Aftenging

Nú ætla ég að aftengja mig gömu togurunum. Þetta byrjaði á að ég ætlaði að blogga um þetta hér:

 Ég ætlaði líka að vekja athyli á togarasíðu Hafliða Óskarssonar á Húsavík en slóðin er hér:

http://www.togarar.is/  

En Hafliði er alger alfræðiorðabók um skip allavega um nýsköpunartogarana. En ég ætlaði aðeins að minnast á þá og togarana sem þeir leystu af hólmi. Nú sem sagt þegar músin tók jóðsótt fæddist fíll. Og ég bið Hafliða vin minn afsökunar ef honum  finnst ég hafa seilst inn á hans svið. Það er ekki meiningin.

 

 Þorvaldur Magnússon í fullum skrúða  Einn af þessum gömlu hetjum 

Hafliði á mikinn heiður skilið fyrir síðuna. En ég get hreinlega ekki slitið mig frá þessu nema að minnast aðeins á nokkur skip úr hópi þessara gömlu undanfara "Nýsköpunnartogarana" Og þau þungu högg sem þau urðu fyrir. Og nokkura frægra manna sem þessum skipum stýrðu. Ímyndið ykkur lúkarnir í gömlu togaranna tóku uppí 24 menn.

  Skemd brú eftir brotsjó.

Ekki var nú miklu vatni til að dreifa enda voru skipin kolakyntir gufutogarar. Í 2 eða 3  nýsköpunartogaranna voru 16 manna lúkar stærsta vistarveran, Og menn töluðu um hallarsalarkynni. Og vatnssalerni varð að veruleika um borð í togara  Gamli menn töluðu um að þeir (nýsköpunartogararnir) gætu mætt hvaða veðri sem væri. Og eins og í Halaveðrinu komust þeir að öðru þegar frá leið. Það liðu 12 ár frá því að sá 1sti kom til landsins þar til sá 1sti fórst í rúmsjó

Ég hef sagt frá nokkrum togurum sem týndust í WW2

 Gullfoss fórst með allri áhöfn 19 mönnum. Skipstjóri var Finnbogi Magnússon, faðir Finnboga heitins fv skipstjóra hjá Eimskip

 

 Reykjaborg fórst og með henni 13 menn en 2 björguðust. Skipstjóri var Ásmundur Sigurðsson bróðir hins ástsæla skólastjóra Stýrimannaskólans í Reykjavík Jónasar Sigurðssonar

 Sviði fórst á stríðsárunum með allri áhöfn 25 mönnum. Skipstjóri var Guðjón Guðmundsson faðir Eyjólfs fv skipstjóra hjá Jöklum og Eimskip.Og ef ég treysti á götótt minni þá var Þorbergur Friðriksson 1sti stm faðir Guðrúnar Katrínar heitinnar fv forsetafrúar.

 

 Jón Ólafsson fórst með allri áhöfn 13 mönnum Skipstjóri Sigfús Ingvar Kolbeinsson

Maður getur ekki skilið við gömlu gufutogarana án þess að minnast á nokkra sem þar gerðu garðinn frægan T.d Tryggva Ófeigsson og Bjarna Ingimars á Júpiter

 Júpiter

Guðmundur Jónsson á Skallagrími

 Skallagrímur

Sigurjón Einarsson á Garðari

 

 Garðar

Guðmundur Markússon á Tryggva gamla

 Tryggvi gamli

Vilhjálmur Árnason á Venusi

 Venus

Sjálfsagt gleymi ég einhverjum sem ætti að vera hér. En þetta eru þeir sem ég minnist svona í fljótu bragði. Kært kvaddir sem það eiga skilið

Meir af "Halaveðri"

Við skulum halda aðeins áfram með halaveðrið:Einar Sveinbjörnsson veðurfræðingur hefur sýnt mér þá vinsemd að senda mér veðurkort frá þessum tíma. Ég gríp hér niður í "rafbréf" Einars: "Tölurnar með þrýstilínunum eru ekki mb eða hPa.  Innsti hringurinn samsvarar 935 hPa þrýstingi, svo kortið sýnir strax án  þess að nokkuð annað séð skoðað að þetta vður hefur svo sannarlega verið alvöru."

Þetta hefur verið eins og Einar bendir réttilega á "alvöruveður" Mikil leit var gerð að skipunum 2 og sést hér leitarsvæðið

 Eins og sjá má ef myndin skannast vel hefur það ekki verið nein smávegalengd  sem Egill Skallagrímsson hefur rekið af Halanum að krossinum sem gerður er þarna ca V af Látrabjargi. Skipin sem lentu í þessu voru misjöfn .Að gæðum og aldri. Annaðhvort byggð í Þýskalandi eða Englandi. Þýsku skipin þóttu betri sjóskip allavega þegar bræla var komin að ráði.

 

 Áhöfnin á Agli Skallagrímssyni 1924, Sennilega margir þarna sem lentu í Halaveðrinu 

 

En hálf leiðinleg í þæfingi en svo sjóborgir er komið var slæmt veður. Ensku skipin sem um ræðir voru annaðhvort smíðaðir í Beverley eða Selby. Margir gamlir sjómenn sögðu að "Selbyarnir" hefðu verið betri en "Beverleyarnir" Og ef við athugum skipin í Halaveðrinu þá er listinn svona: Þýskbyggðir voru: Ása (1918 í Kopman í Dordrecht) slapp skipa best.Gulltoppur (1920 Unterweser í Lehe) lenti í miklum hremmingum en en dugnaður og kjarkur manna bjargaði skipinu, Gylfi (1920 Seebeck í Geestermunde) Slapp nokkuð vel.

 Enskur togari frá þessum tima Sennilega Beverleyskip þvi Selbytogararnir voru með vírnet á brúarvængjum

 

Selbyar: Tryggvi gamli (1920) Slapp nokkuð vel. Earl Haig (1919) lenti í miklum erfiðleikum en komsr til hafnar með mölbrotna brú m.m. Egill Skallagrímsson ( 1916) Lenti í miklum erfiðleikum en með harðfylgni komst skipið til hafnar. Field Marshall Robertson  fórst(1919) með allri áhöfn 35 mönnum (6 enskir) Hilmir (1913) slapp með brotna brú og bilað stýri. Ari (1920) slapp nokkuð vel með bilað stýri. Þórólfur (1920) slapp við stór áföll. Draupnir (1907) slapp vel.

 

 Ísaður togari 

Leifur heppni (1920) fórst með allri áhöfn 33 mönnum Surprise (1920) slapp nokkuð vel Beverleyarnir voru: Njörður (1920) Fékk á sig hvert brotið eftir annað. En með óbilandi dugnaði og kjarki tókst skipverjum að koma skipinu með glugga og hurðarlausa brú til hafnar  Cesersio(1915) komst við illan leik til hafnar .Jón Forseti (var smíðaður hjá  Scott Bowling í Bowling Englandi 1907)slapp vel  Læt þetta duga nú.Ég vil þakka Einari Sveinbjörnssyni fyrir veðurkortið  Kveð þá kært sem það eiga skilið