Kótinn og Mogginn

Batnandi manni er best að lifa datt mér í hug er ég las forustugrein Moggans í dag.Þar stóð m.a

.......Þótt færa megi margvísleg rök fyrir kvótakerfinu að öðru leyti er ljóst að markmiðið með því var ekki að það skildi eftir sig sviðna jörð um land allt. En það er kvótakerfið að gera. Ef kvóti Vinnslustöðvarinnar hverfur frá Vestmannaeyjum má búast við að stór hluti íbúanna flytjist á brott. Viljum við það? Er það markmið sjávarútvegsstefnunnar að leggja Vestmannaeyjar í eyði? Er það markmið sjávarútvegsstefnunnar að byggðin leggist af á Flateyri við Önundarfjörð? Það má færa rök fyrir því að Bolvíkingar hafi náð sér á strik á trillubátum eftir að kvótinn hvarf frá Bolungarvík en hvaða sjómenn geta rekið fiskveiðar með því að leigja kvótann á 200 krónur kílóið og selja fiskinn aftur á innan við 300 krónur kílóið? Við Íslendingar viljum ekki að sjávarþorpin leggist í eyði. Við viljum ekki að þorri sjómanna verði leiguliðar hjá fáum, stórum kvótaeigendum. Við lítum ekki svo á að þetta hafi verið markmiðið með kvótakerfinu. Þess vegna er nú óhjákvæmilegt að taka þetta kerfi til endurskoðunar á nýjan leik. Það gengur ekki að örfáir einstaklingar geti lagt heilu byggðirnar í rúst með því að kaupa upp þann kvóta sem þar er að finna. Hvort sem Einari K. Guðfinnssyni sjávarútvegsráðherra líkar betur eða verr verður hann að taka þetta mál allt upp til endurskoðunar. Og það þýða engin vettlingatök. Ekki er það betri kostur fyrir sjávarútvegsráðherra að Vestmannaeyingar og Flateyringar fjölmenni til Reykjavíkur og stormi borgarhliðin að sjávarútvegsráðuneytinu. Þolinmæði íbúanna í sjávarplássunum er augljóslega þrotin. Ráðherrarnir í ríkisstjórn Íslands eiga ekki að bíða eftir því að sú þolinmæði springi framan í þá með ógnarkrafti......

Skildi það loksins vera farið að síast inn í menn hvaða ógagn er að þessu kótakerfi fyrir landsbyggðina.Það skildi þó ekki fara svo að Morgunblaði yrði helsta málgagn þeirra sem vilja breytingar á þessu kerfi.Það verður alltaf meira spennandi að hlusta á Sjávarútvegsráðherra halda sína ræðu á morgun.Ef við skoðum sviðið í hans ranni í dag.Fégráðugir braskarar fara eins og stormsveipir yfir landið í leit að kóta til að braska með.Ógn vofir yfir sjávarbyggðum þessa lands ef ekkert verður að gert.Hvað gera t.d. erfingar þeirra manna sem í dag reyna að halda sínum kæru heimabyggðum í byggð þegar þeir síðarnefndu falla frá.Fiskiskipum fækkar og þar af leiðandi störfum sjómanna.Ef trúa má orðum formanns stéttarfélags þeirra á Akureyri þá er þrælahald aftur komið á suma íslenska togara allavega í eigu eins ónefnds manns.Og slysum fer fjölgandi í framhaldi af því.Farmannastéttinni að blæða út.Hafró með enn  eina af sínum svörtu skýrslum.Byggðri á einhverju arfavitlausu togararali sem enginn,sem vit hefur á veiðiskap dettur í hug að taka mark á,Mér skilds á mönnum sem hafa tekið þátt í þessari vitleysu sem Togararall heitir að það sé bara togað á sömu svæðum með útbúnað sem er síðan á árdögum skuttogara Maður hugsar með hryllingi til framtíðar ef þessi nefndur ráðherra lætur fljóta sofandi að feigðarósi.Við skulum bara vona að Mogginn komi vitinu fyrir þennan ráðherra sem stjórnar þessum,allavega fv undirstöðuatvinnuvegi okkar og taka undir með Steini Steinari er hann kveður:

.....Og eitt sinn skulu draumar vorir rætast

um þjóðfélag hins frjálsa,sterka manns,

sem engin ránshönd,drápshönd vofir yfir

og slegið fær.......

Það var slæmt að ekki skildi vera hreinsað út í margnefndu ráðuneyti og þessari samkundu sem kennir sig við Hafrannsóknir í leiðinni 

 

Athugasemdir

[Guðrún Magnea Helgadóttir, 2.6.2007 kl. 16:48]

Sæll Ólafur, það er ekki farið að síast inn í landann hversu óréttlátt fiskveiðistjórnunin er svokallað kvótakerfi. Ef svo væri þá hefðu menn og konur fylkt sér til mótmæla á pöllum Alþingis og mótmælt rányrkju stjórnmálamanna á auðlindinni er þeir úthlutuðu henni vinum sínum. Enginn sonur þrælanna sem réru víkingaskipunum í fyrndinni til landsins hefur haft þor eða áræði til að mótmæla ranglætinu. Þeir eru þrælar og verða það, það eru þeirra gen!

[Haraldur Haraldsson, 2.6.2007 kl. 18:04]

Við væntum þessa að allir fari að sjá þetta óréttlæti,fyrst Moggi er komin í þetta og segir þar það sem við höfum alltaf sagt sem eru á móti þessu kvótakerfi/Kveðja Halli Gamli

[Árni Gunnarsson, 2.6.2007 kl. 22:43]

Ekki gat ég betur séð en Jóhann í Hafró væri bara sæmilega brattur í sjónvarpinu í kvöld.

Ætli manninum sé fyrirmunað að skilja tilgang þessarar stofnunar sem hann hefur stýrt með þessum líka árangri?

[Hafsteinn Viðar Ásgeirsson, 3.6.2007 kl. 00:39]

Moggi kom á óvart í dag, kannski að það sé farið að ganga fram af einhverjum og þætti nú engum mikið.

[Hallgrímur Guðmundsson, 3.6.2007 kl. 09:00]

Ólafur ég vil bara benda þér á að það er enginn að selja þorsk á tæpar 300 kr kílóið að jafnaði.því miður er staðreyndin sú að verðið fer vel niður fyrir 100 kall og upp í 270 kr algengast er 170 til 220 kr og síðan geta menn reiknað.