Aftenging

Nú ætla ég að aftengja mig gömu togurunum. Þetta byrjaði á að ég ætlaði að blogga um þetta hér:

 Ég ætlaði líka að vekja athyli á togarasíðu Hafliða Óskarssonar á Húsavík en slóðin er hér:

http://www.togarar.is/  

En Hafliði er alger alfræðiorðabók um skip allavega um nýsköpunartogarana. En ég ætlaði aðeins að minnast á þá og togarana sem þeir leystu af hólmi. Nú sem sagt þegar músin tók jóðsótt fæddist fíll. Og ég bið Hafliða vin minn afsökunar ef honum  finnst ég hafa seilst inn á hans svið. Það er ekki meiningin.

 

 Þorvaldur Magnússon í fullum skrúða  Einn af þessum gömlu hetjum 

Hafliði á mikinn heiður skilið fyrir síðuna. En ég get hreinlega ekki slitið mig frá þessu nema að minnast aðeins á nokkur skip úr hópi þessara gömlu undanfara "Nýsköpunnartogarana" Og þau þungu högg sem þau urðu fyrir. Og nokkura frægra manna sem þessum skipum stýrðu. Ímyndið ykkur lúkarnir í gömlu togaranna tóku uppí 24 menn.

  Skemd brú eftir brotsjó.

Ekki var nú miklu vatni til að dreifa enda voru skipin kolakyntir gufutogarar. Í 2 eða 3  nýsköpunartogaranna voru 16 manna lúkar stærsta vistarveran, Og menn töluðu um hallarsalarkynni. Og vatnssalerni varð að veruleika um borð í togara  Gamli menn töluðu um að þeir (nýsköpunartogararnir) gætu mætt hvaða veðri sem væri. Og eins og í Halaveðrinu komust þeir að öðru þegar frá leið. Það liðu 12 ár frá því að sá 1sti kom til landsins þar til sá 1sti fórst í rúmsjó

Ég hef sagt frá nokkrum togurum sem týndust í WW2

 Gullfoss fórst með allri áhöfn 19 mönnum. Skipstjóri var Finnbogi Magnússon, faðir Finnboga heitins fv skipstjóra hjá Eimskip

 

 Reykjaborg fórst og með henni 13 menn en 2 björguðust. Skipstjóri var Ásmundur Sigurðsson bróðir hins ástsæla skólastjóra Stýrimannaskólans í Reykjavík Jónasar Sigurðssonar

 Sviði fórst á stríðsárunum með allri áhöfn 25 mönnum. Skipstjóri var Guðjón Guðmundsson faðir Eyjólfs fv skipstjóra hjá Jöklum og Eimskip.Og ef ég treysti á götótt minni þá var Þorbergur Friðriksson 1sti stm faðir Guðrúnar Katrínar heitinnar fv forsetafrúar.

 

 Jón Ólafsson fórst með allri áhöfn 13 mönnum Skipstjóri Sigfús Ingvar Kolbeinsson

Maður getur ekki skilið við gömlu gufutogarana án þess að minnast á nokkra sem þar gerðu garðinn frægan T.d Tryggva Ófeigsson og Bjarna Ingimars á Júpiter

 Júpiter

Guðmundur Jónsson á Skallagrími

 Skallagrímur

Sigurjón Einarsson á Garðari

 

 Garðar

Guðmundur Markússon á Tryggva gamla

 Tryggvi gamli

Vilhjálmur Árnason á Venusi

 Venus

Sjálfsagt gleymi ég einhverjum sem ætti að vera hér. En þetta eru þeir sem ég minnist svona í fljótu bragði. Kært kvaddir sem það eiga skilið

Athugasemdir

[Óskar Arnórsson, 20.6.2010 kl. 08:36]

Skemmtilegt blogg hjá þér þó það séu hörmuleg þessi sjóslys... 

[Rauða Ljónið, 20.6.2010 kl. 20:32]

Sæll. Óli rétt munað  Þorbergur Friðriksson 1sti stm á Sviða var faðir Guðrúnar Katrínar heitinnar fv forsetafrúar.

[Ólafur Ragnarsson, 21.6.2010 kl. 19:50]

Sælir strákar og ég þakka innlitið. Já Óskar þetta voru hörmuleg slys og þetta sem ég hef minnst á voru bara togararnir. Og saga íslenskra sjómanna í WW2 er þyrnum stráð. Því það má segja að manni dettur stundum í hug Dunkerque þegar talað er um flóttan þaðan. En þá var hver fleyta sem nokkurnvegin flaut notuð til ferjunar á hermönnum. Nema það var engin flótti á ferðinni hjá Íslenskum sjómönnum. En það má eiginlega segja að hver fleyta yfir 35 tonn og sem flaut nokkurnveginn hjálparlaust hafi verið notuð til fiskflutninga til Englands. Það mætti kannske minna mr David Cameron á það ef hann fer eitthvað að derra sig um skuldir íslendinga: Verið báðir ávallt kært kvaddir

[Haraldur Haraldsson, 25.6.2010 kl. 01:16]

Sæll 'Oli þarna er góðar myndir en hörmuleg sjóslys,Faðir minn Haraldur Guðjónsson var á B/V Jóni Ólafssyni 2 styrimaður/Þakka /Halli gamli