Gleðileg jól

Ég vil senda öllum mínum "bloggvinum"og öðrum sem nennu hafa haft til að lesa það sem á þessum síðum hefur birtst mínar bestu jólaóskir.Megum við öll upplifa frið og ró á þessari hátíð ljóssins.Kært kvödd

  

Brak

Ég kannast við svona"kluss"á t.d frammi á skipum,Og mér finns ég kannast við stálstöngina sem virðist liggja undir því og fram til hægri.Þessi stöng gæti verið til að auðvela t.d. stýrimanni að sjá uppyfir borðstokkinn.Þ.e.a.s.hann stigi upp á stöngina til að hækka sig,því að"flái"er á lunningunni.Þetta gæti því verið partur af lunningu af hvalbak á skipi.En ég get ekki stækkað myndirnar almennilega svo að maður gæti áttað sig betur á þessu.Væri ekki hugsanlegt að einhver hafi fengið þetta allt annarstaðar í trollið en ekkert vilja láta vita af því(ólöglegur staður???)og losað sig svo við það þarna??En þetta er bara svona hugdetta.Gleðileg jól

Fengu hluta af skipi í trollið

Séra Jón

Hér sannast það fornkveðna"það er ekki sama hvort það er Jón eða séra Jón.Gleðileg jól

Skilorðsbundið fangelsi fyrir að nýta sér kerfisvillu banka

Meinyrði og fl

 

Fyrir nokkrum dögum féll dómur í meinyrðamáli þar sem fv sjónvarpstjóri Skjás eins voru dæmdar álitlegar fúlgur fyrir að hafa verið kallaður"Geðþekkur geðsjúklingur"í einhverju blaði.Nú skortir mitt litla vit skilning.Er það refsivert á Íslandi að vera kallaður"Geðþekkur"eða er það refsivert á Íslandi að vera"geðveikur"Annað hvort eða bæði orðin virðast vera "meinyrði"Er það orðið refsivert að vera geðveikur á Íslandi?

 

Hvert er þetta réttarfar hér á landi að fara?Er nokkur furða að þessir svokölluðu ráðamenn vilji ráða sjálfir hverjir taka sæti í dómstólum landsins.Það er eins og þeir hafi vísu eftir KN að leiðarljósi:"Af langri reynslu lífsins lært það ég hef/að láta drottinn ráða þegar ég sef/en er ég vaki vill ég sjálfur ráða/og helst ráða fyrir báða/"Hvað hafði fv aðstoðarmaður dómsmálaráðherra fram yfir hina umsækendur um starf dómara fyrir N og A um daginn.annað en að vera sonur eins af umdeildasta stjórnmálamanns þessa lands?Ég hef lesið ummæli margra löglærðra manna sem svara þessari spurningu"nei ekkert"Svo kemur "settur" dómsmálaráðherra,sem er lærður dýralæknir og segir þessa menn ekkert hafa vit á þessum málum.

 

Þetta snýr nú svo að mér ólærðum almúgamanninum eins og lögfræðingi væri falið að sjá um að vana hest.Hann vissi nokkurnveginn að það ætti að"jaga"eistun af hestinum með einhverjum töngum sem hann fengi upp í hendurnar en um aðferðina vissi hann ekki neitt.Hvernig er með þessa svokallaða ráðamenn sem standa ljúgandi upp í ræðustól á hinu svokallaða "háa" Alþingi.Standa dag eftir dag og ljúga meðvitað að þessum andsko.... lýð sem kaus þá yfir sig.Ráðamennirnir hljóta að líta á þetta fólk sem "lýð"vegna lygaþvælunnar sem þeir ætlast til að fólk trúi.Æ ofan í æ.En lýgi er ekki bönnuð á Íslandi allavega ekki ef þú lýgur upp á sjálfan þig.eins og þessir menn gera hvað eftir annað.Menn hafa verið að"krítiséra"Pútín í Rússlandi fyrir að fótum troða lýðræði í Rússlandi.

 

En hann hefur komið böndum á verstu"mafíuna"þar að mati margra sérfræðinga í málum Rússlands(bæði hér á landi og í Svíþjóð)Hann hefur,í staðin fyrir að hrekja úr landi samið við stæðstu auðkýfingana.Látið þá sjá um uppbyggingu í stórum svæðum úti á landi.Að vísu á hann einn"óafgreiddan"í Englandi sem ekki sér fyrir endan á.Menn hafa véfengt fréttir um geysilegan auð sem hann á að hafa sölsað undir sig.Ég les kannske ekki réttu blöðin og hlusta kannske ekki á réttu mennina en þetta er mín skoðun á málunum í Rússlandi.Á sama tím og þetta er að ske í Rússlandi er allstór hópur manna hér á landi að safna auði í skjóli stjórnvalda.14 miljarða mun jólaverslunin verða.14 milljarðar Aflaverðmæti í september mun vera um 4,3 milljarðar..Á sama tíma og þetta skeður eru ellilífeyrisþegar og öryrkjar og launþegar í lægstu þrepunum að láta sér lynda 5- 10,000 krónur eftir skatta,húsaleigu og aðrar afborganir.

 

Það er með eindæmum hvernig bankar og aðrar peningastofnanir er leyft að ljúga að saklausum ungmennum.Sem eru að sleppa úr foreldrahúsum með mismunadi heimamund.Þ.e.a.s með vit á peningamálum.Úr foreldrahúsum það sem lítill tími hefur kannske verið fyrir uppeldið vegna vinnu foreldrana við að komast í að vera talin 1sta flokks Íslendingur.Hvernig bílalán og önnur lán eru gyllt fyrir ráðalitlum unglingum sem trúa á kraftaverkið.Og það þarf ekki unglinga til.Menn geta misst vinnuna fyrirvaralítið vegna slyss eða veikinda og bogin verið spenntur til fulls.Ég hef reynslu af því.Og af því að draga lappirnar að nokkru leiti,að ráði vissra ráðgafa sem ég sleppi hér að nefna.En skal tekið fram að alla sökina átti ég.Svo situr sumt fólk uppi með"jólaveikina"Og vegna velvilja nokkurra manna að geta keypt"Bayonskinku"til að narta í yfir jólin.

 

Eða geta gefið börnunum sínum eitthvað í jólagöf.Eitthvað sem kostar ekki yfir 5000 kr..Á meðan þeir ríku gefa jeppa,snjósleða eða fjórhjól.Mér finnst satt að segja meðferð á fólki sem komið er yfir 70 ára og engan lífeyrissjóð hefur eða lítinn hér á landi alveg með endemum. Sjómannsekkjur,bændaekkjur og fl í þeirra stöðu sem fá kannske nokkra skitna þúsundkalla eftir"þjófaleit"Tryggingarstofnunar.Svo hæla þessir andsk.... sér af að það sé að minsta kosti 40 milljarðar í plús hjá Ríkissjóði.

 

Þeim sjóði sem hafði mergsogið þessar fyrrgreindu ekkjur og menn þeirra meðan þetta fólk gat staðið í lappirnar með sölusköttum vörugjöldum og allslags álögum.Mér finnst að fólk sem er að tala um fótumtroðið lýðræði í Rússlandi ætti að líta sér nær.Líta á lýðræðið á Íslandi hvernig fámenn klíka fær öllu að ráða.Við ættum að fá Pútín lánaðan í eins og ár.Hann myndi byrja á að reka Seðlabankastjórann fyrir afglöp.Forsætisráðherrann fyrir liðkind í öllum veigamiklum málum.Utaríkisráðherrann sem sér enga eymd,nema utanlands og gengur með eitthvað Sameineiðuþjóðastórmennskubrjálæði. Myndi setja löglærða menn ekki dýralækna til að skipa í dómstóla landsins, Ja hann myndi fýra heila"klabbinu"Og hann myndi skylda þessa auðjöfra að láta þá landsbyggðar staði sem verst hafa verið úti fyrir t,d kvótabrask njóta góðs af auðnum

 

Nei mér finnst að lygar ráðamanna eigi að heyra undir meinyrði.Maður er málþrota gagnvart lygum í málum eins og"Grímseyjarferjumálinu"sölunni á Flóabátnum"Baldri"sölunni á eignunum á Keflavíkurflugvelli já og fleiru og fleiru.Ég hef ekki legið á því að ég var dyggur þjónn"Bakkusar"lungan úr mínu lífi.(og er að súpa seyðið af því nú)Svo varð ég "fullorðin"43 ára.Sagði upp hjá kónginum og hef síðan reynt(með smáfrávikum)að lifa edrú,heiðarlegu lífi .Það var tvennt sem skeði við þá uppsögn.Ég komst að því að ég hef verið"drullusjóveikur"allt mitt líf og ég hætti að vera Sjálfstæðismaður.Ég hafði nefnilega sett sjóbveikina í samband við timburmenn og svo  fór ég að reyna að hugsa"sjálfstætt"(þó það gangi nú svona og svona allavega stundum) í þess orðs fyllstu merkingu.

 

Ég hafði sett XD bara af gömlum vana í mörga ár.Ég á töluvert af litlum styttum af sjómönnum sem ég hef"sankað"að mér í áranna rás.Fanggæslan mín(maður getur víst ekki notað þetta fallega orð um konur,að mínu mati um þær konur sem þrífa hjá manni)var um daginn að tala um að taka þær allar niður og þurka af,undir og í kring um þær en ég hét nú ekki.Ég heyrði það nefnilega haft eftir,ekki ómerkari konu en Helgu Möller hinni dáðu söngkonu að"ryk þýðir innri ró"Nú ætla ég að hætta þessu bölv... kja..... mínu og finna hina innri ró með styttunum mínum.Þeim sem hafa nennt að lesa þetta röfl úr mér óska ég gleðilegra jóla og farsældar á komandi árum.Og vona að menn kjósi eitthvað annað næst.Verið annars ávallt kært kvödd