"háttsettur"

Vitanlega er svona "háttsettur" maður saklaus. Eða þannig. Allavega myndi hann sýknaður af vildarvinaréttinum hér á landi. Kært kvödd

Mun lýsa sig saklausan

"Fósturland vort hálft er hafið II"

Ég veit að ég tala eiginlega  fyrir tómum eyrum þegar ég er að "messa" þetta um Sjómannadaginn En ég vil meina að þetta nafnabrengl séu hrein svik við hinn upprunalega tilgang. Í því sambandi er kannske rétt að rifja upp ýmis skrif á bernskuárum "Sjómannadagsins"Svona skrifar t.d. vikublaðið  "Fálkinn" um Sjómannadaginn 1938:

 Skip á leið út frá Figueira da Foz Höfn í Portugal sem margir íslenskir farmenn kannast við

"Það má undarlegt heita, að ekki skuli fyr en nú hafa verið efnt til „sjómannadags" hjer á landi, þegar litið er til þess að íslendingar eru flestum þjóðum framar sjómannaþjóð. Engin einstök íslensk stjett hefur um  langt skeið gefið þjóð sinni svo mikil verðmæti sem hún.

Og það hefur kostað hana miklar mannraunir að höndla þau. Ósjaldan hefur Ægir heimtað sínar fórnir. Stór er sú fylking ungra og hraustra Islendinga, sem fengið hafa hinstu hvíldina í hafsins djúpi.Ef til vill er mannfallið hjá íslensku þjóðinni af völdum Ægis meira en mannfallið meðal hernaðarþjóðanna, er heyja stríð hver gegn annari." Tilvitnun lýkur Skúli Skúlason var ritstjóri Fálkans er þetta var skrifað. En greinin var ómerkt.

©J. Viana

Höfuðtilgangur var eins og Guðmundur Oddsson einn af frumkvöðlunum lýsir í grein um daginn í Sjómannablaðinu Víking 1939:

"Starfssvið dagsins víðsvegar um land er með mjög líku móti. 1 reglugerð Sjómannadagsins hér, sem er í 11 greinum, segir meðal annars:

1. gr. Einn dagur á ári skal helgaður sjómannastétt landsins, er nefnist Sjómannadagurinn.

2. Takmark Sjómannadagsins sé:

a.) Að efla samhug meðal sjómanna og hinna ýmsu starfsgreina sjómannastéttarinnar.

b.) Að heiðra minningu látinna sjómanna og þá sérstaklega þeirra, er í sjó drukkna.

c.) Að kynna  þjóðinni lífsbaráttu sjómannsrns við störf sín á sjónum.

d.) Að kynna þjóðinni hve þýðingarmikið starf stéttin vinnur í þágu þjóðfélagsins.

e.) Að beita sér fyrir menningarmálum varðandi sjómannastéttina, er auka gíldi hennar

3. gr. Þessu takmarki sé náð með: ræðum, útvarpserindum, ritgerðum í blöðum og tímaritum, samkomum sýningum, íþróttum og öðru því, sem stéttin getur vakið eftirtekt á sér með.."Tilvitnun lýkur,

 

©J. Viana

Mig er farið að gruna að "menningarvitar" úr vissu póstnúmeri séu farnir að hafa þarna áhrif En þetta eru bara mínar hugleiðingar skreyttar gömlum blaðagreinum um "Sjómannadaginn"

©J. Viana

Með vinsemd og virðingu fyrir því sem það á skilið

"Fósturland vort hálft er hafið"

Ég vil nú bara vona að þessar uppsagnir séu bara til málamynda. En ég vil minna á að nú eru rúmar þrjár vikur til "Sjómannadags" Dagsins sem á að halda hátíðlegan undir því nafni. Ég skil satt að segja ekki Sjómannadagsráð að taka þátt í þessari "hátíð hafsins" endaleysu.

  © Eftir málverki Rino Aldini

Vissulega hefur hafið verið gjöfult við okkur en eins og segir "Fósturland vort hálft er hafið helgað þúsund feðra dáð. Þangað lífsbjörg þjóðin sótti, þar mun verða stríðið háð. Yfir logn og banabylgju bjarmi skín af Drottins náð. Föðurland vort hálft er hafið, hetjulífi og dauða skráð. (Jón Magnússon.) " Og gjafmildið þakkarvert. En svoleiðis uppskeruhátið má bara halda annan dag. 

 

 

Því íslenskir sjómenn hafa háð baráttu við hafið í aldaraðir. Og sú barátta hefur kostað stórar fórnir. Ungir menn í blóma lífsins týnt lífi í þeirri baráttu. Sjómannadagurinn á að vera dagur til að minnast og heiðra þá menn. Ekki aðilan sem svifti þá lífinu. Ég var til sjós í tæp 53 ár.

 Ég bar mikla virðingu fyrir hafinu þó ég kannske hræddist það aldrei. Ég hef átt marga vini sem ekki snéru aftur. Ég er það gamall að muna, þegar þess tíma stór skip hurfu með allri áhöfn Og ég sé enga ástæðu til að heiðra hafið á Sjómannadaginn. Ég leifi mér að birta hér niðiurlag greinar sem Sig. Gröndal skrifaði í fyrsta Sjómannadagsblaðið 1938 :

 "  Sjómannadeginum er ætlað það hlutverk, að vera sameiginlegur frí- og gleðidagur sjómannanna og viðurkenndur sem slíkur af allri þjóðinni, og honum er ætlað að vekja skilning þjóðarinnar á störfum og lífi sjómannanna. Og við vitum það einnig, að Sjómannadeginum er ætlað annað hlutverk háleitara og viðkvæmara, hann er einnig helgaður minningu þeirra mörgu mannslífa, sem hafið hefir krafizt og fengið. -Það er eins og hugur minn nemi staðar, er ég minnist hinnar votu grafar sjómannsins." Tilvitnun lýkur. Leturbreitingar mínar

 

 

Það er þetta háleita og viðkvæma hlutverk Sjómannadagsins sem mér finnst menn vera að gera að engu með þessi "hátið hafsins " bulli. Ef Sjómannadagsráð þarf að grípa til þessarar nafnabreitingar til að vekja áhuga fólks á störfum íslenskra sjómanna þá hafa þeir hreinlega bara ekki staðið sig í stykkinu. Og með þá stöðu er stéttin ílla stödd. Með vinsemd og virðingu fyrir því sem það á skilið kveð ég ykkur í kvöld. En ég kem aftur

Áhöfn Sólbaks sagt upp

" í réttu"klíkunni""

Á sama tíma og þeir dæma konu í fangelsi fyrir 6000 kr vísa þeir þessu frá. Dettur einhverjum í hug að hæstiréttur dæmi bankastjórann ? Nei og aftur nei En konan var bara ekki í réttu"klíkunni" Kært kvödd

Fékk 330 milljónir haustið 2008

"skjóta þeir sendlana"

Ennþá skjóta þeir sendlana. Í þessu sem og mörgu öðru. Kært kvödd

Endurgreiði 90 milljónir

"Vildarvina dómskerfið"

Skelfing er nú gott að vita hve skilvirt dómskerfið er hér á landi Vonandi verður sama formúla notuð, nei annars hún verður aldrei notuð á stórþjófana sem skildu hér eftir sig sviðna jörð  Vildarvina dómskerfið mun sjá fyrir því  Kært kvödd

Í fangelsi fyrir búðahnupl

"Logaði stafnanna á milli"

Þetta sýnir okkur betur en nokkuð annað hættuna sem sjómönum stafar af eldi um borð í skipum. Með stærri og öruggari skipum er eldurinn jafnvel orðinn hættulegri óvinur sjómannsins en hafið. Sem allir keppast nu til að hylla á degi "Sjómannsins" Gaskútar gerfiefni og margt fleira er hægt að telja til. Að vísu gerðist þetta í höfn til allrar lukku.

 

 

Þetta minnir mig á sögu sem gekk hér í "den" Friðrik Ólafsson skólastjóri Stýrimannaskólans þótti stundum harður í horn að taka hvað lærdóminn varðaði, En hann kenndi (sem venja var hjá skólastjórum f g skóla) siglingarreglur og var betra að gata ekki í tímum hjá honum. 

 

Svo varð það einusinni í tíma hjá Friðrik að hann tekur upp einn nemenda og spyr hann um kaflann í  24 reglunni um skip sem dregur annað skip. Þ.e.a.s hvaða  ljós slíkt skip á að hafa. Nemandinn sem seinna varð fengsæll fiskiskipstjóri og farsæll útgerðarmaður klóraði sér aðeins í hausnum og svaraði:" ja ég er nú ekki aveg viss um það."

 

Friðrik spurði þá strangur á svip:"hvað er þetta lest þú eki reglurna heima drengur." Jú jú svaraði hinn" en síðast þegar ég sá skip draga annað skip þá hafði dráttarskipið togljósið en sá sem dreginn var logaði nú bara stafnanna á milli"  En þá meinti hann þegar b/v Neptúnus RE. var að draga b/v Gylfa BA brennandi til hafnar í mai 1951. Menn sögðu að Friðrik hefði snúið sér undan til að halda andliinu. Ef myndin er stækkuð sérst hvernig brúin á Gylfanum hreinlega bráðnaði niðir. Kært kvödd

Dæla sjó á eldinn

"veðja á XD"

Skildi skólastjórinn veðja á XD í ráðuneyti menntamála. Kært kvödd

Hraðbraut starfar næsta vetur

"virðingu þorra landsmanna"

Seint og um síðir er það að  síast inn í höfuð á liðinu á þessu svokölluðu alþingi að almenningur er löngu búinn að missa allt álit á því.  Þetta segir ein konan úr liðinu:"Hverjum sem um er að kenna er ljóst að Alþingi hefur glatað trausti og virðingu þorra landsmanna."

Sem sagt hún viðurkennir að virðingin sé fokin út í veður og vind. Og hún heldur áfram: "Virðingu og traust er hægt að vinna til baka en það krefst þess að við tökum höndum saman."

Getur þetta lið ekki skilið að virðingin á samkundunni kemur aldrei nema að sumt fólk hverfi úr sölum þess. Svona fíflagangur og peningasóun eins og og einhver landsdómur yfir einum (þótt í forsæti hafi verið) ráðherra úr "hrunstjórninni" er bara sýndarmennska til að reyna að slá ryki í augu Þorri almennings vill í burt alla "hrunráðherra" Og ég hef alltaf lagt þá meiningu í "þorra" að það væri meirihluti af einhverju

Nokkrir af þessu liði hafði þó samvisku til að láta sig hverfa, en þeir óforskömmuðustu sitja sem fastast. Þegar þetta lið er farið væri hægt að fara að tala im einhverja virðingu. Kært kvödd

Alþingi hefur glatað virðingu

"ætum hatti "

Systir hans ætti að geta fengið uppskriftina fyrir ætum hatti hjá tengdamóðir sinni. Kom ekki eitthvað svipað fyrir hana? Þ.e.a.s tengdamóðirina.Kært kvödd

Smyr sér hatt og étur hann

"leikfang "heldra" fólksins "

Þetta fokdýra leikfang "heldra" fólksins hefði átt að brenna til grunna.Jedú mía.Það var slæmt að danir,ástralar og svíar skyldu ekki byggja sín hávaðahús uppi á fjöllum (danir gátu það náttúrlega allsekki) Því þá hefði þetta hús sennilega verið byggt uppi á Skjaldbreið. Ljóti hermikrákuleikurinn Kært kvödd

Slökkviliðið kallað í Hörpu

"Alló alló Helgi Hjörvar"

Alló alló Helgi Hjörvar. Í fjögur ár hefur flokkur þinn sitið við völd. Síðstu tvö ár i forsæti Nv valdastjóri fv félagsmálaráðherra tvö ár þar á undan.

Og nú mætti halda af þessum ummælum þínum að þið í stjórnarflokkum ráði engu. "löngu tímabært" segir þú nú. Enhvern veginn síast þessi ummæli inn í minn heimska heila þannig að þetta hefði verið hægt en því ekki sinnt. 

 

Ykkur í þessari "tæru" sem viljið samsama ykkur við horfna verkalýðsleiðtoga verður allavega í hugum allra tekjulágra þjóðfélagshópa minnst sem alverstu "Íhaldsstjórn" sem landið hefur alið.

 

Ykkur verður  ekki minns sem stjórn sem bæri fg hópa fyrir brjósti.  Allavega rýrðuð þið "löngu tímabær" kjör eldri borgara svo dæmi sé tekið Kært kvödd

Löngu tímabærar kjarabætur

"Kannske aldrei skilið neitt "

ASÍ virðist vera orðið ríki í ríkinu Eða hvað Maður er hættur að skilja. Kannske aldrei skilið neitt í sambandi við ASÍ

 

Ég gef Vilhjálmi Birgissyni orðið. :„Þessi bókun er stórmerkileg, vegna þess að aðildarfélög ASÍ eiga eftir að ganga frá fullt af sérkjarasamningum. Til dæmis á Hlíf í Hafnarfirði eftir að ganga frá samningi við Ísal í Straumsvík. Við eigum eftir að ganga frá samningi við Norðurál og Klafa. Það er fullt af svona samningum út og suður.

Þessi grein kveður á um það að menn skuldbindi sig til að ganga frá sömu launahækkunum og var gert á hinum almenna vinnumarkaði. Ég hef ætíð sagt það að fyrirtæki eins og álfyrirtækin eigi að koma með meiri launahækkanir heldur en fyrirtæki sem eiga undir höggi að sækja"

Tilvitnun lýkur. Mega þá álverin ekki borga meiri laun nú þegar vel gengur hjá þeim. Eru engin liðamót til eftir þénustu atvinnurekena Kært kvödd

 

Samkomulag fljótlega eftir helgi

"hvað Ögmundur er að sýsla."

Þetta sýnir betur en margt annað að við erum komin í samband við hinn stóra heim. Einhverjum hagsmunahópum er eitthvað illa við hvað Ögmundur er að sýsla.

Allir almennir borgarar sama í hvaða flokki fólk stendur fordæma svona árásir. Og það er auðvelt að vera hugrakkur í skjóli myrkurs og heigulinn einn gortar af því að vera aldrei hræddur. Ég vil bara óska Ögmundi velgengdar í baráttu við vissa hópa.

Kært kvödd

Ráðist á heimili Ögmundar

"Þegar ég var ungur "

Þegar ég var ungur las ég einhvertíma að kynlíf matur og atvinna í þessari röð minnir mig væri undurstaðan til að geta lifað. Og þegar maturinn er bara eftir eins og hjá mér þá er það á hreinu að kaffið (sem ég skil sem mat) er bara þrælhollt og bráðnauðsynlegt. Þessir hollendingar eri bara að grafa undan heilsu íslendinga vegna Icesave En ég gæti trúað að stórsnýtingar væru ekki hollar.Kært kvödd

Kaffi, kynlíf og snýtur hættuleg heilsunni

"sumir"

Það er með hreinum endemum hvað sumir XD menn eru viðkvæmir gagnvart eftirliti með umsýslu peninga. Sumir þeirra ættu kannske að líta sér nær hvernig eftirlit sumra nákomna með fg sýslu brást algerlega og jafnvel af sumum talið orsök hrunsins. Og það er kannske von að sumir vilji ekkert eftirlit til að geta tekið við "gjöfum" frá sumum til að halda í sæti á sumum stöðum. Kært kvödd

Hljómar eins og lýsingar á Stasi

"svona stórglæsilegar konur "

Ég myndu nú ekki vera að flýta mér við að semja með svona stórglæsilegar konur eins og sjást á myndinni í samninganefndunum. Já já ég veit ekki snerta bara skoða, Kært kvödd

Bjartsýnn á að samningar náist

"Þarna lærðu "

Þarna lærðu Stýrimannaskólanemendur "íþróttir" á sínum tíma. Eða þannig Kært kvödd

Gamalt íþróttahús friðað

"og þeir sem minna mega sín"

Eldriborgarar, öryrkjar og þeir sem minna mega sín hafa fundið illilega fyrir menningunni undanfarið og ekki sést einusinni roða fyrir sólini hvað það varðar. Og ekki lýsa menningarvitarnir í því dimmviðri.Kært kvödd 

Nýir tímar í menningarsögunni

"Er nú ekki nóg helv.... "

Er nú ekki nóg helv.... pappirssnifsafokið um allt. Þetta stendur í fréttinni "sem farþegar geta annað hvort lesið á meðan ferðalaginu stendur eða tekið með sér heim" en gleymdist að bæta við " eða hent þegar úr vagninum er komið" Kært kvödd

Frí blöð í strætó