"allri sinni dýrð!!!!!

"þegar kona og sjö ára piltur gengu fram hjá eldhúsglugganum og sáu Williamson í allri sinni dýrð" segir í þessari frétt. Ég  fór í bað einusinni sem oftar rétt eftir að ég flutti hingað inn og áður en gluggatjöldin voru komin upp.

 

Þegar ég ætlaði í"naríurnar"kom í ljós að þær voru í kassa fram í stofunni. Ég skellti mér fram, að vísu 120 kg þyngri en er ég kom úr móðurkviði en eins klæddur.

Stendur þá ekki ókunn eldri kona fyrir utan gluggann (ég bý á jarðhæð) og mænir inn. Ég sá ekki betur en hún reigði sig um leið og hún leit undan og riksaði í burt.

 

Henni hefur sennilega ekki litist á"dýrðina" því ég hef aldrei séð hana  aftur og enga fékk ég kæruna. Það getur stundum verið gott að hafa ekki stóra"dýrðgripi" til að vera að  flagga. Maður tali nú ekki um í kreppunni. Kært kvödd

Handtekinn fyrir að hella upp á kaffi berrassaður