"topp ten"

Þótt að Stöð 2 sé ekki á mínum "topp ten" hvað vinsælar sjónvarpsstöðvar varðar út af eignarhaldi vissra persóna, þá get ég ekki annað en deilt furðu Ara Edvwalds á hvaðan tugir milljóna sem með þarf á bak við þetta tilboð RUV hefðu átt að koma. Þetta sannar bara að það eru alltaf til peningar í "gæluverkefni" ef svo býður við að horfa.

 

Ekki er ég mikið íþróttasinnaður svo ég er dauðfeginn að þetta skuli ekki dynja á manni á RUV. En ég tek fram að ég er mikið hlynntur ungliðastarfi íþróttafélaganna. Og þessvegna léti maður þetta kannske hellast yfir sig.

Ef það yrði svo til að vekja áhuga æskufólks sem virkilega þarf allan þann stuðning sem hægt er að fá til að vera óháð eiturlyfjum sem maður veit að verið er að ota að þeim allstaðar, á íþróttinni. Af óprúttnum óþokkum þessa lands.

En þarna missti RUV af lestinni. Þetta lýsir kannske því stjórnarfarinu sem ríkt hefur á landinu undanfarið. Bara látið reka á reiðanum þar til alltof seint er í rassinn gripið.  Verið ávallt kært kvödd

Ari furðar sig á tilboði Rúv

Athugasemdir

[Guðmundur Pétursson, 6.1.2011 kl. 19:08]

Kjarni málsins er sá að það eru mjög fáir sem hafa smá snefil af sjálfsvirðingu sem hafa geð í sér til þess að eiga viðskipti við siðblindann glæpamann með því að kaupa áskrift af stöð 2. Lang best að horfa bara á þetta frítt á netinu.

Það var spaugilegt að hlusta á aumingjana í Reykjavík síðdegis taka Ara spillta Edwald í drottningarviðtal í dag og nánast sleikja á honum óæðri endann af hræðslu við það að þóknast ekki eigandanum. Þetta er nú auma spillingar fyrirtækið þessir 365-miðlar og það viðbjóðslega hyski sem því er tengt.

[Helgi Már Bjarnason, 6.1.2011 kl. 20:44]

Voðalega er fólk illa vinstri grænt hérna allt í einu.  Á nú að fara að gera Stöð 2 tortryggilegt af því að það hlýtur að liggja eitthvað slæmt að baki eins og gróðahugsjón.  Allt sem er einkarekið sé slæmt.... þetta er svona komma hjal sem maður heyrði þegar Stöð 2 var að byrja fyrir kvartöld síðan.  Kommon.   Það eru nú yfir 60.000 áskrifendur af Stöð 2 og það vill svo til að 365 eru sömuleiðis með eina albestu íþróttarás í Evrópu.   Ég hef verið áskrifandi á Stöð 2 frá fyrsta degi og hef tekið íþróttarásirnar þegar auraráð hefur leyft.    

Þessir mjög fáu verða mun fleirri þegar HM fer af stað.  Þið eigið eftir að kynnast umfjöllun um HM sem þið hafið aldrei séð áður, þ.e. fagmennska og mikið framboð af leikjum.

Hættið svo þessu væli og sleppið einni Pizzu í næsta mánuði og þá eruð þið komnir með aur fyrir áskrift.   Þið þurfið ekki að hafa áhyggjur af því að skattpeningar þeirra sem hafa engan áhuga á íþróttum fari í að fjármagna handboltaáhugann ykkar.

[Hjörtur Herbertsson, 6.1.2011 kl. 21:02]

Helgi Már, ætlarðu að halda því fram að ein pizza kosti rúmar 6000 kr.?

[malfríður (IP-tala skráð) 6.1.2011 kl. 21:14]

Ég held það verði að fara að hringja út vælubílinn fyrir þá Guðmund og Hjört ofsalega eiga þeir bágt áskriftin er um 3000 kr fyrir janúar ég fengi ekki pizzu handa mér og mínum fyrir þann pening.

[Ólafur Ragnarsson, 6.1.2011 kl. 21:58]

Sæll öllsömul og ég þakka innlitið Ja nú dámar mér ekki. Farið að tenga mig við Vinstri græna. Jedú mía. En ég fer ekki ofan af því að mér geðjast ekki að rekstri Stöðvar 2 Finnst það ekkert með heiðarlegan einkarekstur að gera Og hvernig er með þessa þessa frábæru íþróttastöð ? Þarf maður ekki að kaupa áskrift að hverri sportrás fyrir sig ef maður vill njóta alra dásemdana ? Er það þá ekki komið  í dálaglega upphæð ?  Helgi Már þú mátt tengja mig við allan andsk... en ekki ríkisstjórnarflokkana núverandi. Jafnvel XD  En vegna óstapillar fortíðar væri ekki hægt að komast hjá að tenga mig við XD en það var þá. En hvað um það verið öll ávallt kært kvödd