Nýbúar

Ég þurfti að fara nokkra daga á spítala nú fyrir skömmu.Ég var einn í stofu og rétt eftir að ég var innritaður og lagstur uppí rúmmið mitt heyrði ég í starfstúlkum sem voru að tala saman frammi á ganginum.Fyrsta sem uppí huga minn koma að það væri eins og maður væri kominn  á spítala í Bankok eða Manilla.Þar sem ég og flokkurinn sem ég styð höfum áhuga á fólki sem hingað vill flytja og setjast hér að fór ég að hugsa til eigin reynslu.Ekki það að ég hafi neitt á móti þessu fólki langt þar frá.En við verðum að passa okkur á að vel sé staðið að verki og rætt opinskátt um þessi mál.Ég þekki marga menn sem hafa farið og búsett sig erlendis.Þar á meðal er ég sjálfur.Það eru margir sem flytjast út til annara landa og eru komnir vel á fullorðins ár.Margir og þá einkum þeir sem flytjast með börnum sínum komast aldrei almennilega inn í mál  tilheyrandi lands því þeir hreinlega nenna því ekki og láta börn/ættmenni túlka fyrir sig.Ég fór að hugsa um þessa"Nýbúakonur"og ég spurði hjúkrunarfræðinginn sem á vakt var hvort ekki væri reynt að láta þær tala saman á íslensku t. d. í matar og kaffitímum þegar íslenskt fólk væri til staðar.Þá sagði hún mér að þær(Nýbúakonurnar)héldu sér alveg út af fyrir sig og vildu sem minnst reyna að tala íslensku.Þarna er kannske kjarninn í þessu.Nú veit ég ekkert hvernig vera þessara kvenna þarna er tilkominn en ég veit að margar af þessum konum eru giftar sjómönnum og eru kannske einar heima langtímum saman þ.e.a.s.án  þess að nokkur tali við þær íslensku.Hvaða mál tala svo þessar konur við börnin sín?Hvurnig íslensku tala svo börnin þegar þau stækka?Í hinum Norðurlöndunum eru stórir hópar af innflytendum og það af annarri kynslóð þeirra sem tala svo bjagað mál að þeir eru eiginlega útilokaðir frá atvinnumarkanum nema alveg lægst launuðu störfunum.Þessir menn hafa því miður orðið fíkniefna og annari glæpastarfsemi auðveld bráð.Þessi mál eru að byrja að taka á sig mynd hér og við megu/viljum ekki standa bara og opna allar dyr og fylgjast svo ekki með eða aðhafast neitt.Við eigum að bjóða fólk velkomið hingað en við þurfum líka að standa á bremsunum hvað það varðar að þetta fólk verði ekki annars flokks þegnar þessa lands.Það er enginn rassismi að vilja að nýbúum líði hér vel.Við skulum hafa"hljóðneman"opinn þegar við tölum.

Bakkafjara eða Göng?

Sigmund var góður í dag sem og kannske endranær.Vonandi verður ekkert af þessari kosningabólu sem þetta Bakkafjörudæmi vonandi er.Ég hef af ýmsum ástæðum ekki geta fylgst með umræðunni sem hefur verið um þessi mál og kannske ekki heyrt öll rökin sem mæla með,að mínu áliti þessari vitleysu.Hjá gömlum sjóara eins og mér vakna nokkrar spurningar.Það skal strax viðurkennt að ég er ekki kunnugur aðstæðum akkúrat þarna.En ég þekki þó nokkra skipstjórnarmenn úr Eyjum sem ekki eru par hrifnir af þessari hugmynd.Engin af þeim sem ég þekki eru hlynntir henni.Og maður spyr sig hvað hefði Bakkajólfur komist margar ferðir undanfarnar t.d.3 vikur?.Hefur kannske háttvirtur samgönguráðherra fengið góðan samning hjá Almættinu,hvað varðar vindstig og ölduhæð.Almættið hefur kannske kíkt við hjá þeim í Kópavoginum?.Hvernig á að verja stýri/skrúfur ef afturendinn tekur niðri á rifinu sem mér er sagt að sé þarna fyrir utan.Á kannske að vera hægt að hýfa heila klabbið upp(eins og þeytari er tekinn upp á hrærivél)ef svo bæri undir?Hvert á að sækja grjótið í garðana sem á að byggja?Ætla þeir kannske að fara að leyta að grjótinu sem þeir týndu í Grímsey og Bakkafirði?Eða á kannske að rífa Heimaklett niður?Og spurningarnar verða fleiri og áleitnari .Nei góðir hálsar.Jarðgöng til Eyja verða að veruleika þegar þar að kemur,það er á hreinu.Hvort það eru 10,20ár eða lengri tími veit enginn í dag,en tækninni fleygir fram.Það sem er óframkvæmanlegt í dag getur verið veruleiki á morgun.Það vitum við sem erum komin á svokölluð efri ár.Ég kannast svolítið við tilfinninguna sem maður getur fengið við að sigli inn í kannske grunna höfn í miklum sjó.Ég myndi vorkenna þeim manni sem á að sigla þarna upp.Óvanur skipi og aðstæðum.Hættum að hugsa um þetta dæmi(sem sennilega verðurþað líka slegið út af borðinu eftir kosningar hver sem fær samgöngmálin í næstu ríkisstjórn)Vestmanneyjingum vantar nýtt skip til Þorlákshafnarferða núna strax þangað til göngin koma.Og þó þau verði í augsýn eftir nokkur ár má alltaf selja nýlegar ferjur t.d.Grikklands og við megum ekki láta það viðgangast að misvitrir ráðherrar fái að vera með puttana í teikningunum t.d.stytta það til að skapa kosningaloforðsatvinnu.Annars er velmetin skipstjóri frá Vestmannaeyjum með frábæra hugmynd.Það á bara að gera Vestmannaeyjar að Fríhöfn(eins og borgin Ceuta sem er spönsk borg á  N-strönd Afríku)Þá heimta allir landsmenn göng til Eyja og það strax svo þeir geti náð sér í ódýrt sprútt,Góðarstundir

Innflytenda stefna Frjálslyndra

Þegar verið er að væna Frjálslynda flokkinn um innflytendahatur eða óvild í garð þeirra sem hingað til lands vilja flytja, þá ættu menn að lesa yfir ræðu Guðjóns Arnars á Landsfundi flokksins.Sá maður sem getur lesið hatur eða óvild til þessa hóps ætti að fá heiðursverðlaun fyrir ríkt ímyndunarafl.Hann talaði um að taka vel á móti þessu fólki,kenna því íslensku,passa upp á að það verði ekki hlunnfarið á neinn hátt.Ég get ekki séð að það felist óvild í því að það sé beðið um sakavottorð og sé jafnvel látið gangast undir læknisskoðun.Ástralir eru sennilega með hvað hörðustu stefnu í þessum málum.Fyrir nokkrum árum las ég um par sem kynntust á"Netinu".Hún bjó í einhverju öðru landi sem ég man ekki lengur hvað var.Þegar þau ætluðu svo að giftast fékk hún ekki að flytjast til kærastans því hún var með sykursýki.Ég man ekki betur en rökin sem notuð voru væri það að þeir voru hræddir um að"sitja"uppi með hana í heilbrigðiskerfinu.þetta er nú kannske fulllangt gengið en svona leit þetta út fyrir þeim.Fyrir nokkrum árum var ég staddur í "Kóngsins Kaupmannahöfn"nánar tiltekið á "Strikinu".Þá varð ég var við að mig vantaði veskið.Ég snéri mér að lögregluþjóni sem var þarna og spurði hann hvað væri helst til ráða þegar maður týndi veski þar um slóðir.Þú hefur ekki týnt því hefur verið stolið af þér sagði ´ann.Það getur ekki verið sagði ég það kom enginn svo nálægt mér.Þetta segja allir fullyrti hann.Svo sagði hann mér að glæpamenn í Kaupmannahöfn væru farnir að flytja inn unga pilta sem væri búið að þrautþjálfa í vasaþjófnaði frá barnæsku,í löndum sem áður tilheyrðu Ráðstjórnarríkjunu.Það væri líka athugandi að vita frá hvaða löndum verstu afbrotamenn séu sem sitja í sænskum fangelsum.Ég las einusinni í sænsku blaði að Svíþjóð teldist með bestu þjóðum fyrir terrorista að leynast í vegna hve auðvelt væri að komast inní landið.Við skulum ekki láta sama tvískinnungsháttinn sem er í Svíþjóð og jafnvel í Danmörk.Þar sem almenningur og stjórnmálamenn tala sí og æ á móti sannfæringu sinni.Man fólk ekki eftir þegar frambjóðandi"Moderaterna"í Svíþjóð hélt að búið væri að slökkva á migrafóninum.Við eigum að gera eins og Frjálslyndiflokkurinn vill taka vel á móti innflytendum.Mennta þá vel rækta vel tengslin við þá og tala opinskátt um hvað sé þeim og okkur fyrir bestu.Það er ekkert leyndarmál að það leynast stundum,en sem betur fer ekki oft  óæskilegir menn í þessum hóp alveg eins og leynast í okkar eigin röðum

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.