Gamla góða höfnin

Við Reykjavíkurhöfn var í gamla daga mannlíf sem var blandað ys og þys og skáld ortu ljóð til hennar og lífsins við hana.Hugur margs ungs mannsins hefur ábyggilega leitað til fjarlægari landa við að ganga um hana.

Gamla höfnin eins og hún var þegar ég kom fyrst til Reykjavíkur

Ég man vel eftir hinu heillandi lífi við Reykjavíkurhöfn,Allt iðaði af lífi.Við skulum láta hugan leita til baka og taka bryggjurúnt Byrja við Verðbúðarbryggjurnar.

 Skógarfoss RE  Hermóður ogAðalbjörg. 3 af fastagestum við Verðbúðarbryggjurnar.

Friðrik Þorvaldsson og hans menn að lesta Vesttfjarðar eða Vestmannaeyjaflutningabáta við Loftsbryggju,

    Vestmannaeyjarbátarnir Skógarfoss VE t.v og Skaftfellingur t.h sem lestuðu við Loftsbryggju Skógarfoss  hjá afgreiðslu Laxfoss eins og hún hét þá og Skaftfellingur á vegum Ríkisskipa

 

 

       Lengst tv Ármann svo Hugrún og síðast Særún ex Sigríður sem sinntu Vestfjarðarflutningum og afgreiðsla Laxfoss(Friðrik Þorvaldsson)sá um afgreiðslu á við Loftsbryggju.

Ríkisskip við Sprengisand Eldborg fyrir neðan Tollbúðina Gullfoss eða önnur „Eimskip"við Miðbakkan og Austurbakkan.

 Skip Ríkisskipa við Sprengisand.3 þekkt skip skip frá Reykjavíkurhöfn.Lengst t.v Jötunn þá v/s Sæbjörg síðan finnskt flutningaskip og svo gamli Magni

Eldborgin sem ég byrjaði á sem hjálparkokkur fyrir 55 árum og sem kom í staðin fyrir Laxfoss eftir að hann strandaði 1952.Hún sést faktíst í horninu sínu ef vel er gáð á myndinni af skipum Ríkisskipa sem liggja við Sprengisand

 Togararnir við Faxagarð og Varðskipin við Ingólfsgarð.Þetta var sannarlegur æfintýra heimur fyrir unga hrausta menn.Það hafði hver skipsflokkur sína eigin lykt.

 

 Gullfoss á sínum stað og Gamli"Selurinn

og gamli"Brúsi" 

Það lyktaða af tjöru, hampi, fiski, ávöxtum.Ég var tæplega 15 ára þegar ég kynntist og heillaðist af þessum heimi.Tómas Guðmundsson yrkir um"Hegran"eins og Kolakraninn var kallaður/hét:

"En hátt yfir umferð hafnar og bryggju   
og hátt yfir báta og skip,        
sfinxi líkur rís kolakraninn       
með kaldan musterissvip.      
Hann mokar kolum og mokar kolum     
frá morgni til sólarlags.          
Raust hans flytur um borg og bryggjur  
boðskap hins nýja dags"

 b/v Skúli Magnússon.Og b/v Hvalfell

.

Og svo um sjálfa höfnina segir skáldið:

"Hér streymir örast í æðum þér blóðið,

ó, unga, rísandi borg!

Héðan flæðir sá fagnandi hraði,

sem fyllir þín stræti og torg.

Sjá skröltandi vagna og bíla, sem bruna,

og blásandi skipa mergð.

Tjöruangan, asfalt og sólskin

og iðandi mannaferð."

 

 

  Löndun úr togaraÆgir og Þór  stærstu varðskip þess tíma.

 Einhvert af þessum skipum og bátum hefðum við geta barið augum á bryggjurúnti 1953.Ég sakna satt að segja þessa tíma.Því nú er  lyktin,ysin og þysinn horfinn  og skáldin þögnuð  Hingað lesnir kært kvaddir

Heilsufarið

 

Það er frekar bágborið faktíst nú um stundir.Ég þessi fv morgunhani varla drullast úr bælinu fyrir miðdag.Ímyndið ykkur fyrir 68 árum leit stráksi svona út  Ungur og sætur strákur en sömu árum seinna eiginlega svona

Hérna eftir einn megrunarkúrinn:   

Svo var það svona: nú  í dag svonaEn á meðan getur þetta komið upp í hugann: eða svona: jafnvel:

og þá: en svo þegar allt kemur til alls er þetta niðurstaðan:

 Þetta með megrunarkúrinn er náttúrlega haugalygi.Þessar buxur eru keyptar í Pakistan og þar færðu passandi jakka en allar buxur eru af þessari stærð.Vona að enginn heittrúaður móðgist Það var einusinni togaraskipstjóri sem gaf oft upp meiri afla en hann hafði fengið á kótatímanum.þetta kallaði hann að ljúga sig í "stuð"Kannske getur maður fíflast eitthvað svo maður komist í meira stuð      Kært kvödd

 

Aðskildar siglingaleiðir

 

Nú á að fara að setja aðskildar siglingarleiðir.Ég er mikill áhugamaður um öryggi sjómanna og tek eindregið undir þessar fyrirætlanir.Í 1sta tölublaði sjómannablaðsins"Víking"skrifar minn gamli kæri kennari Guðjón Ármann Eyjólfsson fv Skólameistari  grein um aðskildar siglingaleiðir við Ísland Ég las þessa grein með áhuga og sammála því sem Guðjón skrifar.Ég ætla nú ekki að kafa dýpra í hana en svona fyrirkomulag hefði átt að vera komið á þarna á fyrir löngu.

 Þeir hafa margir farið ílla við Reykjanesið.b/vJón Baldvinsson á strandstað 31 mars 1955.Mig minnir að 6 tímar séu á milli myndanna

 

Ég hef siglt mikið á aðskildum siglingarleiðum í Ermasundi og það var stundum darraðardans þegar maður þurfti að krossa þær.Einnig finnst mér Frakkarnir núna vera ornir fullharðir þegar fer að nálgast Quessant.Nú er svo komið að möguleikarnir að leita vars og ankera eru alltaf að minnka.Frakkar banna t.d algerlega að maður geti komið í var í St Malo buktinni svo að í SV óveðrum er maður neyddur til að halda áfram fyrir Quessant og inn í Bicayflóann eins og hann er nú oft árennilegur í þeirri átt eða hitt þó heldur.

 

        Frá Quessant

Sama við Finisterra ekkert landvar þar að fá eða hvar sem helst þar sem þessir Separation.Zone eru komnir.Og nú er verið að tala um að færa Zonin við Quessant  ennþá lengra út.(þegar ég hætti 2005) Ég minnist þess er m/t Erika var að sökkva um 40 sml SW af Quessant að morgni þ 12 des 1999.Ég var á öðru skipi 10-15 sml frá.

 

                                         Frá Erikaslysinu

Ég var á m/s Danica Sunrise og vorum við á leið frá Dunkirk til Mostaganem í Alsír með fullfermi af kartöflum.Ég  náði að tala aðeins við skipstjórann Karun Mathur og ég undraðist hvernig hann hélt ró sinni þrátt fyrir sírenuvælið í bakgrunni, En við áttum fullt í fangi með okkur sjálfa og gátum ekkert gert annað en að bera á milli einstaka sinnum.Þetta verður manni ógleymanleg.

                                       Frá  Prestige slysinu

Svo undarlega vildi einnig til að þegar m/t Prestige sökk 19 nóvember um 150 sml út af Finisterra.var ég á"Karina Danica"einnig á leið til Mostaganem frá Ghazaouet einnig með fullfermi af kartöflum..En þá vorum við út af Lissabon og maður heyrði bara um þetta í útvarpinu.En ef minnið er ekki að bregðast mér þá bað skipstjórinn fá leyfi til að leita vars við Finisterra  en fékk ekki.

 

                Karina Danica  D.Sunrise

 

Menn voru ekki á eitt sáttir um þetta óleyfi.Töldu að bjarga hefði mátt skipinu hefði það fengið að leita vars/hafnar.Bretar Spánverjar og Portúgalar rifust harkalega út af slysinu.Hinn 26 ára gríski skipstjóri Apostolos Mangouras lenti í fangelsi í La Coruna.Menn voru á nálum að sagan væri væri að endurtaka sig frá 11 árum áður þegar m/t Aegean Sea strandaði nálægt La Coruna.

 

           Frá Víkartindsstrandinu 

Ekki ætla ég að dæma hvort hægt hefði verið að koma að veg fyrir þessi slys en samt leiðir maður hugan að hvort svona hefði farið ef skipin hefðu átt tækifæri að leita vars í tíma.Hvort þið trúið því eður ei þá var ég staddur á dönsku skipi út af Þjórsárósum nokkrum nóttum áður en Víkartindur strandaði þar 5 mars 1997.Við höfðum lestað"sót"(úr hreinsitækjum í skorsteinunum)á Grundartanga og vorum áleiðinni til Hamborgar með það.

 

 

 Hanne Catharina  Lestaðar kartöflur

Fórum frá Grundartanga þ 1 Við vorum svo komnir að Fair Isle þegar Dísarfell sökk þ 9 mars.En þetta var nú hálfgerður útúrdúr.Það er staðreind að aðskildar siglingarleiðir hafa sannað gildi sitt.Og má segja að það sé komin tími til að Íslendingar komi á eftirliti með siglingum skipa.

 

  Dísarfell

 

En öllu verður að stilla í hóf.Og mín persónulega skoðun er sú að sumstaðr séu reglurnar fullstrangar allavega hvað varðar lítil flutningaskip með hættulausa farma þó ólían sé að vísu alltaf bölvaður skaðvaldur.En mér finnst mannslífin alltaf eiga að koma í forgang.En aðskildu siglingaleiðirnar við Ísland líst mér vel á.Og öfluga dráttarbáta vantar okkur held ég fleiri.Ef olíuflutningarir fara að aukast við landið er það engin spurning

 Listi yfir vestu olíutjónin

 

Ef einhver hefur nennt að lesa hingað kveð ég hann kært

 

 

Sjómannadagurinn 70 ára

 

Árið er 1938.Og mánuðurinn júní.Í Gamla Bíó er kvikmyndirnar"Engillinn"með Marlene Ditrich í aðalhlutverkinu kl 7.9 og svokölluð alþýðusýning kl 5.Og"Tarsan strýkur".Ég vissi nú ekki að hann hefði nokkurtíma strokið,en það skeði nú áður ég fæddist.Þetta með alþýðusýningu skýrist að ég held í auglýsingu Nýja Bíó sem auglýsir kvikmyndins"Reimleikarnir á herragarðinum"með þeim"Litla og  Stóra.Frægum hetjum okkar stríðsáraárgöngunum ásamt þeim"Gö og Gökke","But Abbot"og "Lu Kastelló"að ógleymdum Roy Rogers.Í sömu auglýsingu segir um sýningartímann:kl 3(fyrir börn) og kl 5(lækkað verð.)

 

       Til v þess tíma(1938)kaupskip t.h þess tíma línuveiðari

      T v þess tíma togari t,h þesstíma mótorbátur

Fyrsti sjómannadagurinn var haldin hátíðlegur mánudaginn 6 júní(2 Hvítasunnudag)Í leiðara í Mogganum þann dag segir m.a:Það er mjög vel til fallið að láta sjómanninn fá sinn dag.Ekki til þess sérstaklega að nota daginn til að ausa yfir hann  væmnu lofi heldur hins ,að minnast þess,hvað hægt er að gera til þess að tryggja líf hans í baráttu n við hin óblíðu náttúruöfl"Svo segir blaðið frá hátíðarhöldum Sjómannadagsins þ 8 júní með stæðsta letri í fyrirsögn:"Stórfengleg hátíðarhöld sjómanna"og svo með svolítið smærra letri:"Virðulegasta og mesta skrúðganga sem hér hefur sést"Svo liðu árin og dagurinn festist sig í sess

 Minnisvarðinn um óþekkta sjómanninn

Ég geri nú ekki ráð fyrir því að margir núllifandi Íslendingar viti hver hvílir undir minnismerki óþekkta sjómannsins í Fossvogskirkjugarði.Þetta er kannske ekki rétt til orða tekið,en sá sem hvílir þar er sannarlega óþekktur en svo er mál með vexti að nokkru eftir að b/v Skúli fógeti fórst 1933 við Grindavík rak óþekkanlegt lík ekki fjarri strandstað Skúla og jarðsetti sr Árni Sigurðssoin líkið í Fossvogskirkjugarði 27 maí sama ár sem óþekkta sjómanninn.Af strandi Skúla segir þv bóndinn á Stað í Grindavík Gamalíel  Jónsson, í viðtali við Birgir Kjaran í Lesbók MBl árið 1960:

 b/v Skúli fógeti

"Svo strandaði Skúli fógeti hér á Staðarmölum. Þú sérð þarna, beint út af. Það var svona klukkan að ganga sex um nóttina, sem við vissum um það. Það komu að austan tveir menn og létu okkur vita. Karl heitinn Guðmundsson fór niður um nóttina og var að hlusta á veðrið frá Vestmannaeyjum, og þá heyrir hann, að það var kallað út, að Skúli fógeti væri strandaður. Það var stöðin í Vestmannaeyjum, sem kallaði þetta út með verðinu. Hann vakti mennina og fór að leita, og svo ræstu þeir okkur. Við höfðum komið heim að Stað um nóttina kl. tvö frá aðgerð. Það var mikið brim, og það var langt að skjóta út í Skúla. Línan var 97 faðmar. -

   Skip í stórsjó

Já, það það mátti ekki miklu muna. Það var síðasta línan, sem náðist í. Við áttum ekki fleiri. Það var seinasta skotið, sem hægt var að skjóta. Við voru svo heppnir, að vindurinn bar línuna upp að mastrinu, þar sem þeir sátu á hvalbaknum, og einn gat teygt sig í hana. Þeir voru sumir mjög þrekaðir, skipsbortsmennirnir, en einn var þó ótrúlegt hraustmenni, og var hann ekki nema 16 ára gamall. Hann hljóp eins og krakki þegan hann kom upp á kambinn, hreint eins og ekkert hefði í skorist. Það var mikið tekið eftir því. Það var Sæmundur Auðunsson, sem síðar varð skipstjóri á Akureyrartogurunum. Þeir fórust 14 á Skúla, en 24 var bjargar, svo ver hefði getað farið þar, ef síðasta línan hefði brugðizt"Í lögum um Sjómannadag sem eru nr 20,26 mars 1987 sem tóku gildi 14. apríl 1987.segirm.a:

 1. gr. Fyrsti sunnudagur í júnímánuði ár hvert skal vera almennur frídagur sjómanna með þeim undantekningum sem um getur í lögum þessum. Beri hvítasunnudag upp á fyrsta sunnudag í júní skal sjómannadagur haldinn næsta sunnudag á eftir.

 Sjómannadagurinn skal vera almennur fánadagur.

 2. gr. Ákvæði 1. gr. taka ekki til sjómanna á íslenskum farskipum sem sigla milli Íslands og annarra landa. Þó skal farskipi, sem liggur í íslenskri höfn og eigi hefur látið úr höfn fyrir kl. 12 á hádegi á laugardegi næstum á undan sjómannadegi, eigi heimilt að láta úr höfn fyrr en kl. 12 á hádegi næsta mánudag.

 Ferjur milli lands og eyja eru undanþegnar ákvæðum 1. gr.

 Strandferðaskip og sanddæluskip skulu halda höfn þar sem þau eru stödd á sjómannadag.

 3. gr. Ákvæði 1. gr. taka ekki til skipa Landhelgisgæslu Íslands. Stjórn Landhelgisgæslunnar ber þó að sjá til þess að skipin séu í höfn ef þau hafa ekki aðkallandi verkefnum að gegna að hennar mati.

 4. gr. Hafrannsóknastofnunin skal skipuleggja rannsóknaleiðangra þannig að skip geti leitað hafnar eigi síðar en kl. 12 á laugardegi fyrir sjómannadag og láti ekki úr höfn fyrr en kl. 12 á hádegi næsta mánudag.

 5. gr. Öll fiskiskip skulu liggja í höfn á sjómannadag og hafa komið til hafnar eigi síðar en kl. 12 á laugardegi fyrir sjómannadag og láta ekki úr höfn fyrr en kl. 12 á hádegi næsta mánudag.

 Skipverjar skulu ekki vera skyldir til vinnu við skipið eftir kl. 12 á laugardegi fyrir sjómannadag nema öryggi þess sé í hættu.

 Ákvæði 1. mgr. eru frávíkjanleg ef um er að ræða skip sem ætlað er að sigla með afla sinn á erlendan markað, enda sé skipshöfn kunn sú fyrirætlan áður en veiðiferð hefst. Einnig má víkja frá ákvæðum 1. mgr. ef mikilvægir hagsmunir eru í húfi og samkomulag tekst þar um milli útgerðar og skipshafnar.

 6. gr. Útgerðarmaður og skipstjóri bera ábyrgð á því að farið sé að ákvæðum laga þessara. Brot gegn lögunum varða sektum í ríkissjóð.

 7. gr. Lög þessi öðlast þegar gildi.

 Einn af svokölluðum nýsköpunartogurum

Svo er þetta í fréttum 3 júní 2007: Haldið var upp á sjómannadaginn í 69. sinn í dag og fara hátíðahöld fram víða um land þó ekki á Akureyri og Dalvík. Í Hrísey og á Árskógsströnd var dagskrá í gær í tilefni sjómannadagsins..Mér fynnst satt að segja með ólíkindum að svona geti skeð.Akureyri þessi mikli útvegsbær(hélt ég að minnsta kosti)sagði pass.Þetta kom frá þeim á Akureyri:

 Nýtísku kaupskip

" Sjómannafélag Eyjafjarðar sendir sjómönnum um land allt bestu kveðjur með von um að þeir og fjölskyldur þeirra eigi góða og ánægjulega helgi fyrir höndum. Til hamingju með daginn!"Og eða Dalvík.Mér er fjandans sama um einhverjar nafnbreytingar og aðrar tilraunir til að eyðileggja þennan dag þ.e.a.s.Sjómannadaginn  með að halda einhverja bryggjudaga  eða einhverja hátið hafsins.Ráðherra sjávarútvegs ætti að skammast sín fyrir að vera að hæla sér yfir hve vel hafi tekist með hátíð hafsins.Á það að vera einhver sigurhátíð hafsins yfir föllnum sjómönnum.Ef þarf að halda hátíð til heiðurs hafinu þá má gera það á öðrum degi.En á Sjómannadagi eigum við að fagna sigrunum við hafið og syrga ósigrana.Víst er hafið göfult og fyrir því þarf að bera mikla virðingu en það er líka ógnvekjandi og hefur höggvið óbætandi skörð í hóp íslenskra sjómanna.Og mér finnst satt að segja lítil eða engin ástæða fyrir ráðherra sjávarútvegs að vera að hylla það sérstaklega nú um stundir.

 Nýtísku Hafrannsóknarskipið

Ég skora á íslenska sjómenn(þar með taldar fjölskyldur þeirra)að taka þátt í að hylla sjómannsstarfið og minnast fallina félaga og að landi komna,úr hrakningum með mikilli þátttöku í hátíðarhöldum Sjómannadagsins um land allt á 70 ára afmæli dagsins næstkomandi júní.Munið það sjómenn hvar sem þið starfið hvort það er far eða fiskimennska sem þið stundið að þið eruð að berjast við sömu öflin sama hver fleytan er.Mér finnst það tregara en tárum taki að hugsa til farmannastéttarinnar.Hugsa til árana fyrir 1980 þegar 450-500 sjómenn störfuðu á kaupskipum og um 120 menn á varðskipum.Vitanlega hefur fiskimönnum líka fækkað en mér finnst það af öðrum toga

 

 Kaupskip fyrri alda 

Einhverntíman á þessum árum sagði Guðmundur Hallvarðsson fv þingmaður og að mínu viti mikill baráttumaður fyrir íslenska sjómenn"Okkar málstaður má aldrei falla í gleymsku"Munið það sjómenn.Englendingurinn talar um "Centleman of Sea"þegar þeir vilja nefna sérlega góða sjórmenn.Ég var rúm 50 ár á sjó og sigldi með mörgum svoleiðis,Það fer nú að síga á seinni hlutan á þessu skrifelsi.En mér varð hugsað til málsháttarins"batnandi manni er best að lifa"þegar ég las eftirfarandi á heimasíðu"Sjómannafélags Eyjafjarðar þar sagði m.a."Þá fögnum við auðvitað mjög þeim orðum forstjóra Samherja, Þorsteins Más Baldvinssonar, að Samherji hefði sannarlega lagt sitt af mörkum til að halda hátíð á sjómannadag ef haft hefði verið samband.Í okkar huga er málið því skýrt:

 Eitt af fallegustu skipunum sem sigldu á gullaldar árum íslenska kaupskipaflotans sem nú er að blæða út

 

Við blásum til sóknar að ári og skipum sjómannadeginum þann heiðurssess sem hann á skilið"Ja alltaf er Samherjiinn miskunsamur ég segi nú ekki annað.Ég vil enda þennan pistil með að segja við núverandi íslenska"Centleman of Sea"munið eftir að taka þátt í 70 ára afmæli Sjómannadagsins.Hingað lestnir kært kvaddir

 

 

 

Ísland og mannréttindi

 

Um leið erum við ekki að hvika frá eindreginni stefnu íslenskra stjórnvalda, sem er sú að mótmæla hvers konar mannréttindabrotum hvar sem þau eru framin"Þetta segir ráðherra menntamála Íslands núna. Skelfing er nú það mikið fagnaðarefni að fá svona ummæli frá íslenskum ráðherra nú um stundir.

 

Í Mannréttindasáttmála SÞ segir m.a:"Mannréttindi eru grundvallarréttindi fyrir okkur sem mannlegar lifandi verur. Án mannréttinda, gætum við ekki þroskast til fulls og notað mannlega hæfileika okkar, gáfnafar, hæfni og andlega eiginleika.Sameinuðu þjóðirnar ákváðu almennan stuðul fyrir mannréttindi fyrir allar þjóðir árið 1948, þegar mannréttindayfirlýsingin var staðfest.

 

Með yfirlýsingu þessari samþykktu ríkisstjórnirnar skyldur sínar til að sjá til þess að allar mannverur, ríkar sem fátækar, sterkar sem veikar, karlmenn og konur af öllum kynþáttum, skuli meðhöndla á sama hátt. Yfirlýsingin er ekki bindandi að lögum aðildarríkjanna, en vegna útbreiðslu hennar um heim allan, skuldbinda ríkin sig siðferðislega, til að framfylgja henni."Íslendingar eru aðilar að Mannréttindasáttmála SÞ"Svo segir áfram m.a:"Þegar ríki hefur undirritað alþjóðlegan samning um mannréttindi þá ber því að fara eftir þeim ákvæðum sem að finna má í samningnum. Ríkið er skylt að vernda mannréttindi einstaklinganna sem að búa innan lögsögu ríkisins"

 

Svo fá íslenskir ráðherra þetta: „Mannréttindanefnd Sameinuðu þjóðanna úrskurðar að íslenskum stjórnvöldum beri að endurskoða fiskveiðistjórnunarkerfið og greiða tveimur sjómönnum bætur fyrir að hafa ekki fengið úthlutað kvóta"Og þar segir m.a:"Í niðurstöðu meiri hluta nefndarinnar segir að meginálitaefnið sé hvort kærendur verði að lögum skyldaðir til að greiða samborgurum sínum fé til að afla sér fiskveiðiheimilda sem séu nauðsynlegar til að eiga kost á að veiða í atvinnuskyni kvótasettar fisktegundir í eigu íslensku þjóðarinnar.

Tekið er fram í áliti nefndarinnar að hópum fiskveiðimanna á Íslandi sé mismunað. Einn hópur fiskveiðimanna hafi fengið ókeypis fiskveiðiheimildir af því að hann stundaði fiskveiðar á þar tilgreindum fisktegundum á tímabilinu frá 1.11.1980-31.10.1983. Sérstaklega er tekið fram að þeir sem þannig háttar til um þurfi ekki að nota fiskveiðiheimildir sínar en geti selt þær eða leigt til annarra. Annar hópur fiskveiðimanna þurfi að kaupa eða leigja kvóta frá fyrri hópnum eða af öðrum sem hafa keypt kvóta af honum ef þeir vilja stunda veiðar á kvótasettum fisktegundum af þeirri einföldu ástæðu að þeir áttu ekki eða ráku fiskiskip á ofangreindu tímabili. Meiri hluti nefndarinnar telur að slík mismunun sé grundvölluð á ástæðum sem samsvari eignarstöðu"

 

Vegna þessa alls fagna ég ummælum  ráðherra menntamála.En mér sýnist hún ekki vera sannfærandi.Ég get vel skilið frúna að hana langi  á setningu og lok ólympíuleikanna í Peking.Ég myndi vel þiggja svona boð.Og"strunta"í öll mannréttindi á Íslandi Tíbet eða hvar sem er ef mér biðist slíkt.Maður verður nú að taka tilllit til mannana með peningana.Og líka heija á íþróttamennina okkar.Það er kannske alveg nóg að vera mannréttindasinni í hjáverkum.Kært kvödd

Bakkafjara enn og aftur

 

Það er nú sennilega að bera í bakkafullan(fjöruna) lækinn að skrifa um Bakkafjöru.Ég hef af ýmsum ástæðum ekki blandað mér mikið í  umræðunni sem hefur verið um þessi Bakkafjörumál og kannske ekki heyrt öll rökin sem mæla með,að mínu áliti þessari vitleysu.Hjá gömlum sjóara eins og mér vakna nokkrar spurningar.Það skal strax viðurkennt að ég er ekki kunnugur aðstæðum akkúrat þarna.En ég þekki þó nokkra skipstjórnarmenn úr Eyjum sem ekki eru par hrifnir af þessari hugmynd.Engin af þeim sem ég þekki eru hlynntir henni.

 

 

Og maður spyr sig hvað hefði Bakkajólfur komist margar ferðir í vetur?.Hefur kannske háttvirtur samgönguráðherra fengið góðan samning hjá Almættinu,hvað varðar vindstig og ölduhæð.Almættið hefur kannske kíkt við hjá þeim í Kópavoginum?.Hvernig á að verja stýri/skrúfur ef afturendinn tekur niðri á rifinu sem mér er sagt að sé þarna fyrir utan.Á kannske að vera hægt að hífa heila klabbið upp(eins og þeytari er tekinn upp á heimilishrærivél)ef svo bæri undir?Hvert á að sækja grjótið í garðana sem á að byggja?Ætla þeir kannske að fara að leita að grjótinu sem þeir týndu í Grímsey og Bakkafirði?Eða á kannske að rífa Heimaklett niður?Og spurningarnar verða fleiri og áleitnari .

 

 Kort af Bakkafjöruhöfn

Nei,jarðgöng til Eyja verða að veruleika þegar þar að kemur,það er á hreinu.Hvort það eru 10,20ár eða lengri tími veit enginn í dag,en tækninni fleygir fram.Það sem er óframkvæmanlegt í dag getur verið veruleiki á morgun.Það vitum við sem erum komin á svokölluð efri ár.Ég kannast svolítið við tilfinninguna sem maður getur fengið við að sigli inn í kannske grunna höfn í miklum sjó.Ég myndi vorkenna þeim manni sem á að sigla þarna upp.Óvanur skipi og aðstæðum.Vestmanneyjingum vantar nýtt skip til Þorlákshafnarferða núna strax þangað til göng koma Og þó þau verði í augsýn eftir nokkur ár má alltaf selja nýlegar ferjur t.d.Grikklands og við megum ekki láta það viðgangast að misvitrir ráðherrar fái að vera með puttana í teikningunum t.d.stytta það til að skapa kosningaloforðsatvinnu.

 Eyjar séð af"Fjörunni"

Ég hef hlustað á rök Siglingarstofumanna og get skilið þau en þau hafa ekki sannfært mig.En ef af þessu verður vona ég bara að ég hafi ekki rétt fyrir mér.Menn tala um sjóveiki..En hvað um að brjótast t.d.í vitlausu verðri á sandinum (fínt fyrir þá sem ætla að láta sprauta bílinn)  og lenga bílferðna um alllangan tíma .Hvað með þá bílveiku.Nú hef ég ekki fylgst svo með vegasambandi milli R.víkur og .t.d Hvolsvallar.Ef kæmi nýtt og hraðskreiðara skip milli VE og þ.hafnar þá styttist tíminn líka á sjó.Ég hef varað við afleiðingum þess ef skipið rekst á brimbrjótshausana með fjölda fólks uppi standandi,Á ekki að geta komið fyrir segja sérfræðingamir En hversvegna eiga þeir þá að vera varðir miklum gúmmífenderum.

 Höfnin í Hanstholm

Ég heyrði einhvern tíma um daginn að þessi tilvonandi höfn var borin saman við höfnina í Hanstholm  á V strönd Danmerkur.Í sögu þeirrar hafnar segir m.a.1917 byrjaði danska stjórnin á að byggja fiskihöfn þarna.Síðan segir m.a"Fra 1917 til 1941 skete der reelt ikke meget udover at der blev spildt en masse penge på næsten håbløse forsøg på at bygge den planlagte vestlige mole. Den blev aldrig gennemført, og en komite nedsat af Ministeriet for Offentlige Arbejder kom i 1951 frem til den konklusion, at Hanstholm var særdeles uegnet til byggeri af en havn, at store tilsandingsproblemer sandsynligvis ville opstå, at det ville være umuligt at vedligeholde en indsejling med rimeligt tilfredsstillende dybde ind i havnen, og at anlægsomkostningerne ville være bedre anvendt til udbygning af andre eksisterende fiskerihavne med roligere vandforhold. Komiteens opfattelse bragte ikke en endelig afklaring,og en ny komite blev nedsat i 1955.

 Kort af höfninni í Hanstholm

 Denne komite kom til den modsatte konklusion. Komiteens opfattelse bragte ikke en endelig afklaring, og en ny komite blev nedsat i 1955. Denne komite kom til den modsatte konklusion.Model forsøg blev udført af professor Lundgren fra Danmarks Tekniske Universitet. I 1960 blev beslutningen truffet og havnen blev bygget i perioden fra 1961 til 1967 for omkring 150 mill. kr.Sem sagt það tók 6 ár að byggja þessa höfn.Þetta segir í upplýsingum um höfnina:

 

 Innri höfnin í Hanstholm.Eystri garðurinn sem ég nefndi sést þarna vel

Havnen består af Forhavn samt 8 bassiner. Bassin 1, 2 og 3 er fiskeri- og trafikhavnsbassiner.Bassinerne 4-8 er rene fiskerihavnsbassiner Ca. 1 sm NE for Hanstholm Havn ligger Roshage Mole, der strækker sig ca. 310 m ud mod N til ca. 3,5 m vand og har en bredde på 6,2 m. Den yderste del af molen er 2,2 m over vandet. Molen blev oprindeligt anlagt, for at både kunne finde læ under landing på kysten. Bund- og dybdeforhold ved molen varierer under forskellige vind- og strømforhold. Fartøjer skal holde god afstand fra molen.

 Þessi færi á 2 tímum í Þorlákshöfn

Dybden ved yderenden af molen er 3,5 m, aftagende ind mod land.På yderenden af molen er et hvidt blinkfyr på firkantet gittermast.Dybder:8,4 m i bassin 1. 7,5 m bassin 2, 3 og 44,9 m i bassin 5 og 6 5,9 m i bassin 8 Som følge af sandvandring kan de opgivne dybder ikke altid påregnes at være til stede foran havnen, i forhavnsbassinet eller overalt i havnebassinerne.Indsejlingen forsøges så vidt muligt holdt oprenset til 9,0 m i fyrlinien under middelspringtidslavvande.Ég læt fólki eftir að þýða þetta svo ekkert fari milli mála og einnig að bera þessar hafnir saman.Og dæma sjálft.Það má bæta við að það þarf oft vélskóflur til að moka sandinum eystri þvergarðinum eftir Sw rok.Það skeði ekki mikið annað en peningaaustur í Hanstholmhafnarbyggingunni  í 24 ár þegar þeir voru að reyna að byggja vestari varnargarðinn.Mikið er ég hræddur um að eitthvað í þá áttins skeði í framkvæmdunum hér ef af verður.Kært kvödd

Bara svona til íhugunar og að láta sig dreyma

 

 

Seðlabanki

 Það er eins og fjandinn hafi loksins tekið af skarið og sé að taka landið upp í skuldir.Einhverjir hafi veðsett  heila klabbið og nú sé komið að skuldadögunum.Hér á landi starfa 2 stofnanir sem gegn um árin hafa  verið ráðgefandi í 2 veiga miklum málum.Þessum tveim stofnunum hafa að margra mati gersamlega mistekist í ráðgjöf sinni og gerðum.Sérfræðingar begga þessara stofnana virðast vera á öndverðum meið við flesta aðra sérfræðinga í sömu greinum en sem ekki starfa í þessum tilteknu stofnunum.Og gefa það nú hálfpartinn í skyn að "sá gamli"sé að hirða hræið með öllu. 

Hér á árum minnir mig að hafa heyrt m.a.af forsvarsmönnum XD  að Vilhjálmur Egilsson væri meðal fremstu sérfræðinga  Íslands og þó víðar væri leitað í hagfræði Ferill hans er hér m.a:".Stúdentspróf MA 1972. Viðskiptafræðipróf HÍ 1977. MA-próf í hagfræði Suður-Kaliforníu-háskóla í Los Angeles 1980 og doktorspróf 1982. Hagfræðingur Félags íslenskra iðnrekenda sumurin 1978 og 1981. Hagfræðingur Vinnuveitendasambands Íslands 1982-1987. Framkvæmdastjóri Verslunarráðs Íslands 1987-2003. Fulltrúi (skrifstofustjóri) í framkvæmdastjórn Alþjóðagjaldeyrissjóðsins í Whashington 2003. Ráðuneytisstjóri í sjávarútvegsráðuneytinu 2004-2006. Framkvæmdastjóri Samtaka atvinnulífsins frá 2006.Nú virðist ekkert að marka þessi maður segir.En þetta segir hann nú m.a.

““Enn og aftur hefur Seðlabanki Íslands hækkað stýrivexti sína, nú í 15,5%, og enn og aftur er það misráðin ákvörðun af hálfu bankans. Seðlabankinn hefur alveg litið fram hjá því við vaxtaákvarðanir sínar á undanförnum misserum að íslenska fjármálakerfið verður sífellt alþjóðlegra og tengdara erlendum fjármálamörkuðum. Sú staðreynd hefur dregið úr virkni hefðbundinnar peningamálastefnu auk þess sem víðtæk verð- og gengistrygging fjárskuldbindinga hefur haft sömu áhrif. Ótæpilegar vaxtahækkanir Seðlabankans hafa því ekki unnið á verðbólgu heldur verið undirrót ójafnvægis og gengissveiflna sem hafa valdið íslensku atvinnulífi miklum skaða.  

Nú þegar íslenska bankakerfið og ríkið búa allt í einu við afar takmarkaðan aðgang að alþjóðlegum fjármagnsmörkuðum hefur það mjög alvarlegar afleiðingar fyrir íslenskt atvinnulíf. Greiður aðgangur að erlendu lánsfé hefur verið undirstaða uppgangs og framfara í atvinnulífinu og nú þegar sá aðgangur hefur takmarkast svo mjög mun hægja verulega á efnahagslífinu. Háir vextir á Íslandi virka svo sannarlega við slíkar aðstæður og herða á samdrættinum þannig að búast má við verulegum erfiðleikum í atvinnulífinu ef aðgangur að erlendum fjármagnsmörkuðum rýmkast ekki á ný. Peningastefna Seðlabankans er mikið áhyggjuefni fyrir atvinnulífið og íslenska krónan er sífellt að veikjast sem samkeppnishæfur gjaldmiðill. Sé litið til þriggja mælikvarða þ.e. verðbólgu, vaxta og gengis gagnvart öðrum gjaldmiðlum, stendur íslenska krónan höllum fæti sama hvert litið er. Þessi veika samkeppnisstaða krónunnar hefur ýtt mjög undir umræður innan atvinnulífsins um hvort íslenska krónan eigi yfirleitt framtíð fyrir sér sem gjaldmiðill þjóðarinnar.

Annar sérfræðingur um stefnu Seðlabankans:""Seðlabankinn hefur misst trúverðugleika sinn og það er orðið sjálfstætt efnahagsvandamál," segir Gylfi Magnússon dósent í hagfræði við Háskóla Íslands.Bregðast verður við segir hann með því að skipta um stjórn bankans og setja yfir hann fagmenn í stjórn peningamála og styrkja gjaldeyrissjóð bankans um leið. Gylfi segir nauðsyn á að stjórnvöld sýni þá djörfung sem til þarf að endurheimta traust Seðlabankans.Seðlabanki Íslands hækkaði stýrivextina í gær og hefur sætt mikilli gagnrýni í framhaldinu. Bent hefur verið á að háir stýrivextir bíti lítt á verðbólguna. Gylfi Magnússon segir margt vera að í efnahagsstjórninni og breytinga sé þörf, ekki síst á Seðlabankanum.

 

Gylfi segir vel þekkt að aðgerðir seðlabanka þurfi að vera trúverðugar eigi þær að bera árangur. Einfaldast væri, í stað bankastjórnar og bankaráðs, að setja eitt bankaráð yfir Seðlabankann, bankaráð sem tæki allar helstu ákvarðanir bankans. Slík breyting krefðist mikillar dirfsku stjórnvalda, Gylfi vill ekki segja til um líkindi til að farið verði að þessum ráðum hans""Hvernig getur staðið á að viðvaranir og tillögur þessara manna eru einskins virtar.Þetta er alveg sama sagan og með Hafró.Bara þeirra sérfræðingar hafa rétt fyrir sér og eru hafnir yfir alla gagnrýni.Í Zimbabe ríkir þjóðhöfðingi sem er búinn að keyra fjárhag landsins til fjand...Þessi þjóðhöfðingi notar allskonar“klæki“til að halda völdum.Nú er stakkurinn farinn að þrengast hjá honum.Nú bíður maður bara eftir að hann verði skipaður seðlabankastjóri landsins.Það verði hanns síðasti klækur Kært kvödd 

Hafró

 

Skelfing er oft leiðinlegt að hlusta á fréttir nú um stundir..Sérfræðingar Hafró segja  að allt sé farið til fjand....Þessir sérfræðingar stofnunarinnar hafa allt aðrar skoðanir á þessum málum en færustu sérfræðingar sem ekki starfa hjá þeim hafa.Ég vil gefa fiskifræðingi sem ekki starfar hjá þeim orðið:

""Furðulegast af öllu er að ráðamenn skulu leyfa Hafró að halda þessari niðurrifsstarfssemi áfram endalaust. Nú sitja í ríkisstjórn 2 ráðherrar sem áður hafa lýst mikilli vantrú á ráðgjöf Hafró, en þeir hafa nú snúist um 180 gráður og beygja sig í duftið. Annar er ráðherra sjávarútvegs en hinn ráðherra byggðamála. Þetta vekur upp spurningu um hvað valdi þessari hlýðni við "vísindin" og hver RAUNVERULEGA stjórni þessu. Það er ekki aðeins verið að valda tjóni á Íslandi heldur riðar sjávarútvegur til falls víðast í hinum vestræna heimi. Það er verið að búa til hungursneyð með því að banna mönnum að sækja sjó" Svona skrifar Jón Krstjánsson 22.2.2008.

 

 Ég bý í Vestmannaeyjum og réri hér á árum áður.Þá þurfti 8-10,12 neta trossur til að ná samsvarandi afla sem þeir eru að fá í 4 trossu með sama netafjölda.Mig langar að vitna í grein eftir Grétar Mar í „Vaktinni"í dag 11-04,þar sem hann skrifar:

""Stærsta vandamál Hafrannsóknar stofnunnar er það hve mjög stofnuninn tekur mið af togara rallinu eingöngu, á kostnað annara gerða veiðafæra svo sem neta og línu. Eftir niðurskurð í þorskveiði heimildum á síðasta ári, eftir að togararall taldi sig ekki finna nægilegt magn af smáfiski sem lagt var til grundvallar þeim niðurskurði, brá svo við að í kjölfarið hafa skyndilokanir svæða sett Islandsmet, þ.e.a.s 100 skyndi lokanir vegna of mikils magns af smáþorski í afla.Nákvæmlega þetta atriði segir nægilega mikið til um það að togarararallið sýndi ekki fram á þá nýliðun sem þarna er í raun á ferð og segir okkur sjómönnum, að hrygning hafi heppnast 2 3 árum áður og óhætt sé að auka veiðar nú.Sömu sögu er að segja um rækjurall síðasta sumars sem sýndi einnig fram á meiri þorsk á miðunum.Þorskur á öllum miðum, sem þó má ekki veiða.

 Sjaldan eða aldrei hefur orðið vart við eins mikinn þorsk allt í kring um landið á flóum og fjörðum og nú undanfarna tvo mánuði sem er  sannarlega ánægjulegt en eigi að síður sorglegt að stjórnvöld skuli ekki eygja sýn á það atriði að rannsóknir kunni að vera vafa undirorpnar og í ljósi þess sé hægt að auka þorskveiðiheimildir nú þegar um að minnsta kosti 40 þúsund tonn á þessu fiskveiðiári.Rækjurallið síðasta sumar sýndi meiri þorsk en áður á Íslandsmiðum. Þorskur á djúpslóð þ. e.a.s.400-600 faðma dýpi á Hampiðjutorginu miðja vegu milli Íslands og Grænlands er eitthvað sem sjómenn hafa ekki átt að venjast en vart var við hann í fyrra og nú í febrúar þar sem hann var hann að ganga til Íslands að hrygna. Í netaralli síðasta árs hefur aldrei fundist meira af þorski, en ekki virtist tekið tillit til þess, samt sem áður""

 Svo mörg voru þau orð.Það hefur verið,eins og kallað var í gamla daga"landburður"af fiski hér í Eyjum í vetur.Allir skipstjórar sem ég þekki og þekkja til þessa svokallaða togararalls,kalla það "arfavitlausa" aðgerð sem ekkert sé að marka.Fólk er ekki búið að gleyma loðnuleitinni í vetur.Samt berja stjórnendur Hafró hausnum við stein og segja alla fiskistofna komna langleiðina til fjan....

Í sambandi við þetta má minna á orð  ráðherra menntamála sem  lýsti því yfir í fréttum ríkissjónvarpsins í gærkveldi að skilaboð íslendina til umheimsins væri að virða bæri mannréttindi. Þetta er athyglisvert í ljósi þess að hún er ráðherra í ríkisstjórn sem lætur sig litlu varða það álit Mannréttindanefndar Sameinuðu þjóðanna að á Íslandi séu brotin mannréttindi á fólki (kvótakerfið).Kært kvödd

Heilbrigði

 

Gamlir kallar mega ekki  festast í einhversskonar væluhlutverki.Vera vælandi yfir öllu sem sem að þeirra mati aflaga fer.Láta ekki neikvæðnina taka öll völd.Sem betur fer er ekki allt að fara til fja.....Það eru sem betur fer ljósir puntar í lífi manns þó maður sé til lítils nýtur.

 

Mig langar til að segja ykkur af einum mikið ljósum punti sem við eigum hér Eyjum .Það er starfsfólk Heilsugæslunnar hér í Eyjum.Ég ætla ekki að gera lítið úr hjúkrunarfólki annarstaðar.en ég fullyrði hvað mig varðar hef ég aldrei fengið eins góða ummönnun og hér á spítalanum.Það getur vel verið að maður verði þakklátari með aldrinum hvað þetta varðar.En hvað um það það hrærir við gömlu sjóarahjarta þegar mjúk hönd strýkur mann um vangan á morgnana til að vekja mann.Þegar maður er frekar vanur við að einhver öskri á mann RÆSSSSSSS svo maður hrökkvi í alla tiltæka kúta.Þegar sagt er blíðlega við mann"Óli minn má ekki bjóða þér fram að borða"í staðin fyrir kannske"ef þú drullar þér ekki strax á fætur færðu ekkert að éta"

 

 

Mikið megum við sem á dvöl á þessari stofnun þurfum á að halda vera þakklát fyrir hve manna valið er þar gott.Og Heilbrigðisstofnnunin í Eyjum má vera stolt af sínu starfsfólki.Einhvernvegin tel ég að starf á svona almennum spítala hljóti að vera erfiðara en þar sem sérhæfing er meiri.Ég get því litið björtum augum á síðustu stundir æfinar vitandi um  mjúkar hendur og hlýan hug sem að öllu óbreyttu munu hlú að mér.Ég get nú ekki annað en sagt en ég held að það sé sama hvernig heilbrigðistkerfið er rekið,bara þeir sem stjórna sjái um að fólki sem vinnur  við það fái mannsæmandi laun svo að í það sæki bara úrvalsfólk í að vinna þar af sama kaliber og hér í Eyjum.Ég get nú ekki annað en þakkað þeim sem öllu veldur fyrir að ég skyldi hafa lagt skútunni minni hér í Eyjum eftir síðustu siglinguna.

 Óli veiki

Velvildinni og allri gestrisninni,sem ég hef orðið aðnjótandi hér segir mér það sem ég svo sannarlega vissi,að í Eyjum býr frábært fólk.Hér er að vaxa upp heilbrigð æska sem kemur til með að gera stóra hluti í framtíðinni.Ávallt kært kvödd

Tollgæsla og fl

Það hljóta margir íslendingar spyrja sig í dag um hvaða öfl það séu sem ætla í gegn um ráðherra Sjálfstæðisflokksins að knýja fram breytingar á störfum Löggæslunnar á Keflavíkurflugvelli.200 milljónir eru sagðar vanta til þess að hlutirnir getir gengið eins og þeir gera.200 milljónir sem ekki fást frá þeim ráðherra sem eftirfarandi var sagt um fjármálastjórn hjá:

 

"" Loks telur Ríkisendurskoðun ástæðu til að gagnrýna harðlega þá staðreynd að nú þegar hafa verið greiddar tæplega 400 m.kr. úr ríkissjóði til verksins, en í 6. grein fjárlaga 2006 er aðeins veitt heimild til „að selja Grímseyjarferjuna m/s Sæfara og ráðstafa andvirðinu til kaupa eða leigu á annari hentugri ferju,Þegar kaupin voru gerð og endurbætur hófust var ekki gert ráð fyrir útgjöldum þeirra vegna á samgönguáætlun. Að mati Ríkisendurskoðunar stenst þessi aðferð á engan hátt ákvæði fjárreiðulaga og getur ekki talist til góðrar stjórnsýslu.""

Peningum „dælt"í ónýtan ryðfúadall,þar sem keyptur var þrátt fyrir aðvaranir þekkts skipaverkfræðings hjá annari ríkisstofnun.Ok þetta reddaði kannske illa stöddu fyrir tæki sem mætti kannske styðja betur við bakið á en þá að gera það eftir venjulegum leiðum.

 

Svo er það braskið á Keflavíkurflugvelli þar er það að sögn fámennur hópur sem komi víða við sögu í tengslum við kaup fyrirtækisins Háskólavalla á 1.600-1.700 íbúðum á Keflavíkurflugvelli fyrir 14 milljarða sem sagt er að sé um helmingur markaðsverðs á fasteignum á svæðinu.Aðaleigendur Háskólavalla eru Glitnir og Klasi. Ekki einasta er bróðir fjármálaráðherra, aðaleigandi Klasa, heldur eru náin tengsl þess félags bæði við Glitni og eins við Eignarhaldsfélagið Fasteign sem á eiginlega allar skólabyggingar, sundlaugar, íþróttamannvirki og meira að segja skólpdælustöðina í Reykjanesbæ.Reynist þetta rétt að þarna hafi farið 10-14 milljarðar í einskonar"brotherhodd".Þá finns mér ætti að nú að staldra við og athuga sinn gang,

 

Hinn,hér árum áður,þekkti náttúrufræðingur og vísindamaður Dr Helgi Pétursson hélt fram kenningu sem mig minnir að hafa heitið"Nýall"og fylgismenn kenningar hanns voru kallaðir "Nýalssinnar",að mig minnir.Ef ég man rétt það rétt lifðu menn á þessum hnetti alheimsins til að fá reynslu(bæði góða og slæma að mig minnir)eftir þessum kenningum.Og eftir athöfnum hér og lifnaðarhætti færðust þeir á tilsvarandi hnött við dauðan.Ekki vil ég gera lítið út úr þessum kenningum eða fylgismönnum hennar eða uphafsmanni(sem var virtur vísindamaður í sinni grein)En mér bara finnst þessi maður sem nú er ráðherra fjármála vera svo veruleikafyrrtur að það er eins og hann sé lifi ekki lengur meðal vor.

 

Einhvenrntíma þegar ég las fræði Helga um „Nýalinn"kom upp orðið"Framnýall"Ég held að ráðherra fjármála sé orðinn svo"framnýalssinnaður"að hann sé komin á annan hnött og kíki bara einusinni í mánuði á þann gamla.Og í framtíðinni verði ekki hægt að ná í hann nema í gegn um miðil.Ímyndi ykkur 200 milljónir til að halda áfram hinni sköruglegu löggæslu sem framkvæmd er á Keflavíkurflugvelli.Síðasta dæmið í fyrradag.Það var Lögreglan og tollgæslan á Suðurnesjum lögðu í gær hald á um þrjú kíló af amfetamíni sem hafði verið haganlega komið fyrir undir fölskum botni ferðatösku. Töskueigandinn var umsvifalaust handtekinn og í dag var hann færður fyrir dómara við Héraðsdóm Reykjaness og úrskurðaður í þriggja vikna gæsluvarðhald.Maðurinn, sem er Íslendingur um tvítugt, var að koma frá París.

 

Hann hefur áður komið við sögu lögreglunnar.Dettur einhverjum heilvita manni að 20 ára piltur geti fjármagnað kaup á 3 kg af amfetamíni.Fólk spyr sig ýmissa spurninga.Hversvegna í ósköpunum á að fara að hrófla við þessari starfsemi sem sýnir þennan góða árangur.Böndin hvað varðar smygl á eiturlyfjum eru líka að berast inn á aðra stigu í þjóðfélagið.Starfsmaður þekkts flutningafyrirtækis og og inn í sjálft ráðuneyti fjármála.Ég á bágt með að trúa að Lúðvík Bergvinsson alþingismaður láti þetta viðgangast eftir yfirlýsingu frá honum um daginn.Þótt ég styðji ekki flokk Lúðvíks þá hef ég alltaf litið á hann sem heiðarlegan og sjálfum sér samkvæman.

 

Enda af góðu fólki kominn.Ég get engan veginn skilið af hverju á að fara að"rugga"bátnum núna þegar þessi árangur er að nást af þessu starfi Látið Jóhann Benediktsson og menn hans í friði við sín störf.Hvað með að taka þessar 200 milljónir,hugsið ykkur það er verið að"væla" yfir 200 miljónum sem kannske gætu komið í veg fyrir að minnka innflutning á  þessari ógæfu sem eiturlyf eru.hvað með að tala eitthvað af þessum afgangi sem allir stjórnarherrarnir eru að hælast yfir.Ég hlakka satt að segja til að sjá næstu skoðanakönnun.

 

Og ég hlakka til næstu alþingiskosninga.Hvort það er raunin að það sé ekkert nema grautur(samskonar og ég var píndur til að borða sem barn)á milli eyrnana á fólki í þessu landi,eins og þessir allavega alæðstu menn þjóðarinnar virðast halda.Maður er farinn að halda að þessi títtnefndur ráðherra sé bara að gera nógu mikið af sér áður en hann sest í stól fostjóra Landsvirkjunnar:Hingað lesin kært kvödd

 

Bakkafjara

 

Mig langar til að benda mönnum á grein í Fréttablaðinu í dag eftir hafnarvörð í Eyjum.Mér hefur fundist málflutningur manna meðmæltra Bakkafjöruhöfn mikið byggast á,að það séu að þeirra mati einhversskonar sjálfskipaðir „sérfræðingar"eins og t.d.Grétar Mar sem séu á móti henni.Sérhæfni Grétars í þessu máli fellst t.d.í því að sigla skipi með þaulæfða áhöfn í gegn un brimgarð.Reynsla sem er dýrmæt þótt Bæjarstjóri Verstmannaeyja geri lítið úr henni.

 

Hann er stundum að benda á menn sem hann telur lítið vit hafa á málunum og oft er ekki annað að skilja á honum en að flestir sjómenn hér í Eyjum séu samþykkir þessari höfn.Hann nefnir aldrei á nafn einn harðasta andstæðing tilvonandi hafnar.Virtan skipstjóra sem fyrir utan að vera farsæll skipstjóri hér í Eyjum,ólst upp á þessum slóðum.Ég vægast sagt vorkenni þeim manni,ef af þessu verður sem á að sigla fyrirhuguðu skipi þarna inn í þessa fyrirhuguðu höfn.Inn á höfn sem enginn þekkir til og á skipi sem hann þekkir sama og ekkert.Þó svo hann hafi kannske siglt því heim frá byggingarstað.Ég hef t.d. bent á hvað getur skeð ef skipið t,d,rekst illilega á í hafnarmynninu við komu.Með kannske nokkra tugi fólks uppistandandi innan um stóla og borð.

 

Menn tala um öryggisbelti,en ég held að maður þekki sitt"heimafólk"ef maður getur orðað það svo.Allavega þegar talað er um ötyggisbelti í umferðinni.Og er ekki fólk beðið um að bíða eftir að flugvélin sé algerlega stöðvuð þegar þær eru lentar.Dæmi hver fyrir sig.Ég myndi líka vilja segja að það ætti að klára Þorlákshafnar höfn áður en farið verður í smíði nýrrar á þessum slóðum,Ég myndi vilja benda framámönnum í Vestmannaeyjum að lesa grein hafnarvarðarins og gefa góðan gaum að tillögum hans um bætingu á Vestmannahöfn.

 

Hafnarvörðurinn endar greinina á þessum orðum"Undirritaður er orðinn það fullorðin að hann man eftir því þegar Eyjamenn voru að berjast fyrir bættum samgöngum um daglegar ferðir milli lands og Eyja.Það er ekki sú staða sem ég vil sjá ungt fólk þurfa að fara að berjast fyrir á nýjan leik"Af mér séu þið sem hingað lesið hafa,kært kvödd

Lífið og tilveran

Ég ætla að byrja á formálanum á blogginu mínu:„Ýmsar hugleiðingar settar fram af manni, sem seint verður kallaður einhver spekingur,en leyfir sér að hafa skoðanir á ýmsum hlutum.Þ.e.a.s elliærum fyrrverandi sjómanni og áhugamanni um gott líf á Íslandi og þá sérstaklega í Vestmannaeyjum,þar sem hann býr.Líf í sátt og samlyndi við alla“

 

Bið menn að hafa þetta í huga við lestur á þessum hugleiðingum.Maður sest stundum niður og fer að reyna að nota þessar sellur er eftir urðu er  við“Bakkus“ skildum að skiftum til að reyna að botna svolítið í lífinu og tilverunni.Kannske meir í tilverunni því lífið skröltir áfram á sínum gömlu tólum. Peningur  hafa alltaf verið mér óþægur ljár í þúfu.Ég hef aldrei kunnað með þá að fara.Var oft í góðum plássum og þénaði vel.Þeir sem hafa haft Bakkus að förunaut þekkja vel hve dýr hann er í rekstri.Svo lauk því tímabili og ég fékk smá vitglóru í kollinn en ekki hvað peninga varðar.En hvað um það.Ég get ekki á nokkurn hátt skilið hina svokallaða hagfræði.Það er ofar mínum skilningi að ef ég (og mínir líkar)sem er  ellilífeyrisþegi með 120.000 á mánuði fæ nokkura % hækkun á mánuði þá set ég af stað eitthvað sem heitir „Verðbólga“.

 

Í  mínum huga er sama í hvaða fjand... fjárfestingum menn festa sína peninga.Hvort það heitir,Virkjanir hvaða nafni sem þær nefnast, Álver, Olíuhreinsistöð, Flugfélög, Verslanasamsteypur,eða hvað þetta heitir nú allt saman allt.Allt stefnir að því að búa til hluti eða verknaði sem hinn almenni þegn kaupir og borgar fyrir,Nú virkjanir sjá allskonar iðnaði fyrir rafmagni þar á meðal álverum sem framleiða ál sem svo aftur er notað í allskonar hluti í bílaframleiðslu og svo í potta og pönnur svo eitthvað sé nefnd.Olíuhreinsistöðvar hreinsa hráolíu svo hún sé nothæf á bíla sem diselolía og bensín,Flugfélög flytja fólk sem þarf að komast milli staða þá þá oftar en ekki í sumarleyfi.Í verslunarkeðjunum kaupir maður svo mat.fatnað,skótau auk annars til hins daglega lífs.Að mínu mati er sá hópur alltaf að stækka sem ekkert getur látið eftir sér.

 

Bilið á milli hins ríka og hins fátæka er alltaf að stækka því miður hér á landi.Þetta féleysi hins almenna borgara hlýtur að segja til sín fyrr en síðar.Þegar fólk fer að halda að sér höndum í t.d bílakaupum.potta og pönnukaupum.Það hlýtur svo að minnka olíu og bensínkaup.Fólk hefur ekki lengur efni á sumarleyfisferðum utanlands.Nú fata og skókaup hljóta að minnka.Mér finns eitthvað vera hér sem ekki gengur upp.Ég taldi mig hafa lesið það að „krakkið“mikla í USA hafi stafað út af því að verðlag og laun héldust ekki í hendur.Skemmur fylltust af óseljanlegum varningi.Vegna þess að hinn almenni borgari gat ekki keypt eins mikið og áður hafði verið. Peningar, og það mikið af þeim eru hringsólandi(í þess orðs fyllstu merkingu samanber þyrlukaup sumra auðmanna)einhverstaðar fyrir ofan okkur.

 

Þessi ófögnuður er að senda menn með taugaáföll inn á spítala að sögn.Það hlýtur að fara að koma að þeim degi að ég og við hin hérna niður á jörðinni fáum að fá meira af peningum svo við getum keypt meir af þeim afurðum sem á endanum koma út úr öllum þessum fjárfestingum hvaða nafni þær nefnast.Í mínum huga er þessi svokölluð"hagfræði"bara kenningar sem menn hafa sett fram.Ekki neinar staðreindir eins og það að 2x2 eru 4.(þó að ráðherra fjármála og fl vilji stumdun halda öðru fram)Svo fá menn Nóbelsverlaun fyrir þessar kenningar og menn læra þær í háskólum og allir verða að fara eftir þeim.Þeir sem hafa haft nennu til að lesa  þessar hugleiðingar mínar séu kært kvaddir

Olíuskattur,m.m

Ég er mikið hlyntur baráttu vörubílsstjóra og annara vegna skatta sem ríkið leggur á eldsneyti.En maður hýtur að spyrja sig hvað skyldu margir af þeim hafa kosið og t.d.stutt sjórnarflokkana í síðustu kosningum og skoðanakönnunum.Það virðist vera almennt samúð með þessum aðgerðum  í þjóðfélaginu.Langtímaminni íslendinga virðist oft vera lítið.Nú verður gaman að fylgjast með skoðanakönnunum á næstunni.

 

Ég fyrir mitt leyti hef ekki mikla trú á að barátta bílstjóranna við ráðherra fjármála skili nokkrum árangri .Hann er löngu búinn að hreiðra um sig í fílabeinsturni einhverstaðar svo hátt uppi að ég efast um að þotan sem forsprakkar stjórnarinnar flýðu á til Rúmeníu hefði þol í þær hæðir.Hann virðist svo gerssamlega slitinn úr sambandi við íslenskan samtíma að með endemum er.Svo veruleikafyrrtur er hann að æðstu eftirlitsstofnanir í landinu ná ekki yfir hans gjörðir,Ef sett er ofan í við hann rífur hann bara kja.En ég gæti trúað að eithvað gæti komið út frá ráðherra samgangna Kristján er enn í svona  temmilegri  flughæð ráðherra enda ungur í starfi.

 

Og þrátt fyrir óljós svör við sömu spurningu sem hann spurði með svo miklum áherslum sem raun bar vitni um á sínum tíma í ræðustól á Alþingi.Nú svo að flóttaliðinu.Lítið hefur nú ástandið í Afganistan batnað og fremur hefur ástandið á herteknusvæðunum í Palestínu versnað en hitt.Þrátt fyrir ferðir íslenska ráðherra utanríkismála.Paul Valéry á að hafa sagt einusinni“Stjórnmál er listin að koma í veg fyrir að fólk skifti sé af því sem því kemur við“

 

Á sama tíma og ráðherra fjármála hefur enga peninga til,að það fólk sem vann að því  hörðum höndum til að koma fólki,þar á meðal honum til þeirra lífskjara sem það býr við í dag sjái til sólar(bara hérlends).Þá er ekki fjárlög fyrir því á sama tíma og fleiri hundruð milljónum er hent í kolryðgaðan fúadall utan við fjárlög.Ráðherra utanríkis virðist eitthvað hafa misskilið starfsheiti sitt.Hún er utanríkisráðherra en ekki utan ríkisráðherra í ríkisstjórn Íslands og ráðuneytið er í Reykjavík.í hádegisfréttum  taldi hún kosnað við þotuflugið vera á milli 120.000 og 300.000.Það var að heyra á henni að það sé skítur á priki.Fyrri talan mánaðarlaun min f skatt.Jæja það er að koma vor á almanakinu en það er ekki vor sýnilegt hjá eldriborgurum.Ég vil benda fólki á að fara inn á eftirfarandi slóð :

http://www.lo.no/portal/page/portal/LONO/PAG_NOR_FORSIDE_HOST1

Ávallt kært kvödd

Líf,heilsa og löggæsla

 

Þar nú svo bæði með vélar og menn að þegar þau eldast þurfa þau meiri aðgæðslu og ummönnun.Ég tala nú ekki um þegar keyrslan hefur verið í óhófi hér áður fyrr.Í dag er 1sti dagur minn"på fri fod"eftir algera yfirferð hjá hinum ágæta yfirlækni Heilbrigðisstofnun Vestmannaeyja og hinu  ekki síðra ágæta starfsfólki sem þar starfar.Það er nú efni í sérstakt blogg.Það má segja að maður hafi verið tekin frá A-Ö.Síur hreinsaðar,pumpan athuguð og króntappinn ,ja við skulum ekki tala um hann.Svo voru allskonar tegundir efna prófaðar til að halda þessu gamla"hrói"í sem besta lagi.

 

Svo nú er sá gamli komin í,allavega skoðunarfært ástand.Nú ég var að væla um daginn um tölvuskort ella heldur vandræði með gamla tölvu sem komin er í aftökuklefann.Og enn hef ég heppnina með mér eins og í heilsufars málum Ritstjóri"Heima er best" vill hlaupa  undir bagga með mér gegn því að fá aðgang að þessu "grúski"mínu og fá að birta þar það sem ég kem til með að grúska af neti og úr minni mínu á næstunni.Svo að ef einhver hefur áhuga á tilvonandi grúski mínu þarf sá hinn sami að kaupa það blað.

 

En ég kem nú til með að skifta mér svolítið af líðandi stund og birtra hér.En ég hef nú frekar lítið fylgst með landspólitíkinni.Blöðin bárust illa inn á deildina sem ég lá á og ég hreinlega grét það ekki.Og ég nennti oft ekki að horfa á sjónvarpið.En eitt er það mál sem mig langar að rífa kja.. yfir.Það er þetta með hringlið með embættin á Suðurnesjum.Hvað er eiginlega í gangi.Hverjum er það í hag að ganga svona blákallt gegn vilja flestra sem að mínu mati hafa vit málinu.Það virðast vera til sterk öfl í landinu svo sterk að enginn,sem þekkir til þeirra þorir ekki að nefna þau..Hvaða öfl eru það sem stóðu t.d. bak við hótanirnar í garð löggæslumanna í Keflavík.?

 

Hvaða öfl standa á bak við smyglið á eiturlyfjunum til landsins?Öfl sem þeir sendiboðar sem"skotnir"eru þora ekki að nefna nöfn á.Dettur t.d. einhverjum í hug að "Pólstjörnu"smyglið hafi verið"fjármagnað"af þeim sem dæmdir hafa verið fyrir?Getur verið að það sé"einhverstaðar" verið að þrýsta á einhverja til að veikja þær varnir sem Lögæslan á Suðurnesjum er búin að byggja upp.Þó alltaf sé verið að"skjóta sendiboðana"þá hlýtur Það að skaða "þessi"öfl sem standa sennilega að baki meirihluta smyglsins á eiturlyfjum til landsins.

 

Hver sem þau eru og hvernig sem þau starfa hlýtur það vera þeim til hagsbóta ef fleinn er rekinn í hold löggæslunar á Keflavíkurflugvelli.Ég hef hlustað rökin bæði með og á móti þessum áætlunum og mér finnst satt að segja að rökin á  móti þessum, áformum sterkari en þau sem eru með.Og hugsið ykkur um leið og milljarðar eru lánaðir og gefnir nokkrum vildarvinum í formi húseigna á Vellinum er farið á sjá á eftir nokkrum milljónum til  þess að æskulýður þessa lands verði sem mest án eiturlyfja.Verið ávallt kært kvödd og heilt lifandi.

Svörtu nóturnar

 

 

 

Það er sagt að í Etýðu fyrir píanó,opus 10 nr 5 eftir Frederic Chopin,sé aðeins einn tónn á hægri hendi,sem er spilaður á hvítu nótunum.Allt annað er spilað á svörtu nótunum.Af hverju er ég að segja þetta jú mér dettur þetta í hug er ég hugsa um hvernig stjórnendur sjávarútvegs í fiskveiðiþjóðfélaginu Íslandi hafa spilað sínar"Etýður"gegn um tíðina.Allt spilað á svörtu nótunum.Og nú hef ég í huga skilgreiningu almennings á hvítu og svörtu.

 

 

Gerir fólk sér grein fyrir  smáninni sem felst í væntanlegum aðgerðum nokkurrra loðnuútgerðarmanna.Að fara að rannsaka loðnuna sjálfir.Það yrði nú Íslenska Sjávarútvegsráðuneytinu til ævarandi skammar ef af verður.Þá getur það lið sem þar stjórnar pakkað allt saman niður og snúið sé að sorphirðingu.Ekki að sorphirðu sé ekki heiðarleg vinna en ég gæti haldið að þessir menn þyrftu ekki að hugsa eins mikið og í núverandi starfi.Að vísu eru það fleiri sem ættu að skammast sín og taka pokann sinn.

 

 

Mér finnst satt að segja"fjárveitingarvaldið"upp til hópa ætti að skammast sín.Skammast sín fyrir það að hafa haldið Hafrannsóknum í spennitreyju allar götur frá stofnun þessa svokallaðs lýðveldis.Ef minnið er ekki að bregðast mér þess meira man ég ekki betur en að Íslenskir útgerðarmenn hefðu"gefið"ríkinu 1sta almennilega "Hafrannsóknarskipið"Árna Friðriksson.Hugsið ykkur á þessum tima var Ísland í 1sta sæti hvað varðaði þyngd afla per sjómann.En við áttum ekkert almennilegt hafrannsóknarskip.

 

 Gjöf útgerðarmanna til Ísl.ríkisins 1967 ??

Og "ríkið"sem þó hirti dágóðan hlut af afrakstri sjávarútvegsins allavega með sköttum á sjómennina lét sig hafa það að þiggja þessa"ölmusu"Ja svei´ttan.Nú svo fengust peningar og skip var byggt.Ég man þegar það kom.Maður heyrði að ætlun Sjávarútvegsráðuneytisins hefði verið  að setja skipið undir Landhelgisgæsluna en Jón Jónsson þv forstjóri hjá Hafró á að hafa lamið í borðið og sagt nei.Þarna er ég að tala um r/s Bjarna Sæmundsson.Hinn mikli öðlingur,dugnaða og aflamaður Sæmundur Auðunsson var ráðinn skipstjóri.Ég var 1sti stm á síðutogara og úti á sjó er skipið kom fyrst til landsins.Mér er minnisstætt samtal sem einn af bræðrum Sæmundar(hann átti 4 bræður sem allir voru togaraskipstjórar og ef mig misminnir ekki allir að störfum er þetta var),þá nýkominn úr landi búinn að skoða skipið og sennilega átt orðastað við bróðir sinn uim það,átti við annan skipatjóra og sem ég hlustaði á.

 

 Skipið með stóru tromlurnar 

Hann sagði m.a. að ekki væri að sjá að maður sem  eithvert hundsvit hefði á sjómennsku hefði komið nálægt hönnun skipsins(en Sæmundur kom mun ekki hafa komið að smíðinni fyrr en á endasprettinum.og litlu fengið að ráða.Þess ber líka að geta að þarna voru"togarakallar"að tala sama og líka að þá þekktist ekki annað en að slaka vírunum út manualt)Hann tók sem dæmi að það sæjist ekki úr brú á vinnudekkið og að þegar"slakað væri út"sæu spilmennirnir ekki merkin á trollvírunum vegna hve háar spiltromlurnar væru.Það þyrftu 2 menn að standa fyrir aftan spilið og kalla merkin þegar slakað var út.

 

 Núverandi flaggskip Hafró  

Svo man ég að bróðirinn orðaði það svo að skipstjórinn væri eins og"strætisvagnabílstjóri"framm í tækjalítilli brúnni.En einhver tækjaklefi mun svo hafa verið aftar.Ég hef aldrei um borð í þetta skip komið en ég tel mig muna þetta samtal nokkuð vel.Maður man ýmsa hluti vel þegar þeir koma manni á óvart.Eiríkur Kristófersson sagði í útvarpsviðtali sem haft var við hann þegar hann varð 100 ára(hann varð að mig minnir 104 ára):""'Ég man samtal sem ég átti við mann fyrir 50 árum,man það frá orði til orðs en ég man ekkert hvað hjúkrunarkonan sagði við mig fyrir 10 mín síðan""En að vinnubrögðum þessarar svokölluðu Hafrannsóknarstofnunnar og andúðar hennar á að starfa með sjómönnum.Ég man eftir því að í kring um 1970 var ég 1sti stm á síðutogara.Þetta var seinnipart vertrar að mig minnir og loðnan búinn að ganga sína venjulegu göngu V með S-landi og komin ínn á"Víkurnar"við Reykjanes og veiði orðin lítil sem engin.

 

 Svona lítur fiskurinn út sem "Hafró"spekingarnir fullyrtu að Auðunn Auðuns þekkti ekki  

Við,á togaranum sem ég var á vorum vestur í Víkurál.Fiskurinn fullur af loðnu og trollin voru loðin af henni.Þarna var líka b/v Hólmatindur SU undir stjórn Auðuns eins af bræðrum fyrrgreinds Sæmundar.Hann var alltaf að"hringa"í Hafró og segja frá þessu.En þeir vildu ekki hlusta á hann.Ég man eftir(sennilega síðasta samtal hans við þá í það skiftið)Þá sagði "spekingurinn"á Hafró við hann."þetta getur ekki verið þú þekkir bara ekki loðnu.Þetta var nú aðeins meira en hinn dugmikli aflamaður þoldi og"spekingurinn"fékk að heyra álit skipstjórans á honum og það á hreinni kjarnyrtri íslensku.En svo var það að Hafrún ÍS(ex Eldborg GK)gafst upp á veiðinum við Reykjanes og hélt heimleiðis.Þeir gerðu lykkju á leið sína og komu þarna út og viti menn skipin komu og fylltu sig hvert á fætur öðru og ef ég man rétt endaði leikurinn í Kolluálnum.Þeir hjá Hafró klóruðu sér bara í höfðinu(eins og þeir virðast vera að gera í dag)og vissu ekkert í sinn já haus.Og svo er það"Togararallið"fræga.Ólærður og vitgrannur gamlingi eins og ég spyr sig hvernig hægt sé að mæla stofnstærð þorsks með nokkrum hölum á nokkrum togurum á nokkrum stöðun kring um landið.

 

 Þorskur,fiskurinn sem allir aðrir en Hafrámenn finna.

 

Ég man svo langt að línubátar voru að"rótfiska"rétt hjá okkur á togurunum sem fengu ekki bein.Svona var það(og ég hef grun um að sé enn)að það fiskast mismunandi eftir hvaða veiðarfæri er notað á svipuðum stöðum.Heyrt hef ég sögu af síðasta"netaralli"(sem kom víst of vel út fyrir Hafró)Þekktur skipstjóri kallaðu upp einn "rallbátinn"sem var með eina trossu nálægt hans trossum og spurði hvað hefði verið í hana."150 fiska"var svarið"Hvað segirðu á hinn að hafa sagt.  Ég hef verið að fá 6-800 fiska í trossurnar mínar hérna.Þetta var ekkert athugað frekar.Spekingunum frá Hafró kom  svona lagað ekki við.

 

 

Nóg um það.Það má segja það furðum sæta hve oft þetta svokallaða lýðveldi hefur oft þurft að fá hluti"gefins þegar t.d um er að ræða öryggi sjómanna.Ég man ekki betur en"Þjóðin"hafi safnað fyrir 1stu björgunarþyrlunni.Fleiri dæmi sem of langt væri að rekja hér.Einnig hve yfirvöld eru sein í gang hvað ýmsan öryggisútbúnað fyrir sjómenn.Ímyndið ykkur það tók um 10 ár að fá lögleiddan,einfaldan öryggisútbúnað sem hinn snjalli hugvitsmaður Sigmund hannaði varðandi.neyðarstopp á netaspilum.10 ár og mörg alvarleg slys.Nei það er með ólíkindum hve erfitt hefur verið að fá fé til Sjávarútvegsmála í þessu fv Lýðveldi.Ég segi fv því eftir að hafa hlustað á Silfur Egils á sunnudag sér maður hve fólk er í járngreipum ægisvalds bankaveldisins.Það fer allavega að styttast í að almenningur geti strokið frjálst um höfuð allavega svona hvurndags.

 

Svo er oft til nógir peningar til allslags"gæluverkefna"hinna ýmsu ráðherra.Þó að ekki fáist peningar til almennilegra fiskirannsókna(þetta er kannske nóg til að eyða í þessa stofnun við Skúlagötuna)þá er ég viss um að ef búið væri að finna upp"sjálfskeinara"væri búið að kaupa slíkt apparat til allra ráðuneytana og að maður tali nú ekki um öll"Ambassaden"út í hinni víðu veröld.Menn ættu að skammast sín loka 2-3 slíkum og setja peningana í fiskirannsóknir í þess orðs fyllstu merkingu.Mikið finnst mér orð sem Kiljan lætur Jón Marteinssonar segja við  nafna sinn Hreggviðsson í"Íslandsklukkunni"Við skulum fá okkur franskt brennivín-og súpu.Ísland er sokkið hvorteð er"eiga við einmitt í dag.

 

Þetta verður sennilega síðasta blogg mitt allavega um hríð.Þessa fjandans flensuóværur sem hafa verið að hrjá mig undanfarið virðast vera hlaupnar í tölvuna mína.Það tók mig ekki svo langan tíma að hripa þetta niður(þó notuð sé"leitið og þér munið finna aðferðin)en að koma því inná bloggið þess meiri.Fja..... talvan er alltaf að frjósa og slá út á"Internetinu"þetta hefur verið að ágerast og nú er ég búinn að fá nóg.Ég fór með hana til öðlingsins hans Guðbjörns (sonur hins kunna Guðmundar Halldórssonar skipstjóra í Bolungavík) tölvuviðgerðarmanns hér í Eyjum.Hann leit á mig og sagðist vera steinhissa á að hún skuli ganga enn með þessu prógrammi svo gömul sem hún væri.Þegar menn eru með óráði í peningamálum búnir að mála sig út í horn eins og ég sem með mistökum og"lappadrætti"er komin í ónáð hjá hinu háa Bankaveldi rúin korta og lántrausti ,þá er ekki afgangur til tölvukaupa af því sem þetta fv lýðveldi en núverandi bankaveldi lætur aflóga aumingum eins og mér af sínu mikla örlæti í té per mán í krónum talið.Jæja þeim svíður er undirm.....En nú er mál að linni ef einhver hefur nennt að lesa þetta kveð ég þann sama kært.Og ég þakka fyrir mig Ég kveð með orðum skáldsins frá Skáholti:"Stæli ég glóandi gulli/úr greipum hvers einasta manns/þá væri ég örn minnar ættar/og orka míns föðurlands/"

Beiðavíkurbörn á einkaheimilum

 

Eins og hundur fell ég flatur/fyrir því á hverjum degi/.Svona hljóðaði seinnipartur vísu um brennivín.Skelfing er það orðið þreytandi að vera orðin svona gamall veiklaður.Þurfa liggja flatur fyri hverri flensuóværunni á fætur annari.Er að rísa upp úr enn einni óværunni(ekkert með brennivín að gera).Ég var að bögglast til að blogga um daginn um ástina.En ég hefði það átt að minnast orða Voltaire,þegar hann sagði.""Ástin deyr með árunum,en sjálfselskan endist út lífið""Nú er enginn til að segja"dru..... þér á lappir það er ekkert að þér"og ef maður finnur einhvern sting einhvernstaðar snýr maður sér til veggjar og hugsar"auminga ég komin aftur með flensu"og sofnar aftur.Og enginn hreyfir mótmælum(sumir fegnir,fá þá kannske ekki yfir sig margra mínútna fyrirlestur hvernig ekki eigi að stjórna málum.)Það er enginn vafi á að maður getur legið í sig einshversskonar sjálfselskukraftleysi.

 

En svo að allt öðru.Nú íhugar ríkisstjórnin bótagreiðslur til þolenda ofbeldist á þessu,nú  fræga drengjaheimili"Breiðuvík".Þetta hýtur að vekja upp fleiri spurningar en við nokkurntíma fáum svör við.Ég ætla mér ekki að gera lítið úr því sem þarna virðist hafa viðgengist.langt frá því.En agi var alltöðruvísi framkvæmdur hér á árum áður.Og ekki alltaf notuð þau meðul sem þekkjast í dag.Eru peningar smyrsl á öll sár?Voru það bara drengir er urðu fyrir ofbeldi líku því sem nú er að upplýsast að skeði á Breiðuvík í uppeldi sínu?Hvað með börn er sett voru t.d.til"vandaðs fólks"eftir aðgerðir Barnaverndarnefnda á hinum ýmsu stöðum?.T.d. í kjölfar hernámsins á sínum tíma?

 

 

Mörg börn lenda í"vondum málum"vegna skilnaðar og eru óspart notuð sem verkfæri til að hefna sín á fv maka.Ég veit t.d af eigin reynslu hvernig er að"taka við annaramannabörnum".Stanslaus afbrýðissemi,ásakanir um stolið sæti o.sv.fr.Getur verið að ég hafi einhverntíma orðið"bótaskyldur"gagnvart barni sem ég kom illa fram við.Og ég hef líka reynslu af að vera annarar "konu sonur".Ég þekki sögu manns sem móðir setti frá sér þegar hann var 2ja ára.Hún fór með hann í fóstur til frændfólki úti á landi,sem hann hafði aldrei séð.Þessi maður man enn í dag,þann dag sem mamma hans fór frá honum og skildi hann eftir þótt komin séu nokkuð margir tugir ára síðan.

 

Að mínu áliti geta fáar konur tekið að sér hlutverk hinnar réttu móður(af einhverjum ástæðum sem ég skil ekki sjálfur tala ég alltaf um móðir í þessu sambandi) ef viðkomandi barn hefur þekkt eitthvað til hennar.Þarna eru sennilega margir ósammála mér.5 árum seinna var þessi maður svo tekin frá þessu frændfólki sínu til nýgifts föður síns sem hann hafði aldrei séð.Föðurs sem lítið sem ekkert skifti sér af honum sérstaklega,ekki á þeim tíma er hann þurfti hans sérstaklega á að halda vegna gerbreyttra aðstæðna.

 

Ég sá eitt sinn mynd frá rannsóknum sem gerða voru á einni tegund af öpum.Dæmin voru tekin af 2 ungum annar alin upp á eðlilegan hátt hinum var komið fyrir í búri hjá gerfiapaynju.(hvernig hún var útbúinn er ég búin að gleyma)En ég gleymi aldrei þegar litli móðurlausi anginn var að reyna að hjúfra sig af öllum mætti upp að gerfimömmunni til að fá einhverja ástúð og vernd.Síðan var sýnt hvernig þessi litli aumingi var titrandi af ótta við allt sem hreyfðist í átt til hans og reyndi að fá þá vernd sem honum eiginlega bar en fékk enga. 

 

En hver hlýtur að tala út frá sinni reynslu og eða viðhorfi og sannfæringu..33 af þessum svokölluðum Breiðavíkurdrengum eru látnir.og 11 hafa ekki tjáð sig.Hvernig á að fara með þeirra mál.Um hvað er fólk eiginlega að hugsa þegar það heldur að ör eftir sár sem sett eru á litla barnssál séu bætt með peningum tugum árum seinna.Nokkurskonar lýtalækningar???.Mér finnst áhugavert að hlusta á orð Bárðar R. Jónssonar.Og mér finnst hann eiginlega hitta naglan á höfuðið þegar hann segir "að sennilega gætu velflestir farið fram á bætur bara fyrir að vera til""Mér hefur alltaf fundist Bárður vera sjálfum sér samkvæmur í öllum hans frásögnum og athugasemdum um þetta mál. Ég hef ekkert á móti að reynt sé að koma á móti þessum mönnum á einhvern hátt.

 

En hvað þá með önnur mál ef upp komast frá öðrum samsvarandi heimilum.Ég er viss um að þetta"Breiðavíkurmál"hefur hrært í miklu fleiri sálum en almenningur gerir sér ljóst.Ég er hræddur um að það hafi mörg dæmi hliðstæð þessu máli hafi skeð inn á"góðum"heimilum.Það séu  margir sem hafi upplifað svipað en vegna þess að margir eru kannske "komnir yfir það" og líka til að forðast sárindi við gamallt fólk sem taldi sig vera að gera góða hluti láti kyrrt liggja.Hræddur er ég um að Ríkissjóður verði seint  þess megnugur að bæta allan þann skaða og sársauka sem börn hlutu,og hljóta enn ef eitthvað bregst í frumbernsku.Hverju sem um sé að kenna.En látum þetta verða okkur víti til varnaðar.Með von um"flensulausa"framtíð séu þið sem hingað hafa lesið,kært kvödd

Eitt frægasta ástaræfintýri á síðustu öld

 

19 júni 1896 fæddist stúlka í Blue Ridge Summit í Pennsylvaniu.Hún hlaut nafnið Bessie Wallis Warfield.Það er kannske ekki merkilegt að lítil stúlka fæðist.En þessi litla stúlka átti  hreinlega eftir að setja eitt af stórveldunum á annan endan og breyta gangi sögunnar svo um munaði.Ég sá í gærkveldi kvikmyndina Skýaborgir sem kom dálitlu róti á hug minn.Ekki ætla ég mér að klæðast kápu kvikmyndagagnrýnanda en mér fannst þessi kvikmynd góð og sýnda hve vinskapur og ást getur verið,sterk öfl.Þetta er kannske ekki gáfulega að orði komist en þessi kvikmynd hafði mikil áhrif á mig.Konur hafa verið miklir örlagavaldar í mínu eigin lífi.En það verður ekki rakið hér.

 

 Bessie Wallis Warfield eftir 1sta skilnaðinn

Góð vinátta og ást hlýtur að vera mönnum mikilvæg.Sumar konur elska meir en aðrar og sama um menn.Ég bloggaði í fyrra um samband Marion Davies og William R Hearst, Edith Bolling og Wilson Bandaríkjaforseta.Og í "Sögunni" eru fleiri dæmi um konur sem elskuðu mikið.Lady Hamilton(Nelson sjóliðsforingi)Edith Piaf(Marcel Cerdan)Maria Callas(Onassis)Ingrid Bergman(Rossellini)já of fl og fl.En "Sagan"talar minna um karlmenn sem elskuðu mikið.En littla stúlkan sem fæddist í Pennsylvaniu.19 júni 1896 kom einum til gera það og þá með fyrrgreindum afleiðingum.

 

 Bessie Wallis Warfield

Hún giftist í 1sta sinn 1916 lautinant í Flughernum Earl Winfield Spenser Jr.( 20, September 1888 - 29, Maí 1950) Í Minningarbók sinni"The heart has its reasons"segir hún þetta hafi verið"ást við fyrstu sýn"Hún kynntist honum í veislu þegar hún var í heimsókn hjá frænku sinni Corinne Mustin í Flórída.Svo heldur hún áfram:"Um leið og ég snéri mér við til að hlusta á einhvern annan í veislunni þá glitruðu axlaskúfarnir á einkennisbúningi hans og fönguðu augnaráð mitt með segulmögnuðum krafti.og það fékk mig til að líta á hann aftur og aftur".Sennilega var það einkennisbúningurinn og flugmannsstarfið sem lokkuðu meir en ástríða hjartans.Win Spencer bað hennar á svölum Pensicola Country Club í tunskini og fékk sitt já.Þetta varð ekki vel heppnað hjónaband.Í tilhugalífinu tók hún ekki eftir að Spencer var alkahólisti.Hann var meira og minna drukkinn fyrir flug.

 

 Bakkus konungur og forsætisráðherra hans

Eitt sinn"krassaði"hann á sjó en slapp að mestu ómeiddur.Hún skrifa í minningabók sína að hún hefði aldrei séð hann"edrú"í tilhugalífinu.En sumir draga í efa að hún segði satt frá.Hún væri bara að réttlæta af hverju hún skildi svo við mann sinn. Eftir að USA blandaði sér í stríðið 1917 var  Win Spencer fluttur til San Digeo.1920 skipulagði"officeraklúbburinn"mikinn dansleik.Heiðursgestur var hinn unga Prins af Wales ríkiserfingi Englands.

 

  Pensicola

Frú Spencer hneigði sig djúpt fyrir hinum tigna gesti.Spurningin er hvort hún hafi séð nokkurn glampa í augum mannsins sem fimmtán árum seinna þurfti að svara fyrir heitar ástríður ásamt henni.Það er"bókað"að hann veitti henni ekki neina athygli innan um stóran hóp af glæsilegum ungum konum.Það er ljóst í þessu"ástaræfintýri"aldarinnar var það ekki"ást við fyrstu sýn".Um ást í 1sta hjónabandi Wallis var heldur ekki að tala.Seint á árinu 1920 yfirgaf Spencer konu sína í 4 mánuði.Hún tók þá upp samband við Argentinskan diplómat Felipe Esil..Um vorið 1921 kom Spencer aftur til konu sinnar.En þá hafði hann verið staðsettur í Washington, D.C 1923 skiljast leiðir á ný er Spencer var skipaður  sem yfirmaður á Pampanga á Philipseyjum.Viðhélt Wallis sambandi sínu við Felipe Esil Í Janúar 1924 heimsækir hún París ásamt Corinne Mustin frænku sinni á leið sinni til Philipseyja.Hún veikist svo eftir að hafa drukkið mengað vatn og var flutt til Hong Kong.Og eftir hneyksli þar sem maður hennar "skandalseraði"blindfullur pakkaði hún niður og yfirgaf hann,

 

 Galeazzo Ciano er þarna lengst til hægri.

 Síðan dvaldist hún í Kína um hríð hjá vinafólki sínu Katherine og Herman Rogers og ferðaðist um landið með þeim.Eftir frásögn Mrs Milton E. Miles sem var gift einum af flugfélaga Spencer hitti Wallis þar Galeazzo Ciano greifa sem seinna varð tengdasonur Mussolinis og utanríkisráðherra Ítalíu.Að sögn Mrs Miles mun Wallis hafa orði barnshafandi eftir greifan en gengist undir,að einhverju leiti misheppnaða fóstureyðingu með þeim afleiðingum að hún gat aldrei eignast barn síðar.

 

 

 Galeazzo Ciano greifi veifar fólki í Júgóslavíu 

10 desember1927 skildu svo Spencer hjónin endanlega.Sjö mánuðum seinna var hún svo gift aftur. Sá hamingusami var Ernest Simpson(1895-1958) skipamiðlari,Ernest sem var 1/2 amerikani og 1/2 breti var fæddur í New York,var vingjarnlegur fyrrum foringi úr Coldstream Guards og átti misheppnað hjónaband að baki.Þau munu hafa kynnst í gegn um hvers annars kunninga.Þau giftu sig í London 21 Júlí, 1928.Hver veit hvað skeð hefði ef  Ernest hefði ekki verið með starfsemi sína í Englandi.Veraldarsagan hefði kannske ekki tekið þann kipp sem hún tók nokkrum árum síðar.Litlu efti að hvatvíst háttalag Wallis Simson náði athygli Prinsins af Wales fengu Simpson hjónin heimboð til Fort Belvedere prívatbústaðar Prinsins til helgardvalar.

 

 Captain Darling úr TV þáttunum Blackadder var"Coldstreamer"

Þetta var í endaðan Janúar 1932.Það fylgdu fleiri helgarboð og miðdagsboð.Simpson hjónin voru"inn"og slúðursögurnar komust á kreik.Það var orðrómur komin á kreik um að sambandið milli hinnar grönnu bandarísku konu og ríkisarfans væri komin á hærra stig en bara vinskapur.Sjálf kommenderaði hún þetta þannig:"þetta á eftir að fara illa.Fólk snýst á móti mér.Ég missi alla vini mína.og enda í íbúð mömmu gömlu í Baltimor.

 

 Hertoginn af Windsor 

Í mars 1933 ferðuðust Simpson hjónin til New York með lystiskipinu"Mauretania".Þegar skipið lagði úr höfn frá Southampton kom brytinn með loftskeyti:"Bon Voyage"undirskrifað Edward P.Strax og þau komu tilbaka héldu þau sjálf mikla veislu 4 júlí á þjóðhátíðardegi USA.og var Prinsinn af Wales meðal gesta.Og  þetta kvöld  varð byrjun á röð veislna og stefnumóta Í einni veislunni heyrðist Prinsinn segja Mrs Simpson frá hvernig lífi hans væri háttað sem ríkisarfa og hvernig það myndi breytast við konungstökuna.Það hafði verið talið óhugsandi að Prinsinn ræddi svona mál í návist utanaðkomandi.Svo á hann að hafa sagt"'ég þreyti yður víst með þessu hjali""Nei alls ekki þvert í mót"á hún að hafa svarað þetta er svo spennandi haltu áfram."Við Wallis á Prinsinn að hafa sagt:"þú er eina konan sem nokkurntíma hefur sýnt starfi mínu nokkurn áhuga".

 Hertogahjónin af Windsor 

 

Sumarið 1934 ferðuðust Prinsinn og Wallis saman til Biarritz og var móðursystir hennar með sem"siðgæðisvörður".En strax fór  fólk að sjá þau 2 ein saman og fór vel á með þeim.Það er sagt að í þessari ferð hafi vinskapurinn breyst í ást..Og sambandið varð nánara og stjórnvöld í Englandi fóru að fá áhyggjur af Krónprinsinum eða réttara sagt ástarmálum hans.

 Það var sagt að ástarguðinn"Cupidon" hafi fyrst skotið föstum skotum með örvum sínu í ferðinni til Biarritz

 Flestir höfðu búist við að þetta yrði bara "smáskot"og að Prinsin myndi fljótlega gefast upp á ástkonunni.En málið var alvarlegra en það.Wallis fór að fá dýrmætar gjafir frá elskhuga sínum og margir í Buckingham Palace voru farnir að ókyrrast heldur betur.Þegar klukkuna vantaði fimm mínútur í tólv á miðnætti þ 21 janúar 1936 dó Georg V konungur.

 

 Wallis Simpson var valin kona ársins af tímaritinu Time 1936

Prinsin hringdi strax og hann frétti af láti föður síns til Wallis og sagði:"Nú er komið að því.Ég hringi í þig strax í fyrramálið  þegar ég veit eitthvað"Hún var fyrsta manneskja sem hann hringdi til eftir látið.Edward VIII var 42 ára þegar hann  hann varð konungur.Hann hafði verið alinn upp fyrir þetta augnablik.Sjálfur hafði hann aldrei verið í vafa hvernig hann skyldi varðveita þennan arf.Hann ætlaði að taka upp nýtýskulegri siði við hirðina.Hann ætlaði sér að verða ástsæll,fólkkær og alþýðlegur þjóðhöfðingi.Kannske varð það vegna þess sem hann virtist vera svo algerlega ómeðvitaður um það uppistand og þann farsa sem sambandið við Vallis vakti.

 

         Hertogahjónin voru af mörgum sögð"höll"undir Nasista.Hér eru þau að heilsa Hitler t.v.Hitler á að hafa sagt um Hertogafrúna:"she would have made a good Queen"

Að hún var einusinni fráskilinn og vissulega ennþá gift eiginmanni nr 2 virtist honum ekki finnast neitt merkilegt.Nú slíkt skeði öðru hvoru hjá hinum almenna borgara og hann hreinlega leit á sig sem slíkan.Stór hluti af London mætti til að taka þátt í hátíðarhöldunum fyrir utan St James´Palace.við valdatöku hans. Wallis og nokkrir góðir vinir hennar höfðu fengið tækifæri til að fylgast með herlegheitunum frá svölum einnar hæðarinnar í hinni konunglegu höll.

 

 Joachim von Ribbentrop fyrir miðju í aftari röð var sagður hafa verið elskhugi Mrs Simpson er hann dvaldi í London fyrir stríðið.

Allt í einu undir skrúðgöngunni kemur hinn nýi konungur upp á hæðina og út á svalirna til Wallis og vina hennar."Ég vildi sjálfur sjá dýrðina þegar ég yrði settur inn sem konungur Englands sagði hann oh tók undir arminn á Wallis.Og þarna stóð hann,Edward VIII Englands nýi þjóðhöfðingi við hliðina á hinni fráskildu og aftur giftu amerísku Bessie Wallis Warfield Simpson.Maður hlýtur að spyrja sig ef hann hefði fengið fram vilja sinn hefði hinum alþýðlega Edward VIII tekist að gera þær breytingar sem hann hafði í huga.Slíkt var óhugsandi en samt er spennandi að spyrja sig þessarar spurningar.Og sennilega væri "Beta"komin til valda nú þrátt fyrir allt.Wallis var jú ófrjó eftir fóstureyðinguna.

 

 Hertogahjónin með Nixon 1970 Frúin við sama tækifæri.

En skyldi"Battenberg"fjölskyldan hafa haft eins mikil áhrif og þeir hafa haft.Nú er hægt að fara fljótt yfir sögu Edward virtist fullviss um að hann gæti kvænst Wallis.Í maí 1936 4 mánuðum eftir að hann varð konungur sagði hann henni að hann hefði ákveðið að halda veislu og bjóða m.a Stanley Baldvin forsætisráðherra."Þú kemur líka"sagði hann við hana"það verður að ske.Fyrr eða seinna er nauðsynlegt fyrir mig að kynna mína verðandi frú fyrir honum".Hann var fullviss um að þetta myndi ganga.Í nærri 20 ár hafði hann verið eftirlæti fólksins og gulldrengur fjölmiðla.

    Hertogahjónin nýgift 

 

Ernest Simpson hafði smátt og smátt dregið sig út af sviðinu.Og hann naut góðs af vinfengi konu sinnar við konunginn nýja.Skilnaðurinn sjálfur var bara formsatriði.þann 27 april 1937 átti skilnaður Wallis að taka gildi.það var 2 vikum áður en sjálf krýningin skyldi fara fram.Það eru engin tvímæli á því að Edward ætlaði sér að verða krýndur konungur með Wallis drottningu sér við hlið.En ríkisstjórnin sagði þvert nei.Krýningunni var frestað.Fjölmiðlarnir helltu sé yfir hneykslið.Meðlimir samveldisins sögðu einnig nei.Kærleikspar aldarinnar var alveg einangrað.

 Undirskriftin fræga Edward R

 

Þ 16 nóvember 1937 kallaði konungurinn forsætisráðherran á sinn fund."Ég vil segja þér það fyrst.Ég hef ákveðið mig og enginn getur breytt þeirri ákvörðun minni.Ég ætla að segja af mér og giftast Mrs Simpson"10 desember 1937 sat konungurinn í höll sinni og las yfir afsagnarsamningana.Síðan tók hann penna sinn og skrifaði undir "Edward R"Bræður hans 3 vottuðu undirskriftina.Þann 3 júni 1938 giftir svo Edward R sinni heittelskuðu, Bessie Wallis Warfield Simpson.Sem sagt 3 júni í ár eru 70 ár síðan þetta fræga brúðkaup var haldið.Skyldi"Beta"frænka hans minnast þess á nokkurn hátt.Kannske ekki við því að búast.Hertoginn lést 28 maí 1972 78 ára að aldri og Hertogafrúin 24 apríl 1986 91 árs..Ég vil biða fólk ef einhver hefur nennt að lesa þetta að taka þetta ekki sem neina 100% sagnfræði.Þetta er bara afurð af smágrúski gamals karls um frægar ástir eftir að séð kvikmynd um ástir og vináttu.Hafi einhver haft nennu til að lesa hingað er sá hinn sami kært kvaddur

 

Æfintýri aldarinnar 2

Ég vil byrja á að þakka þeim sem lagt hafa inn góð orð til mín í athugasemdum.Ég vil taka það fram að ég er ekki að leita eftir neinni frægð heldur geri ég þetta mest fyrir mig sjálfan.Þegar aldur slys í fortíðinni og kröfuhart líferni á yngri árum seta mark sitt á skrokkinn þannig að hann verður illa hæfur til gangs og nokkurra verka annars en sitja við það þá léttir manni það lífið að geta rifjað ýmislegt upp og sett það á blað á tölvunni þó að það sé með hinnu kunnu aðferð"leitið og þér munuð finna".

 Einni systirinni(Danica Green) mætt á rúmsjó 

 

Nokkrar myndir tók maður sem ef ekki hér,kæmust aldrei fyrir sjónir neins sem vissu af hverju þær væru.Þetta brölt aftur í fortíðina gerir manni lífið svolítið léttara og tala ég ekki um ef einhver skildi hafa einhverja ánægju af.Þá finnst manni maður til einhvers nýtur.Þó ég láti stundum gamminn geysa í"kjaftrífelsi"þá er það nú bara gott í hófi eins og svo margt annað.En getur verið gott í bland.Menn hafa verið að stinga upp á að ég ætti að fá útgefanda til  gefa þessi"bakföll" hjá mér út en hræddur er ég um að hann findist seint.Mér finnst nútímafólk ekki hafa áhuga á svona.Engan mann drap ég engan bankann rændi ég og yfirhöfuð ekkert"fjölmiðlavænt"gerði ég.En nú er mál að linni og held ég hér áfram frásögninni

 

 

  Þarna erum við að leggja af stað á"Violet" frá Setubal, með sementið.Verkstjórinn við sementverksmiðjunnar gaf mér þessa mynd þegar ég kom þar seinna á öðru skipi

 

Ég átti fyrstu vakt og var búinn að standa í 3 tíma þegar"kallinn"leysti mig af.Það var búinn að vera í mér svona hálfgerður ónota beygur allan tíman frá því að við fórum af stað,svo ég sagði við"kallinn"að ég ætlaði eina ferð enn.."Kallinn"sem hafði sjálfur verið með í leitinni taldi það óþarfa,við hefðum"kembt"þetta svo vel.En ég fór eftir matinn niður í lest og viti menn finn ég ekki einn kolsvartan uppi í einum loftventlinum.Hvernig í ósköpunum það gat átt sér stað veit ég ekki,en við töldum okkur hafa leitað þar,sem og annarsstaðar.Nú voru góð ráð dýr.

 

 Götulíf í afríkanskri borg 

Mannskrattinn var algerlega pappíralaus og þar sem við vorum búnir að"klarera út"vorum við í vondum málum.Yfirvöld i Bissaau hefðu aldrei tekið við honum þó svo við hefðum snúið við með hann.Hann var heldur ekki frá Bissau.Þannig að við hefðum setið uppi með hann,Guð veit hvað lengi.Þannig að það var ekkert annað að gera en að reyna að koma honum sjálfir í land,svo að lítið bæri á..Við urðum að að fara mjög leynt að því svo við yrðum ekki teknir fyrir  smygl á mönnum.Við lögðumst við akkeri ca 2 sml frá landi undan vita sem þarna var.Við sáum í kortinu að það var smáþorp ekki langt frá vitanum þannig að hann kæmist fljótlega til manna.

 

 Götulíf í afríkanskri borg  

 

Við biðum svo myrkurs.Við höfðum svokallaðan"man over board"bát eða svona lítin gúmmíbát með utanborðsmótor sem við gátum notað í þetta.Þegar dimmt var orðið "fýruðum"við svo"djöfsa"niður í bátinn.En við höfðum bundið hendur hans rækilega þegar við yfirbuguðum hann eftir að ég hafði fundið hann en hann hafði orðið alvitlaus og hélt að við ætluðum að henda honum í sjóinn.Við lögðum svo af stað með hann til lands ég og einn hásetinn.Það verð ég að segja þó ég hafi verið búinn að vera rúm 40 ár á sjó er þetta skeði hafði ég aldrei lent í öðru eins ferðalagi.Það byrjaði á því að við lentum með bátinn undir kælivatnsbununni frá aðalvélinni og hásetinn sem var um borð var ekki nógu fljótur að hala okkur frameftir en við höfðum ekki komið vélinni í gang.Við þetta hafa blotnað bæði handlampi sem ég ætlaði að nota við landtökuna og V.H.F stöð sem einnig var með.Þetta kom ekki í ljós fyrr en seinna.

 Báturinn t,v er báturinn sem notaður var við landtökuna með lumufarþegann Myndin tekin við annað tækifæri..T.h M,O,B(Man over board)bátur af öðru Danica skipi

 

Við vorum sem sagt sambands og ljóslausir.Það var töluverð alda svo ég þorði ekki að keyra fulla ferð,einnig var botninn í bátnum ekki fullútblásinn sem dró úr sjóhæfninni.Þetta hafði ekki verið athugað í öllum hamaganginum.Við vissum heldur ekkert um hvort það voru sker og klappir eða sandur þarna við ströndina.Ég náði engu sambandi við skipið af fyrrgreindum ástæðum.Þarna vorum við sem sagt ljós og sambandslausir í kolniðamyrkri með hálfvitlausan laumufarþega á leið til lands sem við þekktum ekkert til..

 

 

 Þarna erum við á"Violet"á leið til Lissabon með þessa tanka.Eftir losun á þeim lestuðum við svi sementið til Bissau 

 

Ég hafði að vísu lítið pennavasaljós en það gerði lítið gagn.Aldan jókst þegar við nálguðumst ströndina og landtaka alls ekki árennileg..Í ljós kom að þarna var fullt af kóralskerjum . Sem betur fer lýsti vitinn upp ströndina nokkuð ört svo við höfðum mikið gagn af honum..Við fundum okkur svo smáglufu í öldunni sem við renndum okkur í og gátum lent.Það var svo mikill súgur svo að hásetinn varð að hafa sig allan í að halda bátnum svo við misstum hann ekki.Ég óð svo í land með"gaurinn".Í baslinu við að koma honum í land tapaði ég pennaljósinu og hafði ég nú ekkert ljós annað en af vitanum þegar hann blikkaði.Ég var skíthræddur um að maðurinn myndi ráðast á mig og reyna að ná bátnum þegar hann yrði laus.

 

   Við fluttum margt á Danica skipunum tv erum við að losa "China Clay"í Alexandríu frá Englandi.T.h þarna erum við að lesta járnbrautarteina í Workington Englandi til Port Cartier í Canada

 

 

Ég hafði logið því að honum á leiðinni í land að ég væri vopnaður(stór rörtöng vafinn inn í stórt handklæði)og ég myndi skjóta hann umsvifalaust ef hann sýndi einhvern mótþróa.Ég vildi eiga það á vídeó mynd þegar ég þarna skjálfandi af hræðslu, var að reyna að leysa böndin á honum þarna í myrkrinu.Hann var níðsterkur og hafði streist á móti í byrjun og reynt að losa sig,þá hafði herst svo að hnútunum að það var næstum ógerningur að losa þá.Ég var því þarna gleraugnalaus ,hálfblindur,skjálfandi úr hræðslu í kolniðamyrkri að reyna að losa alla hnútana sem bundnir höfðu verið..Loksins hafðist það nú af og fjandi var ég nú feginn þegar"kauði"tók sprettinn eins og andsk..... væri á hælum hans og hvarf út í buskan..Það ætlaði nú ekki að ganga andskotalaust að komast frá landi aftur en það tókst að lokum eftir að við höfðum slegið"skrúfunni"í eitt af kóralrifunum sem þarna voru og skemmt hana svo mikið að litlu munaði að við kæmumst um borð aftur því að nú gekk báturinn bara "kvartferð"En sem betur fer dugði bensínið.Einnig sáum á útleiðinni fullt af netum þarna við ströndina svo að við höfðum nú verið aldeilis heppnir að fá þau ekki í skrúfuna.

 

 T.v Kassaefni lestað i Portúgal(D,Violet.)Th Jakt lestuð á dekkið í Pireus.(D,White)

Ferðin í land hafði tekið um 1 tíma en við vorum 2 ½ tíma um borð aftur.Mikið varð nú"kallinn"feginn að sjá okkur aftur heila á húfi.Hann sagðist hafa verið orðinn drulluhræddur um okkur þar sem hann náði engu sambandi við okkur og ekki séð neinum ljósum bregða fyrir frá okkur.Það var svo ekki fyrr en við vorum komnir langleiðina um borð aftur að hann sá ljósin á björgunarvestunum sem við vorum í.Hann hefði líka ekki getað mikið aðhafst ef eitthvað hefði farið úrskeiðis.Það var líka ákveðið strax og um borð var komið,að ef við lentum aftur í svona löguðu myndum við fara allt öðruvísi að og gefa okkur meiri tíma til að athuga aðstæður og gera þetta í björtu.Ég fékk svo mikið hláturskast þegar um borð var komið og ég fór að hugsa um þegar ég var að leysa gaurinn þarna í fjörunni og allt vesenið á okkur í ferðinni að ég ætlaði varla að geta haft mig úr blauta gallanum.En það var ekki þurr þráður á okkur eftir allt volkið.

   t.v Þarna eru við komnir á Karina Danica til Novorossiysk í Rússlandi(Svartahaf)með rör fyrir olíuiðnaðinn.T.h þessa var ein af erfiðustu lestunum sem ég lenti í.Granít frá Napóli til Bremen.Þarna þurfti mikið að hífa fram og til baka til að máta við o.sv fr.Aftari hrúan bíður eftir betra plássi.Einnig Karina Danica

 

En þarna var 30° hiti svo að ekki varð okkur kalt.En  allt fór þetta vel að lokum:"allir komu þeir aftur og enginn þeirra dó"eins og þar stendur.Og eftir stendur maður reynslunni ríkari og hefur eitthvað til að segja barnabörnunum(Þegar afi var í Afríku o.sv.fr)Kallinn  átti í mér hvert bein á eftir þetta og ég veit að hann gerði mikið úr mínum þætti í málinu þegar hann sagði útgerðinni af þessu öllu.En það hefði getað kostað þá stórfé ef við hefðum ekki komið honum í land.Þess ber að gæta að þetta er fyrst skrifað sem sendibréf til vinar svo að það eru um 13 ár síðan að megnið af þessu var skrifað.Þakka þeim sem lesið hafa og kveð þá kært

 

Æfintýri aldarinnar

 

Þetta greinarkorn birtist nú í Sjómannablaðinu Víking ´í fyrra enn einn vinur minn skoraði á mig að birta hana aftu og þá hér.

         

 Skipið Danica Violet

              Æfintýri í Guinea Bissau

Við lestupum swement á Danicu Violet niður tiL Bissau höfuðstaðar Guinea Bissau Viðkomum til Bissau eftir að hafa beðið eftir lóðs í fjóra daga í fljótsmynninu.Þetta var sá einkennilegasti lóðs sem ég hef komist í tæri við.Hann kunni ekki eitt einasta orð í ensku,Og ef við spurðum um hvort þessi eða hin baujan sem við sigldum framhjá væri á rættum stað hristi hann hausinn og tautaði"pilot og okkur heyrðist Koma þar "fix it"Strax og við vorum búnir að binda hengdi sig á mig strákstauli svona 12-13 ára sem kynnti sig sem minn "einka guide"og "ráðgafa". Sagðist hafa"certificate"sem "mate assistent".

 

  Þessi minnir óneitanlega mikið á "the mate assistent"

Máli sínu til sönnunar sýndi hann mér útstimplaðan landgöngupassa frá Ísrael sem einhver hafði gefið honum,þar sem Polarroid mynd af honum hafði verið heft á í stað upprunalegu myndarinnar.Hver sem það hefur svo verið en nafnið hljómaði pólskt.Þessi vinur minn sagðist ábyrgast mína velferð meðan á dvöl minni í Bissau stæði.Einnig sagðist hann alfarið sjá um öll mín samskifti mín við innfædda bæði verkstjóra,verkamenn og sauðsvartan almúgan.Sem sagt öll mín almannatengls.Minn góði vinur kom fljótlega inn á það að ég hlyti að vera í kynferðislegu svelti eftir svona langa útiveru(1/2 mánuður án kvennmanns var óhugsandi að hanns mati)Úr þessu yrði að bæta og það snarlega.Hann ætti 8 systur sem gætu hjálpað upp á sakirnar.Þær væru á aldrinum 13 - 23 ára.

 Þessar gætu verið á svipuðum aldri og systurnar sem um er rætt 

 

Gæti ég ég fengið afnot af þeim öllum í einu eða einni í senn bara eftir hvað ég vildi.Annars mælti hann með þeirri 13 ára hún væri yngst minnst notuð og sprækust. Máli sínu til sönnunar sýndi hann mér polarroid mynd af 8 negrastelpum sem mér virtist allar vera um fermingu Þar sem komið er fyrir mér eins og"gamla Ford" seinn í gang eða þannig,og á þessum tímum eyðni og alsæmis og svo að mér sýndist dömurnar vera full ungar fyrir mig ætlaði ég að eyða þessu tali fyrir fullt og allt í einu skoti.Ég sagðist ekki líta við kvennmanni sem væri deginum yngri en 80 ára.Velgerðarmaður minn og vinur sagði að þetta væri minn happadagur því að amma sín hefði einmitt orðið 80 ára í fyrradag(þetta með ekki deginum yngri)Hann skildi sýna mér hana að vörmu spori.Ég sem hélt að það yrði í líki Polaroidmyndar tók vel í það.

 

 Stórvaxin afrikukona ekki þó amman

Vinur minn fór nú í land.Kemur hann þá ekki aftur og nú með þá stórvöxnustu og hrikalegustu afríkukonu sem ég hef augum barið á ævinni og fullyrti að þetta væri hin 80 ára gamla amma sín(ég sá í"Hvem,Hvad.Hvor að meðalaldur þarna væri um 35 ár)Mér var nú ekki farið að lítast á blikuna og sagðist vilja fá þetta skjalfest annars yrði ekki af neinum samningum.Skötuhjúin hurfu og andaði ég nú léttar.Um klukkutíma seinna birtast þau aftur og nú veifaði vinur minn og ráðgafi plaggi einu.

 

 

  Myndir frá Afríku

Við nánari athugun kom í ljós að þetta var afhendingarseðill fyrir 5 tunnum af smurolíu um borð í M/V"Quint í Lissabon 3 árum áður.Á bakinu var ýmisleg óskiljanlegt krass og pírumpár sem ég botnaði nú ekkert í en talan 80 var mjög áberandi á 3 stöðum.Á plagginu var svo teipuð með heftiplástri,mynd af þeirri gömlu sýnilega tekin mjög skömmu áður.Á þetta plagg var svo stimplað með 3 skipstimplum 2 pólskum og einu portúgölsku(sennilega stolnum úr viðkomandi skipum).Þetta fullyrti minn góði vinur að væri hvorki meira eða minna en vottorð frá sjálfum forseta landsins um aldur ömmunar.Nú voru góð ráð dýr

 

 Afríkumeyjar 

.Ég greip til trúarinnar og laug að ég væri giftur og að kristin trú bannaði allt framkjáhald.Þá sagði vinur minn að Kristur hefði ekkert með Guineu Bissau að gera,Allah réði þar öllu í þeim efnum og hann myndi ekki leyfa Kristi að komast að til að sjá til mín.,því væri mér óhætt að trúa.Hann hefði sannanir fyrir því.Nú bar ég við miklum önnum og þreytu.Mikið var nú vinur minn sár út af öllu þessu vanþakklæti í mér.Gamlir inniskór bættu þó aðeins úr skák.Nú hélt ég að ég væri sloppinn.En það átti eftir að sigrast á kjötfjallinu sjálfu og fá það til að láta málið niður falla.

 

 

 Frá Afríku

En sú gamla var nú heldur betur ekki á þeim buxunum.Hún sat sem fastast og þvertók fyrir að yfirgefa svæðið og beið síns tíma.Það gerði hún svikalaust það sem eftir var.Þetta skeði á 2ðrum degi svo að 3 morgna mætti hún á þessa ástarmálavagt sína og hvarf ekki fyrr á kvöldin þegar ró var komin á.Í hvert einasta skifti sem ég birtist úti á dekki byrjaði hún að veifa og góla"hi chef chef".Ég var nú farinn að vorkenna kerlingarræflinum þarna á bryggjunni og bað vin minn að miðla málum.Fyrst var reynt þetta með þreytuna og annirnar en allt kom fyrir ekki.Það myndi líða hjá og ég yrði bara miklu sprækari á eftir.

 

 Bissau séð frá Gebafljótinu

Þá voru reyndar mútur(Winston og Coke Cola)en þær höfðu þveröfugug áhrif. Hún sat enn fastar og gólaði og veinaði en hærra er ég lét sjá mig á dekkinu..Ekki bætti úr skák allur þessi cirkus féll í góðan jarðveg hjá verkaköllunum og leit út fyrir um tíma að ég yrði að gera svo vel að halda mig innandyra svo hægt yrði að losa skipið.Ég þorði ekki fyrir mitt litla líf að hætta mér upp á bryggju,mig langaði ekki í hendurnar á þessari kynóðu konu.En allt fór þetta vel að lokum,en ekki fór hún af vaktinni fyrr en rétt  áður en við fórum frá bryggju.Þá sendi ég einkavin minn og ráðgafa með box af dönskum smákökum 2 eða 3 bjóra og nokkra pakka af Winston til hennar.Mikið létti mér nú við ánægjusvipinn sem færðist yfir andlitið á henni við að fá þetta,því ég var farinn að dauðskammast mín fyrir allt saman.

     Myndir frá Afríku

 

Vinur minn mátti eiga það að hann passaði vel upp á að engu var stolið frá mér,en þarna stela þeir öllu steini léttara og vel það.Ég hafði að vísu sett það sem skilyrði fyrir vináttu hans og ráðgöf  að hann passaði upp á það(annars myndi ég gera hann höfðinu styttri og jafnvel meir).Þetta var nú ekki allt búið.Vinur minn hafði hafði varað mig við að það gæti verið,að laumufarþegar reyndu að komast með okkur þegar við færum.

 

   Myndir frá Afríku

 

Og skildum við leita vel að þeim fyrir brottför.Ég fór svo af stað að leita og þegar ég hafði fundið 4 sá ég að þetta yrði að taka föstum tökum..Við vorum svo 1 ½ tíma að leita og höfðum fundið 12 er við töldum okkur hafa leitað af allan grun.Svo var lagt af stað.Sagan er ekki búinn framhaldið kemur seinna.Læt þetta nægja í dag.Myndir eru flestar åf netinu vegna.þess að á svona stöðum læsri maður myndaválar og þessháttar niður og notar t.d myndavélar ekki nema í brýnustu neyð.Skemmdir á farmi eða svoleiðis og þá er eins gott að muna eftir að taka hana til handargagns.Ef einhver hefur nennt að lesa hingað,er sá hinn sami kært kvaddur

Saga úr"stríði"

 

Nokkrir kunningar hafa haft samband við mig út af bloggi mínu út af þessum sjónránum.Þessar bloggfærslur eiga sér 2 megin ástæður.1sta ég veit að það eru skip í smíðum fyrir íslendinga í Asíu og þau eiga sennilega eftir að fara um þessi svæði þegar þeim verður siglt heim.Og ég kannast svolítið við að sigla á svona svæðum.Og nr 2.Svo finnst mér að íslendingar geri sér ekki grein fyrir hver alvaran virkilega er þegar komið er út fyrir "túristasvæðin" Þessvegna langar mig til að segja ykkur sögu,

 

 Iris Borg Myndin tekin í Felixstowe 

1988 bauðst mér skipstjórn á flutningaskipi sem hét Íris Borg. Það var í eigu norsks fjárfestingarfélags, en íslenskir aðilar höfðu það á kaupleigu.Þetta var freistandi tilboð góð laun og frí og talið tryggt að skipið yrði í saltfiskflutn. héðan frá landinu. Ég tók við skipinu á Seyðisfirði og sigldi til Rotterdan þar sem það fór í"dokk"í viðgerð sem átti að taka tíu daga. Þessir tíu dagar urðu að þremur mánuðum og ég var úti í Rotterdam allan tímann. Ég var síðan með skipið í nokkra mánuði eftir að það kom úr dokkinni,eða þar til það var selt alveg óvænt.

 

      Á leið til Famagusta

Við fluttum vörur í nokkrum ferðum fyrir arabískt fyrirtæki frá Rotterdam,Antverpen og Felexstowe í Englandi niður til Famagusta á Kýpur.Svo lestuðum við yfirleitt ávexti til baka upp til Evrópu fyrir aðra aðila En í skipið hafði verið sett kæling til saltfluttningana.Í einni ferðinni vorum við líka með fragt til Beirut í Líbanon og þar lentum við heldur betur í ævintýrum, sem stöfuðu af hernaðarástandinu í borginni sem þá ríkti.

 

 Ex Skaftá á leið út úr höfninni í Famagústa

Þegar við komum á ytri höfnina í Beirút vorum við orðnir vatnslausir og bráðlá á að fá vatn. Vatn höfðum við ekki geta fengið við þann"kæja"sem við lágum við í Famagusta og það hefði kostað nokkuð mikla peninga að færa skipi.Ég hafði deginum áður haft samband við umboðsmanninn í Beirút og hann kvað allt með kyrrum kjörum í borginni og vatn gætum við fengið strax við komu.Við komum upp að ströndum Líbanon í óskaplega fögru veðri og blankalogni.Þegar við nálguðumst ytri höfnina heyrðum við skotdrunur, sáum reyk og nokkru síðar hljómaði gelt í hríðskoðabyssum. Það voru fleiri skip þarna, sem ásamt okkur kölluðu í hafnaryfirvöld, en eina svarið í radíóinu var að höfnin væri lokuð. Um kvöldið sáum við fréttir í sjónvarpinu og þar kom fram að fylkingum hafði lostið saman í borginni og allt í hers höndum.

    Barist í Beirut

Næsta dag var ljóst að við svo búið mátti ekki standa;Við urðum að fá vatn. Ég náði sambandi við agentinn. Hann spurði hvort ég væri með kort af höfninni. Ég náði í það og hann ráðlagði mér að sigla inn og sagði mér hvar best væri að fara. Við sigldum nú af stað. Við vorum rétt komnir inn fyrir hafnarkjaftinn þegar hermaður kom hlaupandi eftir bryggjunni með hríðskotariffil og skaut látlaust upp í loftið og æpti til okkar. Ég hélt að hann væri að skipa okkur að leggjast að þessari bryggu sem hann var á Í þessum tilfæringum bakkaði dallurinn óvart í bakborða hjá mér þannig að ég sá ekki upp á bryggjuna. Í sömu svifum kom Atli Helgason(sá mikli heiðursmaður sem nú er dáinn fyrir nokkrum árum) hlaupandi inn í brúna, en hann var stýrimaður.

 "Skipstjórinn" með hluta af áhöfninni(pólverjar allir nema skipstj og 1sti stm) á jólunum 1988 nýlagðir af stað frá Famagusta.Þá með applsínufarm þaðan til Írlands

Atli hrópaði: Þeir eru að skjóta á okkur, þeir eru að skjóta á okkur. Í þeim töluðum orðum var hrópað í talstöðina: Íris Borg, Íris Borg, út úr höfninni með þig - út úr höfninni með þig á stundinni!. Ég sneri  skipinu við,og við sigldum út aftur.Ég náði að kalla í agentinn og spurði hann öskureiður hver djöf...... gengi á. Hann kvaðst ekki vita það, hann hefði verið búinn að fá öll leyfi fyrir okkur. Skömmu síðar hafði hann samband aftur, sagði okkur að slökkva á talstöðinni, líta hvorki til hægri né vinstri en koma og leggjast að ákveðinni bryggju. Sama á hverju dyndi.Það gerðum við. Skömmu síðar kom brunabíll niður bryggjuna með vatn handa okkur.

 Tv skipstj th stýrimaðurinn Atli heitinn Helgason

Þegar við höfðum tekið vatnið spurði agentinn hvenær við vildum fara. Ég svaraði að það væri ekkert fararsnið á mér því við ættum eftir að skipa upp vörunum. Hann varð skrýtinn á svip og spurði hvort ég væri alveg viss um að ég vildi halda kyrru fyrir. Þegar ég stóð fastur á því sagði hann með áhersluþunga: Þú ræður því, en ég ráðlegg ykkur að vera ekki mikið á ferli eftir að fer að skyggja og alls ekki í hvítum skyrtum. Mér þótti þetta einkennilegt heilræði í fyrstu en síðar rann upp fyrir mér að auðvitað væri maður betra skotmark í myrkri ef hann væri í hvítri skyrtu.

 

 Reykský yfir Beirut

Þarna lágum við í eina tvo daga og ekkert lát á átökum í borginni. Á þriðja degi datt hins vegar allt í dúnalogn og þá komu hin skipin inn af ytri höfninni hvert af öðru. Fyrir aftan okkur við bryggjuna lagðist rússneskt skip. Svo vildi til að hleðslutækið við loftskeytatækin okkar höfðu bilað svo ég fór um borð í rússneska skipið eftir aðstoð þar sem ég vissi að rússarnir voru alltaf með rafvirkja í áhöfninni. Ég spurði um kafteininn og var leiddur til hans.

 Reykský yfir Beirut

Hann bauð upp á cola og við settumst niður. Hann horfði á mig þegjandi góða stund en sagði svo: Já, það er gaman að sjá loksins þennan fræga mann. Ég spurði í forundran hvað hann ætti við. Ja, þú ert búinn að vera aðalumræðuefnið á ytri höfninni síðustu sólarhringana, sagði hann. Menn skilja ekki úr hvaða efni taugarnar í þér eru! Þá rann upp fyrir mér, hvers konar græningi ég hafði verið. Rússinn og fleiri á skipunum(m.a A-Þjóðverjar Júguslavar og fl A-Evrópuþjóða skip)á ytri höfninni vissu hvað stríð var, ekki ég.Málið var það að svokölluð"græna lína"sem skifti Beirut í tvennt lá um þessa bryggju sem hermaðurinn kom hlaupandi og skjótandi út á.Við vorum á leiðinni inn í muslimanska hluta borgarinnar.Agerntinn tjáði mér að enginn sem ekki væri kunnugur í Beirut myndi botna nokkuð í ásandinu eins og það var þarna þá.Þarna lagði ég áhöfnina í óþarfa hættu vegna, hvað á ég að segja:"asnaháttar"Nýskriðinn út úr hreiðrinu,hinu saklausa Íslandi

 Rússinn

Síðar fórum við á Írisi Borg til Ashdod í Ísrael Þar  lestuðum við appelsínur, sem Palestínumenn á Gasaströndinni ræktuðu. Evrópubandalagið með Hollendinga í broddi fylkingar voru að hjálpa Palestínumönnunum að koma vöru sinni á markað í Evrópu og kostuðu flutninginn. Hollenska sjónvarpið fylgdist með öllu saman. Kvöldið sem við héldum úr höfn vildu þeir hafa við mig viðtal en ég vildi ekki láta sjónvarpa minni heimabrúks ensku.

  Íris Borg við bryggju í Famagusta  

Sama kvöld kom Hollendingurinn sem stjórnaði aðgerðum til mín og tjáði mér að Arafat hefði hringt í sig til að þakka fyrir aðstoðina og hann hefði sérstaklega beðið að heilsa skipstjóranum á skipinu sem flytti appelsínurnar upp til Evrópu.Á leiðinni þegar við vorum undan Ítalíu voru við Atli að horfa á fréttir í einni af hinum mörgu TV stöðvum þar sáum við myndir frá Beirut og nú voru það Múslimar og Kristnir sem börðust.Og skip sem lá ekki langt frá þar sem við höfðum legið stóð í björtu báli eftir tundurskeytaárás að okkur skildist.Við horfðumst í augu en sögðum ekki neitt.Atli reyndi seinna að hughreysta mig með að hann hefði gert það sama í mínum sporum.En ég gleymi aldrei.þessu augnabliki.Nú vona ég að einhverjir skilji mig hversvegna ég er að blogga um þessa hættu.Að menn viti á hverju þeir geta átt von,Og að íslensk siglingartfirvöld eigi að fylgast með og  ef eitthvað er hægt gera til að forðast svona atburði þá eigi að upplýsa menn um það hér.T,d koma því ef eitthvað er inn í Slysavarnaskólann.Og ég er ekkert að meina að ég sé eini íslendingurinn sem hef verið í siglingum langt frá því,En ég held að góð vísa sé aldrei of oft kveðin hvað öryggi sjómanna varðar.Við höfum oft látið reka á reyðanum og þóttst vera einhverjar hetjur.Læt þett duga nú.Kært kvödd.