Um Daginn og veginn

 

 

Þegar ég var að alast upp var þáttur í,þá svo sannarlega Útvarpi allra landsmanna.(Allavega þannig séð að engin önnur útvarpstöð náði eyrum flestra landsmanna)þáttur sem bar nafnið Um daginn og veginn.Þá fluttu ýmsir þekktir menn sína sýn á mál líðandi stundar.Ekki ætla ég mér að fara að vera með neitt spekingatal en bágt á maður með að halda kja... yfir nýliðnum atburðum.Skelfing er nú að hlusta á Borgarstjóra Reykjavíkur reyna að snúa sér út úr þessum fíflagangi með Reykjavik Energy Invest og Geysir Green Energy.

 

Auminga maðurinn,hvernig hann hefur snarsnúist  og reynt hreinlega stamað sig út spurningum fjölmiðla.Gamli góði"Villi"hreinlega gerði í buxurnar í þessu máli og á erfitt með að koma sér úr skítagallanum.Hvernig er það eiginlega með þessa menn.Skelfing öfundar einfaldur maður eins og ég,sem hef gert helling af mistökum og orðið að viðurkenna þau, þessa menn sem aldrei verða á nein mistök.Ég er farinn að halda að þeir séu haldnir einhverri utanaðkomandi ljómun sem við hin,allavega ég þekkjum ekki.

 

"Ég hef ekki gert misstök"fólkið kemst misjafnlega vel frá málum sínum.En gamli góði "Villi"klikkaði á því.,Ég myndi ráðleggja honum að fá Peter O Toole hinn heimsfræga leikara til að kenna sér að leika sakleysinga.Mér finnst Peter alveg frábær er hann er að leika einhverja sakleysinga eða mann af"Ég geri ekki mistök"gerðinni.Birni Inga tókst aðeins betur upp í hlutverki sakleysingans þegar hann þóttist ekkert vita.En skelfing er er þessi farsi að verða leiðinlegur aðallega vegna þess að enn og aftur koma kjörnir leiðtogar landsins fram fyrir þjóðina og ljúga blákallt framan í"sauðsvartan"almúgann.

 

 

Og þeir munu gera það meðan volgt er í þeim hla......Svo er það mál verkamannana frá Litháen.Ég ætla ekki að draga taum starfsmannaleigunnar sem auðsjáanlega er sek í málinu.En ég er hugsi yfir hvað kemur til með að ske með þessa blessaða menn sem kærðu þegar heim verður komið.Mun íslensk verkamannafélög fylgast með hvað verður með þá í framtíðinni.Ég er viss um að það verður ekki tekið á þeim með neinum"silkihönskum"þegar heim er komið.Þarna er farið að byrgja brunninn eftir að barnið er dottið ofan í hann.

 

FF lagði á það áherslu á það í kosningabaráttunni að taka vel á móti þeim verkamönnum sem hingað leituðu vinnu.Ein samflokkssystir Gissurs Péturssonar(að ég held)var við að fara úr öllum límingum í ræðustól Alþingis eftir að Guðjón Arnar hafði hvatt til þess í setningarræðu á Landsfundi FF.Það væri gaman að heyra álit hennar á þessu kærumáli.Ég fullyrti í bloggi í vor að Vinnumálastofnun hefði ekki hugmynd um hve margir erlendir verkamenn væru í landinu og ég stend við þá fullyrðingu.

 

Mér hefur fundist Gissur Pétursson hálf einmanalegur og stundum eins og  barinn hun.... í viðtölum undanfarið.Það er að koma betur og betur í ljós það sem FF varaði sem mest við í vor og fékk á sig"Rassista"stimpil fyrir.Við höfum tekið illa á móti innfluttu vinnuafli og nú ber íslenskum yfirvöldum hvort sem er Verkalýðsforustan eða opinberir aðilar að fylgast með málum þessara Litháa.Að þeir lendi ekki á svörtum listum í heimalandi sínu og verði útilokaðir frá vinnu í framtíðinni.Mér dettur stundum í hug þegar ég heyri hvað sumir af svokölluðum leiðtogum bera á borð fyri okkur almenning orð eins ágæts skipstjóra um vitgrannan háseta sinn."ef svona heimskur hundur hefði fæðst í minni sveit þá hefði hann verið skotinn"Þeir mega þó eiga það fyrirmenn þessarar starfsmannaleigu að þeir fást ekki til að koma ljúandi í fjölmiðla.Það er meira en sagt verður um suma.Kært kvödd