Viljum svör

                       

Staksteinar Morgunblaðsin krefja Fiskistofustjóra um svar vegna upplýsinga sem blaðið telur sig hafa vegna kvótasvindls í sjávarþorpi úti á landi.Eftir frásögn blaðsins uppgötvaðist þetta af eftirlitsmanni Fiskistöfu og að sögn blaðsins var lögregla kvödd á staðinn,Í Staksteinagreininni sem ber yfirskriftina:"Hví þessi þögn"segir m.a"Ekki verður annað skilið af þeim viðbrögðum sem blaðamenn hafa fengið en að Fiskistofa hyggist færast undan því að veita upplýsingar um málið,Hvers vegna"

 

Nú hljótum við almenningur líka að heimta svar frá umræddum"Stjóra"Ég tel mig ekki það vitgrannan að ég trúi því að Agnes Bragadóttir hin þaulvana blaðakona fari með svona grafalvarlegt mál sem þetta er,og að öll hennar skrif um málið sé eingöngu byggð á"kjaftasögum"Ég vil heldur ekki  trúa því að ritstjórar Morgunblaðsins"leggist í víking"og leggi margnefndan"Stjóra"í einelti.Hvernig væri fyrir þennan"Stjóra"að hætta þessu yfirklóri og komi til dyrana eins og hann er klæddur.

 

                         

Við vitum öll að þrátt fyrir góða tollgæslu þá viðgengst hér smygl,Ég haf aldrei heyrt neinn frá"Tollinum"fortaka það og segja"Jú það getur verið að það sé smyglað hingað en þetta er nú svo pínulítið að það tekur ekki að tala um það",En þetta finnst mér allavega liggja í orðum Fiskistofustjóra þegar hann talar um að"Brottkast" og"Kvótasvindl"sé svo lítið að það taki ekki að tala um það.Ein flaska eða 1 cíkarettupakki  fram yfir löglegan tollvarning er smygl hvernig sem við snúum orðinu eða reynum að teygja það og toga og þótt góðhjartaður tollari láti mann sleppa með það í gegn.Einn fiskur sem er umframkvóta og sem fleygt er í sjóinn er brottkast hvernig sem við teygjum og togum það orð.Fiskurinn er yfirleytt dauður er hann kemur í sjónn aftur.Ég geri allavega ekki ráð fyrir að menn sem ekki eiga kvóta fyrir tegundinni komi að landi með með afla úr henni til að fá á sig stórsekt.Mér finnst ekki þurfa miklar gáfur til að skilja það.Þetta kallast á hreinni íslensku"BROTTKAST" 

                  

Nú segir kannske einhver"hvern ands..... er hann að rífa kjaft,Gömul fylli..... og smy...."En það kemur bara þessu máli neitt við.Ég hef nú í nokkuð mörg ár reynt eftir fremsta megni að þræða hinn þrönga veg en tel mig ekki komin í neina englastöðu.En ég hef minn atkvæðisrétt.Og ég geri þá kröfu til þeirra manna sem lýðræðislega valdir stjórnendur þessa lands  fela forsjá hinna ýmsu opinberu stofnana að þeir komi hreint fram við þjóðina.

             

Séu ekki að fela sig bak við einhvern"kjaftasögu"þvætting.Og hvað með barnabarn eins farsælasta útgerðarmann landsins sjálfan ráðherra fiski og landbúnaðarmála,Getur hann kannske ekki litið upp úr smérinu (ég er ekkert að gera lítið úr bændum þó ég orði þetta svona)og kíkt á störf undirsáta síns í "barnaverndarnefnd"þorsksins.Ef eitthvað vit væri í hlutunum ættu þeir félagar að halda blaðamannafund strax á mánudag og skýra málið sem"Mogginn"sem kallar þetta"tiltölulega litla og einfalda mál"en er svona harður á.Það ætti ekki að skemma nein rannsóknargögn.Málið er komið í hámæli hvort sem.En menn skilja bara ekki þessa þögn,

                                    

Svo að öðru.Það eru aðrir menn sem í öðru ráðuneyti sem almenningur á heimtingu á að fá svör frá.Það er frá ráðherra samgöngumála og/eða hans undirsátar,Maður að nafni Kristján Möller var óbeyttur þingmaður í vor og viðhafði stór orð í sölum Alþingis um"ferjuskrífli"sem keypt var til að halda uppi ferðum til Grímseyjar.Það var barið í borðið og svör heimtuð . Á forsíðu Fréttablaðsins í dag er svo frétt sem hljóðar svo:"Grímseyjarferjan sögð lélegt skip"og svo frétt á bls 14:"Nýja Grímseyjarferjan vanhirt og hrörlegt hræ"Þar lýsir Ólafur J Briem skipaverkfræðingur hjá Siglingastofnun sjálfstæðu mati sem hann var beðin um að gera á"Gripnum"

                    

Frá upphafi hefur verið ljóst að burðargeta þessa"aldraða og veika" skips var töluvert minni en þess er fyrir var í starfinu.Og 140 tonnum minna en Eyjaskeggar töldu sig þurfa,Það þarf ekki að lesa lengi til að sjá að hér er einn"Byrgisskandalinn"í uppsiglingu.Almannafé sóað í einhverja"gæðinga"Kristján Möller á að hafa sagt í hádegisfréttum sl miðvikudag að hann óttaðist að kosnaðurinn við þennan"óheillagrip" færi upp í 600 miljónir..Það er 350 miljónum meira en mælt var með og 250 miljónum meira en kom fram í svari fv ráðherra til umrædds Kristjáns og sem hann hélt hvorki vatni eða vindi yfir,Hann barði sér á brjóst og krafði forvera sinn í starfi um greið svör og hverjir væru ábyrgir,Nú berja margir í þjóðfélaginu sér á brjóst og krefja hann svara.Það stendur í skýrslu Ólaf að 2 menn hefðu farið til Irlands 19 nóv 2004 og mælt með kaupunum.Annar þessara manna var Einar Hermansson skipaverkfræðingur en hver var hinn?Frumskógatrommurnar segja sögur af kaupum íslenskra manna á"hræinu"sem svo eiga að hafa selt Ríkinu"djásnið"með allgóðum hagnaði.

                           

Nú vaknar sú spurning af hverjum keypti Íslenska Ríkið þennan"Geirfugl 2"? Kristján Möller verður að skýra málið og leggja sannleikann á borðið svo almenningur þurfi ekki að mynda skoðanir sýnar á"kjaftasögum"Þetta sýnir manni enn og aftur hvernig maður er hafður að fífli 2 ár í röð á 4rra ára fresti.Menn berja sér á brjóst sem óbreittir þingmenn í stjórnarandstöðu en svo lokast á þeim"glufan"er í ráðharrastóla er komið,Að lokum vil ég vitna í blogg núverandi ráðherra í vetur.Ég vona að ég brjóti engin lög með þessari tilvitnun í blogg sem öllum er opið;"" Við höfðum óskað eftir því að fulltrúar Vegagerðarinnar, Grímseyjarhrepps, Vélsmiðju Orms og Víglundar, svo og Einar Hermannsson skipaverkfræðingur og aðal ráðgjafi Samgönguráðuneytisins kæmu á fundinn til að skýra þetta mál og svara spurningum.

Skemmst er frá því að segja að aðeins fulltrúar Vegagerðarinnar og Ríkiskaupa komu á fundinn. Fulltrúar Samgönguráðuneytisins neituðu að koma á fundinn en í auglýstu fundarboði kom fram að Jóhann Guðmundsson frá Samgönguráðuneytinu kæmi á fundinn.
Ætli Sturla hafi svo bannað honum að mæta og svara fyrir þátt Samgönguráðuneytisins í málinu ?

Einar Hermannsson aðal ráðgjafi ráðuneytisins mætti heldur ekki á fundinn og ekki kom fram hvers vegna, ætli Sturla hafi stoppað hann líka?""Stattu nú við stóru orðin Kristján Möller!!og upplýstu málið,Kært kvödd

Athugasemdir

[Guðrún María Óskarsdóttir., 12.8.2007 kl. 03:06]

Góður pistill Ólafur.

Skyldu menn mega vakna til vitundar.

kv.gmaria.

[Jóhann Elíasson, 12.8.2007 kl. 10:59]

Þetta  er einhver sú albesta grein sem ég hef lesið og vona ég að sem flestir lesi hana og þeir sem fá þarna  "tiltal"  hugsi sinn gang  og standi  undir  þeirri ábyrgð sem  þeim er falin.

[Hafsteinn Viðar Ásgeirsson, 12.8.2007 kl. 13:50]

Góð skrif, en sennilega lítil hætta á að þessir piltar taki sig saman í andlitinu. Allavega ekki Fiskistofustjóri, hann er orðinn vanur að þurfa aldrei að svara fyrir neitt.

[Árni Gunnarsson, 12.8.2007 kl. 17:03]

Í dag er "eðlilegt brottkast" tekið inn í heildaraflatölur. Mig minnir að í þorski sé talað um 20-30 þús. tonn árlega. Aftur á móti er það ekki talið eðlilegt að landa einum stórum karfa sem sprengir kvóta viðkomandi um nærri 300 grömm. Fiskistofa tók afar hart á þessu með þennan karfafjanda og bæði sektaði og svipti viðkomandi veiðileyfi tímabundið. Þetta var fyrir nokkrum árum.

Ekki man ég hvort Þorsteinn Pálsson var ráðherra þessa málaflokks á þessum tíma en vel man ég að bæði hann og Kristján Ragnarsson urðu svo agndofa að þeir máttu vart mæla þegar í tal barst að því að brottkast væri stundað á þeirra tíð við afskipti af þessum málaflokki.

"Það er hreint ótrúleg óskammfeilni að bera sjómönnum það á brýn að þeir hendi eigin lífsbjörg fyrir borð! Svona ásakanir eru náttúrlega grafalvarlegar og líka refsiverðar ef einhver tæki svona menn alvarlega", sögðu þeir einum rómi.

Þetta man ég ákaflega vel því ég var ferskfisksmatsmaður á þessum tíma.

En þetta dæmi með karfann átti auðvitað að sýna hversu strangt væri allt eftirlit með að stjórnun fiskveiða væri skiyrðislaust hlýtt.

Svona embættismenn ættu að snúa sér að öðrum störfum, t.d. sultugerð.

Verst þykir mér þó að samkvæmt fréttum af Vestfjörðum er ekki annað að sjá en að tófan sé farin að stunda ýsuveiðar. Og umgengnin er slík að hún slægir ýsuna og fleygir svo því sem hún getur ekki torgað í fjöruna.

[Haraldur Haraldsson, 12.8.2007 kl. 21:47]

Mjög góður pistill ,og orð i tima töluð/ vona að sem flestir lesi og sjái og skoði hlutina og það helst strax!!!Kveðja Halli gamli

[Hafsteinn Viðar Ásgeirsson, 13.8.2007 kl. 22:23]

Ha,ha,ha, Góður Árni, fjandi góður.