Danica White

 

Í dag hringdi í mig fv kollega frá útgerð H,Folmer í Kaupmannahöfn.Eiganda Danica White..Þessi kollega er Færeyingur og það lá vel á honum sem endranær,nema hann hafði daprar fréttir af skipshöfninni á D,White.Eða kannske heldur litlar en daprar,Skipið mun liggja enn fyrir akkeri út af hafnarborginni Hobyo í Sómalíu.Skipstjórinn Niels Nielsen er gamall kunningi sem ég silgdi með í nokkurn tíma á öðru skipi útgerðarinnar"Danica Sunrise"

 

.

Fyrir nokkru mun Niels hafa getað sent e-mail til útgerðarinnar,þar sem hann lýsir ástandinu mjög slæmu.Þrifnaður hjá"sjóræningunum"sé á mjög lágu plani.Aircondition skipsins biluð,Vatn og vistir á þrotum.Hugsið ykkur ástandið.

 

Í dag munu vera umkring 45 dagar síðan skipinu var rænt.Ekkert hefur gengið enn allavega,að semja við"sjóræningana"Í síðustu ferð skipsins mun það hafa lesta í Vilmington N-Carolina til Persaflóans með viðkomu í Tyrklandi.Síðan lestað byggingarefni í Bahrain til Mobasa í Kenya.Þegar ég sigldi á þessum skipum lestuðum við oft vopn á þessum stað til Persaflóans eimitt með viðkomu í Tyrklandi.Vopnin voru svo losuð í Kuwait,Saudi Arabíu og Bahrain

 

.

Um borð er 18 ára unglingur í sinni fyrstu sjóferð.Mun hafa verið skráður í Tyrklandi er skipið losaði þar.Það hlýtur að vera skelfileg lífsreynsla fyrir svona ungan mann að lenda í svona.Ímyndið ykkur hvernig þessum unga manni líður í höndunum á þessum lýð.Mér skilst að í e-pósti skipstjórans hafi hann lýst því að aðra stundina séu"sjóræningarnir"kátir og klappi mönnum á öxlina og geri að gamni sínu,augnablikinu seinna ógnandi og hótandi dauða.

 

 

Ég finn til með Niels.Það hlýtur að vera hræðileg staða fyrir skipstjóri að lenda í þessu.Bera ábyrgð á áhöfn og skipi og farmi.Maður getur engan veginn sett sig hans spor.Maður er algerlega magnlaus við tilhugsunina.Þetta sama skip komst í heimsfréttirnar fyrir nokkrum mánuðum.Skipstjórinn sem þá var með skipið Villy Larsen fór að rífa kja... við starfsmenn USA Coastcard einmit í Vilmington og var settur í"steininn".Engar vöflur hafðar á .ví:Villy sat einhverja mánuði í haldi

 

Þegar maður hugsar um þessi mál finnur maður vel fyrir því hve gott er að búa hér á landi að maður tali nú ekki um hér í Vestmannaeyjum.Kært kvödd

Myndirnar hér að ofan eru til vinstri er af  Niels Nielsen og skipi hans Danica White

Athugasemdir

[Jóhann Elíasson, 15.7.2007 kl. 20:13]

Þeir sem sigla á norðlægum slóðum gera sér ekki grein fyrir því láni sem þeir búa við, en það er mjög ólíklegt að þeir eigi eftir að lenda í aðstæðum sem þessum.  En atvinnuumhverfið tekur sífelldum breytingum og maður sem siglir í Barentshafi í dag og jafnvel  Eystrasalti, getur átt von á því að sigla á Indlandshafi eftir þrjá til fjóra mánuði.  Þá komum við að öryggismálunum, ég veit ekki til þess að skipstjórnarmenn fái neina tilsögn í því hvernig eigi að taka á svona aðstæðum ef þær koma upp, í dag er það undir hverjum og einum skipstjóra komið, hvernig er brugðist við aðstæðum og hvort nokkur úrræði eru fyrir hendi hverju sinni.

[Ólafur Ragnarsson, 15.7.2007 kl. 20:58]

Góður puntur hjá þér Jóhann.Kært kvaddur