrir freistingum. Þú verður nú að viðurkenna að mynd nr. 7 er mjög lostafull svo ekki sé meira sagt. Annars er það ekki aðalmálið hver þyngdin er heldur hvernig manni líður með það. Ég er nú meira fyrir feitari menn en hitt en nóg um það og þakka fyrir að þú fyrirgefur mér hrekkinn. Stundum er bara stríðnispúki á öxlinni á mér sem lætur allt vaða þegar menn gefa færi á sér. Þú skemmtir mér. Kær kveðja,  þín hrekkjótta bloggvinkona Kolla.