Enn og aftur,enn og aftur

 

Enn og aftur

Enn og aftur hefur sjóræningum tekist að ræna skipum út af  Sómalíu.Á miðvikudag rændu þeir 2 skipum á 1 á mánudag.Mér finnst satt að segja þetta eins og köld vatnsgusa framan í sjómenn hverrar þjóðar þeir eru.Hvað er að ske?Er líf sjómannsins ekki meira virði í augum þessara stóru siglingaþjóða heims að þær láti svonalagað ske

 Þarna er sumt í lagi annað í ólagi

Það þarf enginn að segja mér að skip og farmur séu ekki topptryggð fyrir siglingar á svokölluðum "sjóræningasvæðum".Alveg eins og fyrir siglingar á áhættusvæðum vegna styrjalda.Hvað eru Bretar,Frakkar og Bandaríkjamenn,sérstaklega kannske þeir.Þar sem þeir líta á sig sem einhversskonar alheimslögreglu á höfunum sem ekki þurfa að fara eftir neinum reglum t.d.um aðskildar siglingaleiðum.Þ.e.a.s.tilkynningaskyldunni við þær að gera,að láta þetta viðgangast rétt fyrir framan nefið á sér.

 

 Lehmann Timber og  Amiya Scan,sem rænt var á mánud.   

Skipin sem þeir rændu á miðvikudag heita Lehmann Timber grt 5285, byggt 2008, Flagg: Gibraltar(skipið mun hafa verið í jómfrúarferðinni)og .Arena grt 3127, byggt 1979, flagg Tyrkland.Arena er 95 m.l og 14m br.Sjóræningum þarna hefur tekist að ræna 26 skipum þetta árið.Þrjú bara í þessari viku.Mér finnst satt að segja að það sé komin tími á"Convoy"siglingar eins og á stríðsárunum og eða í gegn um Suez skurðin.Þar er skipum safnað saman og fara svo í convoy í gegn um skurðinn.

 

 Sjóræningar við iðju sína.Sem þeir virðast komast upp með

Á einum stað þar sem skurðurinn skiftist í tvennt bíður t.d.S-convoyin eftir að N convoyin fari framhjá.Þessar convoyir á Adenfóanum ættu svo að vera undir fylgd herskipa sem kæmu í veg fyrir þessi sjórán.Þetta ætti nú ekki að vera mikill vandi og ágætar æfingar fyrir þessa miklu stríðsherra eins og Kanana.En er útgerðamönnum á Vesturlöndum virki lega fjand... sama um fólkið sem á þessum skipum eru?.Ég bara spyr.Þeir hafa sennilega allt sitt á hreinu hjá P&I kúbbunum og tryggingafélugunum.Ég hef litlar upplýsingar funndið um tyrkneska skipið af hvaða þjóðerni áhöfnin er en sennilega Indverjar.

  Þekkt sjóræningasvæði. Og þetta einna helst

En á Lehmann Timber voru rússneskur captain,4 úkraníumenn,1 maður frá eistlandi og 9 frá Burma.Maður virkilega furðar sig á að svona getir skeð við nefið á Nato og öllum því sem því fylgir.Svo skeði atburður í Ayr í Skotlandi vikunni sem fékk huga minn til að reika til baka.

 

 D.Violet. og lestað í bulk en þó ekki phosphate

Ég var fyrir nokkrum árum á Danica Violet og við vorum að losa farm af"phosphate"(áburðartegund)í bulk frá Sfax í Túnis í New Ross á Írlandi.Aðeins seinna um daginn kom skip til New Ross einnig frá Sfax með samskonar farm.Þegar lúgur þess skips voru opnaðar láu 2 lík laumufarþega ofan á farminum.Akkúrat það sama skeði nú í Ayr í vikunni þegar m/v Pascal sem er1503-tonna flutningaskip byggt 2001 undir Antiguaflaggi kom til Ayr með farm af:phosphat í bulk2 lík af laumufarþegum láu ofan á farminum.

 

  m/v Pascal og hérna er mynd frá atburðinum

Eftir 12 daga siglingu frá Sfax.Maður bágt með að ímynda sér dauðdaga þessara auminga manna.Þessir ólánsömu menn fels sig í skipunum án þess að vita nokkuð hvaða afleiðingar það getur haft í för með sér.Þeir sem fylgst hafa með blogginu mínu muna kannske eftir þegar ég sagði frá laumufarþeganum í Guinea Bissau.Svo vil ég að lokum óska öllum sjómönnum landsins og fjölsks.þeirra til hamingu með þeirra dag á sunnudaginn og minna enn á að dagurinn heitir: "Sjómannadagurinn"og ekkert annað.Allt annað er hreinlega lögbrot.Sendi ykkur öllum  í tilefni dagsinns.

Verið ávallt kært kvödd,og gleðilegan Sjómannadag.

Athugasemdir

[Sigmar Þór Sveinbjörnsson, 31.5.2008 kl. 13:21]

Heill og sæll Ólafur og takk fyrir góðan pistil, ég er alveg sammála þér  það er furðulegt að þetta skuli vera látið viðgangast af þessum stórþjóðum. Það var öðru vísi brugðist við þegar nokkrum USA hermönnum var rænt af Írönum við Írak um árið þá lá við striðsyfirlysingu gegn  Íran  frá bandaríkjamönnum. En þarna eru tugir ef ekki hundruðum sjómanna rænt og lítið gert til að stoppa þessa glæpamenn.

Já Sjómannadagurinn heitir Sjómannadagur og ekkert annað, það er merkilegt að Sjómannadagsráð Reykjavíkur skuli taka þátt í að kalla daginn Hátíð Hafsins, hafi þeir skömm fyrir það. Ég held að það væri sterkur leikur að fá nýja menn í það ráð, þeir sem nú sitja hafa verið þar nægilega lengi.

Gleðilegan SJÓMANNADAG Óli minn

kær kveðja SÞS

[Árni Gunnarsson, 31.5.2008 kl. 17:02]

Þakka góðan pistil og marga slíka áður.

Gleðilegan sjómannadag!

[Jóhann Páll Símonarson, 31.5.2008 kl. 21:26]

Heill og sæll Ólafur.

Ég tek undir með þér og þínar fróðlegu greinar um þetta. og kemur manni til að hugsa hvernig þessir villi menn komast upp með þetta trekk í trekk.

Hvernig er með vaktir á þessum skipum, ég tel þetta skipulagt. Ég veit til þess hér áður fyrr þá voru þessir menn skotnir tafarlaust á færi ef svo bar undir.

Það er rétt hjá Sigmari þetta er ekkert annað enn Sjómannadagur og mun það verða í mínum huga ekkert annað enn það. Hins vegar notuðu þeir þetta orð til að upphefja daginn að nýu með öðrum aðferðum sem hafa gefist vel fyrir alla fjölskylduna.

Þitt sjómenn sem lesið þetta hjá Ólafi gleðilegan Sjómannadag og kær kveðja til ykkar allra.

Og þér sérstaklega Ólafur fyrir þína frábæru pistla sem vekja sjómenn að værum blundi.

Til hamingju með daginn kæri vinur.

Jóhann Páll Símonarson.

[Haraldur Haraldsson, 31.5.2008 kl. 23:48]

Já Gleðilegan Sjómannadag og þakka þessa frábæru pistla fyrr og siðar/Kveðja Halli gamli