Carlsen skipstjóri

 

            Til hægri Carlsen með syni sína

Það skeði áður en "terrorórræðið"byrjaði og Tvíburaturnarnana hrundu.Fyrir Kóreu stríðið,Víetnam og Persaflóastríðin,Og áður en"Múrinn"féll.Og áður en orðið"terror"komst inn í orðabækur.Það var desemberkvöld 1951 að M/S"Flying Enterprise"lét úr höfn í Hamborg.Við stjórnvölinn var danskur skipstjóri Kurt Carlsen(mun hafa verið bróðir minkabana hér á landi með sama nafni,ath.mín)Í skúffu í skrifborði skipstjórans lá símskeyti,Dulmálsskeyti frá útgerðarmanninum Hans Isbrandtsen í New York.Kurt Carlsen var uppáhalds skipstjóri Isbrandtsen og oft virkaði hann sem faðir Carlsens..Í dulmálsskeytinu var m.a.upplýsingar um hluta af farminum.

  Carlsen og Bekker blaðamaður 

Skipið"Flying Enterprise"var eitt af svokölluðum"Libertyskipum"

           

Skipum sem byggð voru upp á nokkrum tímum jafnvel,eftir að hlutar úr skipunum höfðu verið byggðir víðsvegar um Bandaríkin sem svo voru fluttir á einn stað og skipin rafsoðin þar saman.Það var byggt 1944 og hét fyrst Cape Kumakari og var 6.711 tonn.Skipið var aðallega í"konvoj"siglingum til Rússlands í seinni heimstyrjöldinni.Isbrandsen keypti skipið 1947skýrði það Flying Enterprise og notaði það svo í stykkjavöru flutningum milli Evrópu og USA,Víkjum aftur að brottförinni frá Hamborg.Ferðinni var heitið til New York.Skipið hreppti strax slæmt veður er út í Norðursjóinn kom.        

Svo 28 des.í miklum sjó og ca 300 sml frá strönd Englands fóru að myndast rifur í dekkið aftan við yfirbygginguna.Suður voru farnar að gefa sig sem var velþekkt"fyrirbrigði"frá"Libertyskipunum"Skipshöfnin reyndi að halda skiðinu saman með því að setja stálvíra yfir rifurnar og strekkja þá eins og hægt var"Vi prövede at sy hende sammen med stålwirer fra for til agter"sagði Carlsen skipstjóri seinna.Næsta morgun var skipið komið með 40°slagsíðu og ákveðið var að yfirgefa það.Um borð var 40 manna áhöfn og 8 farþegar.Allir björguðust í nálæg skip,sem voru ameríska herflutningaskipið"General A,W.Greely og enska flutningaskipið"Southland"nema Carlsen skipatjóri.

 

                                   

"General A.W.Greely"  

Hann neitaði að fara frá borði,Sagðist ekki yfirgefa skipið fyrr en það kæmist í höfn(með aðstoð dráttarbáta)eða það sykki,Í fyrrgreindu skeyti frá útgerðarmanninum hafði staðið m.a,:"Ég lít á þig sem Ambasador fyrir mig og útgerðina.Alltaf fljótandi en aldrei á reki vona ég"Enski dráttarbáturinn"Turmoil"kom á staðinn 3 jan,

     

Næsta dag komst svo stýrimaður dráttarbátsins Kenneth Dancy,Carlsen til hjálpar um borð í Flying Enterprise.Taug var sett á milli skipana og byrjaði svo drátturinn.Þegar hér var komið sögu var hallinn á F,E 60-65°.

                  

 

Allt gekk nú vel þar til skipin voru stödd ca 40 sjm frá Falmouth á Englandi.Þá slitnaði taugin. Gerðar voru fleyri tilraunir með að koma taug á milli  en án árángurs  Eftir þessa 13 daga frá byrjun erfiðleikana var hallinn nú orðin um 80°.Og skipið lá þungt í sjónum.Og svo var það 10 jan að Carlsen viðurkenndi sig sigraðan og þeir Dancy stukku frá borði og var bjargað um borð í Turmoil.

        Síðustu myndir sem teknar voru af F,E.hringurinn á myndinni til vinstri er dreginn utan um þá félaga Carlsen og Dancy    

Tekið var á móti Carlsen sem þjóðhetju þegar hann kom til New York og einnig í Danmörku þegar hann kom þangað.Miklar spegúlasjónir hafa verið um hvað það eiginlega var í lestum skipsins.Eftir farmskrám var það m.a. Wolswagen bílar,Grasfræ og Pig Iron(hrájárn)Einnig mun hafa verið um borð stór fúlga af peningum og einnig dýr Stradivarius fiðla.Nú er talið að einnig hafi  verið 5 tonn af "Zirconium",

    

 Stálblanda sem þjóðverjar framleiddu.En þessi blanda er notuð t.d í rör í kjarnorkuverum.Og að þetta sem F.E flutti hafi átt að fara í kjarnaofninn í USS Nautilus sem þá var í byggingu.

 

Carlsen var alltaf þögull sem gröfin um hvað stóð í skeytinu fræga,En Carlsen á að hafa játað þetta fyrir dönskum blaðamanni Bjarne Bekker 1976,Hann á að hafa sagt Bekker að kafarar hafi seinna kafað að flakinu og sótt þessi 5 tonn.En þetta á að hafa seinkað bygingu Nautilus í 5 eða 6 mánuði.Bekker mun vera eini blaðamaðurinn sem Carlsen talaði um þessa hluti um.Carlsen dó 7 okt.1989.Kafarar sem seinna hafa kafað að flakinu munu hafa staðfest að gat hafi verið brennt á skrokk F.E.

            Til vinstri er"telegraffið" og til hægri sést stýrishjólið.Myndir teknar af köfurum sem kafað niður af flaki F,E

Þessu er rænt og ruplað hér og þar m.a, af heimasíðu Bjarne Bekker /www.seniorlife.dk.Ég vil enn og aftur minna á að þetta á ekki að vera einhver sagnfræði eða þvíumlíkt.Þetta er bara það sem kemur út úr grúski gamals karls sem hefur áhuga á ýmsu gömlu og birtir árangurinn hér ef einhver sem man þessa atburði hefði gaman af að rifja þetta upp,Kært kvödd

Athugasemdir

[Árni Gunnarsson, 6.8.2007 kl. 23:05]

Gaman að fá þessa sögu rifjaða upp og svona vel. Allur heimurinn fylgdist með þessum þrjóska og kjarkmikla manni og dáðist að honum.

Ég man líka að þessi maður var talinn vera bróðir Carlsens minkabana.

Og svo slitnaði togarinn Faxi upp af legunni mannlaus, ef ég man rétt í vestanroki. Ekki man ég nú hvar hann tók niðri en óskemmdur var hann.

Þá orti einhver gárunginn,- líklega í Spegilinn:

Af hafi kaldur vestanvindur blæs. 

Á vængjum sterkum svífa hvítir mávar.

Nú hefur farist Flying Enterprice

en Faxi í þrjósku tollir ofansjávar.  

[Ólafur Ragnarsson, 6.8.2007 kl. 23:39]

Þetta er alveg rétt hjá þér Árni,En það furðulegasta með Faxa var að hann rak uppí Borgarfjörð.Í þessu fárviðri slitnaði "Eldborg"Mb3 upp og rak uppí fjöruna við Mjólkursamlagið gamla.Ég fylgdist með þeim ósköpum úr svefnherbergisglugga foreldra minna.Þegar svo veðrinu slotaði og menn voru að skoða Eldborgina á strandstað sjá ekki menn hvar skip kemur siglandi inn fjörðinn á réttri siglingarleið.Fróðir menn þóttust sjá að þar færi togari,og undruðust stórum,Héldu að þar væri snarvilltur"Tjalli"á ferð.Þegar svo skipið var komið ámóta við Rauðanes(Nes rétt utan við Borgarnes,samnefndur bær stendur á þessu nesi)snarbeygir hann í "bak"og strandar á nesinu.Björgunarsveit gerði sig klára en svo fóru mál að skýrast.Var þá ekki Faxi(ex "Óli Garða")sem"strokið"hafði úr höfninni í Hafnarfirði þarna kominn.í sama veðri fórst M/B Valur frá Akranesi og M/B Sigrún frá sama stað lenti í miklum hrakningum.En Kristján Gíslason(undanfari Kristins í Björgun)náði báðum skipunum óskemmdum á flot úr Borgarfirðinum,

[Haraldur Haraldsson, 7.8.2007 kl. 01:54]

Já maður man þetta vel eins og gert hefði i gær hvlik fretmenska og annað i kringum þetta/Þakka góðan pistil/Kveðja Halli Gamli

[Georg Eiður Arnarson, 8.8.2007 kl. 23:06]

Frábær saga og flottar myndir.kv.

[Jóhann Elíasson, 9.8.2007 kl. 13:05]

Þú ert alveg ótrúlega fróður.  Ertu ekki óþarflega hógvær, því aðra eins þekkingu er ekki að finna hjá mörgum.  Svo segirðu svo skemmtilega frá.

[Kolbrún Stefánsdóttir, 10.8.2007 kl. 18:51]

Þetta er óneitanlega áhugaverður pistill hjá þér og flottar myndir . Tel undir að þú sért óþarflega hógvær "gamli grúskandi maður" :) . Takk fyrir og bless Kolla.