"Starfshópur um myrkraverk"

Starfshópur um myrkraverk. Þetta mislas ég þegar ég sá fréttina. Hugsaði strax er Svandís að ná áttum um stjórnarfarið. En svo bresta krosstré sem önnur tré. Myrkravernd var það heillin.

 

 

Og aftur lyftist á manni brúnin. Á nú að fara að vernda okkur eldriborgara og þvílíka fyrir myrkrinu sem þessi ríkisstjórn eys yfir okkur. Nei og aftur nei. Það er ekkert í spilunum hjá þessari "tæru" vinstri stjórn sem sýnir einhverja glætu hjá þessum hópum. En gaman væri að vita hve margar nefndir og starfshópa væru í gangi í stjórnkerfinu og hve mikið væri eytt í slíkt.

 

 

Hvað skildu margar "afætur" frá hinum ýmsu stjórnmálaflokkum sitja í þeim á launum frá okkur hinum sauðsvörtu. Hópar og nefndir sem jafnvel eru bara nafnið en meðlimir taka sín laun fyrir setu þar.Það kemur  sennilega alltof mikið við kaunin á liðinu í húsinu við völlinn að nokkrum úr þeim hópi langi til að vita það.

 

 

Það má varla hundur míga upp við staur núorðið örðuvísi en stofnaður sé um það starfshópur. En það nafn virðist nú vera fínna orð en nefnd. Og í það virðast oft nægir peningar vera til . Þetta lið ætti að sjá sóma sinn í að setja á stofn starfshóp án allra prófessora og hagfræðinga sem virkilega athugar stöðu þess fólks sem kom þessari þjóð til mennigar og mennta. Fólk sem fædd er á fyrrihluta síðustu aldar. Ég vil meina að hagfræðingabylgjan hjá ASÍ hafi valdið verkalýð þessa lands óbærilegu tjóni. Kært kvödd

Starfshópur um „myrkravernd“

Athugasemdir

[Almenningur (IP-tala skráð) 16.1.2012 kl. 21:52]

Þetta er skaldborg um náttröllið Jógrímu sem er að steingerast með hækkandi sól

[Almenningur (IP-tala skráð) 16.1.2012 kl. 21:54]

...skJaldborg...

[Óskar Guðmundsson, 16.1.2012 kl. 22:23]

S-Gjaldborgin, Þjófasátt fyrir þá sem hlusta en ekki lesa.

[Ingibjörg Guðrún Magnúsdóttir, 16.1.2012 kl. 23:21]

Já sæll Ólafur og mikið er ég sammála þér með þessar nefndir hér og þar og allstaðar, en ef ég er að skilja þessi vinnubrögð rétt þar sem Ráðherrarnir sjálfir eru hættir að vinna vinnuna sína hér á landi eins og þeir ættu að gera og komnir með annan fótinn út í Brussel vegna draums um að Þjóðin fari í ESB á endanum og þess vegna séu þessar nefndir skipaðar til að gera það sem Ráðherrarnir gerðu sjálfir fyrir sig...

Þetta er ekkert annað en peningaútláta-aukning fyrir okkur almenning á sama tíma og þjóðinni blæðir segir ég vegna þess að mér finnst ennþá ENGINN og ég segi ENGINN með stórum stöfum leiðrétting vera komin heimilum og fyrirtækjum hvað þá skjaldborg utan um hinn almenna borgara...

[Ólafur Ragnarsson, 17.1.2012 kl. 16:59]

Sæl verið þið öll og ég þakka innlitið. Já Ingibjörg það er ekki hægt að vera meir sammála þér en ég er. Það á að láta "allt reka á reiðanum" þar til búið er að reka okkur inn í ESB. Þetta er með algerum endemum þegar maður hugsar út í þetta. Verið öll ávallt kært kvödd.