"Botninn er suður í Borgarfirði"

"Botninn er suður í Borgarfirði" sögðu Bakkabræður forðum.Ég er farinn að halda að "botninn" í þessu máli sé jafnvel  norður í Skagafirði. Með mikilli virðingu fyrir Skagfirðingum öllum. En ég, frekar en margur annar skil ekki alveg háttalag þessa Skagfirska ráðherra. Þess hins sama sem sleit(eða vildi slíta)sambandinu sem mest við ESB. Nú vill hann hreinlega slei... rass..... á þeim og þóknast þeim.

 

 

Við sem eldri erum vitum hve oft fréttir hér eru litaðar frá áhrifum USA. Vita Íslendingar yfirhöfuð hvað er að ske í Úkraníu?? Vita þeir yfir höfuð hvaða stjórnmálaflokksbrot berjast þar um völd Eru ekki bandaríkjamenn, þar með syni sumra mikilla áhrifamanna komnir þar til valda í nokkrum stórfyrirtækjum ??. Eru ekki fasistum að vaxa þar líka fiskur um hrygg???.

 

Af hverju er td. gasútflutningurinn frá Rússlandi til ESB landana tekin út fyrir svigann??. Það er mörgum spurningum í þessu máli ósvarað. Og ég held að þeir menn sem hafa með þessi mál að gera hérlendis hreinlega viti ekki glóru um hvað felst þarna bak við tjöldin. Þeir fá bara þar sem þarlendis opinberir aðiljar vilja láta þá sjá.

 

Ekki það að ég viti það eitthvað betur Mér finnst satt að segja það ekki "eins og guð almáttugur hafi sagt það" þó ég lesi eitthvað í íslenskum fjölmiðlum. Og það af langri reynslu sem kannske frekar fáfróður almúgamaður í þessu landi búinn að lifa 77 ár. Með nú orðið fáræði hvað algert hlutleysi varðar. Kært kvödd

Sakar ráðherra um heimsku og lygar

Athugasemdir

[Sigurður M Grétarsson, 15.8.2015 kl. 09:10]

Ef við setjum Tékkóslóvakíu í stað Krímskaga, Austurríki í stað austurhluta Úkraínu og Þýskaland í stað Rússlands og hugsum til fjórða áratugar síðustu aldar í stað nútímans þá sjáum við hvaða hagsmunir lyggja undir.

Staðreyndin er sú að Pútín mun ekki stoppa með útþennslustefnu sína fyrr en hann er stoppaður af. Hann hefur sjálfur sagt að fall Sovétríkjanna hafi verið „mestu pólitísku hamfarir síðustu aldar“ og er að reyna að endurreisa Sovétríkin. Í því felst að innlima fyrrum ríki Sovétríkjanna undir Rússland.

 

Ef Rússar verða ekki stoppaðir af núna þá munu þeir taka yfir einhvert annað ríki næst og svo koll af kolli þangað til þeir verða stoppaðir af það er ef þá er unnt að stoppa þá af. Þá mun fara fyrir lítið stuðningur okkar við frelsisbaráttu Eystrarsaltsríkjanna því þau munu missa það frelsi sitt aftur.

 

Þessi deila er ekki til komin vegna einhverrar útþennlustefnu ESB eða NATO. Hún er komin til vegna útþennslustefnu Rússlands sem var að seilast til áhrifa í austur Evrópu þar með talið Úkraínu með bæði hótunum og mútum til fyrrum forseta landsins. Þjóðirnar næst Rússum í Evrópu hafa leitast við að komast í ESB og NATO í viðleytni sinni til að verjast útþennslustefnu Rússa því þau vita að það minnkar lýkur á innrás þeirra í lönd sín ef þau eru aðilar að þessum bandalögum.

 

Það er einnir rangt sem komið hefur fram að löglega kjörin forseti í Úkraínu hafi verið settur af í byltingu. Staðreyndin er sú að það margir af þingmönnum stjórnarflokkanna blöskraði framganga hans sem setti fullveldi landsins í hættu og hættu því að styðja stjórn hans. Stjórnin missti því þingmeirihluta sinn og því þurfti hún að fara frá. Slíkt gerist í öllum lýðræðisríkjum og er einfaldlega hluti af leikreglum lýðræðisins.

Við skulum ekki gera sömu mistökin og Chamberlain og hans skoðanabræður frá fjórða áratug síðustu aldar. Það verður að stoppa Rússa af og það strax í Úkraínu. Við skulum ekki vera svo barnaleg að halda að þeir láti staðar numið þar ef við einfaldlega látum þá komast upp með það.

 

Ef við spyrnum ekki strax  við fótunum þá erum við að setja í hættu það prinsipp að þjóðir hafi ekki rétt á að hernema aðrar þjóður að hluta til eða öllu leyti. Fyrir vopnlausa þjóð eins og okkur er þetta prinsipp mjög mikilvægt. Fullveldi okkar og sjálfstæði er í hættu ef það prinsipp brestur. Það eru því fáar þjóðir sem eiga eins mikið undir því að það prinsipp haldi eins og við. 

Það er þess vegna sem við eigum að taka fullan þátt í þessum viðskiptaþvíngunum gegn Rússum en ekki skorast undan og láta aðrar þjóðir bera kostnaðinn af þessari baráttu sem skiptir okkur svo miklu. Það að skorast unda er að fórna meiri hagsmunum fyrir minni til lengri tíma litið.

 

Það eina sem hægt er að gagnrýna þessar aðgerðir fyrir er sú hræsni sem felst í því að setja viðskiptabann á Rússa en ekki Ísraela. Ísraelar eru að gera sama hlutinn. Þeir eru að ræna landi annarra, hafa haldið heilli þjóð undir grimmilegu hernámi í áratugi og hafa allan tíman framið regluleg fjöldamorð á óbreyttum borgurum nú síðast í ágúst á síðasta ári. Það er löngu komin tími til álíka aðgerða gagnvart hinu grimma hernámsveldi Ísraela og nú er réttilega verið að framkvæma gagnvart Rússum.

[Ólafur Ragnarsson, 15.8.2015 kl. 16:29]

Sæll Sigurður og ég þakka innlitið og fróðlegan pistill. Ég er svona mismunandi sammála þér. En um eitt er ég algerlega sammála þér það er um Ísrael. Þar liggja leiðir okkar samstíga. En hvað um það sértu ávallt kært kvaddur