Árans

 

Ég veit að það er að"bera í bakkafullan lækinn"að tala um þessa"árans"ferju sem keypt var til Grímseyjarferða.Ef maður les frétt Moggans í dag um þessa margumtöluðu ferju þá tekur maður eftir að það er sett komma yfir 2 a-um í nafninu.Oilean Arann og skipið nefnt:Oileáin Árann.Þetta mál er allt að verða að sem gæti verið svo vægt sé til orða tekið"árans klúður"hvað sem svo olíuám viðkemur.Ég skil bara ekki þar sem segir t.d.í greinini"Sturla Böðvarsson þáverandi samgönguráðherra tók um það pólitískt upplýsta ákvörðun að hafa heimamenn í Grímsey með í ráðum varðandi endurbætur á ferjunni Oileáin Árann. Þetta gerði hann eftir að hann kynntist óánægju Grímseyinga með kaup á ferjunni frá fyrstu hendi í ágúst 2005, þegar hann var þar staddur í embættiserindum"Fv ráðherra samgangna ætlar að klína klúðrinu á Grímseyinga sjálfa.

 

      

Nú væri gaman að hann tæki um það"pólitískt upplýsta ákvörðun"að upplýsa eftirfarandi:Af hverjum keypti íslenska ríkið virkilega skipið ?Er fótur fyrir þeim kvitti sem heyrist í"frumskóartrommunum"að íslenskir aðilar(jafnvel búsettir í Dublin)hafi keypt skipið fyrst en selt svo íslenska ríkinu gripinn með dágóðum hagnaði ?í gegn um hvaða"meglara"var skipið keypt og hver var þóknun hans?.Mér finnst bæði nv og fv ráðherrar samgangna skulda þjóðinni svör við þessum 3 spurningum.Ef hreint mjöl er í pokahorninu á ekki að vera vandi fyrir þá að svara þessum sjálfsögðu spurningum.Það ætti að taka af allan vafa og þagga niður í"frumskóartrommunum"Og að saklausir menn séu þá ekki undir neinum grun.Hvað varðar þátt"Eyjaskegga"sjálfra er vert að rifja upp hvað stóð í"Fréttablaðinu"þ 16 ágúst.Þar er rifjað upp svolítið um aðdraganda málsins.Þar segir m.a. um atburðarrásina"Apríl 2003 Samgönguráðuneytið skipar starfshóp til að fjalla um samgöngur til Grímseyjar.

 

   

Febrúar 2004:þar er sagt frá skilum starfshópsins og segir m.a:"Þar kemur meðal annars fram að  Einar Hermannsson skipaverkfræðingur og AÐALRÁÐGAFI(Leturbr.mín)Vegagerðarinnar í FERJUMÁLUM(leturbr.mín)hafi verið fenginn til ástandsgreina Sæfara gömlu Grímseyjarferjunnar.Í niðurstöðu greiningar hans kom fram að kostnaður við að halda Sæfara úti sem Grímseyjarferju til ársins 2018 væri um 137,8 milljónir"Segi og skrifa 137.8 milljónir"(innskot mitt)Í áliti starfshópsins kom ennfremur fram að það væri óraunhæft að fara út í þær breytigar,sérstaklega með tilliti til þess kosnaðar sem Einar ætlaði til að breytingarnar hefðu í för með sér(Voru það ekki þessar 137.8 milljónir,ath.mín)Síðan er sagt frá að það sé samdóma álit starfshópsins að huga að nýsmíða skip og vegna ástands á skipamörkuðum séu kaup á notuðu skipi útilokuð að ráði títtnefnds Einars.

15-16 Nóv 2004:"Sami Einar Hermannsson fer til Írlands til að skoða"Oilean Arann"til að meta hentugleika skipsins til Grímseyjarsiglinga.Ferðin farin samkvæmt ósk Vegagerðarinnar"

19 nóv 2004:"Skýrsla Einars Hermannssonar um skoðun á "Oilean Arann" er afhent Vegagerðinni.Þar kemur fram að Einar telji skipið MJÖG HENTUGT(leturbr.mín) til Grímseyjarsiglinga.Áætlar hann að kaup og endurbætur á því um 150 milljónir(takið eftir:aths.mín)Segir hann ennfremur að að nýsmíði á skipi muni kosta um 600 miljónir:Því segir hann Oilean Arann vænlegan kost"(athyglisvert miðað við seinni yfirlýsingar hans sjálfs.Aths.mín)

12 apríl 2005.Þar er minnisblað frá Vegagerðinni dagsett þ.5 apríl sama ár kynnt ríkisstjórninni.Þar er ma.a talað um að heildarkosnaður við kaup og endurbætur á ferjunni séu 150 miljónir og tekið fram að þá yrði ferjan komin í 1sta flokks ástand(í hvaða flokki skildi hún vera eftir 400 milljónir.aths mín)Ríkisstjórnin veitir heimild til kaupanna á Oilean Arann á grundvelli þessarar áætlana.

23 sept 2005 Ólafur J Briem skipaverkfræðingur hjá Siglingastofnun fer Írlands að skoða Oilean Arann að beiðni samgönguráðuneytis með í för eru fulltrúar Grímseyjar og Vegagerðar.

 

25 sept 2005:Ólafur skilar skýrslu sinni til samgönguráðuneytis.Hún er svört og segir hann m.a.að ástand skipsins sé"í einu orði sagt hrörlegt sökum vanhirðu og skorts á viðhaldi."Síðan rekur hann ýmislegt um hvað hann og Grímseyjingar höfðu um skipið að segja sem ég nenni ekki að rekja hér.

Svo kemur "rúsínan í pylsuendanum"

26 sept 2005:"Sveitastjórn Grímseyjar sendir samgönguráðuneytinu póst þar sem hún segir:"að miðað við þau gögn sem hún (sveitarstórnin)hafi undir höndum og eftir að hafa kynnt sér ástand"Oileain Arinn"geti hún ekki mælt með því að skipið verði keypt að svo stöddu,Þar kemur einnig fram að sveitarstjórnin telji varhugavert að áætla að kostnaður við að koma Oilean Arann í viðunandi horf sé minni en nýsmíði á skipi".

 

Þetta er svona í stuttu máli sem stóð í"Blaðinu"þ.16 ágúst núna annó 2007.Þetta er orðið með endemum hvernig menn reyna að bera af sér sakir.Enn og aftur má almenningur hlusta á endalausar lygar af hálfu þeirra sem hann hefur valið til stjórnunar á landinu.Maður hlýtur líka að spyrja sig af hverju getur Vegagerðinn ekki notað Skipaverkfræðinga annara ríkisstofnunar þ.e.a.s.Siglingarstofnunar en þarf að leita ráða hjá aðilum í "einkageiranum"

 M/S Hekla 3 við bryggju í Grímsey

 

Svonalagað skil ég,að mestuleiti ómenntaður maðurinn ekki.Þessir spekingar hjá viðkomandi stofnunum gætu kannske útskýrt það fyrir mér við tækifæri.Hvernig geta þessir menn ætlast til að ungdómurinn hegði sér sæmilega þegar stjórnendur landsins hegða sér eins og þeir gera.Standa ljúgandi án þess að blikna fyrir framan alþjóð trekk í trekk.Hvað ungur nemur gamall temur.Og nú vil ég að hinn ræðustólslemjandi áður óbreittur þingmaður og núverandi ráðherra samgangna láti að ósk sinni þá, um að öll gögn í málinu komi upp á borðið.Annars er hann maður að minni.

 

Ég las einhverstaðar (mig minnir haft eftir Jonathan Swift hinum Írska höfundi ferða Gulivers)að allir miklir ríkisráðandi menn fylgdu 2 meginreglum "að láta sér aldrei bregða og standa aldrei við orð sín"Kært kvödd

Sturla mælti fyrir um samráð

Athugasemdir

[Steingrímur Helgason, 10.9.2007 kl. 00:58]

Sæll.

Mikið hafði ég nú gaman af að renna hérna yfir bloggið þitt, þú skrifar skemmtilegann stíl & myndræn framsetníng hjálpar mér nú sveitamanninum alltaf að þykjast skilja ritmálið betur.

Ég hef nú þolað hossið í Sæfaranum fram & til baka, & hefði sjálfur skrifað upp á víxil fyrir betri ferju eftir það upplifelsi, enda lítill sjómaður í mér.

Þú fylgjist greinilega vel með & hefur vit á þessum málum.

Hef fylgst með skjálgu auga með þessu mál í fréttum, eitt sem að ég hjó eftir var að Baldur var seldur á 18 milljónir til Írlands skömmu eftir að hann hafði verið notaður í ferjusiglíngar til Werstumannaeyja þinna (þegar Herjólfur var í viðhaldi), en í staðinn keypt ónýtt skip frá Írlandi fyrir tífalt það verð ?

Er þetta staðreynd, eða bara frjálslynt hjal ?

S.

[Haraldur Haraldsson, 10.9.2007 kl. 16:35]

Mjög svo skellegg grein og vonandi að þessir sem þarna eiga i hlut svari þessu/en það er sennilega óliklegt!!!!!/Kveðja Halli gamli

[Hafsteinn Viðar Ásgeirsson, 10.9.2007 kl. 19:44]

Já árans Óli minn, minna má það nú ekki vera. Það er að mínu viti alveg klárt, hafandi heyrt til ráðamanna í landinu allt of lengi, að þú eða nokkur annar færð engin svör við spurningum þínum. Hér er það nefnilega lenska að menn komist upp með að ljúga og ippa öxlum, því er nú ver og miður.

[Ólafur Ragnarsson, 10.9.2007 kl. 22:33]

Ég var kannske full ákafur að koma þessu frá mér en í ákafanum steingleymdi ég þeim sem sennilega er stærsti sökudólkurinn í þessum"ára"Þ.e.a.s ráðherra fjármála.Ef maður lítur yfir vígvöllinn þá kemur upp í hugan hvaðan er sá maður ættaður.Og í hvaða kjördæmi var hann er "árans"stríðið skall á.Getur verið að hann hafi beitt áhrifum sínum til að hlandónýt ferja var keypt til landsins svo fyrirtæki í heimabæ og kjördæmi hans fengi verkefni?.Fyrirtæki,sem eftir því sem sagt er hefur staðið höllum fæti eftir áfall í kaupum á gamalli dock.Eftir að maður hugsar málið meir og meir fer manni að finnast að það sé verið að henga bakara fyrir smið.En sennilega satt hjá þér Hafsteinn við fáum aldrei að vita allan sannleikann í þessu máli.Og hvaðan kemur núverandi formaður fjárlaganefndar?

[Guðrún María Óskarsdóttir., 11.9.2007 kl. 02:04]

Ég tel þetta mál allt lykta af kosningum fyrir dyrum við ákvarðanir sem er ekkert nýtt hér á landi því miður. Menn gjörsamlega tapa sér í kosningaham þar sem öllu skal reddað fyrir horn og allir hafðir góðir ekki hvað síst ef menn hafa setið nokkurn tíma við kjötkatlana.

kv.gmaria.

[Ólafur Ragnarsson, 11.9.2007 kl. 05:28]

Þú hefur lög að mæla Guðrún.Því er ver og miður,en kært kvödd